عليكم الله أعفوا لي

[أبوبكر عباس]

عمر بانقا زميلي بسكن عزابة الشارقة، طويل، نحيف وأسود كالأبنوس، قال لي ونحن قاعدين تحت نخلة البيت:
تعرف، خالتي ست الدار، مرة مطرطشة وعنصرية من غير ما تدري.
تجينا في كوبر من السجانة وأول ما تدخل البيت وقبل ما تسلم علي تقول لي:
عليك الله، يا عمر ولدي تعفي لي
- في شنو يا خالة؟ عافي ليك، بس قولي لي أعفي ليك شنو؟
- جيت بالسوق الأفرنجي، لقيت لي ولد ضربتو في ضهرو، قايلاهو انت، لكن لمان إلتفت عليّ لقيتو جنوبي، عليك الله يا عمر تعفي لي.
- لكن يا خالة، الجنوبيين ديل، ما زيينا وأخوانا.
- ما عارفة، بس اتّا أعفي لي...