وداد ... ام الشياطين

[عماد علي]

http://www.alrakoba.net/news-action-show-id-100960.htm

[عماد علي]

زائد المقال السابق اضيف إليه ما يلي:

عن عمر عن دفعته بجهاز الأمن قال ان ام الشياطين قبل ما يجهز بيت كافوري ويجهز حوض السباحه الملحق به, كانت بتجي تجلبغ فى حوض السباحه الموجود بدار الشرطه, وطبعاً حاجه زي دي دايره تحضيرات امنيه وبرتوكولات وكده, واحده من التجهيزات دي تفريغ كرتونه صندليه كامله اقول (كرتونه) لاني تحديداً ركزت علي الكلمه دي يعني ما علبه واللا حتى دسته, كرتونه كامله من الصندليه تفرغ فى حوض السباحه عشان وداد تجي تجلبغ هي وبناتها بي مزاج.
لو فى نسوان فى معانا هنا بالله يورونها العلبه عملت كم بالله, ومتأكد تماماً إنو تكاليف العومه أو الجلبيغه الواحده ممكن تعمل عرس جماعي. موش؟؟؟

عن هيثم عن صاحبه الساكن اركويت لمن جا راجع من إجازه للسودان وعايز يعرس وطبعاً البيت ماهل وناوي يسكن فى الشقه الفوق, اللي مأجراها قريبه وداد وبعد ما ادوها خبر بالنيه دي ومعاها فتره سماح شهر ومن غير إيجار عشان تشوف ليها بيت تاني, زي الساعه 1 صباحاً كده جات عليهم ام الشياطين دي وقالت ليهم البيت ده بي كم؟؟
تخيل إشترته كاملاً وبالزياده كمان لا لشئ سوى انو الناس ما تقول ياخي طلعو قريبه وداد من البيت.


ملعون ابوك بلد...........

[عادل عسوم]

سلام أخ عماد
لا أراني أختلف معك على الفساد الضارب بأطنابه بدءا من زوجة الرئيس التي ذكرت أو غيرها...
ولكني أخالفك في هذه:

ملعون ابوك بلد...........

هل البلد بلد وداد ومن معها؟!
مودتي

[فتح العليم]

المشاركة الأصلية كتبت بواسطة عماد علي

زائد المقال السابق اضيف إليه ما يلي:

عن عمر عن دفعته بجهاز الأمن قال ان ام الشياطين قبل ما يجهز بيت كافوري ويجهز حوض السباحه الملحق به, كانت بتجي تجلبغ فى حوض السباحه الموجود بدار الشرطه, وطبعاً حاجه زي دي دايره تحضيرات امنيه وبرتوكولات وكده, واحده من التجهيزات دي تفريغ كرتونه صندليه كامله اقول (كرتونه) لاني تحديداً ركزت علي الكلمه دي يعني ما علبه واللا حتى دسته, كرتونه كامله من الصندليه تفرغ فى حوض السباحه عشان وداد تجي تجلبغ هي وبناتها بي مزاج.
لو فى نسوان فى معانا هنا بالله يورونها العلبه عملت كم بالله, ومتأكد تماماً إنو تكاليف العومه أو الجلبيغه الواحده ممكن تعمل عرس جماعي. موش؟؟؟

عن هيثم عن صاحبه الساكن اركويت لمن جا راجع من إجازه للسودان وعايز يعرس وطبعاً البيت ماهل وناوي يسكن فى الشقه الفوق, اللي مأجراها قريبه وداد وبعد ما ادوها خبر بالنيه دي ومعاها فتره سماح شهر ومن غير إيجار عشان تشوف ليها بيت تاني, زي الساعه 1 صباحاً كده جات عليهم ام الشياطين دي وقالت ليهم البيت ده بي كم؟؟
تخيل إشترته كاملاً وبالزياده كمان لا لشئ سوى انو الناس ما تقول ياخي طلعو قريبه وداد من البيت.


ملعون ابوك بلد...........

الرائع عماد
معقول البحصل في البلد داء
احباط
و لكن برضو بنحبك يابلد

[قرقاش]

عماد ايها الحبيب لك التحيه وانت تبذل الجهد لتثبت لنا كيف ان المعارضه فاشله وانها هى احق بالمحاسبه ...وقبل اهل الانقاذ ..
لان على هذه المعارضه واجب وطنى ويجب ان تؤديه ...واجب يفرضه عليها دور المعارضه الذى اختارته ...نعم لمحاربه الفساد ..ولكن ماهو الفساد الذى يجب الالتفات اليه ...ثياب السيده وداد والصندليه ..؟ ام مثلا الهجمه الغبيه على التعليم والجامعات والمناهج التعليميه فى كل السودان .. ايهم اولى بالحديث عنه ..؟ وايهما الاهم ..
ياسيدى الفاضل ...انها اسطوانه مكرره ..منذ عهد عبود..وسكينه عليهم الف رحمه ونور ..ومنذ نميرى وبثينه اطال الله عمر بثينه ورحم الله جعفر النميرى ...ولقد قالها نميرى بالصوت العالى ... لما عرف عنه من شجاعه حين سال الناس ..التى تحدثت عن ثلاثه الف ثوب تملكها بثينه ( جاءت بهذه المعلومه المعارضه الغبيه الفاشله كعادتها ) قال للناس وماذا تريدون من زوجه رئيس الجمهوريه ان ترتدى حينما تقابل زوجات لرؤساء اخرين ...توب الجيران ...؟
عزيزى عماد سبق فى منتدانا هذا ان اتانا صديق اخر بلائحه تحوى كل شركات السودان ...وقسمها ذاك الصديق على اسره البشير ...
الصديق عماد ماجيئتنا به على لسان ذلك الخواجه نعرفه بلسان بعض اولادنا ..هداهم الله ... وهو اسلوب قديم فى المعارضه للحكم
ولكن صدقنى ( العيال كبرت ) ولن تاتى مثل تلك التصرفات ..الا بسؤال ...لوبدلنا الحكومه دى ح نجيب منو .. ؟
وكما قال الشاعر ... ومن زى ديله وا اسفاى ..

[عادل عسوم]

المشاركة الأصلية كتبت بواسطة قرقاش

عماد ايها الحبيب لك التحيه وانت تبذل الجهد لتثبت لنا كيف ان المعارضه فاشله وانها هى احق بالمحاسبه ...وقبل اهل الانقاذ ..
لان على هذه المعارضه واجب وطنى ويجب ان تؤديه ...واجب يفرضه عليها دور المعارضه الذى اختارته ...نعم لمحاربه الفساد ..ولكن ماهو الفساد الذى يجب الالتفات اليه ...ثياب السيده وداد والصندليه ..؟ ام مثلا الهجمه الغبيه على التعليم والجامعات والمناهج التعليميه فى كل السودان .. ايهم اولى بالحديث عنه ..؟ وايهما الاهم ..
ياسيدى الفاضل ...انها اسطوانه مكرره ..منذ عهد عبود..وسكينه عليهم الف رحمه ونور ..ومنذ نميرى وبثينه اطال الله عمر بثينه ورحم الله جعفر النميرى ...ولقد قالها نميرى بالصوت العالى ... لما عرف عنه من شجاعه حين سال الناس ..التى تحدثت عن ثلاثه الف ثوب تملكها بثينه ( جاءت بهذه المعلومه المعارضه الغبيه الفاشله كعادتها ) قال للناس وماذا تريدون من زوجه رئيس الجمهوريه ان ترتدى حينما تقابل زوجات لرؤساء اخرين ...توب الجيران ...؟
عزيزى عماد سبق فى منتدانا هذا ان اتانا صديق اخر بلائحه تحوى كل شركات السودان ...وقسمها ذاك الصديق على اسره البشير ...
الصديق عماد ماجيئتنا به على لسان ذلك الخواجه نعرفه بلسان بعض اولادنا ..هداهم الله ... وهو اسلوب قديم فى المعارضه للحكم
ولكن صدقنى ( العيال كبرت ) ولن تاتى مثل تلك التصرفات ..الا بسؤال ...لوبدلنا الحكومه دى ح نجيب منو .. ؟
وكما قال الشاعر ... ومن زى ديله وا اسفاى ..

ياخي انتا مابتقيش ليه؟!

[عماد علي]

سلام ورحمه وعليهم بركه تحل عليكم من لدن الكريم

عادل عسوم

هل البلد بلد وداد ومن معها؟!

طبعاً......
شكلك كده ما قريت المقال.
عشان كده ملعون ابوك بلد, قالها قبلي الحردلو وانا هسه تاني بعيدها.
تحياتي

فتح العليم الإمام
مافى زول ما بحب بلدو, لكن الحب براه ما كفايه, تصدق لو قلت ليك من فتره احلام اليقظه بتاعتي كلها عن انو لو حكمت البلد دي حأعمل شنو, ياخي خاتي ليكم رصه مبالغه, بس برضو لا الأحلام ولا الحب ما بنفعو.
تسلم يا جميل

قرقاش
والله يا اخوي ترتيب الأولويات فى الحته دي صعب جداً, ترتب شنو وتخلي شنو وفى كل سنتيمتر فى البلد بقى فى غصه, من حلاييب لي نمولي كلو بشكي وببكي من العفن الإستشرى فى البلد, وعم كل شئ واي شئ, وزي ما قلت فوق فى الرصه المبالغه اول حاجه فيها حأعيد تربيه الشعب ده من اول وجديد, لانو اي حاجه فيه باظت وكل الطبائع اتخربت, لكن لمن تعاين للصوره الكبيره حتلقى إنو ده كل الخراب ده تمهيد ليوم الدين يوم الحشر العظيم, خراب السودان وخراب العرب ككل ما يحلو إلا المهدي, وما معروف ربنا مسطر لينا شنو فى الأيام الجايه لكن إنت اعمل العليك, غير فى محيطك البتقدر عليه يمكن ربنا يجعل التغيير فى يدك إنت.
وكان لسؤال تجيب منو ارحكا يا اخوي نقلبها واديني ليها انا ده, وعزه الله وجلاله لأقلب البلد جنه الله فى الأرض فى ظرف سنتين بس.

تحياتي للجميع

[عادل عسوم]

سلام ورحمه وعليهم بركه تحل عليكم من لدن الكريم

عادل عسوم

اقتباس:
هل البلد بلد وداد ومن معها؟!
طبعاً......
شكلك كده ما قريت المقال.
عشان كده ملعون ابوك بلد, قالها قبلي الحردلو وانا هسه تاني بعيدها.
تحياتي

وعليك ال(سلام ورحمه وعليهم بركه تحل عليكم من لدن الكريم)
لا والله لقد قراته يااخ عماد (هنا) وفي منتدى آخر ورددت عليه...
ولا أحسب (لعن البلد) طالما قاله قبلك وقبلي الحردلو او زيد او عبيد بمدعاة لأن ننعل خاش (الوطن) ياعزيزي...
لماذا لا يكون القدوة ذاك الذي قال:
بلادي وان جارت عليّ عزيزة واهلي وان ضنّوا عليّ كرام!
ولماذا ال(لعن) من اساسو ياعماد؟!
ألأن وداد سرقت أموال السودان؟!
هذا السودان ياعماد اكبر من المؤتمر الوطني وكل الاحزاب...
هذا الوطن ان لم نستطع أن نرقى به فلا يحق لي ولا لك ان نلعنه بل لنسعى الى تسليمه بجروحه وأحنه الى الأجيال القادمة لعلها تطبب الجراح وتهدهد الاحن...
فلنوقد شمعة بدلا عن لعن الظلام ياعزيزي
هذه هي الوطنية كما اراها...
تسلم

[قرقاش]

المشاركة الأصلية كتبت بواسطة عماد علي

قرقاش
والله يا اخوي ترتيب الأولويات فى الحته دي صعب جداً, ترتب شنو وتخلي شنو وفى كل سنتيمتر فى البلد بقى فى غصه, من حلاييب لي نمولي كلو بشكي وببكي من العفن الإستشرى فى البلد, وعم كل شئ واي شئ, وزي ما قلت فوق فى الرصه المبالغه اول حاجه فيها حأعيد تربيه الشعب ده من اول وجديد, لانو اي حاجه فيه باظت وكل الطبائع اتخربت, لكن لمن تعاين للصوره الكبيره حتلقى إنو ده كل الخراب ده تمهيد ليوم الدين يوم الحشر العظيم, خراب السودان وخراب العرب ككل ما يحلو إلا المهدي, وما معروف ربنا مسطر لينا شنو فى الأيام الجايه لكن إنت اعمل العليك, غير فى محيطك البتقدر عليه يمكن ربنا يجعل التغيير فى يدك إنت.
وكان لسؤال تجيب منو ارحكا يا اخوي نقلبها واديني ليها انا ده, وعزه الله وجلاله لأقلب البلد جنه الله فى الأرض فى ظرف سنتين بس.

تحياتي للجميع

الحبيب عماد سلام .. احكى لك حكايه ..
اظنه برجنيف ...هو من كان فى معيه الراحل ابراهيم عبود عليه الرحمه ..وكان الموكب فى ارض الجزيره الخضراء ..وعندما راى عبود صيوان ميتم انحرف بموكبه لاداء واجب العزاء ومعه البرجنيف المندهش من صينيه الطعام القادمه مع كل قادم فلقد الوقت وقت الغداء ...حينما عاد الموكب الى الطريق قال برجنيف لعبود ...ان مارايته اليوم هو غايه ما نطمع فى الوصول اليه فى الاتحاد السوفيتى سيدى الرئيس ان ماشاهدته فى بلادكم اليوم هو خلاصه الفكر الشيوعى ..من كل حسب قدرته ولكل حسب حاجته ... من هو القائد العظيم الذى نجح وحقق مانسعى اليه فى الاتحاد السوفيتى ..( انتهت الحكايه )
واقول لك ايها الصديق ...ان المعلم هو الشعب ...وهو تاريخ موغل فى القدم اكثر من سبعه الف سنه حضاره فى شمال السودان ..منذ بعاتخى وترهاقا ...كل هذا العمر ترك له اعراف وتقاليد راسخه ..وتربيه تسعى اليها كل الدنيا ...
اقول لك هذا الكلام وانت تقول انك تريد ان تعيد تربيه الشعب السودانى من جديد ..
عموما لوحملت كرباج بغرض التربيه ...انصحك ان تكون خفيف الحركه مثل ولدنا كاكى..
اما حكايه نقلبها وماليه ..فهذا حق طبيعى ..فيقال ان كل شخص فى هذه الدنيا يحلم فى بدايه عمره باصلاح حال الكره الارضيه ...ثم يتراجع الحلم الى اصلاح الوطن ثم يتراجع الى اصلاح الحى ..واخيرا يكتفى الرجل باصلاح حديقه منزله ..زى اخونا رافت ماشفته زرع الجرجير كيف ...
عموما صدقنى ..والله لوضعوا الشمس فى يمينى والقمر فى يسارى لماقبلت ولوليت منها فرارا كما الفرار من الاجرب ..لسببب بسيط هو رحم الله امرئ عرف قدر نفسه

[زول الله]

المشاركة الأصلية كتبت بواسطة عماد علي

ملعون ابوك بلد, قالها قبلي الحردلو وانا هسه تاني بعيدها.
تحياتي

كلام الحردلو مُنزَل؟؟
انت والحردلو الاثنين أحسن تشوفو ليكم بلد تانية
نحن بلدنا عاجبانا كدا






اقول قولي هذا واستغفر الله لي.......................

[فتح العليم]

المشاركة الأصلية كتبت بواسطة قرقاش

الحبيب عماد سلام .. احكى لك حكايه ..
اظنه برجنيف ...هو من كان فى معيه الراحل ابراهيم عبود عليه الرحمه ..وكان الموكب فى ارض الجزيره الخضراء ..وعندما راى عبود صيوان ميتم انحرف بموكبه لاداء واجب العزاء ومعه البرجنيف المندهش من صينيه الطعام القادمه مع كل قادم فلقد الوقت وقت الغداء ...حينما عاد الموكب الى الطريق قال برجنيف لعبود ...ان مارايته اليوم هو غايه ما نطمع فى الوصول اليه فى الاتحاد السوفيتى سيدى الرئيس ان ماشاهدته فى بلادكم اليوم هو خلاصه الفكر الشيوعى ..من كل حسب قدرته ولكل حسب حاجته ... من هو القائد العظيم الذى نجح وحقق مانسعى اليه فى الاتحاد السوفيتى ..( انتهت الحكايه )
واقول لك ايها الصديق ...ان المعلم هو الشعب ...وهو تاريخ موغل فى القدم اكثر من سبعه الف سنه حضاره فى شمال السودان ..منذ بعاتخى وترهاقا ...كل هذا العمر ترك له اعراف وتقاليد راسخه ..وتربيه تسعى اليها كل الدنيا ...
اقول لك هذا الكلام وانت تقول انك تريد ان تعيد تربيه الشعب السودانى من جديد ..
عموما لوحملت كرباج بغرض التربيه ...انصحك ان تكون خفيف الحركه مثل ولدنا كاكى..
اما حكايه نقلبها وماليه ..فهذا حق طبيعى ..فيقال ان كل شخص فى هذه الدنيا يحلم فى بدايه عمره باصلاح حال الكره الارضيه ...ثم يتراجع الحلم الى اصلاح الوطن ثم يتراجع الى اصلاح الحى ..واخيرا يكتفى الرجل باصلاح حديقه منزله ..زى اخونا رافت ماشفته زرع الجرجير كيف ...
عموما صدقنى ..والله لوضعوا الشمس فى يمينى والقمر فى يسارى لماقبلت ولوليت منها فرارا كما الفرار من الاجرب ..لسببب بسيط هو رحم الله امرئ عرف قدر نفسه

وينك ياقرقاش مختفي
سلام
ياخى اشترينا العربية ومنتظرنك بالكرامة وانت ليس غائب .
شكلك بتظهر مع بعض الناس الجدد وتختفى تانى
فعلا زار برجنيف السودان ولا ادرى تفاصيل الزيارة الإمنك وهذا الكلام الجميل الذي ذكرة الرئيسى السوفيتى عن السودانين عندما راهم يحملون صوانى الغداء فى عزاء شخص كلام جيد عن السودانين ولكن الان في طريقه للانقراض ياقرقاش .
لفتة جيدة منك الاشارة لتلك الزيارة التى تدل على ا ن عبود كان متوازنا في علاقاته مع امريكا والاتحاد السوفيتى سابقاً وهذا لايغير في راينا ان عبود سن سنة سيئة وهى الانقلاب العسكري وبيع وادى حلفا وغيرها ...
ياريت لوعندك معلومات اكثر عن تلك الزيارة تنشرها لنا .
مع احترامي لك ولصاحب البوست

[tahmoi]

بسمك اللهم

بلد زاحفة وتئن ناس مجرورة وتجر
تمرق من الدغش تقطع أراضى شان تعود بالزاد الحلال
وناس تنوم لي نص النهار ...
وفي نص النهار في غمدة طريف
تسرق أكل العيال المجلوب بالدين ...
يبكى الصغار .... نبكي ونواصل لعب
الجات وجات حكومة الجبهة وفي أيدينا سبعة طلقات

عادل عسوم .... الله يديك الفي مرادك يا جميل

*****

لك الرحمة والمغفرة يا أيها الحردلو
* يا بلدى يا حبوب
* أهلي يا سودانية يا أعظم ناس
* طبل العز ضرب
اما ما جاء بخصوص منعول ابوكى بلد فهو عنوان لمجموعة قصصية
( و تدور احداث الرواية عن قروى اتى من الريف إلى المدينة عانى الامرين وكابد رهق المدينة حتى افل عائداً الى قريته لاعناً المدينة .. ملعون ابوكى بلد ....
لما تسأل ليه العنوان دا يا سيد احمد ؟ .. ما لقيت غير ه ؟؟ يقولك دا ما انا .. دا الزول الجابتو كرعيهو المدينة وما قدر ينافق ولاقدر يشاقق و لمان رجع بالوجع اداها ضهروا و قالها ملعون ابوكى بلد )

[عادل عسوم]

المشاركة الأصلية كتبت بواسطة tahmoi

بسمك اللهم

بلد زاحفة وتئن ناس مجرورة وتجر
تمرق من الدغش تقطع أراضى شان تعود بالزاد الحلال
وناس تنوم لي نص النهار ...
وفي نص النهار في غمدة طريف
تسرق أكل العيال المجلوب بالدين ...
يبكى الصغار .... نبكي ونواصل لعب
الجات وجات حكومة الجبهة وفي أيدينا سبعة طلقات

عادل عسوم .... الله يديك الفي مرادك يا جميل

*****

لك الرحمة والمغفرة يا أيها الحردلو
* يا بلدى يا حبوب
* أهلي يا سودانية يا أعظم ناس
* طبل العز ضرب
اما ما جاء بخصوص منعول ابوكى بلد فهو عنوان لمجموعة قصصية
( و تدور احداث الرواية عن قروى اتى من الريف إلى المدينة عانى الامرين وكابد رهق المدينة حتى افل عائداً الى قريته لاعناً المدينة .. ملعون ابوكى بلد ....
لما تسأل ليه العنوان دا يا سيد احمد ؟ .. ما لقيت غير ه ؟؟ يقولك دا ما انا .. دا الزول الجابتو كرعيهو المدينة وما قدر ينافق ولاقدر يشاقق و لمان رجع بالوجع اداها ضهروا و قالها ملعون ابوكى بلد )

صح لسانك ياحبيب
اعزازي

[قرقاش]

المشاركة الأصلية كتبت بواسطة فتح العليم الإمام

وينك ياقرقاش مختفي
سلام
ياخى اشترينا العربية ومنتظرنك بالكرامة وانت ليس غائب .
شكلك بتظهر مع بعض الناس الجدد وتختفى تانى
فعلا زار برجنيف السودان ولا ادرى تفاصيل الزيارة الإمنك وهذا الكلام الجميل الذي ذكرة الرئيسى السوفيتى عن السودانين عندما راهم يحملون صوانى الغداء فى عزاء شخص كلام جيد عن السودانين ولكن الان في طريقه للانقراض ياقرقاش .
لفتة جيدة منك الاشارة لتلك الزيارة التى تدل على ا ن عبود كان متوازنا في علاقاته مع امريكا والاتحاد السوفيتى سابقاً وهذا لايغير في راينا ان عبود سن سنة سيئة وهى الانقلاب العسكري وبيع وادى حلفا وغيرها ...
ياريت لوعندك معلومات اكثر عن تلك الزيارة تنشرها لنا .
مع احترامي لك ولصاحب البوست

لغالى فتح العليم ..ليك التحيه ومبروك العربيه انشاء الله تجددها كل عام ..وندع الله ان يكفيك شرها وان يؤتيك خيرها ..
غيابى كان بسبب السفر ...
وجدت لك فى موقع روسيا اليوم الموضوع التالى عن زياره برجنيف للسودان ..

51 عاما لزيارة الرئيس السوفيتى الراحل بريجنيف للسودان قلم د. محمد عبد المطلب ساتى على


[IMG][/IMG]



فى مطار الخرطوم 15 نوفمبر 1961

صادف هذا العام الذكرى 30 لرحيل ليونيد بريجنيف ففى العام 1982 توفى عن76 عاما بعد ان حكم روسيا وبقية
الاتحاد السوفيتى السابق لفترة طويلةمن الزمن لا تزال تثير الجدل حتى اليوم -طاف بريجنيف خلال فترة حكمه العديد من
دول العالم - من بينها زيارة دولتين فقط فى العالم العربى وهما السودان والمغرب -وصل الريس بريجنيف الى العاصمة
السودانية الخرطوم يوم 15 نوفمبر عام1961 فى خضم الحرب الباردة وفى اوج شهرة بلاده فى اعقاب ارتيادها
للفضاءالخارجى ممثلة فى رحلة قاقارين التاريخية المعروفة
[IMG][/IMG]

-كانت زيارته للسودان فى عهد الفريق ابراهيم عبود واستغرقت 9 ايام وزار خلالهاولايات الجزيرة والبحر الاحمر
وكردفان ومنطقة جبال النوبة اضافة الى محافظةالخرطوم - وقام برحلتين مع عبود فى نهر النيل والمياه
الاقليمية السودانية للبحر الاحمر -وقد توجت هذه الزيارة بتوقيع اتفاقيات بين البلدين للتعاون
فى مجالات مختلفةاسفرت عن قيام مشاريع اقتصادية فى السودان فى التصنيع الزراعى

[IMG][/IMG]

استقبال شعبى لبريجنيف فى ولاية الجزيرة وسط السودان بين المسقبلين
كثير من تلاميذ وتلميذات المدارس.


بينها مصانع التعليب فى شمال السودان والالبان فى بابانوسة وصوامع الغلال الكبرىفى بورتسودان ومستشفى سوبا
الجامعى للابحاث والعلاج بضواحى الخرطوم وهى مشاريع لاتزال تعود بالفائدة الى اليوم -كما اسفرت عن توقيع
اتفاقيات للرحلات الجوية المنتظمة بين البلدين واتفاقيةحول التعليم والبعثات الدراسية الجامعية والتعاون فى المجالات
الثقافية والطبية-يوم وصول ليونيد بريجنيف للخرطوم ومغادرته لها اخذنا المعلمون ونحن تلاميذ فى المتوسطة مدرسة
الخرطوم الاهلية الوسطى الى شارع القصر الجمهورى القريب جدا للترحيب به ووداعه بعد ان افهمونا بالضبط من هو
وزودونا بهتافات ولافتات محددة وكنا فرحين اكثر لهذه العطلة -لم يكن شخصى الضعيف وعدد من زملائى التلاميذ نتصور
حينذا ك ان سنوات ستمر وسوف نسافر بعدها الى روسيا البعيدة للدراسة الجامعية نعاصر خلالها بقية اعوام حكم
الزعيم الراحل ليونيد بريجنيف - يالها من ذكريات جميلة

[عماد علي]

سلام من لدن السلام علي اهل الإسلام

عادل عسوم

هذا الوطن ان لم نستطع أن نرقى به فلا يحق لي ولا لك ان نلعنه بل لنسعى الى تسليمه بجروحه وأحنه الى الأجيال القادمة لعلها تطبب الجراح وتهدهد الاحن...
فلنوقد شمعة بدلا عن لعن الظلام ياعزيزي
هذه هي الوطنية كما اراها...

عيوني معاك برضو شايفه كلامك ده.... بس ده فى المستقبل الما معروف متين, وكدي بالمنطق كده تفتكر من الحاضر المشوه ده يطلع جيل يقدر يغير حاجه, كدي عاين فى الجيل القايم هسه ده واحكم, عارف دي نظره سلبيه جداً لكن واقع ومعاش.

لكن حالياً ,, أنياً ,, لحظياً
ملعون ابوك بلد..
صرخه بقولها فى الحاضر وياريتها تصل للمستقبل عشان يختوها قدام عيونهم ويحاولو بقدر الإمكان يتلافو اللعنه دي.

لمن ناس بتموت لا لشئ سوى إنو ما عاجبين ناس تانيين عشان عرقهم..
ملعون ابوك بلد

لمن ناس ما تلقى حق الدواء, وفى نفس الوقت بتتقطع تذاكر علي الدرجه الأولي فى رحله متجهة لندن عشان مراجعه طبيب اسنان...
ملعون ابوك بلد

لمن يمسك طفل زرديه ومفك عشان يجيب لقمه عيش, وفى نفس الوقت تندفع رسوم دراسيه فوق لل 150 مليون لطالب اساس..
ملعون ابوك بلد

لمن حكومه تقتل وتسرق, ومعارضه تتخصي, وشعب يتبكم..
ملعون ابوك بلد

لمن ... لمن ... لمن ... لمن ... لمن ... وأملى النقط زي ما تحب.
يبقى ملعون ابوك بلد

صدقني يا عادل قبل ما اجي علي السعوديه ولعت كميه شمع, لكن انطفى من خشوم معفنه ريحتها كريهة, قلت اطلع عسى ولعل اجي راجع بي مكنه ستلين, عشان لمن تجي الخشوم تطفيها تتحرق.
والله يا عادل موجوع شديد ومتألم من كميه التجارب العايشتها فى البلد عشان اصلح حال معدول هنا واللا هناك علي قدر ما اقدر وفى مجالي وعلي قدر استطاعتي, لكن لقيت إنو جد البلد بلد وداد وجماعتها وانا وباقى الناس بالنيني.
احكي ايه واخلي ايه, نسأل الله حسن الخاتمه اصلو قنعت من الدنيا كلها خليها البلد الملعونه.
تحياتي


قرقاش

.ان المعلم هو الشعب ...وهو تاريخ موغل فى القدم اكثر من سبعه الف سنه حضاره فى شمال السودان ..منذ بعاتخى وترهاقا ...كل هذا العمر ترك له اعراف وتقاليد راسخه ..وتربيه تسعى اليها كل الدنيا ...

كلام جميل..
بس يلا تعال عاين للوقع المعاش حالياً, الجمره ماشي تنطفى والرماد كتر واكيد حيخنقها ويقتلها.
وعشان تنفض الرماد ده لازم تشيل سوط عنج وتعيد التربيه من اول وجديد, ياخي زمان مصاريف النثريه الحكوميه لو كفت وزادت تلقى الموظف من نفسه خاتيها فى ظرف مرفقه بخطاب يوضح فيه إنو لازم القروش دي ترجع الخزنه لأنها حقت الشعب, بالذمه كدي هسه حاجه زي دي بتتلقى؟؟؟؟
مفهوم بسيط زي ده وكميه مفاهيم وقيم كتيره اتمحت من اخلاق الشعب ولازم تعاد تربيته من جديد.
عموماً يا صاحبي أنا لها وسأسعى لها واسأل الله إنو يوفقني ليها, ولو ما اراد يبقى علي الأقل عملت العلي.
وجد شاكر ليك اللفته الجميله فى إيراد زياره برجنيف وإثراء البوست بها.
شكراً ليك

زول الله

سَلاماً.


فتح العليم الإمام

عبود وعمايله وعمايل كل الساسه السودانيين نعايش نتائجها حالياً.
احترامي..

tahmoi

وانا برضو عانيت الأمرين وكابدت رهق البلد بي حالها وطلعت منها وقلت ملعون ابوك بلد.
لكن صدقني ما حأسكت وما حأديها ضهري, ليهم يوم.
شكراً للتوضيح....



ولسه فى الحق غصه...

تحياتي وإحترامي