اقتباس:
المشاركة الأصلية كتبت بواسطة الوليد عمر
[align=right]
خدر
ليه يا خى حروفك حيَّة كده ؟
ليه بتصحَّى النايم ..؟
مااااالك مع الخدَر يا خِدِر ..
القلب تعبان
والشيل تقيل الشيل ..
مداميك البُنا المهدود ..
وياهم ذاتهم فى الليل مسانيد المشانق ..
لابدين فى حجر الرصاصة ..
ودبشق مخالتو الدم ..
مالك يا أخوى تساند فى كتف الغنا الميل ..
و تتخيِّل ..
غلبنا خيال ..
مزاجات بلاد ممكونة بالمحنة ..
ومقيلة فى السهلة ..
وياهم ذاتهم يا خدر يا أخوى ..
لا بسم الله ..
لا الحمد لله ..
ولادة لا لا ..
من الدموم رسموا البلد فى تربتوا ..
كتلوك وكان قاصدين ..
فى ذاتك ناس تانيين ..
الناس أم عرقاً يجهر ..
السرَّها يوم حيبين ..
مااااالك مع الخدَر يا خِدِر ..
مااااالك مع الخدَر يا خِدِر ..
يا خى أقولك ..
أكتب ساى ( الخدرانينلها شنو ) ...
أريتو الغُلب .. اليشُق القلب ..
أكتب يا أخوى
وأنا أريتو اليقرانى بلاء يخمنى ذاتو ..[/align]
|
آيا الوليد
كيفنك وأينك يا مواطن
(البندق المرفوع سوا
مافي أي ريح بتفرزعو)
عرفت هذا الصباح ياوليد أن الخالدي راح ، الحاصل شنو في الدنيا دي ياصاحب
البلاد تموت أغانيها ونحن لازلنا نحلم بدفء الأغنيات
أنا في غاية الهزيمة لالالا في منتصف الوحل أنا يا وليد
مرورك من هنا أسعدني للغاية يا صديقي