خريجو جامعة أسيوط لمزيد من التواصل

[الجيلي عبد الله الريح]

اشتهرت في اسيوط الكثير من العمارات التي كان يسكنها الطلاب السودانيين باستمرار واهمها عمارة بطرس في النميس فكل العمارة سكانها من جنوب الوادي واشهر سكانها المرحوم ود المجدوب ..عصام هندسة.الصحافةزلط..كيكي..محي الدين الكاب..اسامة علوم سنار..وهناك عمارة ام رامز: مجموعة بيطرة.. قاسم سليمان..عادل عبد الرحمن..محمد محجوب..حسن الشيخ..طارق دفع الله..مجموعة هندسة..محمد قسم السيد..مجموعة طب عصام عليش..الجيلي عبدالله..خالد ابراهيم.. عوض تجاني..وعمارة ام منى وهي البوابه المسؤولة عن الشقة يحتلها بجدارة مجموعات مختلفة اهمها البياطرة حمزة السراج..مبارك نصر الدين..محمد الفاتح..معاوية مختار..الطب فوزي فؤاد عباس..ايهاب القباني...وهناك عمارة عبده جعيص بالقرب من دار المعارف وكان فيها مجموعه تجارة..عمر محمد عثمان..الطاهر الجميعابي..خضر النورابي..عادل عبد الرحمن كوستي تجارة..ومجموعه زراعة عماد الدين سليمان..وعمران محمد ادريس..واحمد عبد الرحمن..ومجموعه علوم عثمان عبد الله الحسن واسامة عبد الله المناقل..ثم طارق عوض الكريم تربيه ومجموعته ومن اهم العمارات عمارة اكرامي بالقرب من الجامعه والمعهد الصناعي يحتلها مجموعه الهندسة لقربها من الكلية.. فايز هندسة..عبدالخالق احمد يوسف طب عبد العظيم الباهي شندي بيطره..ولا ننسى بالطبع عمارة عدلي..تحياتي لكل من كان يوما من الايام احد افراد المجتمع الطلابي في اسيوط...

[مكي محمد الحسن]

المشاركة الأصلية كتبت بواسطة شبارقة

[align=justify]سلامات يا أبو ريم وتشكر ....طبعاً زي ما بنقول دائماً الصور هي البتنعش لينا ذاكرتنا (بالذات نحن الديناصورات) وهناك تواصل عبر الهاتف مع الأخ الذي في النص وهاهو تلفونه لمن يريد الإتصال عليه 0503871456 ويا حليل زمنك يا ميكي [/align]

الاخوة والاخوات الصعايدة السلام عليكم
تعرف يا بستم دخلت امبارح ( السبت ) مساء عندي هنا ( مشارف الصباح ) في السودان والشرق الاوسط ..قمت ( ادبيت ... دخلت علي البوست زي الدبيب براحة كدة وما في زول لمبتوا خضراء ) والناس نائمين قلت انزل الصورة الصغيرة ديك الفيها اهداء ل د. منتصر

بعد ما الشوق غلبنا ... بي هدية لأخونا د. منتصر

اها قمت حفظتها عندي ( في الجهاز ) وقلت باكر ان شاء الله اقوم اكبرها باستخدام برنامج ( paint ) كما علمني د.الزوول في البيت القديم ( انتوا درس العصر داك كان لي وحدي ولا شنو؟؟ ...والله يكون بختي مدرس خصوصي وغير مدفوع الاجر ..مع الاعتزار لدكتور الزوول ....) ..المهم الله يبارك في الاخ عاصم البشير شبارقة ..عمل الازم وما قصر ..كمان دنكل ليكم صورة ابوريم ( اسامة مامون الامين ) وهو قال سرقها من :

من ارشيفو اخترت ليك الصورة دي -بالسرقة-من غير مايعرف

الاخ سيد احمد محمد سيد أحمد ابوشعر ..ويظهر في الصورة عليه رحمة الله تعالي الاخ منتصر .. يا محمد الطيب عبد الله ...

اها النحكي ليكم : في هذه الصورة ( يظهر العبد لله وهو برلوم - كلنا كنا برالمة - وكان الاخ عصام محجوب يضحك كلما شاهد هذه الصورة ) ومرات بدونها ويقول لي : اتذكر يوم ان حضرت الي شقتكم يا برلوم ولقيتك ماشي الكلية ولابس ( جزمة بيضاء - تظهر في الصورة ) ..وكان الاخ نادر محجوب سيد أحمد يعلق علي ( جزمتي البيضاء ب ) ودي حا تورنشها شنو؟؟ زبادي ؟؟ .... ذلك الحزاء الابيض كان من أفكار الصباء عندما ظهر( ما يكل جاكسون وقتها ) كان يرتدي حزاءاً ابيضاً وهو يغني ..ذكرتني هذه ببرنامج ( العالم يغني - للمذيعة ...الاتربي ) علي القناة الاولي للتلفزيون المصري ..ايام كان التلفزيون في الشقق المفروشة في اسيوط بعض من الكماليات ...
د.الجيلي الريح ذكر العمارات في اسيوط وعلاقة الطلاب سكانها بها ونسي عندما ذكر :

وهناك عمارة عبده جعيص بالقرب من دار المعارف

وللمرحوم عبدو جعيص المحامي عمارة أخري كان يسكن في احدي شققها وكان الاخ صابر احمد الزبير أحد اصدقائه بل سكن معه هو والاخ جمال محمد المصطفي لاكثر من اربعة اعوام ( كان المرحوم عبدو جعيص يحب صابر لدرجة ابنه - وله ابنان وبنت - كان يتمني وبل احياناً يقول لصابر ياريت تجوز بنتي ؟؟- احد ابنائة يا شيخ كيشو الان دكتور في كليتك حقوق اسيوط - كنا - واقصد بكنا الكبار الباشمهندسين أحمد ابو القاسم وجوهر آدم الطاهر بالذات وعصام محجوب وجمال ( بطاطس ) نشاغل صابر يازول انت الراجل ده ما دايرك تعرس بنتوا عديل كده ..زايغ مالك؟؟ ) ....
د.الجيلي انت سكنت مع الاخ د.عصام عليش وهو من بري ؟ اها انت ود. الزوول دي اجتمعتوا عليها كيف؟؟

[كيشو]

المشاركة الأصلية كتبت بواسطة الجيلي عبد الله الريح

اشتهرت في اسيوط الكثير من العمارات التي كان يسكنها الطلاب السودانيين باستمرار واهمها عمارة بطرس في النميس فكل العمارة سكانها من جنوب الوادي واشهر سكانها المرحوم ود المجدوب ..عصام هندسة.الصحافةزلط..كيكي..محي الدين الكاب..اسامة علوم سنار..وهناك عمارة ام رامز: مجموعة بيطرة.. قاسم سليمان..عادل عبد الرحمن..محمد محجوب..حسن الشيخ..طارق دفع الله..مجموعة هندسة..محمد قسم السيد..مجموعة طب عصام عليش..الجيلي عبدالله..خالد ابراهيم.. عوض تجاني..وعمارة ام منى وهي البوابه المسؤولة عن الشقة يحتلها بجدارة مجموعات مختلفة اهمها البياطرة حمزة السراج..مبارك نصر الدين..محمد الفاتح..معاوية مختار..الطب فوزي فؤاد عباس..ايهاب القباني...وهناك عمارة عبده جعيص بالقرب من دار المعارف وكان فيها مجموعه تجارة..عمر محمد عثمان..الطاهر الجميعابي..خضر النورابي..عادل عبد الرحمن كوستي تجارة..ومجموعه زراعة عماد الدين سليمان..وعمران محمد ادريس..واحمد عبد الرحمن..ومجموعه علوم عثمان عبد الله الحسن واسامة عبد الله المناقل..ثم طارق عوض الكريم تربيه ومجموعته ومن اهم العمارات عمارة اكرامي بالقرب من الجامعه والمعهد الصناعي يحتلها مجموعه الهندسة لقربها من الكلية.. فايز هندسة..عبدالخالق احمد يوسف طب عبد العظيم الباهي شندي بيطره..ولا ننسى بالطبع عمارة عدلي..تحياتي لكل من كان يوما من الايام احد افراد المجتمع الطلابي في اسيوط...

الجيلي الله يسلمك
ويديك طولة العمر
وفي الدنيا يوم ما يألمك

ياخ ما تشوف لينا رحلة لأسيوط
كنت بالأمس أتحدث هاتفياً مع الأخ نادر سليمان النور (هندسة) وسألته عن عصام إبراهيم (الصحافة زلط) كما قلت، واشتهر في أسيوط باسم عصام مولانا، كان يجود بكل ما يملك لمن حوله فهو أول من يعطي، وآخر من يأخذ، سكنت معه في بطرس وكنا أربعة بزيادة طارق شبو وأبوبكر حمودة، وطارق شبو رجل فنان يحتاج الاقتراب منه إلى مهارات خاصة
لقد ابكيتني في هذا الصباح
وهيجتني الذكرى (عاصم ما يسمعني)
تعرف يا الجيلي انحنا حبنا دا لو شتتناه في الجيكس كان خسرنا خسارة كبيرة

[محمد ود الطيب]

هذه الصورة أبكتني لانو فيها صديقي المرحوم منتصر هو أبن دفعتي منذ الروضة لذلك عندما ذهبت للعزاء
في البيت طلب مني عدم مقابلة أمه حتي لا تتذكر أبنها المرحوم منتصر ويا ميكي منتصر هذا قبل في أسيوط زراعة لكنه فضل دراسة الطب في روسيا وهو لا يدري أنه سوف يموت هنالك
المهم في خضم هذه الذكري الأليمة أستقبلت الأبن الأول لي ظهر الأثنين وأسميته عبد الله فسبحان الله تولد البسمة من صلب الحزن

[الجيلي عبد الله الريح]

أستقبلت الأبن الأول لي ظهر الأثنين وأسميته عبد الله فسبحان الله تولد البسمة من صلب الحزن

الف الف مبروك يا ود الطيب واهلا وسهلا بود الطيب الصغير..تشتوشي..جعله الله من الصالحين وانبته نباتا حسنا...

[Musa Jadeed]

على ذكر الراحلين الى الدار الآخرة من السودانيين الذين درسوا بأسيوط فأحد زملائنا بكلية التجارة قد لا يعرفه الآخرون ولكن قد يعرفه زملائه بكلية التجارة آنذاك وقد كان في الدفعة التي جاءت بعدنا مباشرة (1985م الى 1989م) وهو الأخ / صفوت محمد عبدالوهاب والذي كان يعمل بالسعودية الرياض وقد توفى في مطلع التسعينيات في حادث سير أليم بطريق جدة القديم بين مكة المكرمة وجدة حيث كان يقود سيارته ومعه شقيقته وزوجها وشقيقه أحمد محمد عبدالوهاب خريج تجارة عين شمس أيضا وقد توفي في الحال وكذلك شقيقته وزوجها بينما تعرض شقيقه أحمد لإصابات بالغة قضى أشهرا بالمستشفى وقد تعافى بعد ذلك.

[الجيلي عبد الله الريح]

المشاركة الأصلية كتبت بواسطة كيشو

الجيلي الله يسلمك
ويديك طولة العمر
وفي الدنيا يوم ما يألمك

ياخ ما تشوف لينا رحلة لأسيوط
كنت بالأمس أتحدث هاتفياً مع الأخ نادر سليمان النور (هندسة) وسألته عن عصام إبراهيم (الصحافة زلط) كما قلت، واشتهر في أسيوط باسم عصام مولانا، كان يجود بكل ما يملك لمن حوله فهو أول من يعطي، وآخر من يأخذ، سكنت معه في بطرس وكنا أربعة بزيادة طارق شبو وأبوبكر حمودة، وطارق شبو رجل فنان يحتاج الاقتراب منه إلى مهارات خاصة
لقد ابكيتني في هذا الصباح
وهيجتني الذكرى (عاصم ما يسمعني)
تعرف يا الجيلي انحنا حبنا دا لو شتتناه في الجيكس كان خسرنا خسارة كبيرة

احد الاخوة السودانيين من مدينة اخرى في مصر جاء الى اسيوط وعندما نزل من القطار في محطة اسيوط وجد جمهرة كبيرة من الطلاب السودانيين فظن ان هناك شرا وسأل الحاصل شنو يا جماعه....? مافي حاجة مودعين لينا واحد....سبحان الله الناس ديه كلها جايين عشان يودعوا ليهم فرد واحد...وهناك الكثير والكثير والمثير يااخ عصام...التحية والتقدير لكل اسيوطي رسم صورة رائعة..لن تنسى ابدا....

[مزمل فزع]

ألف مبروك المولود ياودالطيب ونتمنى له مستقبل واعد ومشرق وربنا يعطيك الصحه والعافية، وماتتجاهل دعوتنا للسماية

[مزمل فزع]

الاخ/موسى
الهم أرحم صفوت بن محمد عبدالوهاب وشقيقته وزوجها وأسكنهم مع الصادقين والشهداء والابرار، ولقد تذكرت اسمه ولكن ضاعت الملامح، فمن يجد له صوره يسعفنا بيها والرحمه لكل الراحلين والمقيمين والدوام لله.

[Musa Jadeed]

المشاركة الأصلية كتبت بواسطة مزمل فزع

الاخ/موسى
الهم أرحم صفوت بن محمد عبدالوهاب وشقيقته وزوجها وأسكنهم مع الصادقين والشهداء والابرار، ولقد تذكرت اسمه ولكن ضاعت الملامح، فمن يجد له صوره يسعفنا بيها والرحمه لكل الراحلين والمقيمين والدوام لله.

الأخ / مزمل فزع
لك التحية والشكر وكيف أخبار آل فزع بسنار فهم أسرة معروفة هناك.

[مزمل فزع]

الأخ/ موسى
لك التحية والود، صحيح عندنا مجموعة من آل فزع فى سنار ، ولنا فيها ذكريات حلوة ، وزرتها فى اجازتى الاخيرة للسودان قبل شهر من الآن، ومكثت فيها يوم واحد نسبة لضيق الاجازة، ولكنها تغيرت كثيراً فى ملامحها وهاجر معظم اهلها الى الخرطوم ، نسبة لتردى الخدمات كحال معظم مدن السودان، حتى السينما الوحيدة فى سنار والتى كانت تعرض اميز الافلام وغنى فيها معظم مطربى السودان آنذاك، هدمها احد الولاة الذين آلت اليهم تسيير أمور الدولة بحجة المشروع الحضارى ليهدم أحد أصرحتها الثقافية، وربنا يكون فى عوننا جميعاً....... ولك كل التحايا

[كيشو]

المشاركة الأصلية كتبت بواسطة محمد ود الطيب

هذه الصورة أبكتني لانو فيها صديقي المرحوم منتصر هو أبن دفعتي منذ الروضة لذلك عندما ذهبت للعزاء
في البيت طلب مني عدم مقابلة أمه حتي لا تتذكر أبنها المرحوم منتصر ويا ميكي منتصر هذا قبل في أسيوط زراعة لكنه فضل دراسة الطب في روسيا وهو لا يدري أنه سوف يموت هنالك
المهم في خضم هذه الذكري الأليمة أستقبلت الأبن الأول لي ظهر الأثنين وأسميته عبد الله فسبحان الله تولد البسمة من صلب الحزن

أخي محمد ود الطيب
سبحان الذي خلق الموت والحياة، ونسأله حسن الخاتمة
نسأل الله أن يبارك في المولود، وأن يرزقك بره، ويعينك على تربيته، أنا قريب ممكن أحصل السماية أو تحصلني والطيارة كل نص ساعة ماشة جاية، وين حسن ماشة بالمناسبة دي(السؤال للجميع)
ياريت نلقى عندك خبر الأخ ميسرة علام ورقم هاتفه

[مكي محمد الحسن]

السلام عليكم يا صعايده
الاخ محمد الطيب عبدالله الف مبروك الولد ( عبد الله ) مسمي علي جده ولا شنو؟ ان شاء الله من الصالحين ويتربي في عز والديه ورفيقاًً لاختيه وما افتكر بنحضر الكرامة بتاعتوا لبعد المسافة ولكنني مفوض شيخي ( كشكوش - عصام كيشو - بكد العضم العائم فوق صحن ام رقيقة داك ).

الاخ موسى جديد
الهم أرحم صفوت محمد عبدالوهاب وشقيقته وزوجها وأسكنهم مع الصديقين والشهداء والابرار، ولقد تذكرت اسمه ولكن ضاعت الملامح كما قال الاخ مزمل فزع ، ( وافتكر ان المرحوم كان فاتح لون بشرته ) فمن يجد له صوره يسعفنا بيها والرحمه لكل الراحلين والمقيمين والدوام لله.

[د/ كمتور]

سعدت أيما سعادة وانا أهاتف عزيزي محمد الطيب بنبأ قدوم مولوده الجديد ( عبد الله) 0
وبهذه المناسبة فقد تناثرت الأفراح درر وانطلقت الزغاريد في كل من دبي والدويم0
ألف مبروك يا ود الطيب - وجعله الله من أبناء الوطن الصالحين0

[muntasir hassan]

المشاركة الأصلية كتبت بواسطة محمد ود الطيب

هذه الصورة أبكتني لانو فيها صديقي المرحوم منتصر هو أبن دفعتي منذ الروضة لذلك عندما ذهبت للعزاء
في البيت طلب مني عدم مقابلة أمه حتي لا تتذكر أبنها المرحوم منتصر ويا ميكي منتصر هذا قبل في أسيوط زراعة لكنه فضل دراسة الطب في روسيا وهو لا يدري أنه سوف يموت هنالك
المهم في خضم هذه الذكري الأليمة أستقبلت الأبن الأول لي ظهر الأثنين وأسميته عبد الله فسبحان الله تولد البسمة من صلب الحزن

1000 مبروك ياابو عبدالله ربنا اجعاه قدم خير وبما انه ولى العهد واكيد حايكون مريخابى حانسميه عبدالله الوالى...وكمان مبروك لتاج السر...بالله يامحمد شوفته النجمه مضويه الشاشه كيف..يافزع وارباب شوفوا طريقه طرطشوا بيها الون الفى اخر الصوره..ولااسالوا ميكى احتمال اكون بقى خبير جير وبوهيه..بالمناسبه ياميكى ممكن نصرف ليك روشته صفرا تساعد طلبتك بتاعين hyper activity سبحان الله يامكى دواء الritalin الذى يستعمل فى العلاج لونه اصفر..ياناس تربيه قسم فيزيا ماهو سر العلاقه العكسيه بين الجيلى و الزول..لمن اظهر واحد اختفى التانى..وعلاقة الدهب بالدولار ياناس الخليج