مجموعة قصائد للشاعر أحمد فؤاد نجم

الفاتح · 13-04-2008, 08:14 AM

تتضمن:
حلاويلا
جيفارا مات
سقطت سايغون
يا عرب
اتجمعوا العشاق
غابة
برولوج
نكسون
هما مين و إحنا مين
دلي الشكارة
القواد الفصيح
عالمحطة
البحر بيضحك ليه
كلمتين ( إلى مصر )
فاليري جيسكار ديستان
الممنوعات
التحالف
ورقه .. من ملف القضية
أغنية السلام ..
يا فلسطينية
بوتيكات
طلع الصباح
المسحراتي
بقرة حاحا
أوأه
جائزة نوبل
مرحبا
نويت أصلي
لا نحالف
بيان هام
دور يا كلام على كيفك دور
نشيد الكروان ( إلى الشعب )
مقابلة صحفية مع الشاعر
استغمايه
الإضراب
مقدمة أبو العلا 90
بابلو نيرودا
عطشان .. يا صبايا
الشاعر الأكره
فات الهوى
هو شي منه
سايجون
عنيكي
أبو العلا 90 الخاتمة
مٌر الكلام
النيل عطشان
ديستان
تاجر
حرب الشعب
الشيخ عاشور
دعوة
يا مصر
أخر الكلام
الخط دا خطي
بلح ابريم
الحمد لله
كلب الست
شجرة لو
أول كلام
اصحى يا مصر

الفاتح · 13-04-2008, 08:16 AM

[align=center]حلاويلا[/align]

حلاويلا يا حلاويلا .. يا خسارة يا حول الله

ده الثوري النوري الكلمنجي .. هلاب الدين الشفطنجي
قاعد في الصف الاكلنجي ... شكلاطة و كاراميلا ..

يتمركس بعض الايام ... يتمسلم بعض الايام
و يصاحب كل الحكام .. و بسطعشر ملة ..

حلاويلا يا حلاويلا .. يا خسارة يا حول الله

يا حلاولو لو شفتو زمان .. مهموم بقضايا الانسان
بيتكتك لتقول بركان .. و لا بوتجاز و لا حلة ..

حلاويلا يا حلاويلا .. يا خسارة يا حول الله

اش حالك يا قريب اليوم .. اش جاب التفاح للدوم
و اش جاب الغرفة ببدروم ... للعربية و فيلا

حلاويلا يا حلاويلا .. يا خسارة يا حول الله

جرانين و منابر و ادارة .. و معلق طلبة و زمارة
يعطل أهو بيسلك يابا .. و يجيبوا المنافيلا

حلاويلا يا حلاويلا .. يا خسارة يا حول الله

دا ترستق هلاب الدين .. بقى عاقل جداً و رزين
و يعن عند المجانين .. إن عشنا و متنا بعلة

حلاويلا يا حلاويلا .. يا خسارة يا حول الله

الفاتح · 13-04-2008, 08:18 AM

[align=center]جيفارا مات

شعر : أحمد فؤاد نجم

غناء : الشيخ إمام ------------------------------------- [/align]

جيفارا مات

جيفارا مات

آخر خبر فِ الراديوهات

و فِ الكنايس

و الجوامع

و فِ الحواري

و الشوارع

و عَ القهاوي و َ البارات

جيفارا مات

جيفارا مات

و اتمد حبل الداردشة و التعليقات

********

مات المناضل المثال

يا ميت خسارة عَ الرجال

مات الجدع فوق مدفعه جوّه الغابات

جسّد نضاله بمصرعه

و من سُكات

لا طبالين يفرقعوا

و لا اعلانات

********

ما رأيكم دام عزكم

يا انتيكات

يا غرقانين

فِ المأكولات و الملبوسات

يا دفيانين

و مولعين الدفايات

يا محفلطين (1)

يا ملمّعين يا جيمسنات

يا بتوع نضال آخر زمن

ف العوامات

ما رأيكم دام عزّكم

جيفارا مات

لا طنطنة

و لا شنشنة

و لا إعلامات و استعلامات

عيني عليه ساعة القضا

من غير رفاقه تودّعه

يطلع أنينه للفضا

يزعق و لا مين يسمعه

يمكن صرخ من الألم

من لسعة النار فِ الحشا

يمكن ضحك

أو ابتسم

أو ارتعش

أو انتشى

يمكن لفظ آخر نفس كلمة وداع

لَجل الجياع (2)

يمكن وصية للي حاضنين القضية

بالصراع

صور كتير ملو الخيال

و ألف مليون إحتمال

لكن أكيد و لا جدال

جيفارا مات موتة رجال

*******

يا شغالين و محرومين

يا مسلسلين (3)

رجلين و راس

خلاص خلاص

مالكوش خلاص

غير البنادق و الرصاص

دا منطق العصر سعيد

عصر الزنوج و الامريكان

الكلمة للنار و الحديد

و العدل أخرس أو جبان

صرخة جيفارا يا عبيد

في أي موطن أو مكان

ما فيش بديل

ما فبش مناص

يا تجهّزو جيش الخلاص

يا تقولو عَ العالم

خلاص

1968

---------------------------------------

(1) محفلطين : متأنقين

(2) لجل : من أجل

(3) مسلسلين : مربوطين بالسلاسل

الفاتح · 13-04-2008, 08:21 AM

[align=center]
سقطت سايغون (1)

كلمات : أحمد فؤاد نجم

غناء : الشيخ إمام [/align]

أبجد هوز .. حطي كلمن

إقلب صفحة .. امسك قلم ٌ

اكتب زي الناس ما بتنطق

سقطت سايغون رفعوا العلم ٌ

..........

طلعت شمس اليوم ده أغاني

كل ما نسمع نعشق تاني

طلعت شمس اليوم ده حريقة

تكوي الجرح و تبري الالم ٌ

.....

سايغون عادت للثوار

فوق الدم و تحت النار

جدّوا فوجدوا .. زرعوا فحصدوا

و إحنا إيدينا للسمسار

و إللي قالوه السمسارجية

و اللي حكاه السمساردار

لما قروه القرونجية

بالمستعجل و المندار

هشت و نشت يعزم الصوت

عن أمريكا و هول أمريكا

زعموا الفانتوم حامل موت

سقط الكوت بعلم أمريكا

جاتكو فضيحة يا طبقة سطيحة

و عاملة فصيحة و جايبة العار

فصحانجية و كلمانجية و سمسارجية

و سمسار دار

الفاتح · 13-04-2008, 10:02 AM

[align=center]يا عرب ( باللهجة المصرية )

كلمات الشاعر المصري أحمد فؤاد نجم .. و غناء الشيخ إمام[/align]

يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..
و انتو عارفين شعب مصر

يا عرب يا عرب يا أهل مصر

----------------------------

اللي خانوا العهد بينا .. و استباحوا كل حاجة

و استهانوا بالعروبة .. و استكانوا للخواجة

مستحيل حيكونوا منا .. نحنا حاجة و هما حاجة

هما باعوا الجلابية .. و الوطن و البندقية

و ا حنا أصحاب القضية ..

احنا ما بنبيعش مصر

يا عرب يا عرب يا أهل مصر
----------------------------

يطلع الدجال بزيفو .. يملا وادي النيل ضباب

ينزل الجلاد بسيفو ... يزرع الموت و الخراب

يطول الليل زي كيفو .... الصباح له ألف باب

و احنا بوصلتنا بإيدينا .. ما تخافوش من الليل علينا

مهما غبتو عن عينينا ..

انتو جوا بقلب مصر

يا عرب يا عرب يا أهل مصر

-------------------------

سينا و لا .. يافا و لا .. حيفا ولا ... دير ياسين

اسألوا الشمس اللي هالة .. عللي صحيوا مبدرين

يزرعوها نور و غلة .. دول جدودنا و لا مين ؟

حقنا و حتما ً يُعاد .. بس لو بانت سعاد

و البيان ده لوه معاد ...

و المعاد حيكون في مصر

يا عرب يا عرب يا أهل مصر

الفاتح · 13-04-2008, 10:03 AM

[align=center]اتجمعوا العشاق [/align]

اتجمعوا العشاق في سجن القلعة ... اتجمعوا العشاق في باب الخلق

و الشمس غنوة من الزنازن طالعة .. و مصر غنوة مفرعة في الحلق

تجمعوا العشاق بالزنزانة .... مهما يطول السجن مهما القهر

مهما يزيد الفجر بالسجانة .. مين اللي يقدر ساعة يحبس مصر

...............

تجمعوا و العشق نار في الدم ..... نار تحرق الجوع و الدموع و الهم

نار تشتعل لما القدم ينضم .... لما الايادي تفور في لم اللحم

و اللحم متنتور في رملة سينا .... و الكدب بيحجز على أيادينا

قدم العدو غارسة في لحم ترابي ... و الكدب عشش مخبرين على بابي

و المخبرين خارجين كلاب سعرانة ... بيجمعوا العشاق في الزنزانة

...............

مصر النهار يطلقنا في الميادين .. مصر البكا .. مصر الغنا و الطين

مصر الشموس الهالة من الزنزانين .. هالة و طارحة بدمنا بسا تين

مصر الجناين طرحة مين يقطفها .. مصر الجناين للي يرفع سيفها

مهما يطول السجن مهما القهر .. مهما يزيد الفجر بالسجانة

مين اللي يقدر ساعة يحبس مصر

13-04-2008, 08:14 AM	#[1]
الفاتح :: كــاتب نشــط::	مجموعة قصائد للشاعر أحمد فؤاد نجم تتضمن: حلاويلا جيفارا مات سقطت سايغون يا عرب اتجمعوا العشاق غابة برولوج نكسون هما مين و إحنا مين دلي الشكارة القواد الفصيح عالمحطة البحر بيضحك ليه كلمتين ( إلى مصر ) فاليري جيسكار ديستان الممنوعات التحالف ورقه .. من ملف القضية أغنية السلام .. يا فلسطينية بوتيكات طلع الصباح المسحراتي بقرة حاحا أوأه جائزة نوبل مرحبا نويت أصلي لا نحالف بيان هام دور يا كلام على كيفك دور نشيد الكروان ( إلى الشعب ) مقابلة صحفية مع الشاعر استغمايه الإضراب مقدمة أبو العلا 90 بابلو نيرودا عطشان .. يا صبايا الشاعر الأكره فات الهوى هو شي منه سايجون عنيكي أبو العلا 90 الخاتمة مٌر الكلام النيل عطشان ديستان تاجر حرب الشعب الشيخ عاشور دعوة يا مصر أخر الكلام الخط دا خطي بلح ابريم الحمد لله كلب الست شجرة لو أول كلام اصحى يا مصر
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

13-04-2008, 08:16 AM	#[2]
الفاتح :: كــاتب نشــط::	[align=center]حلاويلا[/align] حلاويلا يا حلاويلا .. يا خسارة يا حول الله ده الثوري النوري الكلمنجي .. هلاب الدين الشفطنجي قاعد في الصف الاكلنجي ... شكلاطة و كاراميلا .. يتمركس بعض الايام ... يتمسلم بعض الايام و يصاحب كل الحكام .. و بسطعشر ملة .. حلاويلا يا حلاويلا .. يا خسارة يا حول الله يا حلاولو لو شفتو زمان .. مهموم بقضايا الانسان بيتكتك لتقول بركان .. و لا بوتجاز و لا حلة .. حلاويلا يا حلاويلا .. يا خسارة يا حول الله اش حالك يا قريب اليوم .. اش جاب التفاح للدوم و اش جاب الغرفة ببدروم ... للعربية و فيلا حلاويلا يا حلاويلا .. يا خسارة يا حول الله جرانين و منابر و ادارة .. و معلق طلبة و زمارة يعطل أهو بيسلك يابا .. و يجيبوا المنافيلا حلاويلا يا حلاويلا .. يا خسارة يا حول الله دا ترستق هلاب الدين .. بقى عاقل جداً و رزين و يعن عند المجانين .. إن عشنا و متنا بعلة حلاويلا يا حلاويلا .. يا خسارة يا حول الله
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

13-04-2008, 08:18 AM	#[3]
الفاتح :: كــاتب نشــط::	[align=center]جيفارا مات شعر : أحمد فؤاد نجم غناء : الشيخ إمام ------------------------------------- [/align] جيفارا مات جيفارا مات آخر خبر فِ الراديوهات و فِ الكنايس و الجوامع و فِ الحواري و الشوارع و عَ القهاوي و َ البارات جيفارا مات جيفارا مات و اتمد حبل الداردشة و التعليقات ****** مات المناضل المثال يا ميت خسارة عَ الرجال مات الجدع فوق مدفعه جوّه الغابات جسّد نضاله بمصرعه و من سُكات لا طبالين يفرقعوا و لا اعلانات **** ما رأيكم دام عزكم يا انتيكات يا غرقانين فِ المأكولات و الملبوسات يا دفيانين و مولعين الدفايات يا محفلطين (1) يا ملمّعين يا جيمسنات يا بتوع نضال آخر زمن ف العوامات ما رأيكم دام عزّكم جيفارا مات لا طنطنة و لا شنشنة و لا إعلامات و استعلامات عيني عليه ساعة القضا من غير رفاقه تودّعه يطلع أنينه للفضا يزعق و لا مين يسمعه يمكن صرخ من الألم من لسعة النار فِ الحشا يمكن ضحك أو ابتسم أو ارتعش أو انتشى يمكن لفظ آخر نفس كلمة وداع لَجل الجياع (2) يمكن وصية للي حاضنين القضية بالصراع صور كتير ملو الخيال و ألف مليون إحتمال لكن أكيد و لا جدال جيفارا مات موتة رجال ***** يا شغالين و محرومين يا مسلسلين (3) رجلين و راس خلاص خلاص مالكوش خلاص غير البنادق و الرصاص دا منطق العصر سعيد عصر الزنوج و الامريكان الكلمة للنار و الحديد و العدل أخرس أو جبان صرخة جيفارا يا عبيد في أي موطن أو مكان ما فيش بديل ما فبش مناص يا تجهّزو جيش الخلاص يا تقولو عَ العالم خلاص 1968 --------------------------------------- (1) محفلطين : متأنقين (2) لجل : من أجل (3) مسلسلين : مربوطين بالسلاسل
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

13-04-2008, 08:21 AM	#[4]
الفاتح :: كــاتب نشــط::	[align=center] سقطت سايغون (1) كلمات : أحمد فؤاد نجم غناء : الشيخ إمام [/align] أبجد هوز .. حطي كلمن إقلب صفحة .. امسك قلم ٌ اكتب زي الناس ما بتنطق سقطت سايغون رفعوا العلم ٌ .......... طلعت شمس اليوم ده أغاني كل ما نسمع نعشق تاني طلعت شمس اليوم ده حريقة تكوي الجرح و تبري الالم ٌ ..... سايغون عادت للثوار فوق الدم و تحت النار جدّوا فوجدوا .. زرعوا فحصدوا و إحنا إيدينا للسمسار و إللي قالوه السمسارجية و اللي حكاه السمساردار لما قروه القرونجية بالمستعجل و المندار هشت و نشت يعزم الصوت عن أمريكا و هول أمريكا زعموا الفانتوم حامل موت سقط الكوت بعلم أمريكا جاتكو فضيحة يا طبقة سطيحة و عاملة فصيحة و جايبة العار فصحانجية و كلمانجية و سمسارجية و سمسار دار
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

13-04-2008, 10:02 AM	#[5]
الفاتح :: كــاتب نشــط::	[align=center]يا عرب ( باللهجة المصرية ) كلمات الشاعر المصري أحمد فؤاد نجم .. و غناء الشيخ إمام[/align] يا عرب .. يا عرب .. يا عرب في أي مصر يا عرب .. يا عرب .. اسمعوا صوت شعب مصر أحفظوا لمصر المكان .. و احنا عالعهد اللي كان مصر أوفى من الزمان .. و انتو عارفين شعب مصر يا عرب يا عرب يا أهل مصر ---------------------------- اللي خانوا العهد بينا .. و استباحوا كل حاجة و استهانوا بالعروبة .. و استكانوا للخواجة مستحيل حيكونوا منا .. نحنا حاجة و هما حاجة هما باعوا الجلابية .. و الوطن و البندقية و ا حنا أصحاب القضية .. احنا ما بنبيعش مصر يا عرب يا عرب يا أهل مصر ---------------------------- يطلع الدجال بزيفو .. يملا وادي النيل ضباب ينزل الجلاد بسيفو ... يزرع الموت و الخراب يطول الليل زي كيفو .... الصباح له ألف باب و احنا بوصلتنا بإيدينا .. ما تخافوش من الليل علينا مهما غبتو عن عينينا .. انتو جوا بقلب مصر يا عرب يا عرب يا أهل مصر ------------------------- سينا و لا .. يافا و لا .. حيفا ولا ... دير ياسين اسألوا الشمس اللي هالة .. عللي صحيوا مبدرين يزرعوها نور و غلة .. دول جدودنا و لا مين ؟ حقنا و حتما ً يُعاد .. بس لو بانت سعاد و البيان ده لوه معاد ... و المعاد حيكون في مصر يا عرب يا عرب يا أهل مصر
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

13-04-2008, 10:03 AM	#[6]
الفاتح :: كــاتب نشــط::	[align=center]اتجمعوا العشاق [/align] اتجمعوا العشاق في سجن القلعة ... اتجمعوا العشاق في باب الخلق و الشمس غنوة من الزنازن طالعة .. و مصر غنوة مفرعة في الحلق تجمعوا العشاق بالزنزانة .... مهما يطول السجن مهما القهر مهما يزيد الفجر بالسجانة .. مين اللي يقدر ساعة يحبس مصر ............... تجمعوا و العشق نار في الدم ..... نار تحرق الجوع و الدموع و الهم نار تشتعل لما القدم ينضم .... لما الايادي تفور في لم اللحم و اللحم متنتور في رملة سينا .... و الكدب بيحجز على أيادينا قدم العدو غارسة في لحم ترابي ... و الكدب عشش مخبرين على بابي و المخبرين خارجين كلاب سعرانة ... بيجمعوا العشاق في الزنزانة ............... مصر النهار يطلقنا في الميادين .. مصر البكا .. مصر الغنا و الطين مصر الشموس الهالة من الزنزانين .. هالة و طارحة بدمنا بسا تين مصر الجناين طرحة مين يقطفها .. مصر الجناين للي يرفع سيفها مهما يطول السجن مهما القهر .. مهما يزيد الفجر بالسجانة مين اللي يقدر ساعة يحبس مصر
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري