كتابات و صفحات نادرة من العبقرية السودانية !!! سيد أحمد المأمون

فوضى المرافق ، ومافيا الخدمة المدنية !!! النور يوسف

"المختار" !!! حسين عبد الجليل

[CODE]
آخرالمواضيع

[/CODE]>
العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 07-06-2021, 07:55 PM   #1
علي الشيخ
عضـــو
 
تاريخ التسجيل: Jul 2016
الدولة: السودان - أم درمان
المشاركات: 58
افتراضي الشربكه،،،،،،

*الشربكه،،،،،*
كلمه ذاتها في نطقها غريبه
المقوله المتداوله ،،،،
يقولوا ليك،،،
*انت الشربكك شنو* ،،،،،،،
يعني رد فيهو تعجب و مافيهو اجابه ،،،،،
مرات تصحي من النوم تلقي روحك مشربك ،،،،، بين الملايه والبطانيه ،،،،
يادوب تقوم تتفرتك من الشربكه دي ، تدخل في شربكات مجبور عليها ،،،،،
اكتر نوع و مافي منه زوغه ،،،، من الشربكه ،،،،، *شربكة المواصلات* ، لازم تتشربك باي طريقه عشان تصل يا شغلك ، يابيتك،،،،
كان مابتعرف تتنعكل،،،، مابتقدر تتشربك و تركب،،،
*شربكة السوق* ، دي لذيذه جدا ، كيف ، انك تبداء مع سيد دكان وتزوغ منه لي سيد دكان تاني ، دي شربكه دبلوماسيه شديد ،،،
ماهو لازم نعمل كده،،، كان الدورار 💰 كل يوم طالع،،، و نفسنا طالع معاهو،،، ،،
اوع ينشلوك ،،، في السوق،،،
في شربكه حقت حرفنه كييييييف ،،،،،،
دي زمان كان بعرفوها الناس البتخش الكوره ولا السينما ، بجوا يلقوا الصف طويل ليهو ضنب ، براحه براحه ، يعمل ليك ونسه ، وشويه شويه يزق نفسه الصف ،،،،
يا خشيت الكوره،، ،ولا لحقك سوط من السواري،،، ،
*شربكة النسوان* دي بتضحك عديييييييل ،،،،،،
في العده ، في التياب ، في الخته،، حاجاتهم هم براهم
البتخليك تقيف عندها،،،،
النسوان عندهم،،،، ،،
*شربكة خشم الباب*،،،، دي زي الكستر بعد الغداء،،، لذيذه لذه،،،،
*شربكة الشفع*،،، زمان في لعبات بعض ، الشافع يرمي لعبته ويتشربك في لعبة غيروه ،،،،،،،
دي الحصلت هسه ،،،، وكلكم عارفين من الجدع و من القبض، ومنو المرنق،،، ،،،
*شربكة الكورة*،،، دي في الدافوري ، وناس قون المغربيه ، احر من ميه ،،،،،،
*شربكة العربات* ، في الشوارع ، دي سببها الزول السائق ، وزي ده مشيهوا في الشارع بكون متشربك،، ،،،
شربكه لي شربكه بتفرق
و الحريف بشربك،، ،
و الحرامي بشربك ،،،
و السكتوه بشربك ،،،،،
و الخوفوهو بشربك ،،،،
كان بقينا على شربكتنا حقتنا، برانا ،،، بنتشربك ،، وبنتحلحل ،،،، مابي فقه التحلل،،، بي ،،،، باركوها يا اخوانا،،
لكن المصيبه في الشربكه الجاتنا من بره،،،، مصدره، ومصقره،،،،
على العلينا يبقوا كورونا و تتنس،،،،
جيلنا ده هو زاتوا *المتشربك و مشربك* ،، لاقادرين نتفكفك ، لا عارفين نشربك غيرنا،،،،

*هسه الشربكه الحاصله في البلد دي زي لعبة ملوص*

*د.علي الشيخ*
*الحنين*
*امدرمان*
*٧ يونيو ٢٠٢١*
علي الشيخ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:29 AM.


زوار سودانيات من تاريخ 2011/7/11
free counters

Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir