العالم بابكر عباس

[بابكر عباس]

المشاركة الأصلية كتبت بواسطة أسامة معاوية الطيب

السيد العالم : المقارنة هنا مضروبة فيما اعتقد واظنها شرك سويته بيدك
في الصيام حسب تحليلك ( يا علي قاقرين) العندو قروش ما يصوم ... بينما في الحج عكسها العندو قروش يمشي يحج ... ودي بيضرب فكرتك !!!

ما بضربها، الحج فيهو تمييز كبير، تمشي تشتري مغفرة لكامل ذنوبك بقروشك زايد انو بمييزك إجتماعيا.

[حسين عبدالجليل]

المشاركة الأصلية كتبت بواسطة بابكر عباس

ما بضربها، الحج فيهو تمييز كبير، تمشي تشتري مغفرة لكامل ذنوبك بقروشك زايد انو بمييزك إجتماعيا.

يميزك إجتماعيا صح ولكن تمشي تشتري مغفرة لكامل ذنوبك بقروشك دي الله أعلم بها.

دائما ياصديقي ضع نصب عينيك "العدل الإلهي" , وبموجبه يمكن أن ينال عابد فقير مقيم بدياره مالم ينله غني يحج كل عام . راجع كتابات علماء المعتزلة في "العدل الإلهي". ( يعني لو في دول مثل أمريكا و الهند فيها تمييز إيجابي في الوظائف لصالح المهمشين , فكيف برب العباد ؟)

[بابكر عباس]

المشاركة الأصلية كتبت بواسطة بابكر عباس

بالرغم من انو تفسيرك ل "كُتب عليكم الصيام" بأنو مقصود بيهو عموم الصوم غير مقنع بالنسبة لي، لكن خليني أمشي معاك في قصة تباعد 184 و185 زمانيا؟
السؤال:
كانوا قبل نزول 185 بصوموا كم يوم وياتو شهر؟ لانو 185 حددت مدة الصوم وميقاتو.

خليني أجيك من الآخر يا أزهري،
التفاسير الموجودة بخصوص "الذين يطيقونه" غير متماسكة!
"كُتب عليكم الصيام" ببقى مقصود بيها عموم الصوم في حالة ظلت الآيات الثلاثة غير منسوخات، لانهن وحدة واحدة ومكملات لبعض.
طيب، في حالة عدم النسخ دي؟ تكرار "ومن كان منكم مريضا او على سفر"، لزومو شنو؟
ببقى التكرار لتثبيت إلزامية إفطار المريض والمسافر.
وتصبح "ومن شهد منكم الشهر فليصمه" زيها وزي "كُتب" عامة، تفيد ميقات الصوم.

[imported_أزهري سيف الدين]

المشاركة الأصلية كتبت بواسطة بابكر عباس

.
طيب، في حالة عدم النسخ دي؟ تكرار "ومن كان منكم مريضا او على سفر"، لزومو شنو؟
ببقى التكرار لتثبيت إلزامية إفطار المريض والمسافر.

لو كل تثبيت وإلزام محتاج تكرار كان 1000 صفحة ما حاشت المصحف.

كل سنة وانت طيب
..

[imported_أزهري سيف الدين]

لسّة مافي زول اتطرق للتفاسير الصوفية

..

[بابكر عباس]

المشاركة الأصلية كتبت بواسطة أزهري سيف الدين

لو كل تثبيت وإلزام محتاج تكرار كان 1000 صفحة ما حاشت المصحف.
كل سنة وانت طيب
..

يا أخي، الصوم دا، عبادة مختلفة وفيهو شغل ضد الرغبة والحوجة البشرية، التكرار لمنع التعنت والحراسة.
هناك تكرار كثير في القرآن.

[بابكر عباس]

المشاركة الأصلية كتبت بواسطة أزهري سيف الدين

لسّة مافي زول اتطرق للتفاسير الصوفية
..

تقصد الصوفية الحديثة؟

[بابكر عباس]

المشاركة الأصلية كتبت بواسطة أزهري سيف الدين

(لزومو شنو الفدية من أساسو للزول الفاطر لو الصيام ما مكتوب؟)

..

دا، كان إفتراض للطعن في سلامة تفسيرك بتاع النسخ وقصدت بيهو انو لو 184 نسخت 183، الصوم ببقى ما فرض مطلق للصحيح المقيم وإنما له خيار الصوم أو الإطعام. يعني الإطعام تكليف بديل.

[imported_فيصل سعد]

المشاركة الأصلية كتبت بواسطة سارة

انا مع العالم مع قدس الله سره

بلا انسة جيجى بلا ود عثمان


فى البوست دا ممكن اسلم على فيصل سعد ومبر واقول ليهم رمضان كريم
ثم انه يعلم الله مشتاقين

سلمك الله و عافاك و حقق امانيك خيرا و بركة ..
سباقة في الخير دائما يا صديقة ..

و لك من المودة اعذبها ..

[imported_فيصل سعد]

المشاركة الأصلية كتبت بواسطة بابكر عباس

زايد انو بمييزك إجتماعيا.

سلامات يا ابو الند :

انت بعد قليل لما تنزل المعاش و تقعد في كرسي القماش !! حينادوك يا حاج بابكر لو حجيت ولا ما حجيت .. فالتمييز الاجتماعي ما عنده علاقة باداء الفريضة; بل تحدده سابق اجتماعياتك و ربما بذلك و عطاءك و نجوميتك و شهرتك و حظك الضارب ..

يا شفيف يا شفاف يا كبير المعكلتين و رائد اللف و الدوران في سودانيات; و عليك الله تعفي لي لو كلامي طلع خارم بارم

[imported_أزهري سيف الدين]

المشاركة الأصلية كتبت بواسطة بابكر عباس

دا، كان إفتراض للطعن في سلامة تفسيرك بتاع النسخ وقصدت بيهو انو لو 184 نسخت 183، الصوم ببقى ما فرض مطلق للصحيح المقيم وإنما له خيار الصوم أو الإطعام. يعني الإطعام تكليف بديل.

أنا سؤالي قصدت أبين بيهو إنو 184 ما ممكن تنسخ 183 (كلامك البالأحمر في الإقتباس التحت).
عشان أحصر اختلافنا في نسخ 185 لي 184 بس.

المشاركة الأصلية كتبت بواسطة بابكر عباس

أسئلتك فيها منطق قوي جداـ وخاصة حجة التكرار، لكن عشان الكلام دا، يكون صحيح، لازم تكون الآية 184 و185 نزلن متباعدات زمنيا ويرضو تكون 184 نسخت 183 لانو الله قال فيها: "كتب عليكم الصيام" ثم نسخو قي 184 برخصة الإفطار وعاد ونسخو في 185 بقوله: "فمن شهد منكم الشهر فليصمه"

[imported_أزهري سيف الدين]

لي التكرار في 185 استثنا "الذين يطيقونه" لو المقصود بيهو مجرّد التثبيت والإلزام بما ورد في 184؟
يعني بما إنو "الذين يطيقونه" ما اتكررت نقدر نعتبرا ما اتثبتت وبالتالي ما ملزمين بيها؟

أما الصوفية قصدت بيها المدرسة الصوفية الإسلامية عموماً.

..

[بابكر عباس]

المشاركة الأصلية كتبت بواسطة أزهري سيف الدين

لي التكرار في 185 استثنا "الذين يطيقونه" لو المقصود بيهو مجرّد التثبيت والإلزام بما ورد في 184؟
يعني بما إنو "الذين يطيقونه" ما اتكررت نقدر نعتبرا ما اتثبتت وبالتالي ما ملزمين بيها؟

أما الصوفية قصدت بيها المدرسة الصوفية الإسلامية عموماً.

..

لانو مقصد خيار الإفطار هو الوصول للصوم.

[بابكر عباس]

المشاركة الأصلية كتبت بواسطة فيصل سعد

سلامات يا ابو الند :

انت بعد قليل لما تنزل المعاش و تقعد في كرسي القماش !! حينادوك يا حاج بابكر لو حجيت ولا ما حجيت .. فالتمييز الاجتماعي ما عنده علاقة باداء الفريضة; بل تحدده سابق اجتماعياتك و ربما بذلك و عطاءك و نجوميتك و شهرتك و حظك الضارب ..

يا شفيف يا شفاف يا كبير المعكلتين و رائد اللف و الدوران في سودانيات; و عليك الله تعفي لي لو كلامي طلع خارم بارم

عليك الله، يا نديدي، ما شفت نسوان أم درمان البحجن، بقشرن علي الما مشن الحج كيف؟! الواحدة لو مشت محل الخضار ولقت الطماطم غالية، تقول ليهن: وحات وليداتي، في المدينة وزمن حجتنا الفي الصيف ديك، ما لحقت السعر دا!

[imported_جيجي]

اناغايتو يتخيل لي بابكر عباس دا شردوا البوست دا
عليك الله تعال تم النقاش عشان نشوف رمضان نبقى فيه على بينة