هل هناك متسع للضحكة والابتسامة ؟؟؟

[Garcia]

البائع: حتى هو طممتو بطنه

- حلوة يا اسماء ودى اول مرة اسمعها

[منعم ابراهيم]

ياسلااااااام ياشباب

شكرا ياقارسيا علي هذه الاستراحة الرائعة
والله عيوني مليانات دموع من الضحك ....باقي لي كنا محظورين منو زمن والمدام كمان

والدهشة في عيون الوليدات



ود نكتة حقيقية يعني حصلت بس انا ما بعر ف للاخراج زيك ياجقجق...


أول ماجات حكومة الانقاذ دي في واحد اسمو شريف قام انفعل ليك معاها ...وبقي متابع ليك الاخبار
عشان يجي يدشها في" قهوة البرش " دي قهوة شهيرة في كسلا سوق غرب القاش ..

بعدين في واحد تاني اسمو "عجيل " ماركسي قديم ...وطوالي يخش ليك في نقاش ساخر مع شريف ...

بعدين في يوم من الايام ...عجيل قاعد في البرش ....قام شاف ليك شريف جاي من بعيد ...قام ناداهو

قاليهو :

- تعرف ياشريف .... البارح في زول قال لي قصيدة صغيرة كده ..لكن بس في
كلمة نسيته ومن الصباح بحاول ازكرا....

شريف قاليهو :

- كدي قول القصيدة ..!!

عجيل:

--- حيكومة جننتينا... حيكومة بهدلتينا .....حيكومة ينعل....(وقام سكت)

قام شريف رد باستنكار :

- دينا ....!!؟

هزَ عجيل رأسو بهدوء ساخر ....نافيا استنتاج شريف

رد شريف بانفعال بالغ:

- والله ياها.....والله ياها

[منعم ابراهيم]

جعلي عندو لوري .......العيد قرب ....شحن بصل من كسلا للخرطوم ..مستعجل عايز يحصل العيد مع الاولاد في البلد

في الصينية بتاعت الحركة اللساتك الخلفية طلعت فيها مع الملف...بتاع الحركة شايقي...ضرب صفارة وراح موقف الراجل....الجعلي طوالي مرق جزلانو ....وراح مطلع تلاتة الف جنيه لزوم المخارجة ...مداهن للشايقي ..وقام قاليهو

- قدر شليخاتك ( تريَقة منو)

قام الشايقي قاليهو:

-- انت قايل جضم واحد يحلك

[Garcia]

رد شريف بانفعال بالغ:

- والله ياها.....والله ياها

الاخ منعم مرحب بيك ومنور انت والمدام ...
وجقجق طبعا مخرج بارع فى القاء وكتابة النكتة ..

وبمناسبة بتاع الحركة دة , دى نكتة قديمة يمكن تكون سمعتها ..
عسكرى من ناس حركة المرور مفلس والدنيا آخر شهر , وقف بتاع لورى فى الشارع ..
- لو سمحت ورق العربية , الرخصة , شغل الاشارات ... الخ
وحين وجد كل الاوراق سليمة , ومافى طريقة اطلع منو حاجة نظر لسواق اللورى وقال له :
- ما عندك قربة ليه ؟؟؟

ولكم كل الود والتحية ..

[محمد ابراهيم قرض]

هذا ما نحتاج له يا قارسيا ..
جو الفرفشة و المرح و النكات ...
واصل يا راجل يا حلو !!!

[منعم ابراهيم]

ما عندك قربة ليه

خطيرة لكن


واحد مشي حجة وزوقة ...بعدين لقا واحد من ناس الخفجي ساقو معاهو لزوم كفيل وكدة...

وداهو مكان 10 سنوات مارجع السودان ...وما شاف فيها سوداني ...سارح بي غنمو بس...

اها ...قال لي كفيلو اديني حقي انا ماشي البلد ....اها من مكانو داك وقال يعمل "عمرة "ويرجع السودان


طايف في الكعبة ....شاف سوداني ساجد في الحجر الاسود...بعد ماخلص من الطواف مشي قعد منتظر السوداني عشان يسلم عليهو.....لما السوداني سجدتو طولت ...قال في نفسو الزول ده بكون حصلت ليهو حاجة...راح واقف قريب منو....

لقا ه ...ساجد وبقول:

-- يالله تديني موت الجمعه....يالله تديني موت الجمعة....شغال يكرر ساكت....


قام قاليهو:

--- الجمعة الفي وشينا دي؟
رد السوداني بي خوف بالغ:

- لا...لا...لا...(افتكر المولي رد عليهو)

[Garcia]

هذا ما نحتاج له يا قارسيا ..
جو الفرفشة و المرح و النكات ...
واصل يا راجل يا حلو !!!

العزيز قرض
نعلم ان الحزن يسكن فى الاعماق ...
فنستعين قليلا باصحاب الفيل عسى ان
ننسى بعض تلك الغيمة السوداء ..
تحية لك ولمرورك ...
وسلامى لريتا

[Garcia]

قام قاليهو:

--- الجمعة الفي وشينا دي؟
رد السوداني بي خوف بالغ:

- لا...لا...لا...(افتكر المولي رد عليهو)

looooooooooool @ منعم ابراهيم
حلوة عديل كدة ,وشكلو جرابك مليان يامنعم ؟؟

[سارة]

الجميل قارسيا الله يفتح عليك انت والحلوين المعاك

هاكم دى :-

واحد مسطول للطيش بيكلم مرته..

حاضر يا حياتى

أبشرى يا عمرى

آمرى يا قلبى

فديتك يا عيونى

صاحبه ساله انتى ليه بتكلمها كدا؟؟؟؟

رد عليهو :- بينى وبينك ناسى أسمها

[Garcia]

صاحبه ساله انتى ليه بتكلمها كدا؟؟؟؟

رد عليهو :- بينى وبينك ناسى أسمها

- والله دى بالغتى فيها عديل يا سرورة
منورة البوست بطلتك الجميلة والغالية , وطلعى المزيد
اعلم ان موبايلك مليان نكات بالهبل
ولك كل الود والاشواق ...

???

[العيدروس]

[B] العزيز :قارسيا ربنا يديك البسطة في الجيب والجسم
التكاسي قالوا ليه جماعة الامر بالمعروف والنهى عن المنكر مسحوا كل المكتوب في عرباتنا ( سمحة . ... عاجباني ....بت امها .. فريدة ...... عز المزار او كدا يعني ) لكن ما مسحوا الفي عربيتك لانو قالوا مكتوب اسم الجلالة (الله)
عمك قاليهم انا ما قاصد كدا انا قاصد اللـــــــــــــــــــــــــــــــــــــــــه من السماحة دي

[wadosman]

[align=right]الاخ جارسيا....

ما تقولوا لينا يا اخى....
نحن ما عارفين البوست الظريف دا....
و بعدين شايف المسااطيل مستلمين السااحة..هههههههههه
ودى واحدة خفيفة:-[/align]

[align=right]واحد ومرتو بسطلو مع بعض ....و السطلة زبطت صاح
و فجأة الباب دقة..دقة شديدة
المرة قالت سجمي..سجمى.. دا راجلي ..!!!
الراجل قام نطه بالحيطة .. [/align]

[سارة]

ود عثمان كتب:-

واحد ومرتو بسطلو مع بعض ....و السطلة زبطت صاح
و فجأة الباب دقة..دقة شديدة
المرة قالت سجمي..سجمى.. دا راجلي ..!!!
الراجل قام نطه بالحيطة

ابداااااااااااااااااااااع

[قوت القلوب]

الله يبهجك يا قارسيا

يلا وينكم