ظلاميون في مدن النور ... الي بابكر عباس

[حافظ حسين]

و الله رأسي حيطرشق
أصدقاء و صديقات كان نوارة التنوير
هربوا من جحيم الدولة الدينية و أحتموا بدول فيها الانسان محترم كقيمة
و بعد ان طاب بهك المقام, لم ينسوا جحيم الدولة الدينية فقط و إنما من علي البعد دعموها و أججوا نيران حربها .....
أصدقاء و صديقات في الماضي قاتلنا الجبهة سنيناً و أقتتلنا
هردنا لهاتنا بهتاف (الشعب يدين تجار الدين... حرية سلام و عدالة... طق طق حرية), و لكن عندما وصلوا بر الأمان تنكروا للشعب و دعموا تجار الدين.... أنعموا بحرياتهم الممنوحة من بلدان الكفر و حجروها علينا ....
حكمة ربنا لا هم في السعودية لا الخليج و انما في امريكا و أروبا مهد الحريات و مهبط المساواة .... لكن يدعمون بن لادن و يدعون الله ان يحشرهم معه يا خي اقول ليكم يحشركم شنو؟.... يتنكرون للعلمانية العايشين في خيرها و يهللون لمرسي و جايبين لينا نسخة دينية جديدة ....
ازعجونا برسائل علي شاكلة, اسم الجلالة مكتوب في بطاطسية, غابة في النرويج تشكل علامة (لا اله الا الله)

يا أخوانا وين الغلط..... و القاعد يحصل ليكم شنو يا مهاجريننا و يا مهاجرات

طبعاً الكلام دا ليس بهذا التعميم فهنالك من هم محتفظون بعقولهم

[أبوبكر عباس]

المشاركة الأصلية كتبت بواسطة حافظ حسين

و الله رأسي حيطرشق
أصدقاء و صديقات كان نوارة التنوير
هربوا من جحيم الدولة الدينية و أحتموا بدول فيها الانسان محترم كقيمة
و بعد ان طاب بهك المقام, لم ينسوا جحيم الدولة الدينية فقط و إنما من علي البعد دعموها و أججوا نيران حربها .....
أصدقاء و صديقات في الماضي قاتلنا الجبهة سنيناً و أقتتلنا
هردنا لهاتنا بهتاف (الشعب يدين تجار الدين... حرية سلام و عدالة... طق طق حرية), و لكن عندما وصلوا بر الأمان تنكروا للشعب و دعموا تجار الدين....

المشكلة هي: عقدة البحث عن هوية متميزة!
إياكم والهوية فإن العرق دساس

[حافظ حسين]

المشاركة الأصلية كتبت بواسطة بابكر عباس

المشكلة هي: عقدة البحث عن هوية متميزة!
إياكم والهوية فإن العرق دساس

يا خي معقولة؟!!!!
بمشوا بترول يجونا فكس

[حافظ حسين]

علي فكرة ممكن اجيب نمازج بتاعة كتابة لسكان بلاد العم سام و أوربا
فيما يختص بدعمهم للدولة الدينية
أو مشروع الهوس الديني بشكل عام

[أبوبكر عباس]

المشاركة الأصلية كتبت بواسطة حافظ حسين

علي فكرة ممكن اجيب نمازج بتاعة كتابة لسكان بلاد العم سام و أوربا
فيما يختص بدعمهم للدولة الدينية
أو مشروع الهوس الديني بشكل عام

أنا حاجز كتابات ناس أمال، أقصد كتابات ناس أوربا

[حافظ حسين]

خلاص يا بابكر نبدأ ليك باوربا و معاك علي المايك ود الخير و شكله عايش يا في فرنسا او بلجيكا و الاسم ما مهم كلام الاخلاق

لاتستطيع الكلمات أن تُعبر عن شعوري
وانا أسمع خالد مشعل يقول.. إن دولاً هناك تسمعنا
هي من أمدتنا بهذه الأسلحة...
يآآآآآآآآآآه... كم أنت عظيم يا وطني
[youtube]

ود الخير في ذات هتاف داعم لتصدير الارهاب ......

يا ود الخير عليك الله وقت مشيت اوربا دي قلت مالك في السودان الكعب شنو؟
جاوب و لا حياء في العلم

المصدر ياهو دي
http://sudanyat.org/vb/showthread.php?t=25909

[ماجد تاج]

المشاركة الأصلية كتبت بواسطة حافظ حسين

علي فكرة ممكن اجيب نمازج بتاعة كتابة لسكان بلاد العم سام و أوربا
فيما يختص بدعمهم للدولة الدينية
أو مشروع الهوس الديني بشكل عام

ـ


المشكلة كلها هنا يا حافظ ياخ

انتو بتهوسو كل ما له صلة بالدين ، وراميين طوبة الدين كاملة بلا تمييز

اعتراضكم كله منصب على الدين لكن تظلو تكررو وتعيدو نفي البين باستمرار

إن كان في محط حيرة للحق فهو موقفكم انتو من الدين

إحنا ـ إحنا وانتو ـ متفقين على أن الانقاذ استغلت الدين وتاجرت بيه

طيب المشكلة وين لو نادينا لدولة يتداخل فيها الدين مع السياسة بطريقة غير طريقة الانقاذ ؟

من يدفعنا دفعاً للوقوف في صف الضد يا حافظ ؟

برغم اتفاقنا على أنه ـ احنا وانتو ـ ضد




ـ

[حافظ حسين]

المشاركة الأصلية كتبت بواسطة ماجد تاج

ـ


المشكلة كلها هنا يا حافظ ياخ

انتو بتهوسو كل ما له صلة بالدين ، وراميين طوبة الدين كاملة بلا تمييز

اعتراضكم كله منصب على الدين لكن تظلو تكررو وتعيدو نفي البين باستمرار

إن كان في محط حيرة للحق فهو موقفكم انتو من الدين

إحنا ـ إحنا وانتو ـ متفقين على أن الانقاذ استغلت الدين وتاجرت بيه

طيب المشكلة وين لو نادينا لدولة يتداخل فيها الدين مع السياسة بطريقة غير طريقة الانقاذ ؟

من يدفعنا دفعاً للوقوف في صف الضد يا حافظ ؟

برغم اتفاقنا على أنه ـ احنا وانتو ـ ضد




ـ

نحن منو يا تاج؟
و مين قال ليك انا عندي مشكلة مع الدين؟
الدين تصلي و تصوم و تمشي تبوس الحجر الأسود ما عندي معاه اي مشكلة
مشكلتي مع الدين السياسي
دين هي لله هي لله
و يا عزيزي الانقاذ البنلوم فيها دي ما جات من فراغ
جات لتردد خطاب العلمانيين و حنك كريم المعتقد العاضي
الدين مكانه واضح يا ماجد
داك الجامع و ديك الكنيسة
لكن ما في زول يجي ينفض لينا كلوش و يقولنا الشريعة قالت كدا و الشريعة سوت كدا

[ماجد تاج]

المشاركة الأصلية كتبت بواسطة حافظ حسين

نحن منو يا تاج؟
و مين قال ليك انا عندي مشكلة مع الدين؟
الدين تصلي و تصوم و تمشي تبوس الحجر الأسود ما عندي معاه اي مشكلة
مشكلتي مع الدين السياسي
دين هي لله هي لله
و يا عزيزي الانقاذ البنلوم فيها دي ما جات من فراغ
جات لتردد خطاب العلمانيين و حنك كريم المعتقد العاضي
الدين مكانه واضح يا ماجد
داك الجامع و ديك الكنيسة
لكن ما في زول يجي ينفض لينا كلوش و يقولنا الشريعة قالت كدا و الشريعة سوت كدا

ـ


الكلام دا ما عنده صلة بالدين الاسلامي وانت مطلع بلا شك

الدين الاسلامي ينظم مناحي الحياة بتمامها من خلال أطر عريضة لا يمكن حصرها في المسجد

المسيحية يمكن ، لكن الاسلام لا

لو ما عندك مشكلة مع الاسلام يبقى بتدرك أنو دين يمس الدنيا بكامل تفاصيلها كما يمس الاخرة

لما تنبري يا حبيب للمناداة بالفصل بين الدين والدولة تبقى انت من تلقاء نفسك الوقفت قصاد الدين

عن الانقاذ : تاني بقول ليك هنا يا حافظ

من الجور ، والظلم تجيير تجربة الانقاذ التي تقر أنت بعظمة لسانك بأنها تاجرت بالدين على الدين ككل

الانقاذ أضرت بالفكرة واستغلتها استغلال تام وبشع تكشف للقاصي والداني

فااا لما ترتكز على ذات التجربة دي ، وتهاجم من خلالها فكرة تداخل الدين مع الدولة

تبقى انت بتمارس ذات ما مورس على الحزب الشيوعي لما استغلو حادثة معهد المعلمين

الاسلام بريئ من تجربة الانقاذ وانت تعلم ذلك

إن كان لمناداتك بتحييد الدين سبب تاني أذكره لكن بعيداً عن ظلم وجور الاستئناس ـ الارتكاز ـ على تجربة الانقاذ



ـ

[حافظ حسين]

النص القرآني تحريم لحم الخنزير في أربع مواضع :

1ـ قوله تعالى : (إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلا عَادٍ فَلا إِثْمَ عَلَيْهِ إِنَّ اللَّهَ غَفُورٌ رَحِيمٌ) (البقرة:173)

2 ــ و قوله تعالى : (حُرِّمَتْ عَلَيْكُمُ الْمَيْتَةُ وَالدَّمُ وَلَحْمُ الْخِنْزِيرِ وَمَا أُهِلَّ لِغَيْرِ اللَّهِ بِهِ وَالْمُنْخَنِقَةُ وَالْمَوْقُوذَةُ وَالْمُتَرَدِّيَةُ وَالنَّطِيحَةُ وَمَا أَكَلَ السَّبُعُ (المائدة:3)

3 ــ و قوله قُلْ لا أَجِدُ فِي مَا أُوحِيَ إِلَيَّ مُحَرَّماً عَلَى طَاعِمٍ يَطْعَمُهُ إِلَّا أَنْ يَكُونَ مَيْتَةً أَوْ دَماً مَسْفُوحاً أَوْ لَحْمَ خِنْزِيرٍ فَإِنَّهُ رِجْسٌ أَوْ فِسْقاً أُهِلَّ لِغَيْرِ اللَّهِ بِهِ فَمَنِ اضْطُرَّ غَيْرَ بَاغٍ وَلا عَادٍ فَإِنَّ رَبَّكَ غَفُورٌ رَحِيمٌ) (الأنعام:145)

4ـ و قوله : (إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ لِغَيْرِ اللَّهِ بِهِ فَمَنِ اضْطُرَّ غَيْرَ بَاغٍ وَلا عَادٍ فَإِنَّ اللَّهَ غَفُورٌ رَحِيمٌ) (النحل5) .
صدق الله العظيم.

_ اتمنى من كل مُلحد ومُتشكك و راسو بودى ويجيب! ولدية اسئلة (وعارفة ممنوعة) بامر المحيط العايش فيهو وداسيها فى قلبو..ومالقى طريقة يفكها إلا بظهور (النت)!
_ اتمنى ان يشترى ليهو ربع كيلو لحمة خنزير ويمشى بيها المعمل!
_ويجى يقارن تاريخ ابحاثة وتاريخ وحى القرآن الكريم.
*اتمنى البعد عن القوقلة (قوقل)
*اتمنى البعد عن (نحن مسلمين بالفطرة) واشياء هكذا

عاوزين .... علم بس وابحاث مادية..ولا شئ آخر!!!
البديري غير متصل تقرير بمشاركة سيئة رد مع اقتباس

البديري
أوربي من أصول سودانية
ينعم بحرية عصر التنوير
و يحجر علي زملائه في السودان هذا الحق
معجب ببن لادن المهدد الأولي للحضارة التي يتفياً فيها

وين المصدر ياهو دي
http://sudanyat.org/vb/showthread.php?t=26547

[صديق عيدروس]

المشاركة الأصلية كتبت بواسطة حافظ حسين

نحن منو يا تاج؟
و مين قال ليك انا عندي مشكلة مع الدين؟
الدين تصلي و تصوم و تمشي تبوس الحجر الأسود ما عندي معاه اي مشكلة
مشكلتي مع الدين السياسي
دين هي لله هي لله
و يا عزيزي الانقاذ البنلوم فيها دي ما جات من فراغ
جات لتردد خطاب العلمانيين و حنك كريم المعتقد العاضي
الدين مكانه واضح يا ماجد
داك الجامع و ديك الكنيسة
لكن ما في زول يجي ينفض لينا كلوش و يقولنا الشريعة قالت كدا و الشريعة سوت كدا

جورج كلوني برضو بقول نفس الكلام ده ياحافظ ( ماعنده مشكلة مع الدين )

من حقكم ان تاكلوا ملوخية ، ولكن ليس من العدل فرض الملوخية على الاخرين رغما عنهم

[يحي عثمان عيسي]

اقتباس:
المشاركة الأصلية كتبت بواسطة حافظ حسين
البديري
أوربي من أصول سودانية
ينعم بحرية عصر التنوير
و يحجر علي زملائه في السودان هذا الحق
معجب ببن لادن المهدد الأولي للحضارة التي يتفياً فيها

وين المصدر ياهو دي
http://sudanyat.org/vb/showthread.php?t=26547



موش قلنا ليكم البديري اساء الي القران وبالتالي رب القران وبالتالي الدين الاسلامي وبالتالي المسلمين

تحياتي حافظ

[عبدالمنعم الطيب حسن]

خفت اولا
ورجعت اطمانيت تاني لمن لقيت النماذج ،
ود الخير كوز وما ناكر ولم يدعو للديمقراطية او الحرية يوما
فالرجل انقاذي بامتياز ،
اما اخونا البديري ، لا اعتقد ان له تاريخا مع الحياة المدنية بشكل عام ،
فالرجل كان بديريا في السودان ، والان بديري في امريكا ،
خلعتنا يارجل ....
تحياتي لبابكر ولاشارته الذكية ،

[حافظ حسين]

المشاركة الأصلية كتبت بواسطة يحي عثمان عيسي

اقتباس:
المشاركة الأصلية كتبت بواسطة حافظ حسين
البديري
أوربي من أصول سودانية
ينعم بحرية عصر التنوير
و يحجر علي زملائه في السودان هذا الحق
معجب ببن لادن المهدد الأولي للحضارة التي يتفياً فيها

وين المصدر ياهو دي
http://sudanyat.org/vb/showthread.php?t=26547



موش قلنا ليكم البديري اساء الي القران وبالتالي رب القران وبالتالي الدين الاسلامي وبالتالي المسلمين

تحياتي حافظ

سلام يحي و محبة
انا ابداً ما نصبت روحي مدافع عن الاسلام أو غيره من الاديان
عشان أقول البديري اساء ليه أو لا
البديري كشخص اعتبره صديق شخصي
لكن بالتأكيد لي اراء فيما يكتبه
هنا انا بحاكم كتابات البديري لا شخصه
و بعدين انا خاتي فيي رأس حرية الانسان ساسها الارض و سقفها السماء
و اي زول يكتب ما يشاء و نحاكمه علي كتابته

[حافظ حسين]

المشاركة الأصلية كتبت بواسطة عبدالمنعم الطيب حسن

خفت اولا
ورجعت اطمانيت تاني لمن لقيت النماذج ،
ود الخير كوز وما ناكر ولم يدعو للديمقراطية او الحرية يوما
فالرجل انقاذي بامتياز ،
اما اخونا البديري ، لا اعتقد ان له تاريخا مع الحياة المدنية بشكل عام ،
فالرجل كان بديريا في السودان ، والان بديري في امريكا ،
خلعتنا يارجل ....
تحياتي لبابكر ولاشارته الذكية ،

يا منعم نا قصدت اجيب الاسلاميين اولا بعدها اعتب علي اليساريين و اللبراليين
لكن اطمنك ما في اي ذكاء في مداخلة بابكر عباس