قهوة النشاط !

[تحفة حوا]

المشاركة الأصلية كتبت بواسطة ابو المجتبي

والله يا زول سؤالك صعب بالحيل
لكن لو راسي اتعدل بوريك انا مع منو لكن في كل الاحوال انا ما فهمت كيمانك دي
كدي افرزها لي وانا بقول ليك

يعني انت في صفنا نحنا السودانيات مع العلم انو المنتدى دا كلو اسمو سودانيات ودا معناهو اما انو منتدانا والرجال ديل جونا زيارة لي معزتم لينا أو حقهم هم وبرضو لي معزتم لينا سموهو بي اسمنا (سودانيات )
ولا في صف ناس أبو أماني الي مرة معانا ومرة علينا
ولا في صف المنتقدين المرأة في كل شي ومعتبرنها مرقتم من الجنة وديل طبعا علينا :D

[عمر كبير]

المشاركة الأصلية كتبت بواسطة تحفة حوا

يعني انت في صفنا نحنا السودانيات مع العلم انو المنتدى دا كلو اسمو سودانيات ودا معناهو اما انو منتدانا والرجال ديل جونا زيارة لي معزتم لينا أو حقهم هم وبرضو لي معزتم لينا سموهو بي اسمنا (سودانيات )
ولا في صف ناس أبو أماني الي مرة معانا ومرة علينا
ولا في صف المنتقدين المرأة في كل شي ومعتبرنها مرقتم من الجنة وديل طبعا علينا :D

يا اخت اولا حمد الله علي سلامة المعرفة
انا والله فاكرك راجل عدييييييييييل بي اسمك ده لكن وكت مرقتي من الجنس اللطيف اها النوريك رائي
نحن بلاكم تب ما باقيين
وانتو برانا ماكم باقين
المسألة انا اراها تكاملية
وسودانيات دي مسعولة من الخير المقصود بيها البنات في المنتدي ولا المواضيع المطروحة .
علي كل ما اختلفنا معاكم والله ما جاب اختلاف
لكن مرة مرة كدي بنشاقق واكان شاققنا اعذرونا
حبابك الف

[شبارقة]

[align=justify]يا ناس القهوة جيناكم وهاكم قصة الحب الحزينة دي :



عندما كان صغيرا ً أحبها من كل قلبه لانها كانت «جميلة ولذيذة وحلوة»












وعندما شب وكبر إزداد حبه لها بالرغم من المضايقات التي كانت تسببها له!
















وعندما بلغ الأربعين نصحه الاطباء بالابتعاد عنها لانها تسبب له «الحيرقان» فابتعد عن «سلطة الأسْوَد» ولم يعد يحبها [/align]

[شبارقة]

[align=justify]أحسن طريقة لتجعل إمرأة تغير رأيها هو أن توافق أنت عليه

الشيطان أستاذ الرجل وتلميذ المرأة

آخر ما يموت في الرجل قلبه وفي المرأة لسانها


إذا أخفق الشيطان فى التسرب الى مكان ما أوفد إليه إمرأة

[/align]

[أبو أماني]

[frame="7 90"]

المشاركة الأصلية كتبت بواسطة شبارقة

[align=justify]أحسن طريقة لتجعل إمرأة تغير رأيها هو أن توافق أنت عليه

الشيطان أستاذ الرجل وتلميذ المرأة

آخر ما يموت في الرجل قلبه وفي المرأة لسانها


إذا أخفق الشيطان فى التسرب الى مكان ما أوفد إليه إمرأة

ثق بزوجتك ما دام أمك تراقبها [/align]

[/frame]

وين إنت يا فرده؟ .. تصور كت واقف براي خاتي قلبي في إيدي أتلفت جاي وأتلفت جاي وما قادر أدخل براي خائف تجيني عصابة مافيا نسائية اسمها (شنكبة عنكبة) بعيد عنك ..والأب الروحي إرهابي يدعى الدون أمال لاندن..اليومين ديل بحمد الله مشغول عننا بشنو ما عارف الله يسهل ليو لكين كان قبل علينا..عيييييك..أسكت ساكت ..بتجي معاه قوات لوجيستية.. وبالمناسبة يا شبارقة إتا لوجيستية دي يعني شنو؟.. جابتها لينا النصيبة البقولولها أمال دي وأنا وحاتك يا غالي ماني عارف معناها .. بس سردبت وعملت ليك فيها ناقشها ..عليك الله كان ما طلعت مسطح زيي كده رسل لي معناها في الخاص..وما تكلم الجماعة ديل أصلو ناسك ديل جنهم شمارات هسع يطلعوني جاهل وما عارف أنواع الأسلحة النووية! كمان أحذرك التنظيم الإرهابي النسائي ده عنده أساليب (لوجيستية) "شايف ؟؟ ما قلت ليك عارفها؟! وما تغيب عن فطنتك اليومين ديل شايفهم زارعين لينا في القهوة أعضاء جداد .. كاك في عينك .. جداد .. يعني جديدين! وأنا شاكي فيهم يكونوا بتاعين أمن .. أعمل حسابك ..
عموما تقديرا لمساهمتك الظريفة الفوق دي .. أساهم بالتالي :-
* كبارنا قالوا .. المرأة كان فأس ما بتكسر الرأس ..( أمال..! المساواه كيييييف؟؟)
* دهاء المرأة حيير الشيطان .. فهي تطارد الرجل طول عمرها بحيث تتم المطاردة وهي دوما تترك الرجل يلهث وراءها ..!!!.
* جدي الله يرحمه : قال لي : ما تدي .. مرتك .. سرك ..!!
* وحبوبتي الله يرحمها : (ولاحظ إنها إمرأة!) قالت لي أكبر عدو للرجل مرته!
* كان الخطيب يتحدث عن معاناة الرجال من زوجاتهم .. وفي الختام قال للجالسين المعذباه مرته ومنكده عليه حياته يقيف .. وكانت الدهشة أن الجميع وقفوا ما عدى واحد فأستبشر الخطيب خيرا وجاء إليه متمتما .. والله الدنيا لسع بخيرها .. أهو واحد ما وقف فرد عليه الجالس .. ما وقفت لأنها كسرتني تب وما قادر أقيف ..
* العزيزات ..مجن .. قمر دورين .. منال .. أمال .. هيام .. نجفة سارة وكل حسان سودانيات هديتي إليكن .. (( )) كدي يا بنات عمي قولن بسم الله وختن الرحمن في قلبكن .. تلاتة طلقات شنو؟؟ ديل تلاتة أيقونات زييكم كده ...تشاوووو

[rubs]

المشاركة الأصلية كتبت بواسطة أبو أماني

والله يا أختي قبال نرحب بيكي نوريكي حقيقة هامة.. قهوتنا دي بساطها أحمدي وما فينا زول جديد ولا جاي أمبارح .. أهو عندك ناس الأقاليم ديل ناس شبارقة وقيقا وعادل عسوم وحتى العزيز كانديك ظاااطو .. كلهم جونا بشنطهم اللت الحديد الفوقها كرضمات بفوق وطابلنها بطبلة نص كيلو كده .. وحتى من الجنس اللطيف جاتنا قبال تسافر لندن العزيزة أمال ونزلت في قهوتنا دي يجي سبعة يوم على بال ماجهزولا البظابورطي وطلعوا ليها التصاكر حقت الطيارة .. وسمع أضاني دي (منال) لأنها بت الخرتوم قعدت تحنس فيها يجي ساعة عشان تخلي الصرة اللت الهدوم هني وتشتريلها شنطة اللت صمصونايط ، دحين يا أختي خليك من البروتوكولات بتاعت نحن جداد! وإنتو سواسيو دي وأدخلي في الجماعة شمال وأعملي ليهم فيها مفتتتتحة.. وداهنة الهواء دوكو..وخلي الباقي على أخوك ولا هو (عمك) أبو أماني " البين قوسين دي ختيتها عشان قيقا لأني حسيت بيو لمن قلت أخوك أخد لو نطة" عمى كباسا إنشاء الله ! وصدقيني يمين أجييهم ليك جنس جيهة .. كدي جري البمبر ده أقعدي فيو .. الجماعة أسع بيجوا .. ياسمين .. ياسمين ..! يا أخواني البت دي طفشت وين؟ .. تعالي جاي قدمي لأختك فنجان قهوة كارب على بال قوات التحالف تصل ... باي ...

هاهاهاهاها والله لو عارفين مصارينى اتقطعت بى الضحك انا لى زى كم سنه ما ضحكته قدر الايام دى وربنا اجعلها دايمه .. اها اولان بى التبادى النقولكم ان منو انا رووب ما روب والsلملكيه وكدا يعنى ما تتشالقو وتنطوقونى غلط والله ما جاب الغلط يا ظوراف ويا لوطاف ( طبعا دى ملحسه عشان ما تقبلو على ) وتانى نرجع للموضوع بالغت يا ابو امانى والله اسعدك لانك غيرته مودى وبقيت برجع البيت ومن ما كترت ما مبسوطه اتبسم براى كل ما اذكر موقف من مواقفك .. اجى البت ياسمين مالها ما جابت البارد عاد بعد الضحك دا ما بتواجبو ...

[rubs]

شنو بديت تزعلنا منك احنا ماصدقنا لقينا واحد اسر القلب منكم كمان عملتها لينا جداد بفتح الجيم وضم الجيم اها رايك شنو انيحنا كمان بنعتبرك جديد لينا اكان عجبك وكان على ضيافتك اخير تخليها بعد تعمل لينا فيش وتشبيه

[عمر كبير]

المشاركة الأصلية كتبت بواسطة rubs

شنو بديت تزعلنا منك احنا ماصدقنا لقينا واحد اسر القلب منكم كمان عملتها لينا جداد بفتح الجيم وضم الجيم اها رايك شنو انيحنا كمان بنعتبرك جديد لينا اكان عجبك وكان على ضيافتك اخير تخليها بعد تعمل لينا فيش وتشبيه

والله يا ناس راس السوط وصلنا من كلامكم الفوق ده
نحن جداد ومن كاب الجداد زااااااتو كمان لكن في حتات كدي ما عاوزين نخش فيها
ولو في خيوط تلآمر بقيادة ناس جداد بأي تشكيل ضم ولا كسر نحن ح نطوع معاهم عشان جنس الكلام ده
لكم المحبة اجمعين

[أبو أماني]

المشاركة الأصلية كتبت بواسطة ابو المجتبي

سلام وعوافي
يا ناس القهوة
والله اخوكم جديد لنج
وقلنا نخش نشوف قبل ما شفنا شمينا ريحة القلوة
اها قلت اخد لي فنجان فنجانين واشوف البلد فيها شنو
ناولونا فنجان يا محسنين القرياف رامينا تب وجايب ليه زغللة عيون
لكم التحية ايها الرائعون وانتم تدعوننا للحوار والتثاقف في هذا الزمن الاشتر
مليون سلام

أبو المجتبى حبابك واليوم السعيد لسودانيات جابك .. تعال يا الخزين قلت من بري ؟.. يعني طلعنا بلديات .. الكع ادني التفاصيل .. جائز نطلع قرايب ونلقى لينا نصيب في الميراث .. يا بت ..يا سوسن..(وكبعض الأمات المتحنكشات وما عارفاتنلو).. يا بت سوسو .. ياربي مشت وين؟ خليها تجي تصب ليها فنجان قهوة كارب لعمها أبو مجتبى ده .. وعشان الونسة تحللو !.. أحذرك من اسع .. الجنس الظريف اللاقيتهن أسع ديل يعتبروا أظرف بنات حواء في المنتدي .. بس عندنا جنس (آخر!) شي مدرعات بشرية شئ راجمات صواريخ .. شئ منصات .. غايتو كان لموها فيك ناس لوجيستيك وناس شنكبة عنكبة .. أنا ما بعرفكش يا خويا ..

[تحفة حوا]

المشاركة الأصلية كتبت بواسطة ابو المجتبي

يا اخت اولا حمد الله علي سلامة المعرفة
انا والله فاكرك راجل عدييييييييييل بي اسمك ده لكن وكت مرقتي من الجنس اللطيف اها النوريك رائي
نحن بلاكم تب ما باقيين
وانتو برانا ماكم باقين
المسألة انا اراها تكاملية
وسودانيات دي مسعولة من الخير المقصود بيها البنات في المنتدي ولا المواضيع المطروحة .
علي كل ما اختلفنا معاكم والله ما جاب اختلاف
لكن مرة مرة كدي بنشاقق واكان شاققنا اعذرونا
حبابك الف

اريتني كان كنت عارفة كدا كان واصلت ليكم في الدور ومقلبتكم (جاسوسة وكدا )
بعدين كل الرجال افتكروني راجل زيهم وكل النسوان عرفني منهن . ما عارفة السر شنو
وعجبني اسمي عشان عمل ليكم اللخبطة دي دي ابتسامة ماكرة وشماتة وكدا
بس ريحتني بي موقفك الحيادي والشبه انحيازي لينا وتب ما بتندم وانت في كتاباتك نصير للمرأة الله يخليك لينا . وبرضو ناس أبو أماني وشبارقة الله يخليهم لينا عشان نناكفم كدا ويبقوا زي زولك الغلبتو القومة
والحالة قايدتنا مافي بس أنا وياسمين وrubs بنكفي ونوفي
ونتمنى لك عودا أحمدا يا امال

[تحفة حوا]

المشاركة الأصلية كتبت بواسطة شبارقة

[align=justify]أحسن طريقة لتجعل إمرأة تغير رأيها هو أن توافق أنت عليه

الشيطان أستاذ الرجل وتلميذ المرأة

آخر ما يموت في الرجل قلبه وفي المرأة لسانها


إذا أخفق الشيطان فى التسرب الى مكان ما أوفد إليه إمرأة

[/align]

غايتو يا شبارقة نوعك دا يكون النوع البتكبكب كبكبة لي حكومتو وجايب ليك كلمتين من وين ما عارفة عشان تغش ناس أبو أماني ديل
وشكرا ليك يا نصير المرأة بالدس

[أبو أماني]

المشاركة الأصلية كتبت بواسطة ياسمين

عايزها مرة أو حلوة

طيب هاك




نسيت ما اقول ليك
اهلا وسهلا بيك فى سودانيات

يا أخي ترحيبك بأبو مجتبي روعة وأروع ما فيه فنجان الكبتشينو الكارب ده وصدقيني لو أم أماني تعمل لي جنس الحاجات الظريفة دي لو أحتكمت على مية مليار دولار وقابلت فينوس السودانية ما بعرس فوقها .. وأكتم الحسرة في صدري وأقطعوا في السوداء عشان خاطر عيون أم أماني .. المصيبة يا سوسن إنتن ما كن عارفات مقداركن عندنا وما بتحاولن تعملن شوية رتوش وديكورات لأزواجكن لكسر روتين الحياة الزوجية الممل الرتيب .. أديك مثل بسيط كم وعشرين سنة معاها .. يعني كم وعشرين عيد ميلاد لي مر بينا .. تصدقي عندي 3 هدايا بس منها لحدي دلوقت .. يعني الثلاثة سنين الأولي من الزواج (وأنا ما حصل نسيت عيد ميلادها!) باقي السنين معظمها (قدومين واحد بي جاي وواحد بي جاي) وبسمة عريضة .. ومكنة إستاندرد زي مثلا .. فتشت السوق كله ما لقيت لي هدية تليق بعظمة المناسبة !!.. شحدت ربي عليكن العضمة التقيف ليكن في زوركن يا بنات حواء..يا المدقسات رجالكن بحديثكن الزي العسل ولسانكن البقطر شهد لكين برضو .. ها تروحوا من ربنا فيييين ؟؟؟

[تحفة حوا]

المشاركة الأصلية كتبت بواسطة rubs

شنو بديت تزعلنا منك احنا ماصدقنا لقينا واحد اسر القلب منكم كمان عملتها لينا جداد بفتح الجيم وضم الجيم اها رايك شنو انيحنا كمان بنعتبرك جديد لينا اكان عجبك وكان على ضيافتك اخير تخليها بعد تعمل لينا فيش وتشبيه

شوفتي يا rubs يا اختي حسي كان زوجاتم ولا بناتم بي جاي كانو جرو واطي زمان
عالم جبانات بي شكل .
ما تشوفو أبو المجتبى وكلامو الكلو حكم واحنا موافقين عليهو (ما انتو تحفتنا ونحن تحفتكم ) وما بنستغنى عنكم وانتو الأصل وربنا خلقنا لي ونستكم من الوحدة الكان عايش فيها ادم ولكل شئ حكمة
والشيطان عدو للمرأة والرجل على حد سواء

[عادل عسوم]

[align=center][/align]

[شبارقة]

المشاركة الأصلية كتبت بواسطة تحفة حوا

غايتو يا شبارقة نوعك دا يكون النوع البتكبكب كبكبة لي حكومتو وجايب ليك كلمتين من وين ما عارفة عشان تغش ناس أبو أماني ديل
وشكرا ليك يا نصير المرأة بالدس

[align=justify]
طالما كشفتوني ... أها نديكم حاجة كدة تتطيب الخاطر من عمائل ناس أبو أماني ده وجماعتو ..

قالوا : إذا أردت أن تتخذ فتاة من الفتيات زوجة لك.. فكن لها أبا ً وأما ً وأخا ً .. لأن التي تترك أباها وأمها وأخوتها لكي تتبعك ... يكون من حقها عليك أن تري فيك رأفة الأب .. وحنان الأم .. ورفق الأخ..[/align]