اقتباس:
يا أخي هسع العنوان دا، لو أضفت ليهو بعد وآله كلمة: وصحبه، ما لو؟ موش كان ممكن ينالنا جزء من الرضا دا؟! تحية ليك يا سعاتو وللجيلي ولوهاد |
.
حبيبنا بابكو..أو بكو... ربنا يرضى عنك...شخصيآ.. و عن أصحاب الجيلي جميعآ...my self included لكن لو غيرنا العنوان و شملك الرضا سيفوتك الحلو و الأغنية نانا يا نانا...نانا عاجبانا . |
الخائن الله يخونه.
الجيلى والطيب انا مافى السودان، لكن حسادة ساى انا تانى ماداير معاكم. وبالله يالجيلى رجع لىّ جزمتى السرقتها منى فى بلجيكيا. |
شيخنا الغوث الطيب بشير
غيمتنا فى سماء المحبة ونجمنا الذى به نسرى وقمر ليلنا الذى أنشدنا حلو الألحان .. فى الخاطر كثير حديث.. سأعود لاجادعك به حال عودتى الى منفاى فى ظرف الاربعة أيام المقبلة.. الى ذلك الحين لك المحبة ياأبا البشير وموحى ولكل من مر هنا محبة وطيب الامنيات |
اقتباس:
و الله الجيلي عشاني بكوارع و مرة مرة كدا بأكل من المخلل و قلت لي في غناء كمان؟ والله جوز اللوز دا براني بالجنسانية في كتابات فاطنة بابكر ....نفير و أمكانية انها تكون حركة رفض إجتماعية و محمد محمود و نبؤة محمد و كمية من الحنك العضم معقولة يا الجيلي و وهاد و الله الفيكم أتعرفت ..... يا خي انا بقيت مؤمن و لذا يدرج علي لفظ المؤمن حلوي ما الكافر قلوي |
اقتباس:
قلت لي بقيت حلوي؟؟ :D اقول قولي هذا واستغفر الله لي................. |
اقتباس:
صديقي المشاغب أبدآ عثمان ود الناظر :D ليك وحشــــة...و دخلتك جابت لواعج و شجى إني لأجد ريح الخالد و الإشراق و سودانيات الخدرا أيام غنمايتك و سروال الحبوبة و مديدة الحلبة .. لم يبق من تلك الأيام سوى مرحك المعهود فلا تحرمنا منه أمان الله عليك أنا داير معاك، بالحيل، و مااااا بخليك ان بقيت حي كن بألف خير كن عثمان حمد . |
اقتباس:
صديقي الجميل...إنا كرادا..إنا جوادا؟؟ نرحب بترجمة الإخوة النوبيين لأغنية عديلة وو..بتاعة هادية.. و بحسب صديقي المحسي محمود بكندا فالمعنى العام (إنت متين جيت و طوالي راجع للغربة)...أو كما قال!! بعد داك يا حبيب... First things first بيننا موعد شيشة...لن تخلفه فاختر لنفسك يومآ سوى...و أن يحشر الفرح مساء.. السبت...أخدر...الأحد عيد النصارى..الإتنين مولد النبي صلى الله عليه و سلم...التلاتا يوم قلبو الواطة...الأربعا عقاب شهر....الخميس فرح المطاميس...و أنا و أنت من أشد الناس سختة و طمسة...لكن يبقى الخيار لك..و كلمني...حاول حس بي.. . |
حافظ يا عزيزي...إزيك ياخ ..كيف حالك
و جيتآ جيت أنا سعيد جدآ بدخولك البوســـت اقتباس:
التوجــّــه الحضاري بتاعك بيختلف من المزة، أقصد المخلل، لحدي الكوارع و انت قلت ساهروا بيك ..و نمت هناك.. و أنا إستأذنت قبل أنصاص الليالي.. ضيافة المساء غير ضيافة الليل :p لكن قبل ما يسافروا شوف دبارة للخبيز الهش و به سمسم القضارف..لا تشوبه عــتــّــــة برغم طول العهد بالعيد و به سمنة بلديه أصلية في نكهتها إلفة و مودة و رحمة.. لازم تطلع من توقيت الكوارع..و المخلل ..(المخلل لابد يكون)؟ . |
.
للقذافي...شوق خرافي و سؤال ..لمعالي القذافي لو كان بيتابعنا... هل ممكن تتعرف علي زول لأول مرة و تشتاق ليهو؟؟ I mean you miss that person so much إنما أشكو بثي للجيلي و وهاد و سائر الأعضاء و يبقى البث المباشر و بالخاطر أغنية المســاء و السهرة . |
.
يا الجيلي يا حبيب أفتنا في سبع مهاتفات يقتلهن صمت الشركات نزرع عشم لقائك دأبآ...و نتركه في سنبله لنحصن محبتك في ذاكرتنا إلا قليلآ مما تأكله في قصع جرة الحكايات... يسألونك عن الشيشة أيان موعدها و بالخاطر أنك مسافر . |
قابلته البارح تحت البناية و ألفيته متسربلآ بالجلباب السوداني و الطاقية من أعلى ناصيته الخاطئة المسخوتة إلى أسفل قدمه التي تسعى بين الناس ببسط الود الشامل [OVERLINE] روعة............... وروعة الرايع الطيب [/OVERLINE] |
.
العزيز عزيز عيسى الأولى إسم و التانية صفة شكرآ لكلامك اللطيف و مرحب بيك في البورد و البوســـت. . |
.
كان وداعآ دون دموع كان بكاء.. أو كما قال الأول جاء الجيلي و النيل و القمر و كان للقهوة و.. وهاد حضور زاهي لم يطلب القذافي غناء و قايض الجيلي دعوة الشيشة بالبينسون المصنوع خصيصآ للبلد المنهوب و نسة طاعمة رغم ملامح الوداع و مقاطعة المتسولين بعباراتهم المكرورة مؤسف تعليم الأطفال لهجة الإستجداء و طأطأة الرأس النيل يتحفنا بالهواء المنعش فيختلط نداء البن المقلي بشوقه مع دخان المحتفى به لكن القذافي لم يسألني غناء!! طفق يخصف على عورة الغياب بأوراق الكلينيكس و الفاين الجيلي يعلن أنها أفضل عطلة و الرغبة في الغناء تخنقني مثل عبرة بسقف الحلق لا تسح فتريح (الباكي) و لا تبارح مكان توهج ألمها الممض.. أبكي ليكم؟ . |
(سيد العمامة واقف ليك)
هكذا كانت تقول جدتى وهى ترمى بالودع وتستقرئى منه حسن الفال, وهكذا كان سيد العمامة(الطيب بشير) واقف وكأننا ننتظر أن نلتقى منذ أمد بعيد ذات الوجالينا حضوره الذى شاهدته فى صوره وسمعته فى صوته, باشآ وطيبآ ومهذبآ, لا يصافحك بل يحتويك.. صوته يأتيك قديمآ.. يأتيك احساس بأنه أتى للتو من زمن آخر أكثر بهاء ونقاء.. سريع البديهة, وبسيط العبارة, ويحترم تمامآ صمتك المتأمل فيما يقول فلا يقاطعه الا حين تمنحه بادرة الحديث, الم أقل لكم انه مهذب.. جلسنا اليه حضورآ وانتباهآ أنا وبعلتى, ننهل من فضل قوله,ونضحك من حسن دعابته ولطفها.. ثم جاء القذافى يحمل كتابآ أخضرآ ليمونى, فاكتمل عقد المساء, وحفتنا الملائكة من كل صوب وغنى صديقى منتشيآ نانا يانانا http://www.youtube.com/watch?v=jrVF8WsR_wo ولكنه الليل اللعين , تحالف ضدنا مع دقات الساعة التى قاربت لمنتصف الليل ثم مضوا, وعطر أحاديثهم تردده الحيطان الساخنة بفعل الشمس وبحميمية القلوب التى احتوتها.. ليلة من جنان رضوان |
| الساعة الآن 03:37 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.