قهوة النشاط !

[بابكر مخير]

بالله كل ما أجي ماش جمب البوست دآ؟؟
أجرجر كرعيا بي كسل وأكب الزوغة،،
ما ليا زمن أقراهو "قهوة النُشاط"..
أقول يا بابكر، تدخل الناس الهنا ديل كلهم نشيطين،
شباب وحيوية...
قلتا أتاوق، أشوف النُشاط ديل كيفنهم،،
لقيت؟؟
عمدتنا ود الطاهر منطرح ليهو في هبابي،،
دعكتا النضارة في الأول وبعدين عيوني،،
إتوكدتا المنظر وخلسة (الكلمة دي جات ناطة، كدآ وهي عاجباني من زمان كايس المناسبة الأقولها فيها) مديت رأسي،،
لقيت الناس كلها قاعدة، وتتونس،،،،
طيب دآ ما نشاط،،،
دآ الياهو مجالي،،،
ركلسة وطق حنك....
وشايف الناس الجداد (الجديدين) على الأرائك والكنبات والكراسي الفوتيلات،،،،
طيب يا أبو أماني،،
في لينا طريقة في قهوتكم دي؟؟؟؟

[تحفة حوا]

المشاركة الأصلية كتبت بواسطة أبو أماني

.. شحدت ربي عليكن العضمة التقيف ليكن في زوركن يا بنات حواء..يا المدقسات رجالكن بحديثكن الزي العسل ولسانكن البقطر شهد لكين برضو .. ها تروحوا من ربنا فيييين ؟؟؟

بالغت لاكن يا أبو أماني نحنا ندعوليكم بي طولة العمر وانتو دي دعواتكم .والله ألمرأة لو شاكلا زوجها ومرق تدعو ليهو بالخير والسلامة
ما تبقوا حاقدين علينا كدا
مرة في راجل وزوجتو اتخاصموا ووصلوا لي حد المحاكم ويوم المحكمة الراجل وقف ومن عينيه يتطاير الشرر عشان يشكي الزوجة للقاضي
وهي ياحليلا قالت ليهو ليه شبشبك دا ما نضفتو وعمتك دي ما لفيتا كويس
ابتسم الزوج فما كان من القاضي الا ان صرفهما ولغى الدعوة

[شبارقة]

المشاركة الأصلية كتبت بواسطة أبو أماني

باقي السنين معظمها (قدومين واحد بي جاي وواحد بي جاي)

[align=justify]بالله شوفو كلام الراجل ده ...مش كفاية صابرة عليك العمر كلو ... كويس الما أدوك برطوشين واحد بي جاي وواحد بي جاي [/align]

[تحفة حوا]

المشاركة الأصلية كتبت بواسطة عادل عسوم

[align=center][/align]

عادل عسوم ضحكتني وقطعت قلبي وبردت علي كلام أبو أماني
بس اكيد جيري هو الزوجة تعبانة وشقيانة في شغل البيت وتوم متربص بيها أقصدالزوج
حلوة والله وعلى قولتكم ملعوبة

[تحفة حوا]

المشاركة الأصلية كتبت بواسطة شبارقة

[align=justify]
طالما كشفتوني ... أها نديكم حاجة كدة تتطيب الخاطر من عمائل ناس أبو أماني ده وجماعتو ..

قالوا : إذا أردت أن تتخذ فتاة من الفتيات زوجة لك.. فكن لها أبا ً وأما ً وأخا ً .. لأن التي تترك أباها وأمها وأخوتها لكي تتبعك ... يكون من حقها عليك أن تري فيك رأفة الأب .. وحنان الأم .. ورفق الأخ..[/align]

أيوة كدا يا شبارقة ربنا لا يحرمكم من بعض
ما هو الحنان دا البخلي الزوجة مهما كانت قوية تجر واطي
ودي نصيحة ليكم أدو زوجايكم شوية حنان واهتمام وأبعدو عن دعوات أبوأماني دي

[أبو أماني]

[frame="7 90"]

المشاركة الأصلية كتبت بواسطة شبارقة

[align=justify]يا ناس القهوة جيناكم وهاكم قصة الحب الحزينة دي :

عندما كان صغيرا ً أحبها من كل قلبه لانها كانت «جميلة ولذيذة وحلوة»

وعندما شب وكبر إزداد حبه لها بالرغم من المضايقات التي كانت تسببها له!
وعندما بلغ الأربعين نصحه الاطباء بالابتعاد عنها لانها تسبب له «الحيرقان» فابتعد عن «سلطة الأسْوَد» ولم يعد يحبها [/align]

[/frame]

واضح يا شبارقة حتكون كوبل رائع معاي وحتشيل عادل عسوم في كنبة الإحتياطي أها هاك دي ...
طبعا أخوكم أبو أماني الله يسامحه فاكيها في نفسو وعامل فيها صحافي وبكتب في عدة صحف .. وفي المنتديات الثقافية ورغم أعترافي التام بتواضع قدراتي في هذا المجال مقارنة بأشاوس لا يشق لهم غبار إلا أنه ولحكمة يعلمها واحد أحد .. صار لي (بعض) المعجبين من الجنسين وكسائر أبناء آدم كان إهتمامي جله منصب في الجنس اللطيف منهم .. وطالما جاءتني مكالمات أتوق لها والعسكري جمبي .. وطالما دخلت تعرضت لتحقيقات تخلى اليدين يعرقن والحلق ينشف والقلب يسوي في الجب جب.. وربكم رب الخير أطلع منها بشق الأنفس .. المهم اليوم داك وواحدة شابة حليوونة لذيذوونة مكسرة جد في زولكم .. وقدر ما حنستها تراعي فرق السن .. عركت إيدها في الحصاء وقالت لي ما مهم !.. بيني وبينكم إبليس ما غاب من زول .. أقنعت نفسي أجاريها بحجة أن لا أجرح شعورها .. وتبادلنا رسائل موبايل قصيرة .. جعلتني أسقط حوالي عشرين سنة من عمري .. إلى أن جاءتني منها رسالة في ذاك اليوم وكنت مع (العسكري) وشلت الموبايل وقلت ماشي الحمام .. وفي الحمام فتحت الرسائل وقراءت الرسالة التالية:-






أحبــك






أموت فيك






الحياة .. من غيرك






عدم ....






(كلام من صعيدي مغترب بيغازل في الدولار) !!

[أبو أماني]

المشاركة الأصلية كتبت بواسطة بابكر مخير

بالله كل ما أجي ماش جمب البوست دآ؟؟
أجرجر كرعيا بي كسل وأكب الزوغة،،
ما ليا زمن أقراهو "قهوة النُشاط"..
أقول يا بابكر، تدخل الناس الهنا ديل كلهم نشيطين،
شباب وحيوية...
قلتا أتاوق، أشوف النُشاط ديل كيفنهم،،
لقيت؟؟
عمدتنا ود الطاهر منطرح ليهو في هبابي،،
دعكتا النضارة في الأول وبعدين عيوني،،
إتوكدتا المنظر وخلسة (الكلمة دي جات ناطة، كدآ وهي عاجباني من زمان كايس المناسبة الأقولها فيها) مديت رأسي،،
لقيت الناس كلها قاعدة، وتتونس،،،،
طيب دآ ما نشاط،،،
دآ الياهو مجالي،،،
ركلسة وطق حنك....
وشايف الناس الجداد (الجديدين) على الأرائك والكنبات والكراسي الفوتيلات،،،،
طيب يا أبو أماني،،
في لينا طريقة في قهوتكم دي؟؟؟؟

والله وماليك عليا حلفان .. يا الحبيب الفنان .. من ما فتحنا القهوة وأنا كل يوم بجي سودانيات أمنى نفسي القي ود محير .. قاعد لوفوق بمبر ومحكر وقدامه قهوة كااااربة من غير سكر .. لانه السكر بإختصار خارج الفنجان وحوالين المكان.. وقاعد يسمع في الذ كلام من أظرف خلق الله كلهموا .. والحكمة كراعك الخدرا دي كان جرت لينا معاها الفطاحل ولن أقول الجلاكين.. لآننا كلنا (لا أستثني أحدا) شباب تمام وقول ليهم أبو أماني بيرحب بيكم في القهوة ولأنها قهوة نشاط أسم على مسمى .. أزيدكم من الشعر بيت شغال لي في شركة دواء وعندنا كل مضادات الكسل والعجز والعجز(العين الأولى مفتوحة والتانية مضمومة) والجيمين فوقهن شدة .. أها تاااني عندكم كلام؟.. وأهمس ليك في أضانك .. ما تشوف كبكبة ناس عادل عسوم وشليل وشبارقة وقيقا البعملوا فوقها دي .. عيلا .. مستفيدين!.. عاملين معاي (هوط لاين) في مسائل .. (فايتال)!!!
يعني شنو؟؟ بري .. يخربني ما بعرف ..

يلا يا الحبيب .. ضوي مجلسنا وأبهج مقهانا بحضورك الأنيق .. وجيب الرفاق..

[بابكر مخير]

المشاركة الأصلية كتبت بواسطة أبو أماني

أزيدكم من الشعر بيت شغال لي في شركة دواء وعندنا كل مضادات

قال ليك يابا:
شهرن ما ليك فيهو نفقة!!
ما تعد أيامو...
إن شاء الله تكون مدير ولا صاحب شركة

[align=center][frame="6 80"]فايزر إنترناشنوال[/frame][/align]

كلامك دآ ما بهز فينا، طرفة عين (دي برضها من الكلمات ذات الوقع عندي، والله يا زول بقيت ليك بس طرفة بن العبد "لله")..
خليك مع أصحاب المصلحة، إخيانك الذكرتهم ديلا....
لاحظ لون الكتابة، على غير اللون المستعمل دوما، من إندينا....

[بابكر مخير]

المشاركة الأصلية كتبت بواسطة أبو أماني

.. وجيب الرفاق..

يا حبيب
وبنقولها الحبيب
لمن مسخناها تب،
أنا ناسي ما الرفاق،
ورفقن بيك،
لو جبيتهم،
ظنيتو قهوتك دي،،،
بتعدم السفة (الصعوط، التمباك) ما ناسي بقولو ليها البتابا،،
زمان كان سيدي الخليفة أتقول بيقطع فيها الرقبة عديييييل،،،
طبعن نسابتنا ولاد جعل دي كانت وحدة من أسباب التكجينة ليهو...
...
1976 كان المثل السائد؛
يحلنا الحلآ بله،،
آها لمن أهلنا جم العاصمة، الجماعة ضجو،،
فكان بتقال؛
إحنا ترانا كدي، إن جاكم بله،،،
كان سويتو شنهو!!!!
...

إلا بمناسبة هي قهوة،،
في رفاقة تانيين،،
الخوف برضو إن رافقوني،،،
إلا في زولات كتيييييييييييييييييير!!!
بضجو
ليك الشكر في تقبلني في قهوتك،،
وبننشطو نجيبو الرفقاه...
سفو سفتكم..
وديكا؟؟؟؟؟
بيجو يكوبو لينا القهوة،،
سسسسسسسسسسسسسسسسسسسسسسساكت


رجعنا لي الأخضر، ما سبب تغيير اللون،
إستنفد لزومو

[عمر كبير]

المشاركة الأصلية كتبت بواسطة أبو أماني

أبو المجتبى حبابك واليوم السعيد لسودانيات جابك .. تعال يا الخزين قلت من بري ؟.. يعني طلعنا بلديات .. الكع ادني التفاصيل .. جائز نطلع قرايب ونلقى لينا نصيب في الميراث .. يا بت ..يا سوسن..(وكبعض الأمات المتحنكشات وما عارفاتنلو).. يا بت سوسو .. ياربي مشت وين؟ خليها تجي تصب ليها فنجان قهوة كارب لعمها أبو مجتبى ده .. وعشان الونسة تحللو !.. أحذرك من اسع .. الجنس الظريف اللاقيتهن أسع ديل يعتبروا أظرف بنات حواء في المنتدي .. بس عندنا جنس (آخر!) شي مدرعات بشرية شئ راجمات صواريخ .. شئ منصات .. غايتو كان لموها فيك ناس لوجيستيك وناس شنكبة عنكبة .. أنا ما بعرفكش يا خويا ..

حبابك الف ابو اماني
وحباب اهلك
يا زول بري دي درايسة واكان عندك ميراث معانا حبابك الف
ولو ما عندك نقسم ليك ميراثي
اصلو الجار اكان ما الجماعة ساكت بقو عوجان كان ورثوه ( حتي ظننت انه سيورثه)
اها ادينا عقابك وين
قبل ما ننعدل في الكلام
ووصيتك دي محتاجة شورة شورتين كدي
لانو زي ما قلت في لطيف وفي حاملات صواريخ فعلينا بالتحري
وربنا يديم اللطيف وظريف
كبي يا بنية القهوة النشوف الحساب

[عادل عسوم]

[align=center][/align]
[align=center][/align]

[سارة]

ايها المتقوهجون والمتقهوجات جوداد وقودام

كعربون محبة للفريقين اهديكم

هذه الشهادة من رجل( )

أشهد أن لا امرأة
اتقنت اللعبة إلا أنت
واحتملت حماقتي عشرة أعواماً
كما احتملت

ورتبت دفاتري
وقلمت اظافري
وأدخلتني روضة الأطفال
إلا أنت

أشهد أن لا امرأة تجتاحني
فى لحظات العشق كالزلزال
تحرقني
تغرقني
تشعلني
تطفئني
تكسرني نصفين كالهلال
وتحتل نفسي أطول احتلال
واجمل احتلال
إلا أنت

يا امرأة أعطتني الحب
بمنتهى الحضارة
وحاورتني مثلما تحاور القيثارة
تطير كالحمامة البيضاء فى فكري
إذا فكرت
تخرج كالعصفور من حقيبتي
إذا أنا سافرت
تلبسني كمعطف عليها
فى الصيف والشتاء

أيتها الشفافة اللماحة
العادلة الجميلة
أيتها الشهية البهية
الدائمة الطفولة

أشهد أن لا امرأة
على محيط خصرها
تجتمع العصور
وألف ألف كوكب يدور

أشهد أن لا امرأة غيرك يا حبيبتي
على ذراعيها تربى
أول الذكور
وآخر الذكور
إلا أنت


ثانيا اخاطب محور الممانعة او القائمة السوداء والتى يتأبط شرا فيها شبارقة وابو امانى

ومن سار على خطاهم ... يجب ان ترفعوا الراية البيضا والا والله هأهريكم

اعتبروها تهديد اعتبروها رجالة زى ما تحبوا


والى الزوار الجدد من لم يكن معنا فهو ضدنا وهنا ساتخصص فيكم

يعنى يا انا يا انتو وبدل الحكاية كانت اسواق على الحرام نعملها ليكم كرتلة

[سارة]

المشاركة الأصلية كتبت بواسطة عادل عسوم

[align=center][/align]
[align=center][/align]

ينصر ديك يا استاذ خليييييييييييييييفة

[عادل عسوم]

[align=center][/align]
[align=center](صورة حصرية)
أبو أماني وأم أماني[/align]

[تحفة حوا]

يا سارة يا عسل
عليك الله دي حالة دي
حسي لو نذار قباني كان حي ودخل البوست دا ما كان انتحر ولا جاتو جلطة
ماحقو نحنا نبيعم (وبي كلامم دا البشتريهم منو ) ونشتري بدلم لبنانيين