خريجو جامعة أسيوط لمزيد من التواصل

[الجيلي عبد الله الريح]

المشاركة الأصلية كتبت بواسطة كيشو

[align=justify]أكمّل ليك يا ود البيك وبعد داك أغالطك
الطيب علي أبكر (بيطرة) قدام الجيلي، عباس أبو قرون (بيطرة) قدام محمد صادق، علي كوكو (بيطرة) بيشرب كازوزة، صالح جميل (تربية) قدام كيمو
الغلاط بطّلتو عشان ما أخرب المجهود الجبار دا
شبارقة: لقيتني كيف؟
خلي أسامة الكاشف يجي هنا [/align]

الأخ كيشو ...سلامات ...
عجبتني ... أنا بديك 100% ... الناس ديه بتشك في قدراتك ليه..؟
الناس ديه مابتعرف (كَوْكَوْ) ...ده كلام كبير عليهم ...؟
أشهد بأن شقتكم كانت تتمتع بديمقراطية عالية جدا، الدليل هوجريدة
الشقة الحائطية التي يحررها السكان الاربعة ويطالعها 400 من
زوار الشقة ,, والدليل الاكبروجود قمر معكم ... والحبيب رمزي ...
لوكنت من رواد الرحلات ونادي البلدية كان كل واحد لَبْد في جحره...

[الجيلي عبد الله الريح]

المشاركة الأصلية كتبت بواسطة اسامه عثمان" ابوشيبة"

جاكم اسامه ابشيبة .. اها الواقف جنب كمال ده ما مصطفي سر الختم والقاعد قدامه ده ما عدنان بتاع علوم والوراء الجيلي ده ما مجدي ابو عيسي.
يارب تجيب العواقب سليمة .. وما اطلع فشوش.
كيمو يا عجيب .. وينك يا راجل ليك وحشة والله .. وزي ما قال ود البيك نككهت البوست وفت التبغ الفرجيني بي غادي .. كنا نتمني نلاقيك في مكة ..علي الاقل اب شنب تبعنا يلاقي اب شنب تبعكم.. ونقعد نحن نتحسر علي الماضي ونغني لترباس.

العزيزابوشيبه ...
خليك دايما شاييت ضفاري ...

[الجيلي عبد الله الريح]

المشاركة الأصلية كتبت بواسطة أسامة الكاشف

لكن يا الجيلي خذلتني أنا وودالبيك
أصلك ما مشيت سوق العربجية
ولا لفيت بي عند الدرادر
عشان تشوف الضمنه بيمسكوها كيف
ما سكها بيد اليمين
طيب لمن تكون عايز تكتل دش العوض ده تضربو بونيه ولا كيف
كما انت البلعبك مع العوض شنو
عرفناهو العوض داكي الفارما
إنت مالك

الزعيم الكاشف ....تحياتي ..
أنا اصلا لاعب مع واحد كيشه ...
بعدين انا ماسك الضمنه باليمين ،عشان اثبت الحجازين القاعدين
شمالي واخم ليك العوض باليمين والبسه الضمنه في وشه ..
بعدين أنا عندي كف باليد اليسرى بودي التجاني الماحي ...

[Kamal Mahjoob]

المشاركة الأصلية كتبت بواسطة الجيلي عبد الله الريح

الأخ كيشو ...سلامات ...
الدليل هوجريدة الشقة الحائطية التي يحررها السكان الاربعة ويطالعها 400 من
زوار الشقة ,, والدليل الاكبروجود قمر معكم ... والحبيب رمزي ...
لوكنت من رواد الرحلات ونادي البلدية كان كل واحد لَبْد في جحره...

الجيلي: شقة يكون فيها كيشو ورمزي وقمر أكيد كانت عنبر من عنابرالتجاني الماحي فرع أسيوط .... بس حكاية نادي البلدية دي ما وقعت لي ...بهاء وين ؟ كنا أنا وبهاء عندما يشتد بنا "القرف" - بالمناسبة وين الرجل الهادئ الظريف "قرفة" كنا نذهب إلى قهوة كل روادها من "السماكة" في الوليدية عند الترعة ، شكلها مشبوه جدا ومافي واعي غيرنا أنا وبها ، ثم نطلب شاي كشري ونعود أدراجنا كداري لأي وجهة كانت ، بعيدة أم قريبة ... وهذه لن تكون بأي حال من الأحوال كنادي البلدية ذاك ... استمتعت في هذه الإجازة باتصال استمر طويلا مع الشيخ الدكتور ابراهيم عبد الله أبوبكر "حمد" وهو يعمل الآن بالمستشفي الصيني في أم درمان وقد تخصص على ما اعتقد في مجال طب الأسرة .. أيضا "بصقلة" كاربة مع الأخ عبد الواحد " الجعول" ولكن للأسف لم أتمكن من زيارته في مدنى التي استقر بها بسبب سفره لشندي لوفاة أحد أقربائه ... حاولت أن أتلتقي الأخ "أبو قناية" والذي عين وزيرا للشباب بولاية الجزيرة ولكن للأهمية لم أتمكن من مقابلته ...

[شبارقة]

[align=justify]مرحبا ً بعودة أخونا كمال محجوب ... وعودا ً حميدا ً إن شاء الله .[/align]

[شبارقة]

المشاركة الأصلية كتبت بواسطة كيشو

[align=justify]
شبارقة: لقيتني كيف؟
خلي أسامة الكاشف يجي هنا [/align]

[align=justify]نقول ما شاء الله يا كيشو ... وهنا ما حنقدر نغالطك ... وعجبني تعرفك على قريبي صالح يوسف جميل شبارقة.

أما صاحبنا ود الكاشف فلو إتذكر ناسو ناس زراعة يكون ما قصـّر [/align]

[شبارقة]

المشاركة الأصلية كتبت بواسطة اسامه عثمان" ابوشيبة"

جاكم اسامه ابشيبة .. اها الواقف جنب كمال ده ما مصطفي سر الختم والقاعد قدامه ده ما عدنان بتاع علوم والوراء الجيلي ده ما مجدي ابو عيسي.
يارب تجيب العواقب سليمة .. وما اطلع فشوش.

[align=justify]أبو شيبة ... سلامات

يارب تجيب العواقب سليمة .. وما اطلع فشوش.

فشوش ساي ؟! ده إنت طلعت الطيش عديل كده

قد يكون هناك تشابه ما بين عدنان وصالح جميل وبين طارق أبو سنينة ومجدي أبو عيسى ... لكن الجاب مصطفى سر الختم لطارق شبو شنو؟![/align]

[Kamal Mahjoob]

المشاركة الأصلية كتبت بواسطة شبارقة

[align=justify]
أما صاحبنا ود الكاشف فلو إتذكر ناسو ناس زراعة يكون ما قصـّر [/align]

عاصم كيف حالك وأسرتك ... تقصد شنو بي دة ، تعب ذاكرة ولا زهايمر ؟ بالمناسبة أين صالح جميل وفتح الرحمن "البرلوم" وخالك فيصل الراقي والطيب أخو صالح ؟

[كيشو]

[align=justify]هسي تلقى في ناس بقولو عصام وعاصم ديل بدقّسو فينا، وأسيوط ما كان فيها اسمو صالح يوسف جميل ولا حاجة[/align]

[align=justify]ياخ دا مرة نسى حنانو ذاتو [/align]

[muntasir hassan]

المشاركة الأصلية كتبت بواسطة الجيلي عبد الله الريح

[img]

اخونا اللمين الطيب وآخر استمتاع بعد السمك مع عشره الدومنه
والحاج (طرمبه ) يتابع ....

اسالكم الله ديل طلبه ولاسواقين بيجو فى احمد حلمى حمد لله على سلامة ظهور الدكتور كمال يبدوا ان عاصم ود الكاشف سرهم بادع

[اسامه عثمان" ابوشيبة"]

المشاركة الأصلية كتبت بواسطة شبارقة

[align=justify]أبو شيبة ... سلامات



فشوش ساي ؟! ده إنت طلعت الطيش عديل كده

قد يكون هناك تشابه ما بين عدنان وصالح جميل وبين طارق أبو سنينة ومجدي أبو عيسى ... لكن الجاب مصطفى سر الختم لطارق شبو شنو؟![/align]

معقولة .. فشوش أنا..لا..انا معقولة ..فشوش ..لا ..
أأأأأأأأأأأأأأخ يا زهايمر .. فشلتكم صاح ؟
مع انو ام الاولاد حذرتني وفالت لي " انت صور اولادك ما بتعرفها بعد ما تمر عليها أكتر من سنتين .. داير تعرف صور ليها اكتر من عشرين سنة"
لكن يا جماعة صدقوني الجكت اللابسو طارق ده شبه مصطفي سكر .. هما كانوا ساكنيين مع بعض؟

[اسامه عثمان" ابوشيبة"]

المشاركة الأصلية كتبت بواسطة كيشو

يا أسامة ياخي الحصل ليك شنو؟ دي أكبر لخبطة في تاريخ البوست دا

سلام كيشو ..ومن باب الاعتراف ب.... فضيلة .
الحاصل بي سببو ..

المشاركة الأصلية كتبت بواسطة اسامه عثمان" ابوشيبة"

أأأأأأأأأأأأأأخ يا زهايمر ..

[شبارقة]

المشاركة الأصلية كتبت بواسطة Kamal Mahjoob

عاصم كيف حالك وأسرتك ...
بالمناسبة أين صالح جميل وفتح الرحمن "البرلوم" وخالك فيصل الراقي والطيب أخو صالح ؟

[align=justify]العزيز كمال ... شكرا ً لك وبارك الله فيك.

صالح يوسف جميل مقيم في الدمام.
فتح الرحمن الحسن الإمام يعمل بالتجارة والأعمال الحرة بالسودان.
الخال / فيصل المهدي يوسف جميل يتقلد منصب مدير قسم من أقسام الري بمشروع الرهد الزراعي.
الطيب يوسف جميل (شقيق صالح) مقيم منذ 30 سنة بمدينة جدة. [/align]

[شبارقة]

المشاركة الأصلية كتبت بواسطة muntasir hassan

اسالكم الله ديل طلبه ولاسواقين بيجو فى احمد حلمى

[مكي محمد الحسن]

المشاركة الأصلية كتبت بواسطة الجيلي عبد الله الريح

يآخوي مكي ده فقدتوه .؟ الزول ده مشى وين .؟
لاعيد ولاحتى الانتخابات ما جابتو...؟ بروفات ..؟ ولا شنو ....

السلام عليكم يا صعايده
خالص العزاء لكل من من فقد عزيزاً وأخص بالعزاء الاخ الشقيق خالد محمد خير في فقده الجلل
ان شاء الله مع الصديقين والشهداء في جنات الخلد ...
والف مبروك للذين أنجبوا من الذرية الصالحة بإذنه تعالي وأخص من بينهم الاخ عادل جعفر ..
والعزر كل العزر لمن أسقطناه سهواً ..فقد كثرت علي المداخلات ..
كنت أتابع من فترة الي أخري ولكن شاءت الاقدار بأن لا أجد وقتاً للمداخلات ( تعددت الأسباب ) ولكنها لم تمنعني من المتابعة وان كانت علي فترات متقطعة ..
لجميع الأسايطة حبي ومعزتي وتقديري ..
وعدنا لفترة ..قد نغيب بعدها لارتباطات في ( العمل .. والأكاديميات ..والأسرة ) ..
د.الجيلي الريح والله بخير ومتابع وأبوشيبة ( زعلان منو !! عملني فنان وزاغ وعلي فكرة أخوك - غني بصحيح في تلك المناسبة بل يمكن تسميها محاولة في وقت وزمان ما في بلداً ما بلدك ...- أها نزلت الصور في النت أبوشيبة قام نشرها هنا وعملني فنان وزاغ ...لكن بيني وبينك القصة عاجباني وصدقتها )...
رايكم شنو؟ نواصل الاحترافية الفنية ولا ...خليكم منها ..مع انه الواحد بقي يمشي في حفلات الخواجات ديل ويعمل فيها (دون جوان ) خاصة مع ( الكاريوكي ) بس لو ناس البرامج التكنلوجية عملوا لينا ( كاريوكي ) للأغاني السودانية ....!!!؟؟؟؟؟ ....أخ
عيد أضحي مبارك للجميع و
كل عام وانتم بخير