نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 11-03-2010, 10:46 AM   #[16]
طارق صديق كانديك
:: كــاتب نشــط::
الصورة الرمزية طارق صديق كانديك
 
افتراضي

خرز السبح
ممدودة فى جيد
الامانى المستحيل
شقهة حروف اللقيـا
فى غفلة أسى
الزمن البخيل

***

حاجة عجيبة .. !!

شكراً يا ود عمك .. !!

ألا رحم الله مصطفى سيداحمد

تحياتي



التوقيع: الشمس زهرتنا التي انسكبت على جسد الجنوب
وأنت زهرتنا التي انسكبت على أرواحنا
فادفع شراعك صوبنا
كي لا تضيع .. !
وافرد جناحك في قوافلنا
اذا اشتد الصقيع
واحذر بكاء الراكعين الساجدين لديك
إن الله في فرح الجموع



الفيتوري .. !!
طارق صديق كانديك غير متصل   رد مع اقتباس
قديم 11-03-2010, 10:49 AM   #[17]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة AMAL مشاهدة المشاركة
ود جدي العديل وسمح

يسلم قلبك من الغربة
تسلم مجايبك
وطاب خاطرك
هادي بالك ومروق دايما
يارب

link please
العزيزة بت عمنا
امال ، لك مضاعف
التحايا و الدعوات،
و اللنك هنا لكن عاوز
ليو حبرتجي يفك تشفيره،
و عليك باحد الودين
ود الهاج او ود عثمان، و
انتي و تقديرك ..

http://www.sudaniana.com/music/song_download_3137_1

مجدد التحايا لك
و للشباب ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 11-03-2010, 10:51 AM   #[18]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة طارق صديق كانديك مشاهدة المشاركة
خرز السبح
ممدودة فى جيد
الامانى المستحيل
شقهة حروف اللقيـا
فى غفلة أسى
الزمن البخيل

***

حاجة عجيبة .. !!
شكراً يا ود عمك .. !!
ألا رحم الله مصطفى سيداحمد
تحياتي
ابو الطرق، صباحك جوافة
و خليك قريب و كن بالف خير ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 11-03-2010, 09:49 PM   #[19]
ام التيمان
:: كــاتب نشــط::
الصورة الرمزية ام التيمان
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
[align=center]اهداء لجميع المعذبين
في المنافي و المهاجر، و الغربة و فيافيها الموحشة..

مرقت من قلبك مشيت
صلاح حاج سعيد
مصطفى سيد احمد



و مرقت من قلبك مشيت
طفت الشوارع و المدن
لفيت حوارى الدنيا جيت
فتشت فى عيون الزمن
لى سكتك و كم من مشيت
لا لقيتك انت و لا بقيت
القى المواعيد يصدقن
لا بعدك الايام صفن
لا قدرت اعرف وجهتك

و سرحت فى خاطرى
وسهيت فى ذكرتك
سفرك و مشاويرى
وتباريح سكتك
خرز السبح
ممدودة فى جيد
الامانى المستحيل
شقهة حروف اللقيـا
فى غفلة أسى
الزمن البخيل
رنة خطاك
سايقانى للحلم القبيل
نتلاقى ما نعرف مدى
واتجاوز النغم الصدى
واتسابق العمر الجميل

أصحى و معاى
يصحى الشجن
و يفيق أساى
و اساك يجن
و القاكى يغلبنى الكلام
و يشرقنى بالاسف الحزن
و يكفيك خيال
فى غمرة
الاسى و المحال
القاك شقى العمر اللى فات
و القاك فرح فى غفلة مات
و يلقانى فيك مسدار
يغنيلك أساى
دوبيت يجر نمك
على حرقة حشاى
قمرا طلع فى غيم سماى
بقّ وخبا وحاريهو
فى الزمن اللى جاى
وحاريهو فى
الزمن اللى جاى ..[/align]


[align=center][rams]http://www.sudaniana.com/music/song_download_3137_1[/rams][/align]

[align=center][/align]


[align=center]
[moveo=up]ضاع معاك
زمن الوسامة
و اختفى
الفرح العلامة
لسة يا
حزن الملامة
من سنين
دربك سلامة ..[/moveo]
[/align]
آآآآآآآآآآآآآآآآآآآآآآآآه
القمر
يا فيصل



ام التيمان غير متصل   رد مع اقتباس
قديم 12-03-2010, 02:53 AM   #[20]
nagwa
:: كــاتب نشــط::
 
افتراضي

تحيه لك اخي مع كل احترامي

رحم الله مصطفى سيداحمد
ماسمعت حاجة ماشغالة كويس بس احسن في الليل دا انوم زعلانة



nagwa غير متصل   رد مع اقتباس
قديم 12-03-2010, 07:27 AM   #[21]
فيصل سعد
:: كــاتب نشــط::
الصورة الرمزية فيصل سعد
 
افتراضي

العزيزات ام التيمان و نجوي،
لكم التحايا و الود المقيم، و
كونوا معنا و تأملوا ذلك القمر
الذي انار بريشته و حنجرته
المتفردة دروب العتمة و التيه
باعذب الالحان و الاغنيات الخالدة،
و لندعو له بوافر الرحمة و المغفرة
و الاجر و الثواب عند كريم مقتدر ..

[align=center]----------------------------

إيدين بنيات الفريق
قادرات على صد الحِدَيْ
جاسرات على صقر النكد
إيدين بنيات الفريق
بتهدهد الطفل الرضيع
بتعدي شيخ دومة الحفير
تشلخ لبق .. تسقي الخدير
بتعوس و تفرك للملاح
بتورِّق اللوبي و تحش
تمسك مراح تحلب ، تخُش
تغسل هموم أيامه في طشت الحلم
تنفض تشر الشوق هِدِم
تنشل من البير أم تلاتين باع
تعتِّل تفزع الطيّانة
لو ما تجدع التبّانة بتجيّه بيوت
تغزل خيوت بتطرز المنديل
تخيِّت لي طواقي العيد
صبر بتَتَبِبْ السجاج
مع الفجاج تقوم
إيدين بنيات الفريق
بتحش تمر تخرت سبيط
بتعتِّق الدكّاي و تخبز للصفاح
بتكفّي عيزومة و ضيوف
بتغني قيدومة و تطوف
بتهني بتودي وتجيب
بتحني بتدلك حبيب
بتولِّد الأمات
تربِّي على الصلاح
زي ماب تضمِّد للجراح
إيدين بنيات الفريق
إن داهم الحلاّل خطر
قادرات على شيل السلاح

يا مناحتها وبلاّلها
يا .. رجع اللي راح
يا ود عيون فِرْحَن .. بكن
تِرْحَن يغطْسِن في الدموع
الدنيا عامرابك تظل
وإن كان رحيلك فرتكها
أو يا لسان نار الصراع
لهليبه بعدك لو هكَع
مين شالُّو شيلة بلا اتكَّأ ؟
مع إنو صبرك .. ما نفد
برشمت .. أو كبسلت
كيف سعة الوجود
في ضيق لحد ؟

------------------------------

-- جزء مصابيح السماء التامنة
مرثية حميد في الراحل مصطفى سيد احمد --


[/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 12-03-2010, 09:01 AM   #[22]
محمد عبد الرحمن
:: كــاتب نشــط::
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
[align=center]اهداء لجميع المعذبين
في المنافي و المهاجر، و الغربة و فيافيها الموحشة..


[/align]

العزيز
فيصل سعد
والله تورتنا فينا حاجات خليها ساي يا زول يا رايع



بهاءا مشكورا




[align=center]سلامات يا زول يا رايع (مرثية أزهرى في مصطفى)

[size=3]مدخل أول:
لمتين متيمم شطر النيل
متوقى اليابسه ووارد
متوكى الغنيه عصا موسى
بتهش فى غيم الالفه الشارد
مهدوده القدرة وفترانه
حردان الضل البارد
بتوجل لى يوسف فى البئر
يطلع من بطن البير المارد!


مدخل ثانى:
فات الكان بدينا أحساس بالالفه
وكان راوينا
فات الباكى جرحنا وناسى جرحو
ولافى ورانا مدينه .....مدينه
فات الصاحى ونحن نغط
فى النومه السابعه
طالق حسو ولا حسينا
حتحت فينا غناهو الطاعم
وفات قنعان من خيرا فينا
سلامات يا زول يا رائع
سلامات عوافى!
سلامات ياخلاصة الخير الفى الناس
وترياق الزمن المتعافى
سلامات يازول يا رائع
سلامات عوافى
محاصر فيك
بسأل عن سكة تطلع منك
أو سكة تودى عليك
بسأل عن مخرج منك وليك
زى نهر بينبع
وما لاقى مصب
بتمدد عشقك من أقصى ضواحى الروح
لى أقصى نواحى القلب
يتكثف بسعة اطلاق الرب
وأنا كنت بفلى القلب بسيرتك
سميتك حلاب الغيم
من ضرع الجدب
وظنيتك مارست الفعل السرى
وحفظت فحولة النيل
أيام الخصب
ولمحتك وانت بتتمشى
وترقص فى حمامك
على حمة ايقاع الحرب
وتكلكل جلد الكلمة الحافه
لحبيبة بتفتح مجرى الغنا فى الدم
وتفلس بيبان القلب
فيا بنوت الشارع الطاعم
قومن كب!
قومن للماقصر فى غناكن ضمة
ولاأتلوم بوراكن تب!
لو تبقى السكة الماشة طشاش
ماتبقى السكة الجاية ضهب
وسلامات يازول يا رايع
البارح عصفورتك ركت فى البال
رقصت وادت عصفور الريد شبال
وطارت من قولة كر
ما الزول النهر العصفورة
بحرض فى كلاب الحر
لابسنى وداخل فى اللحم الحى
راصد كل البسأل عن حالى
حرش ضلى على
ونتف زغب الخاطرة التخطر على بالى
ومنع العصفورة تحوم
أستجوب كل الناس البجو فى النوم
ما تقوم !
يازول يا رايع ومهموم
يامضيع ضى عينى وراك
واقف حاحاى للنوم
يامستف رئة الدنيا شهيق
ومشحتف روح الخرطوم
كيف حال يا أبوى
كيف حال يا خال
وتعال!
أتفضل على باحة بيتنا الطيب
ماعون الاطفال
ضمد جراحاتك تعال!
من ضلاماتك تعال!
من حافة البرزخ تعال!
من شرفة الملكوت تعال!
أدينا هينين من صبر
ما السكة أبعد من مشيك
والجرح أعمق من حدود الاحتمال
السابلة والاطفال هناك
قدامك المشوار طويل
والريح وراك
كل البيوت اتشرفت لى طلعتك
والونسة ماكملت معاك
القرقراب والقهقهه
مين سمى ترحالك غياب!؟
والغيبة بتزيدك بها
لو يرتق الحزن المصاب
كان بعدك الموت انتهى
يا أقصى حالات الحضور المشتهى
يا منتهى!
تعال فرحنابى دهشة غناك الحى
وحى من جرحك الدامى!
وفتر حيلك
وحى من ضلك الرامى
وحمل شيلك
تموت متل الشدر واقف
تموت واقف على حيلك
فيا حليلك...يا حليلك

بنستناك على صهوة جياد الريح
بنستناك
فى الزمن اللديح القيح
على باب الحلم فى غناك
بنستناك!
رحيلك شلهت الدنيا
ورتب العالم البهناك
بستناك!
وأنا تانى وراك شن لاحق؟
دهستنى فى بعدك
حدو الخوف
الداخلة عليك بالساحق
أدينى القدرة التمنحنى
بحجمك سعة الشوف
لو أقدر أطل من شاهق
لو أقدر الوح لعيونك تلمحنى
وانا ضعفى أمامك فاضحنى
سامحنى!
ماقدرت أطولك
سامحنى
شفتك من وجع طالع
على برزخ ملتقى النيلين
كنت هناك وحيدك
وكل الناس أثنين اتنين
براك واقف!
فى حد السيف
براك الماواقف بين بين
تغازل حلمك الفارع
فتح بابين على الملكوت
تسلم على حضرة جلال الموت
وتفتح فى الارض نفاج
أذا امتلا الفراغ بالصوت
فيا باطن الاديم أفتح
براحات الحنين مشرع
وانده لمدن شاخت
أنده لاطلال الغنا الراحت
بيوت فى بيوت
تمرق من شبر مسرح
مدن فاضلة
وعلم باتساع الحلم
بقامة يشتهى التابوت
فما لفظ البحر يونس
ولا أنسدت شهية الحوت
ويازول يارايع تمشى بالحسرة وتموت!
وسلامات يازول يا رايع

وسلامات يازول يا رايع
سلامات عوافى
[/size[/align]]

ألا رحم القدير عزل و جل مصطفى بفدر ما أمتعنا و سيمتعنا



التوقيع:
لماذا ايها الوطن الكسيح سيجتني بالريح
لماذا ايها الرب الرحيم وحدي ولي وطن جحيم

(الصادق الرضي)
محمد عبد الرحمن غير متصل   رد مع اقتباس
قديم 13-03-2010, 09:40 AM   #[23]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة محمد عبد الرحمن مشاهدة المشاركة
العزيز
فيصل سعد
والله تورتنا فينا حاجات
خليها ساي يا زول يا رايع
بهاءا مشكورا





ألا رحم القدير عز و جل مصطفى بقدر ما أمتعنا و سيمتعنا

مرحب يا محمد،
و طاب مقامك يا صاحب ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 14-03-2010, 02:00 PM   #[24]
قمر دورين
:: كــاتب نشــط::
الصورة الرمزية قمر دورين
 
افتراضي

[align=center]

عنده وقفنا من المشي
وغرقنا في ضوء النهار
رحمه الله....


تحياتي أخ فيصل...

الصورة من موقع sudani.ws
[/align]



قمر دورين غير متصل   رد مع اقتباس
قديم 14-03-2010, 10:17 PM   #[25]
فيصل سعد
:: كــاتب نشــط::
الصورة الرمزية فيصل سعد
 
افتراضي

مرحب بيك يا قمر دورين،
و شكرا لاضافة الصورة ..
و خليك قريبة و متابعة ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 16-03-2010, 05:18 AM   #[26]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center]ضليت،
هرب مني الامل جنيت
جافاني الشروق، حنيت
كنت معاي
في لمة دليب شاشاي
في ايقاع حشا المردوم
في جيد الزمن سوميت ..

التحايا للحبيب ود عثمان
ولكم جميعا ..[/align]





التعديل الأخير تم بواسطة فيصل سعد ; 01-01-2013 الساعة 05:32 PM.
التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 20-03-2010, 02:49 PM   #[27]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center][/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 21-03-2010, 12:09 PM   #[28]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center]
يا سلام عليك
عبد الوهاب هلاوي



لو منى مستنى الملام
يا سلام عليك يا سلام
يا سلام عليك يا سلام

يا حلو دة السكوت مرات كلام
وعدم الملام هو كمان ملام
يا سلام عليك يا سلام

انا يا غرامى وصلت بيك
فى الدنيا لى حد الغرام
ولقيت ملامى على عينيك
يا سيدى زى الما ملام
يا سلام عليك يا سلام

الورد لو فات الفراش
ما اظن تلومو مع الندى
ما بتجرح احساسو الجميل
والريدة يا حنين كدة
والريدة يا حنين كدة
يا سلام عليك
يا سلام
يا سلام عليك
يا سلام[/align]


[align=center][flash=http://www.youtube.com/v/mspCSa4eJ7k&rel=1]WIDTH=400 HEIGHT=350[/flash][/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 21-03-2010, 12:13 PM   #[29]
نزار حسن علي
:: كــاتب نشــط::
 
افتراضي

رنة خطاك
سايقانى للحلم القبيل
نتلاقى ما نعرف مدى
واتجاوز النغم الصدى
واتسابق العمر الجميل


ود سعد مشتاقوووووووووووووووووووووووووون
كثيرررررررررررررررررررررررررررررر



نزار حسن علي غير متصل   رد مع اقتباس
قديم 21-03-2010, 12:34 PM   #[30]
فيصل سعد
:: كــاتب نشــط::
الصورة الرمزية فيصل سعد
 
افتراضي

مرحب يا نزار يا حبوب،
و الاشواق مشتركة ..

اطيب التحايا، و
خليك بالجوار ...



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:31 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.