ســــودانيات : كم مشتاق لعينيك

[خالد الأيوبي]

ها أنذا أعود يا سودانيات
أقدم رجلاً .. وأؤخر أخري....
كإبن ضال يعود إلي دياره خلسة في ليل بهيم .....
يتسلل في هدوء .. ينزوي في ركن قصي....
يكبح جماح شــوف جارف .. خشية أن يفســده العتاب:
أين كنت ؟ و لم كل هذا الغياب ؟؟؟
---------------------

ها أنذا أعود يا سودانيات
فإعذريني و أعذري غيابي الطويل .. أعذري حضوري الخجول
و أعذري دموعي ـ التي ظننت أنني كفكقتها ـ إن عاودت هطولها
أعذري الحزن الكامن فيني .. لو صحصح تاني
و قام بكاني
علي "خالد"
------------------------------

و بلغي عني عكود و الباشمهندس معتصم وبقية الحرس القديم
و الناس الجدد
و الناس البين هذا و ذاك
قول ليهم سعيد بلقياكم من بعد الغياب
-----------------------------

سودانيات: كم مشتاق لعينيك

خالد

[قيس شحاتة]

المشاركة الأصلية كتبت بواسطة خالد الأيوبي

سودانيات: كم مشتاق لعينيك

مرحباً بعودتك يا خالد. سودانيات دائماً تحتفي بأوبة قدماء المحاربين، ولن نقول لك

المشاركة الأصلية كتبت بواسطة خالد الأيوبي

أين كنت ؟ و لم كل هذا الغياب ؟؟؟

ولكن نقول: يا زول ما تطوّل الغيبة كدِي.

[عكــود]

وكم فركت عيني وأنا أقرأ إسمك،
عاودت مراجعة تاريخ كتابتك، خشية أن تكون شيتاً قديم.

فر رمضان قبل سنتين، كان آخر لقاء . .
وفي رمضان طلّيت علينا.

لا عتاب يا صاحب . .
لا عتاب أبداً؛
نرجوه وعداً بالتواصل.

يا خالد ليك وحشة كبيرة ولحرفك النصيح.

[عكــود]

قبل يومين يا خالد،
قرأت بوست عودة عمك تنقو في س اون لاين وتعليقك هناك وترحمكما على الخالد؛
فتمنّيت أن لا يكون باسويرد سودانيات قد ضاع من ذاكرة أيّ منكما.

فاكثروا من الأمنيات في الشهر الفضيل!

[كيشو]

[justify]تعرف أول حاجتا عملتها شنو يا خالد؟
عاينت لتاريخ ووقت المشاركة، عشان أطّمّن بس
تعال ياخ خلينا نستمتع
واكتب لينا واملانا دهشة[/justify]

[خالد الأيوبي]

الأخ / قيس

قالوا زمان ناس اليمن جاءؤا ياخدوا معلمين من مصر و السودان. و الوفد برئاسة مسئول يمني مسيطرة عليه فكرة أن هناك تزوير في الشهادات و هو عامل فيها مفتح عيونه علي الآخر لضبط أي تلاعب و تزوير. فسأل أحد المتقدمين في المعاينة
- إسمك مين يا أستاذ؟
- فلان الفلاني
- و أيش المادة اللي تدرسها؟
- جغرافيا و تاريخ
- من وين تخرجت؟
- من جامعة القاهرة بالخرطوم
- يا محتال .. ويش جاب الكاهرة في الخرتوم ؟؟

وأنا أسأل: وأيش الجاب شحاتة مع الصديق؟؟

شكرا للإستقبال وربنا يساعد

[خالد الأيوبي]

يا ســلااام يا عكود .... والله زمن
فعلا لقاءنا داك كان في رمضان (والله يا جماعة عكود عزمني في فندق في أبوظبي ... كمان بوفيه مفتوح ... ياخ أنا تاني يوم حردت الفطور)

مشكور علي الترحيب و أنا سعيد و فخور بإجتهادكم و مواصلتكم لمسيرة سودانيات بكل صبر و عزم و ياها المحربة فيكم
ربنا يقدرنا علي الوقوف بجانبكم لدفع مسيرة التواصل و المحبة وأتمني أن يجتمع شمل كل الناس الزمان مرة أخري 
و تسلم

[قيس شحاتة]

المشاركة الأصلية كتبت بواسطة خالد الأيوبي

وأيش الجاب شحاتة مع الصديق؟؟

ماهو دا السؤال الجنّن عبد القادر

[خالد الأيوبي]

يا كيشــــو

إمكن دي أول مرة نتلاقي في ســودانيات و زي ما قال الشاعر معتصم سرور (نحن فتوا و إنتو جينا). و بمناسبة الشعر دي هل قاعد تلقي فرصة في رمضان تتابع برنامج(ريحة البن) في قناة النيل الأزرق؟ - محشور بين المغرب و التراويح -
ممكن تلقى حلقاتو في اليو تيوب مسجلة

والله أنا مبسوط ألاقيك هنا و أتمني أن توفر لنا سودانيات مساحات للتواصل لم توفرها لينا المليون ميل مربع (بالقديم)
و تسلم

[خالد الأيوبي]

ماهو دا السؤال الجنّن عبد القادر

دا أخوك الكبير ؟؟؟؟

[واحة]

خالد يا دفعة

و سودانيات برضو مشتاقة ليك


واحة

[خالد الأيوبي]

خالد يا دفعة

و سودانيات برضو مشتاقة ليك


واحة

شكرا ليك يا واحة و الواحد بيفرح لمن يلاقي ناس دفعتو (للتوضيح دفعتو في سودانيات طبعا مافي الجامعة عشان ما نكبرك) - تســـلمي

[طارق صديق كانديك]

مرحب بعودتك ياخي

واحد من الناس البين هذا و ذاك


أي بالله قيس ده أديهو بالحتة الفيها الحديدة

[كيشو]

المشاركة الأصلية كتبت بواسطة خالد الأيوبي

يا كيشــــو

إمكن دي أول مرة نتلاقي في ســودانيات و زي ما قال الشاعر معتصم سرور (نحن فتوا و إنتو جينا). و بمناسبة الشعر دي هل قاعد تلقي فرصة في رمضان تتابع برنامج(ريحة البن) في قناة النيل الأزرق؟ - محشور بين المغرب و التراويح -
ممكن تلقى حلقاتو في اليو تيوب مسجلة

والله أنا مبسوط ألاقيك هنا و أتمني أن توفر لنا سودانيات مساحات للتواصل لم توفرها لينا المليون ميل مربع (بالقديم)
و تسلم

هل قاعد تلقي فرصة في رمضان تتابع برنامج(ريحة البن) في قناة النيل الأزرق؟

[justify]الفرصة لاقيها يا خالد؛ لكن ما مديها فرصة
يا زول الشباب ديل بخوّفو عديل
نرجع ليهم في اليوتيوب مع التحفظات المعهودة
بعدين ياخ الحاجات دي الزول ما بشيلا براهو[/justify]

[ماريل]

مرحب يا خالد
تعال يا خالد فهذا المكان قادر على غسل كل احزانك
رغم انه كان مصدر لذات الحزن كما أظن......
(كما انو العكار من طين******كمان من طين بجى الرواق)
يكفيك ان تكون فى بيت (الخالد له رحمة)
هذا بيته منبرا للحوار والمحبة
فتعال شمر سواعد افكارك
واكتب واكتب واكتب
و
تواصل
و
لك المحبة