نفًاج سودانيات ( لو أعيش زول ليهو قيمة....)

[AMAL]

سلأم ياشباب
سجلوني
هناك حالة مستعجلة الان
طفلة جميلة تكاد تفقد بصرها
موجودون في القاهرة
اتوقع مساهمتكم العاجلة
اتمني ان توضع علي صدر اجندتكم
ساوافيكم بالتفاصيل

[مبر محمود]

شكراً يا شليل على المبادرة
وأقترح تطوير الفكرة، وذلك بأنشاء منظمة تستوعب هذه الاهداف
ويمكن أن يطلق عليها اسم منظمة سودانيات للعون الانساني، او اي اسم يتفق عليه الناشطين
كل هذا لأجل التسهيل من الناحية الاجرائية .
كما أتمني أن لا ينحصر اهتمام المبادرة بمجتمع العاصمة فقط
فالولايات أشد عوزاً وأكثر حاجة

تحياتي لك ولكل المُبادرين

[الفاتح]

المشاركة الأصلية كتبت بواسطة AMAL

سلأم ياشباب
سجلوني
هناك حالة مستعجلة الان
طفلة جميلة تكاد تفقد بصرها
موجودون في القاهرة
اتوقع مساهمتكم العاجلة
اتمني ان توضع علي صدر اجندتكم
ساوافيكم بالتفاصيل

سلامات يا آمال..
ربنا يشفيها ويرد ليها بصرها ،
بعد ما تجيبي التفاصيل ، إن شاء الله حنكون حاضرين
لكن مستقبلاً.. أنا شايف إنو يكون التركيز على مرضى السرطان ، لأنو برنامج الدورة مستهدفم ، وده ما بيعني إغفال بقية الحالات ، بس لأنو مرضى السرطان وضعهم الصحي بيكون أخطر من بقية المرضى..
وبعد ما نتوسع في الفكرة ، ونجمًع المساهمين ، ممكن نضع خطة عمل : الأولوية تكون فيها لمرضى السرطان ، ومن محور تاني نساهم في مشروع كفالة الأيتام ، وإذا أتزايدت عدديتنا نشوف بند الحالات الطارئة..
أبقي طيبة.

[جانيت]

شليل الانسان
طرح عظيم لفكرة تراودني كثيرا
قبل ايام كنا نتحدث عن سرطان الاطفال
ودعم الاطفال معنويا وماديا
ومضمون الحفلات الخيرية التي تقام لدعم العلاج الكامل
تتوسع الرؤى يا شليل عند بداية التخطيط وانجاز الفكرة
تجتمع الكلمة والهدف فقط وسوف نصل الى ما نصبو اليه
9/جانيت

[الفاتح]

المشاركة الأصلية كتبت بواسطة مبر محمود

شكراً يا شليل على المبادرة
وأقترح تطوير الفكرة، وذلك بأنشاء منظمة تستوعب هذه الاهداف
ويمكن أن يطلق عليها اسم منظمة سودانيات للعون الانساني، او اي اسم يتفق عليه الناشطين
كل هذا لأجل التسهيل من الناحية الاجرائية .
كما أتمني أن لا ينحصر اهتمام المبادرة بمجتمع العاصمة فقط
فالولايات أشد عوزاً وأكثر حاجة

تحياتي لك ولكل المُبادرين

إزيك يا مُبر..
مع إحترامي لطرحك إلا إنو شايف فكرة إنشاء منظمة ، بتشتت مجهوداتنا المالية والذهنية ، وقد تستغرق إجراءات إنشاءها فترة طويلة مع بيروقراطية أجهزة الدولة ، في وكت نحن قد نكون محتاجين لعامل الزمن ، ولعامل الإستفادة من أي دعم مادي ، في مواجهة حالات مرضية ما بتستدعي إنو نتأخر تجاهها.. مستقبلاً قد تكون فكرة جيدة ، بعد ما نرسى شوية وتتعاظم عضويتنا ، بنكون إكتسبنا خبرة و ممكن نتوسًع في الفكرة ، ونطور من خطط عملنا.

بثمن على رؤيتك حول إنو ما نحصر إهتمامنا على ناس المركز ، لأنو فعلاً ناس الولايات بيكونوا أكتر حوجه للمبادرات الزي دي ،

تحياتي.

---
أسجًلك !

[مبر محمود]

المشاركة الأصلية كتبت بواسطة شليل

---
أسجًلك !

طبعاً

[hatim ALi]

فكرة جميلة يا شليل

اتمنى ان يتم استمرارها و نجاحها

لنحاول ان نفعل شيئا مفيدا بدل لعن الظلام


اتمنى ان لا يصبح الامر تسجيلا اسفرياً فقط

لنضع نقاط محددة و خطة عمل واضحة و نعمل عليها


تحياتي

[محمد عبد الرحمن]

الأخ شليل بدون اي مقدمات
فكرتك بنج بس سجلني طوالي

[سارة]

الجميل شليل وكل الحلوين الهنا

انا تحت الخدمة بس يا جماعة انا سستر لسة ما بقينا دكاترةوعلى استعدادلاى خدمة تطلب منى ان شاء الله انت فصلوا وانا باذن الله ألبس من سكات
ما يخص مرضى السرطان بحول الله سوف ابدأ اخر praktis يوم3-5 2010 فى واحد من اكبر المستشفيات الخاصة بالاورام فى اوروبا واى خبرة اى مساعدة حاضرين حتى ولو اطلب من غيرى او من ذوى الاختصاص فلن أتاخر باذن الله

بخصوص دار العجزة قمت بزيارة سريعة مع الاخوات مولانا رشيدة من عكس الريح وفرح وسمية آدم من سودانيات وحسب الاتفاق بينى وبين ياسر موسى سيمدنى بمزيد من المعلومات وانا حسب تخصصى ساقدم ما استطيع واتمنى الاخ ياسر موسى يتذكرنى

بخصوص كفالة الايتام انتوا قولوا اتفقتوا على شنو وانا حاضرة

[حسين عبدالجليل]

الاخ شليل

سلام

فكرة رائعة وعمل وطني ايجابي – بيان بالعمل - و تعاون علي البر والتقوي . سأكون من المساهمين بما تيسر ان شاء الله .

لنجاح الفكرة واستدامتها يستحسن التركيز علي محور او محورين وتجويدهما
بدلا من تشتيت الجهود .

دعواتي بالنجاح للفكرة ولصاحبها الهميم.

[الفاتح]

المشاركة الأصلية كتبت بواسطة جانيت

شليل الانسان
طرح عظيم لفكرة تراودني كثيرا
قبل ايام كنا نتحدث عن سرطان الاطفال
ودعم الاطفال معنويا وماديا
ومضمون الحفلات الخيرية التي تقام لدعم العلاج الكامل
تتوسع الرؤى يا شليل عند بداية التخطيط وانجاز الفكرة
تجتمع الكلمة والهدف فقط وسوف نصل الى ما نصبو اليه
9/جانيت

جانيت.. هرب مني الأمل جنيت...
إزيك يا دكتره..
فكرة الحفلات الخيرية فكرة جيده ، وفي فنانين جيدين بيتعاملوا كويس مع الإطروحات الزي دي ، وجودك مهم كزوله بتعمل في الحقل الطبي ، خليك قريبه .
---
صور حلتنا وين!

[الفاتح]

المشاركة الأصلية كتبت بواسطة hatim ALi

فكرة جميلة يا شليل

اتمنى ان يتم استمرارها و نجاحها

لنحاول ان نفعل شيئا مفيدا بدل لعن الظلام


اتمنى ان لا يصبح الامر تسجيلا اسفرياً فقط

لنضع نقاط محددة و خطة عمل واضحة و نعمل عليها


تحياتي

سلامات يا بنج..
إن شاء الله ما حيكون إسفيري ، بل واقعي وملموس..
خطة العمل حأجيها بعد شوية ، بس داير أجمًع أكبر عددية من المبادرين ،بعد ما تتم الحاجه دي ، وبتقسيمات المبادرين وإنتماءاتم المختلفة ( أطباء/ إعلاميين / إلخ ) ممكن نرسم خطة عمل جيدة..

[الفاتح]

المشاركة الأصلية كتبت بواسطة محمد عبد الرحمن

الأخ شليل بدون اي مقدمات
فكرتك بنج بس سجلني طوالي

عفارم عليك يا بنج
خليك قريب.

[النور يوسف محمد]

بسم الله الرحمن الرحيم
الأخ شليل ..
هذا والله من البوستات البتفرح النفس وتشرح الخاطر ..
تمام الإستعداد للمشاركة المالية ..
أوافقك بشدة فى الإنتباه لمشروع كفالة يتيم ..
اؤيد تسمية مسؤول , مشرف مالى بالخرطوم وفتح حساب باسم سودانيات
لتصلكم اشتراكاتنا التى لن تقل بإذن الله عن كفالة يتيم بانتظام ..
فى إنتظار السماع من عبد الجليل وآمنة عمر وسمية ومنال ودكتورة هيفاء وياسر موسى

شليل يا حبذا لو لاحقتهم برسائل داخلية للإطلاع على البوست والمداخلة فيه

مناشدة لبورداب الخرطوم
ارجو التداخل وسماع وجهة نظركم ..
دكتور أحمد , أبو أمانى , ناصر , الأغبش , عادل عسوم , دكتور وليد محمد الأمين
أم التيمان . ود عثمان , مى هاشم , جعفر بدرى , elle , أروى , دكتور محمد الطيب يوسف وبقية العنقود

فى الإنتظار يا شباب ..
الأفكار العظيمة تبدأ بخاطرة ........

[الفاتح]

الأعزاء..
سرورة الجميلة.. كتًر خيرك ، وياها المحريه فيك ، خليك قريبه.
حسين أخوي : بتفق معاك في انو نركز جهودنا في محور أو محورين ، ومستقبلا نتوسع في الفكرة.. أبقى طيب
النور الجميل.. كتًر خيرك.. وإيد وإيد تجدع بعيد..