يا امير ..لحن الخميس

[3mk-Tango]

كنت تايه في بحور الشوق وامواج والحنان
قلبك انت وحبك انت جابني لي شاطي الامان
والمحبة يا حبيبة اقوي من قدر الزمان ..
يا امير الحسن ..

أداء / عصام محمد نور

[align=center][/align][media]http://sudaniyat.net/upload/uploading/amir al7osn.mp3[/media]

[رهف]

[align=center]يا أمير الحسن لو تسمح ظروفك

كل ساعة كل لحظة و كل يوم مشتاق اشوفك

****

من صحابك و من قرايبك يا حبيبى بغير عليك

و كل من قال يا حبيبى افتكرتو بشير اليك

و أى عاشق لو تغنى قلت لازم شاف عينيك

****

كنت تايه فى بحور الشوق و امواج الحنان

قلبك انت و حبك انت جابنى لى شاطئ الامان

و المحبة يا حبيبى أقوى من غدر الزمان

****

يحسدونى الناس فى حبى و كم عزول روج إشاعة

انت يا رب المحاسن و البراءة و الوداعة

باشارة من عيونك قلبى قال سمعا و طاعة

يا أمير..

[/align]




سلام..

و احترام..


يا الراقى..



و خميس عاد..و عدت معه بلحن..و صوت..

يؤنس أمسية من أماسى الغربة ..و يذكرنى بخميس.. ذى عطر..

من ماضى..

فى ليلة.. من ليالى بلادى..

كلمات و الحان..طرب ينسى الفرد جميع صفات الدنيا الا صفة واحدة..

و هى كونه انسان..


و أمير الحسن..

و ظروف..ان سمحت او لم تسمح..فى غربة سفر..او شاطئ أمان..نجدنا نستمع

اليها و نحن يقتلنا الحنين..و بنفس المنوال..

كل شيء يحمل بصمة وردى..يتخلل احساسى..و يدور بجزيئات رأسى..


و عصام محمد نور..

ما ذادها صوته ..الا رنه حيوية و نفحة عطر جديدة..




شكرا,

على هذا اللحن..الذى أحال رتابة الخميس..الى ذكرى حلوة..

فى حضرة وتر..و رنين.




رهف

[أبو خليفه]

[align=right]

تنقو ياحبيب
وإنت أمير الحسن
وناس مدني ديل أصلا مبدعين خلقه
تحيه للأستاذ وردي

تذكرني أمير الحسن بالشريط أول ماطلع
البروشورات بتاعتو كانت في كل مكان في الخرطوم أسم الشريط (أمير الحُسن) وصوره وردي عليه
فجاء واحد صاحبنا قال والله الليله في فنان طلع جديد إسمو (أمير الحسَن -بفتح الحاء-) يشبه وردي شبه شديد

خليك كده ياتنقو جميل وتحب الأجمل[/align]

[عبد الوهاب هنداوى]

تنقو يا لذيذ يا حليل الخمايس
ويا حليل الغنى السمح
ويا حليل ال.........................!!!!!!!
تسلم يا امير يا زول يا رايع
وفتك عوافى للخميس الجاى
بس عليك بالبدرية قبل زوال الشمس
..........................هنداوى

[3mk-Tango]

رهف .. الف تحيه وود

شكرا علي هذا الشلال الجارف من الذكريات

لصوت وردي سحره الخاص في تحريك الشجون كيف لا وهو الذي
عمل فينا سنوات ونقي العواطف بجميل الكلام ورونقة .. وهو الذي علمنا كيف
نحب وكيف نعيش بالحب وكيف نعيش حتي مع الجور والحرمان ..

احيانا نحتاج الي صوت مثل عصام ليلبس الكلمات ثوب جديد بدون ضرر علي بدن اللحن
والنغم .. وهنا يزداد التطريب وتزداد السلطنه ..

لك التقدير ولمرورك رونق العطر ..

[3mk-Tango]

ابوخليفة الحبوب تحية وتقدير ,,,

نعم اتذكر أمير الحسن والثورة النغمية التي احدثها وردي وامير الحسن
رغم ذلك اقول لك سرا عندما اسمع وردي افضل له القديم وبصوته القديم
رغم احترامي واعجابي للجديد والتجديد لكن هكذا نحن يظل القديم وسحرة
يجذبنا ..
مثلا .. اغاني سيد خليفة عندما يغنيها الموهوب ياسرعبدالوهاب تاثرني جدا
ولكن بعد سماع الاغنية منه اذهب مباشرة لسماعها من سيد خليفة وبتسجلات
القاهرة القديمة وصوت الكورس النسائي من خلفة .. ياله من احساس ..

تحيه لك ولود مدني الحبيبة وحاضنة الابداع ..

[3mk-Tango]

عبدالوهاب هندواي

سلامات يازول يا روقة

قلت لي من بدري ؟

الظاهر قص الشريط عندكم ببدا من المغرب ..
هنا ما عارف ببدا متين لكن بسأل ليك طارق الحسن
فهو خير من يفتي ... كيف يفتَي وطارق في الخبر ..

لك حبي