نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 15-03-2008, 01:35 PM   #[16]
فيصل سعد
:: كــاتب نشــط::
الصورة الرمزية فيصل سعد
 
افتراضي

شكرا ضيفنا العزيز للسرد الشيق ، و نحن في انتظار استرسالك و كلنا آذان صاغية ..
و نذكر مشاركينا الكرام الافاضل ، بان شوقي سيقوم بالرد على اسئلتكم و استفساراتكم
و مداخلاتكم جميعها ... و يتواصل الحوار ...


[align=center][/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 15-03-2008, 02:06 PM   #[17]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center][flash=http://www.youtube.com/v/X-PsrTtXGso&autoplay=1]WIDTH=400 HEIGHT=350[/flash][/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 18-03-2008, 07:52 PM   #[18]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center]و ما زلنا في انتظار عودة ضيفنا شوقي بدري من جديد.
فابقوا معنا ..
[/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 18-03-2008, 11:01 PM   #[19]
الفاتح على التوم
:: كــاتب جديـــد ::
 
افتراضي

الرائع شوقي بدري
الهادي الضلالي .. و..سينا عبدالجليل .....هل هناك شيئ مشترك سوي امدرمان ؟



التوقيع: الفاتح
الفاتح على التوم غير متصل   رد مع اقتباس
قديم 19-03-2008, 08:04 PM   #[20]
خالد الحاج
:: كــاتب نشــط::
الصورة الرمزية خالد الحاج
 
افتراضي

أخونا شوقي يعتذر لوجود عطل في الانترنت وكذلك قطع الكيبل بعد ان اصر شوقي علي الحفر
آمرا العمال بالاستمرار في حفر الارضية لعمل حوض سباحة في البيت رغم تحذير الخواجة جاره
وادي الامر لقطع الكيبل وحتى تقوم الشركة باعادة توصيله سيغيب شوقي



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 19-03-2008, 10:04 PM   #[21]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة خالد الحاج مشاهدة المشاركة
حفر الارضية لعمل حوض سباحة في البيت
ياخالد حريف فى الصيف .. فيها كمان حوض سباحة .. دعوتنا مفتوحة .. المرة الفاتت طرشقا لينا فى العراق .. الله يستر من المرة دى .. لكن أنا ماشى ماشى



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 26-03-2008, 05:42 AM   #[22]
فيصل سعد
:: كــاتب نشــط::
الصورة الرمزية فيصل سعد
 
افتراضي

. . .



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 29-03-2008, 08:06 AM   #[23]
شوقي بدري
:: كــاتب نشــط::
الصورة الرمزية شوقي بدري
 
افتراضي

الابن فيصل
لأكثر من أسبوع أعاني من إشكالية تمنعني من رؤية سودانيات.
أتابع عن طريق الأخ خالد الحاج تلفونيا وسأعود بمجرد ما يزول الإشكال.

التحية

شوقي



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 30-03-2008, 01:33 PM   #[24]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

العم شوقي بدري

أنا جيت بي جايي ما في شان أسعلك سُعال

عِلا في شان أقراك وأبل شوقي من كلام شوقي

أها ... زمااااااانك كدي ما قلت لي جايي السودان ...

غايتو إن جيتنا حتبقالنا جيتك مِتِل جَيَة العيد وإن لم .. ...

تراني ململم هِديماتي وجاييك عديييييييييل كدي فوق بلودكم السموها السويد دي ... إنتو بس سوولنا الفيزا ولا الزيارة ..

ترانا حنأكك بظبورنا براااااااانا ونقطع التظاااااااكر ونجيكم جارين جري

وحااااااااات الله سيدي كلامي ده صِح

معليش يا فيصل يا زول يا راقي إني جيت بي هِنِي وما سعلت عمنا وكبيرنا شوقي بدري أيتها سُعال



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 30-03-2008, 09:26 PM   #[25]
فيصل سعد
:: كــاتب نشــط::
الصورة الرمزية فيصل سعد
 
افتراضي

مرحب بيك اخونا ناصر يوسف و ماك داير اذن في اي وكت..
و شكرا شوقي بدري للافادة ، و نحن في الانتظار ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 31-03-2008, 08:42 PM   #[26]
شوقي بدري
:: كــاتب نشــط::
الصورة الرمزية شوقي بدري
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
الأستاذ شوقى

كل حكاياتك و أمثالك تدور حول أم درمان و شخوص امدرمانية
هل ليس لك علاقة بغير أم درمان ..هل تعرف شيئا عن شخوص غير ام درمانية مثل سنار و كوستى و بربر و القضارف ؟
آسف يا شباب للتأخير

أخي معتصم الطاهر
والله عندك حق أنو أنا أتكلم كتير جدا عن أم درمان لكن كما كتبت كل الوقت أنه أم درمان البلد الما عندها سيد حقة كل الناس . وروني أي زول ما عنده حبيب أو قريب في أم درمان . لكن يا معتصم يا أخوي مافي زول بيتكلم عن أصحاب وأصدقاء في أماكن متفرقة في العالم مثل شوقي بدري وأكون سعيد لو وريتني زول كتب عن ناس مختلفين وجنسيات مختلفة أشكال مختلفة علي سبيل المثال أنا أحكي عن صديقي هيرمان من هيستون تكساس الذي أطلق اسمه علي أحد أبنائي . وأكتب عن دانيال ويحمل اسمه أحد أطفالي ووالدته مزال كانت فراشة الرئيس ين قوريون وهي يمنية من شرعب في اليمن ولقد وبخت الرئيس بن قوريون لعدة مرات لأنه إنسان غير منظم ودانيال رجع البارحة من إسرائيل بمناسبة وفاة والدته . وأكتب عن أودي بطل إسرائيل في المصارعة . وأكتب عن ملكال وماكروجوك في رمبيك وأكتب عن صديقي عيسي سولي من الباريا وإبنة عمته أقنس لوكودو والي جوبا وبيتر شقيق عيسي الذي كان معه في جيش عيدي أمين وبيتر كان قائد المدرعات وقتل في الحرب التنزانية . وأكتب عن أخي منوع بيج رحمة الله عليه ابن خال مولانا إبل ألير وهم من ديكا بور ويحمل اسم منوع بيج أحد أبنائي . وأكتب الشعر واصفا شقيقي فقوق مور جوك وهو حفيد المحارب جوك زعيم الدينكا أبيلينج وهو من جلهاك وشقسقه يوسف الناظر الحالي وأنادي أحد أبنائي بفقوق مور جوك وكنت أقضي الأجازات مع فقوق في جلهاك في أعالي النيل . وأكتب عن زميل تابان مايكا ، وكتبت كثيرا عن صديقي ورجل الدولة الحالي رياك قاي ترت وهو من فنقاق غرب النوير ، وكتبت كثيرا عن كوستي لأنها كانت مركز يوسف بدري الكبير ، وكتبت عن الحركة التجارية في كوستي وعمنا عبد الرحيم الطيار زوج عمتنا حرم بدري وكتبت عن ذهابي مع شقيقي كمال لتعزية أحمد كوكو في وفاة زوجته في أبريل 1963 ، كتبت عن الدويم لأنها كانت تشمل الكثير من أهلنا الرباطاب وكتبت عن بخت الرضا لأن عمنا أحمد الحاج إدريس كان مساعد الحكيم هنالك وكنت أقضي جزء من الأجازة هنالك ، وكتبت عن صديقي روني براكستون في ساندياقو كالفورنيا الذي زاملني لما يقارب السنة كعتالي في الميناء ، وكتبت عن صديقي حسن شبور من الأبيض ، وصديقي عبد الله السفاح والذي ولدنا في نفس الأسبوع سويا في الأبيض ، وكتبت عن جبال النوبا وكادقلي وخالي محمد عبد الرحمن أبتر ، وكتبت عن تلودي مسقط رأس والدتي . وكتبت عن سنجة عبد الله حيث ذهبت للمدرسة لأول مرة ، وكتبت عن صديقي نعمان سعد خضر وعاصم الريس صاحب أجزخانة في سنجا وآل الحويرص . وحوادث روايتي الأولي –الحنق- بدأت حوادثها في سنجة عبد الله . وكتبت عن حريق يرول وكتبت عن أمادي وكتبت عن فلوج وهو من أهلنا المورو وفلوج الذي تبعنا من الاستوائية إلي أم درمان وكتبت عن مريدي .
نحن نشيد بأم درمان بطريقة موضوعية ، نحترم انتماءات الآخرين ولا نبخس انتماءاتهم لأنن نحب انتماءنا لأم درمان فعندما جاء البشير وعصابته قالوا أنهم يتشرفون بأنهم ليسو من أبناء العاصمة . وردنا كان إن هذه هي المصيبة لأن أولاد أم درمان مثلآ يتقبلون الآخرين وأنا عندما أبني علاقة مع أي إنسان لا أبحث عن الدين اللون الشكل أو القبيلة فقط الإنسان وطرحه ولا تهمنا الوظيفة الوضع الاجتماعي أو المالي .
كتبت عن أصدقائي ومعارفي عبد العزيز جهاز ، أربعة حمير و كوكو الذين كانوا يعملون في الصحة نقل المخلفات البشرية . كانوا من جبال النوبة ، بالنسبة لي كانوا أصدقاء وفقط .
إذا كان كلامي الكثير عن أم درمان ضايقك فأرجو المعذرة فالإنسان عندما يحب يصبح أعمي.

لك التحية .



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 31-03-2008, 08:47 PM   #[27]
شوقي بدري
:: كــاتب نشــط::
الصورة الرمزية شوقي بدري
 
افتراضي

اقتباس:
المشاركة الأصلية كتبت بواسطة abuelsora مشاهدة المشاركة
العم والخال والحبيب والاستاذ شوقى بدرى
اولا متعك الله بالصحة والعافية ورد لحبيبتك امدرمان

لدى سؤال كغيره من الاسئلة المتعلقة بالتاريخ الشفهى الغير موثق لتاريخنا وامسكت بخيط فيه من الدكتور حسن الجزولى فى بعض حواراته وبحثه المنقب عن رموز الفن والادب السودانى والمح الى بحث قادم عن (فوز) حيث كان دارها مجمع للفنانين والشعراء فى امدرمان فاى معلومات عنها وعن شعرها؟



فى الاونه الاخيرة كثر التجرأ على شخصية الشهيد عبد الخالق محجوب واتهامه بالشخصية الشمولية
فهل بالامكان وضع تفاصيل لهذه الشخصية من واقع المعاملة الامدرمانية العادية والاجنماعية مثل الزيارات الوفيات المجاملة الخ ......؟
ولكم الحب

ابو السرة


العزيز أبو السرة

وهذا الاسم كان يطلق علي أخي خليل إبراهيم بدري لأنه في الخمسينات كان هنالك مجنون مشهور جدا إسمه أبوالسرة مع طلقها و سلطة والاسم قد أثار شجوني .

عبد الخالق لم يكن دكتاتورا ولم يكن متشنجا ، كان متسامحا وله علاقات ضخمة خارج الحزب الشيوعي علي سبيل المثال كانت تربطه صداقة غير عادية مع الأمير نقد الله . وكان الأمير نقد الله يكون علي سجيته عندما يكون عبد الخالق في زيارته ، ومن المرات النادرة التي يدندن فيها الأمير أو يغني كانت عندما يأتي عبد الخالق لزيارته في المساء ، وعندما طلب أحد الأنصار من الأمير أن يساعده في الحصول علي قطعة أرض سأله الأمير عن أحقيته الحياز علي قطعة أرض في أم درمان فقال الأنصاري أنه من الذين حاربوا الشيوعية . فقال الأمير أنه لو كان هنالك قطعة أرض في أم درمان وطالب بها السيد الصديق المهدي ويستحقها عبد الخالق محجوب لأعطاها لعبد الخالق محجوب .
عبد الخالق كان محبوبا وكان شخصا اجتماعيا لأعلي درجة لدرجة أن بعض أعضاء الحزب كانوا يأخذون عليه أنه كان صديق الجميع حتى أساطين الرجعية . ولهذا قال صلاح أحمد إبراهيم في ديونه غضبة الهبباي :

"أنت أيها الإله الصغير يا ضيف الذين لباساتهم من حرير"

نعم إن عبد الخالق لم يكن مثل الشفيع فالشفيع شخص فريد يندر أن تجود الدنيا بمثله ، لا يضايق أي إنسان ولا يحتد في كلامه وكما كان يقال عنه : راجل صدره مفكك .
جلست خمسة ساعات في حضرة عبد الخالق محجوب في الستينات في فتدق براغ المخصص لأعضاء الحزب الشيوعي الشيكي وضيوف الحزب . فبينما أنا سائر مع العم محمد بدري رحمة الله عليه قابلنا الزعيم التجاني الطيب بابكر الذي قال بسعادة لمحمد بدري : عندي ليك مفاجأة جميلة صاحبك هنا . وانتفض العم محمد بدري فرحا وذهبنا في لسهرة طويلة من الحضور إبراهيم زكريا سكرتير عام اتحاد النقابات العالمي وهو من العفاض وزوج المناضلة فاطمة النعيم و الدكتور فاروق محمد الفضل ابن خال المناضلة فاطمة أحمد إبراهيم وكان هنالك آخرين وهذه من ألطف الجلسات التي شهدتها ووقتها أنا في الواحد وعشرين من عمري وكانت سهرة في غاية المتعة وبعيدا عن السياسة وكان الجميع علي سجيتهم ، ولو كان عبد الخالق شموليا فمرحب بالشمولية فقد كان بشوشا ودودا .
ولقد قضيت سهرة حوالي يوم 28 مايو 1969 في منزل كنتباي أبو قرجة في شارع العرضة . وكان أغلب الحضور من الأنصار وناس حزب الأمة ، وهذا بعد زواج عبد الخالق من نعمات أحمد مالك أبوعكاز والمنزل منزل خالتها سارة بدري . وكان عبد الخالق نجم الحفل إلا أنه كان يترك المصطبة ويجلس مع النساء لأن الخالات كنا يطلبنه للجلوس معهن وكانت ضحكته وضحكتهن تجلجل . وهذا ليس أسلوب شخص متشدد أو المسيطر أو الشمولي ، وبعدها بأسبوع كانت هنالك حفلة في منزل عبد الخالق محجوب الذي كان شمال غرب ميدان الربيع وكان هنالك كل أنماط البشر وأذكر أن الأستاذ أحمد بدري والذي هو الآن في لندن خرج غاضبا من الحفل وقال لي : يا أخي في ناس هنا مغلفين راسهم فاضي وأنا ما عارف عبد الخالق ده بيستحملهم كيف . وترك الحفل .
مثالا علي وسع صدر عبد الخالق محجوب أن عمتنا مدينة بدري قالت لنعمات عندما أتتها زائرة بعد زواجها من عبد الخالق وهبت مدينة بدري فرحة بزيارة بنت أختها قائلة : هي ما قلنا الراجل القدر علي عبود والعساكر قدر علي الفتاة دي ويختها في الواطا .
فقالت نعمات ضاحكة : ده راجل فاهم ومعقول وديمقراطي وبيفهم . ولو كان عبد الخالق متسلطا أو شموليا لكان انعكس علي علاقته بزوجته فنعمات كانت متزوجة من ابن خالتها وصديق عبد الخالق وزميله في الحزب الشيوعي الطيب ميرغني شكاك ونعمات لا تزال تحفظ ذكري عبد الخالق وتعيش لذكراه وأذكر أنني كنت أقول لها دائما بالنسبة لي إنت ما نعمات بت عمتي أنت في المحل الأول زوجة عبد الخالق .
لقد ضم الحزب الشيوعي السوداني أعظم الرجال والنساء في السودان ، إذا كان عبد الخالق شموليا لما تركوه في حاله .
السفر، القميص، الفزع بيوريك معدن الناس أو السجن . لقد استمعت لمن زاملوا عبد الخلق في السجن وخاصة سمير جرجس رحمة الله عليه والذي هو خبير في السجون والتعامل معها واختيار الرفقة وهؤلاء كانوا يقولون أن رفقة عبد الخالق كانت من أمتع الأشياء . الشيء الوحيد الذي سمعته عن عبد الخالق أنه كان "قريف" فالبعض كانوا يأكلون بطريقة كريهة في السجن وأن شخص معين كان مصاب ببهق شديد كان يترك سريره وينام في سرير عبد الخالق وكان عبد الخالق يتضايق ولكنه لا يبدي تضايقه . وأن البعض كانوا يلبسون ملابسه ويستخدمون بشكيره كان يضايقه لكنه لا يظهر ذلك .
أنا شخصيا من النوع الذي لا يقرف ولكن بعض الناس (قريفين) وأذكر أن نعمات قالت لي : بيت ناس عبد الخالق كله ناس نظيفين وبيحبوا النظافة . عشان كده عبد الخالق كان بيتضايق من خمج السودانيين . وقد يحسب البعض هذه الأشياء كنوع من الأندلة والترفع ، هذه أشياء شخصيى ليس لها أي صلة بالنضال .
كان عبد الخالق رجلا لطيفا محبوبا من كل الأعمار وعنده ملكة أن يخاطب الجميع رجال ونساء وشباب وأطفال.

التحية

شوقي



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 05-04-2008, 07:59 AM   #[28]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center]شكرا عزيزنا شوقي على العودة و الرد على الاسئلة و نذكرك بأسئلة
خالد الحاج ، رأفت ميلاد و الفاتح على التوم ، و سؤال البرنامج لك عن
شوقي بدري و الرياضة و الفن "غناء و مسرح و سينما و قصة و شعر" و الافضلية
و الهوايات و ان تحدثنا عن شوقي بدري القاص و الشاعر ؟
[/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 07-04-2008, 11:27 AM   #[29]
شوقي بدري
:: كــاتب نشــط::
الصورة الرمزية شوقي بدري
 
افتراضي

العزيز خالد الحاج
طبعا ما رديت عليك أولا لأنه إنت الزول ممكن يجد عندك التفهم . العشق الخرافي لأم درمان وزي ما كتبت زمان مش الطبيعة والجو الخرافي لكن لأن أم درمان هي الناس وزي ما قلت أم درمان هي المدينة الوحيدة الما عندها سيد وحقة كل زول . وأي زول عنده حبيب أو قريب في أم درمان . عندها "كود أوف كونداكت" وهي طريقة حياة . تقبلها تصير واحد من ناسها . وممكن تكون لاتوكا ، لوكوجا ، إنجريابي أو محسي ما يفرق .

مشكلة الهوية يا خالد أنه في حاجة اسمها "الزول السوداني" الذي هو في الشمال والوسط نوبي بجاوي اعتنق الإسلام والبعض تحدث بالعربية . والدماء العربية من المؤكد هي شيء بسيط بالمقارنة مع الدماء الأصلية . وأغلب أهل الوسط يعاملون الآخرين بعنجهية وترفع ويصرون علي فرض عروبتهم المزعومة علي الآخرين . ويسعون جاهدين لجعل الآخرين يحسون بأنهم أقل قيمة . وهم علي استعداد لأن يشنوا حروب أو أن يهضموا حقوق الأغلبية السودانية التي لا تشاركهم هذا الشعور .
أذكر أني قد رديت علي معتصم الطاهر أنه نحن نشيد بأم درمان بطريقة موضوعية ، نحترم انتماءات الآخرين ولا نبخس انتماءاتهم لأننا نحب انتماءنا لأم درمان فعندما جاء البشير وعصابته قالوا أنهم يتشرفون بأنهم ليسو من أبناء العاصمة . وردنا كان إن هذه هي المصيبة لأن أولاد أم درمان مثلآ يتقبلون الآخرين وأنا عندما أبني علاقة مع أي إنسان لا أبحث عن الدين اللون الشكل أو القبيلة فقط الإنسان وطرحه ولا تهمنا الوظيفة الوضع الاجتماعي أو المالي .



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
قديم 07-04-2008, 11:28 AM   #[30]
شوقي بدري
:: كــاتب نشــط::
الصورة الرمزية شوقي بدري
 
افتراضي


العزيز رأفت ميلاد

السنة الفاتت طلعت أوت سايت لعبة قون المرة دي نحن منتظرنك . زوجتي التي تساعدني في الكتابة تقول لك نحن منتظرنك ومرحب بيك وعايزين نشوفك ويا حبذا لو جا معاك خالد الحاج وأولاده . ويا رأفت يا أخي أول حاجة أحجز ناس سودانيات من فتحي مسعد شابكنو خواجة خواجة ودي مفروض تكون ليك إنت وفتحي راجل سبحتو متر وكل ما اتصل بيه تلفوتيا يا مشا الجامع يا جا من الجامع ده خواجة شنو ده ؟
بعدين عايوني عن فضائحنا في أم درمان وأم دبوس وأكل شلاليف الخروف واضنينو ؟ عشان خاطرك أنا حا أكتب ليك بوست كامل عن الأكلات العجيبة في أم درمان أو خارج أم درمان . المشكلة أنه بعد مجاعة سنة 6 ومجاعة عيش الهندي والتي كانت بعد دخول الإنجليز واضطر الإنجليز لجلب العيش من الهند بالبواخر وسلم الناس وهذه احد محاسن الإنجليز . أكل الإضنين والشلاليف يبدأ بحرق الشعر . ليك علي أكتب ليك بوست كامل عن الأكلات دي.

كفاتحة شهية بابكر مخير ذكر المثل السوداني البيقول أربعة شالوا الجمل والجمل ما شالهم : والقصة أن أربعة رباطاب بعد كسرة ود النجومي تبادلوا الركوب علي جمل إلي أن تعب وبرك فذبحوه وبدأت عملية الأكل بالدم بعد طبخه واستمروا في أكله وحملوا ما تبقي منه إلي آخر فتفاتة فجاء المثل : أربعة شالوا الجمل .



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
شوقي بدري غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:37 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.