SCAPTIONOZ

أشتر · 18-12-2010, 05:48 PM

يراع
مذ قال للحرف إنتصب وفعل ببنت عدنان فعلته التي طفقت تلملم وعيها أسفا على قصر الكلام ...
فما عاد البوح يسرق من تلابيب الحناجر صمتنا ... ولا صيغ السؤال تراود رفده حين تأتلج الغرائز كلها بـ متى ؟؟ وهل ؟؟
خجلى تدردم حرفها كورمن الدلكة .. ترتدي ألق التنانير القصيرة ريثما تجد اللسان ...
ولسان هذا الشاب مطلوق البيان ...
وأنا .. يا سادتي .. يا سيداتي ... آنساتي ... نسواني

... شاهد عيان ...
فـ همّت به غير آبه ... زي التقول مِنقِطة ... عندما يلَقِطا ...
كتلك الحُبيبات التي لاقت حتفها من أصبع مبتل هوايته طي (لفافات الفرح)

ثم يقعد يضحااااااااك حتى أخر نفس ...
يرفع إحدى نعلية ليضع (شوشاوة حزنة) ويعفص ... يدور بكاحلة حتى يطقطع عضم شيطانة ... ثم يمضي يلوي على فعل المزيد ...
وبكدا انتهى من الآلام ... طيب وباقي الكلام ؟؟؟
معقول أقول أنا فيك كلام !!!

اسكابشنوزاً *.. أعرفتموه ؟؟؟
الزول دا لسه سجلو اسمو في كشوفاتنا بدون فك تسجيل
ود من صعاليك الـ (mainroad) الشطار جدا ...
ربرابة للحد البعيد ...

* هنا في اشتغال يا ناس العربي
نصبتو باعتبارو مفعول به مقدم عشان ما تجو تقدونا ساي
وشكرن ...

اسكابشنوز ..
أجيك شايل معاي فسحة وشدرتين بان ...
عشان الريح تفك ريقا ...
صدّقت إنو الريح نويح النو ..
صدرت الوجع لى طعنتو ورجعت الوجع للجو ...
يجيك شبق النصال مرتد ...
صدّ الرصيف وجع الجروف للموج ...
وكان طلق البحار المد ..
ولا يهمك ...
هوي
ولا يهمك ...
ودالبشرى صاحبك ... لكنو زولي ...

وا
الشوق فتح شـُرف الحلق كوراك ...
فهل جاكم صدى الكوراك ؟؟؟

تحفة حوا · 18-12-2010, 06:02 PM

ما الفرق بين سيداتي ونسواني ؟

وكان طلق البحار المد ..
ولا يهمك ...
هوي
ولا يهمك ...

اشتر كيفنك يا اللخو ؟

حافظ اسماعيل احمد · 18-12-2010, 06:58 PM

السلام عليكم
هسي دا اسم زول زولا
اسكابنشوزا
جريت للمترجم غلبوا
عملت بعض التعديلات
اداني معني ما بتكون قاصدوا
علي العموم مرحبا بScaptionoz
ايا من كان حتي ولو حالة حسية
من وهج المشاعر

زول أشتر سلامات

رضا · 18-12-2010, 07:04 PM

اقتباس:

وا
الشوق فتح شـُرف الحلق كوراك ...
فهل جاكم صدى الكوراك ؟؟؟

جانا وقعدنا نكورك معاو

أشتر تحية وتحيات

أشتر · 18-12-2010, 07:44 PM

اقتباس:

المشاركة الأصلية كتبت بواسطة رضا

جانا وقعدنا نكورك معاو

أشتر تحية وتحيات

اها ان شاء الله قفلتو ؟؟؟

رضا ... ياااااا رضا ...
ياخ علييييك الله قول لينا العندك ...
حاسس انك مدكن فكام فكام ...
المهم لو داير البري الجد جد امسك في طرف الزول دا ....
وانا تاني ما مسؤول من اللي يجرالك ...

والتحيّات ...

نبراس السيد الدمرداش · 18-12-2010, 08:08 PM

مرحب بيك
البيت بيتك اسكابشنوزا
مع اسمك دا ما بنفع الا كابتشينو ولا ميلك شيك
اها اختار ليك واحد فيهم

اسكابشنوزا من طرف اشتر
انا لله منك ياخي اسي ما كان تشوف لينا اسم ساهل ممتنع

أشتر · 18-12-2010, 07:34 PM

اقتباس:

المشاركة الأصلية كتبت بواسطة حافظ اسماعيل احمد

السلام عليكم
هسي دا اسم زول زولا
اسكابنشوزا
جريت للمترجم غلبوا
عملت بعض التعديلات
اداني معني ما بتكون قاصدوا
علي العموم مرحبا بScaptionoz
ايا من كان حتي ولو حالة حسية
من وهج المشاعر

زول أشتر سلامات

حافظ ياخ سلامات ومشتاقين والله ...
اسكابشنوز دا زول ضارب فيوزاتو بـ تطش من عندو ...
من الوهلة الأولى بتقول عليو حالج وسرعان ما يفاجئك بضربة مزدوجة ...
تصدق انها كلمة ما عندها أي معنى ...
بكون اختارا عشان كدا ...

أشتر · 18-12-2010, 07:38 PM

قال لي عبد الله وداعة معاكم ...
قتا ليو ايوا ...
قال لي تاني منو ...
قتا ليو البقية تزعين في المية منهم فوق الخمسين ...
وبعد خمسة سنوات المنتدى حيكون حقنا ...
يعني ملكية في شكل ورثة ...
فدحين يا اللخو اصبر على اعمامك ديل وخلي روحك سلبة ...
بلا حراق الروح ماب تلقى منهم شي ...
هسي يخوانا خالد الحاج لو مات !!!
الى من ستؤول سودانيات ...
مجرد سؤال عتر للواحد ...

محمد مصطفي · 19-12-2010, 09:39 PM

اقتباس:
المشاركة الأصلية كتبت بواسطة أشتر

قال لي عبد الله وداعة معاكم ...
قتا ليو ايوا ...
قال لي تاني منو ...
قتا ليو البقية تزعين في المية منهم فوق الخمسين ...
وبعد خمسة سنوات المنتدى حيكون حقنا ...
يعني ملكية في شكل ورثة ...
فدحين يا اللخو اصبر على اعمامك ديل وخلي روحك سلبة ...
بلا حراق الروح ماب تلقى منهم شي ...
هسي يخوانا خالد الحاج لو مات !!!
الى من ستؤول سودانيات ...
مجرد سؤال عتر للواحد ...

ياخي دي قوية لمن طلعت صوت القهقهة المجنونة لي جارتي الاسبانية
فحسبت اني اناديها ,,,, يس مستر عبدالقادر
قلت ليها اصلو الزول ده ما بجي منو الا الخير
اضحكنا وصوت الضحكة اجيبك لينا .. قبال العيد البجيب الناس (الكريسمس)
فيا صاحبي اطال الله عمر الجميع هنا ......
لكن باقي ليك ناس عمو فتحي ديل كان ما وصلوها الشهادة

وكتبوها .. اشهد ان لا اله الا الله وان محمد رسول الله
حتي يشهد لهم المتداخلين هنا بالشهادة يوم الحق
وده كلو هين ... نحن خايفين من الخرف الكيبوردي

او بورداب الزهايمر ... وده بقي كتير الايام دي

قيس شحاتة · 03-01-2012, 07:31 AM

اقتباس:

المشاركة الأصلية كتبت بواسطة أشتر

قال لي عبد الله وداعة معاكم ...
قتا ليو ايوا ...
قال لي تاني منو ...
قتا ليو البقية تزعين في المية منهم فوق الخمسين ...
وبعد خمسة سنوات المنتدى حيكون حقنا ...
يعني ملكية في شكل ورثة ...
فدحين يا اللخو اصبر على اعمامك ديل وخلي روحك سلبة ...
بلا حراق الروح ماب تلقى منهم شي ...
هسي يخوانا خالد الحاج لو مات !!!
الى من ستؤول سودانيات ...
مجرد سؤال عتر للواحد ...

وقد .. مات ، يا .. أشتر ..

جعل الله مثواه الجنة

علي محمود · 20-03-2011, 10:08 PM

دخول اول

تماضر حمزة · 20-03-2011, 10:17 PM

اهااااااا ن

حافظ اسماعيل احمد · 20-03-2011, 10:22 PM

اقتباس:

المشاركة الأصلية كتبت بواسطة علي محمود

دخول اول

علي محمود سلامات
انت ما لقيت غير اشتر واسبنوزا ديل تبدا بيهم
ديل برجعوك كســــــــــلا
اما المدعو اشتــــــــتر فالاسم يتحرك من مكانو حسب قانون القصور الذاتي
والعجز عن التعبير الكامل لقياس الكفاءة والحد الاقصي لانكشاح المداد
وسـط المعادلات الاجتماعية التي مجموع الواحــدين فيها بعد عام ثـلاثة
ام المدعو اكشن بوزا هذا فمؤكد انه من متردي الاجرام السماوية
والبحث وسط النجوم بس اعمل حسابك ما يجييك مذنب طاير
يغيير عليك قوانين النزعة المركزية العاطفية فهو وبكل فخرا
من مرتادي الهمر وليس العربية وانما الشواكيش باللغة العامية
عموما كدا نيابة عن الشتارة وناس اكشن بوزا ديل
مرحب بيك والدار دارك

أشتر · 21-03-2011, 09:22 AM

اقتباس:

المشاركة الأصلية كتبت بواسطة علي محمود

دخول اول

علي محمود يا جميل يا راقي ..
اولن بالتبادي خليني ارسم ليك خارطة طريق حول كيفية التعامل مع هؤلاء الشنكاتة المقرمين ...
حتين بعداك تنحنح نحنة خفيفة تلفت بيها انتباهم كما فعلت في وقت سابق من العام الفين وسبعة ...
بعد ستمية مشاركة حتين قدرت اعمل موضوع ودافرت معاهم بعد معافرة شديدة خالس خالس ...
ولسه ...
كن بالجوار يا صاحب تابعنا وفالك طيب ...

أشتر · 18-12-2010, 07:29 PM

اقتباس:

المشاركة الأصلية كتبت بواسطة تحفة حوا

ما الفرق بين سيداتي ونسواني ؟

وكان طلق البحار المد ..
ولا يهمك ...
هوي
ولا يهمك ...

اشتر كيفنك يا اللخو ؟

أحسن منك ببنطين ودقادقة ...
حال الوليد نعلو تمام وفي صحة ؟؟؟

سيداتي ديل يا ستي النسوان الما بعرفن

...
ونسواني ... ديل الممكن يكونن مؤثرات في قراراتنا تجاه السيدات الما بعرفن

أظنو وقع ليك ؟؟؟؟

18-12-2010, 05:48 PM	#[1]
أشتر :: كــاتب نشــط::	SCAPTIONOZ يراع مذ قال للحرف إنتصب وفعل ببنت عدنان فعلته التي طفقت تلملم وعيها أسفا على قصر الكلام ... فما عاد البوح يسرق من تلابيب الحناجر صمتنا ... ولا صيغ السؤال تراود رفده حين تأتلج الغرائز كلها بـ متى ؟؟ وهل ؟؟ خجلى تدردم حرفها كورمن الدلكة .. ترتدي ألق التنانير القصيرة ريثما تجد اللسان ... ولسان هذا الشاب مطلوق البيان ... وأنا .. يا سادتي .. يا سيداتي ... آنساتي ... نسواني ... شاهد عيان ... فـ همّت به غير آبه ... زي التقول مِنقِطة ... عندما يلَقِطا ... كتلك الحُبيبات التي لاقت حتفها من أصبع مبتل هوايته طي (لفافات الفرح) ثم يقعد يضحااااااااك حتى أخر نفس ... يرفع إحدى نعلية ليضع (شوشاوة حزنة) ويعفص ... يدور بكاحلة حتى يطقطع عضم شيطانة ... ثم يمضي يلوي على فعل المزيد ... وبكدا انتهى من الآلام ... طيب وباقي الكلام ؟؟؟ معقول أقول أنا فيك كلام !!! اسكابشنوزاً .. أعرفتموه ؟؟؟ الزول دا لسه سجلو اسمو في كشوفاتنا بدون فك تسجيل ود من صعاليك الـ (mainroad) الشطار جدا ... ربرابة للحد البعيد ... هنا في اشتغال يا ناس العربي نصبتو باعتبارو مفعول به مقدم عشان ما تجو تقدونا ساي وشكرن ... اسكابشنوز .. أجيك شايل معاي فسحة وشدرتين بان ... عشان الريح تفك ريقا ... صدّقت إنو الريح نويح النو .. صدرت الوجع لى طعنتو ورجعت الوجع للجو ... يجيك شبق النصال مرتد ... صدّ الرصيف وجع الجروف للموج ... وكان طلق البحار المد .. ولا يهمك ... هوي ولا يهمك ... ودالبشرى صاحبك ... لكنو زولي ... وا الشوق فتح شـُرف الحلق كوراك ... فهل جاكم صدى الكوراك ؟؟؟
أشتر :: كــاتب نشــط::

18-12-2010, 06:02 PM	#[2]
تحفة حوا :: كــاتب نشــط::	ما الفرق بين سيداتي ونسواني ؟ وكان طلق البحار المد .. ولا يهمك ... هوي ولا يهمك ... اشتر كيفنك يا اللخو ؟
تحفة حوا :: كــاتب نشــط::

18-12-2010, 06:58 PM	#[3]
حافظ اسماعيل احمد :: كــاتب نشــط::	السلام عليكم هسي دا اسم زول زولا اسكابنشوزا جريت للمترجم غلبوا عملت بعض التعديلات اداني معني ما بتكون قاصدوا علي العموم مرحبا بScaptionoz ايا من كان حتي ولو حالة حسية من وهج المشاعر زول أشتر سلامات
حافظ اسماعيل احمد :: كــاتب نشــط::	التوقيع: عندما نلمس الجانب الطيب في نفوس الناس، نجد أن هناك خيرًا كثيرًا قد لا تراه العيون أول وهلة. ... لذك يجتاز الكثيرون مرحلة الشدة بنجاح، حتى إذا جائهم الرخاء سقطوا في الابتلاء.

18-12-2010, 08:08 PM	#[6]
نبراس السيد الدمرداش :: كــاتب نشــط::	مرحب بيك البيت بيتك اسكابشنوزا مع اسمك دا ما بنفع الا كابتشينو ولا ميلك شيك اها اختار ليك واحد فيهم اسكابشنوزا من طرف اشتر انا لله منك ياخي اسي ما كان تشوف لينا اسم ساهل ممتنع
نبراس السيد الدمرداش :: كــاتب نشــط::	التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام

18-12-2010, 07:38 PM	#[8]
أشتر :: كــاتب نشــط::	قال لي عبد الله وداعة معاكم ... قتا ليو ايوا ... قال لي تاني منو ... قتا ليو البقية تزعين في المية منهم فوق الخمسين ... وبعد خمسة سنوات المنتدى حيكون حقنا ... يعني ملكية في شكل ورثة ... فدحين يا اللخو اصبر على اعمامك ديل وخلي روحك سلبة ... بلا حراق الروح ماب تلقى منهم شي ... هسي يخوانا خالد الحاج لو مات !!! الى من ستؤول سودانيات ... مجرد سؤال عتر للواحد ...
أشتر :: كــاتب نشــط::

19-12-2010, 09:39 PM	#[9]
محمد مصطفي :: كــاتب نشــط::	اقتباس: المشاركة الأصلية كتبت بواسطة أشتر قال لي عبد الله وداعة معاكم ... قتا ليو ايوا ... قال لي تاني منو ... قتا ليو البقية تزعين في المية منهم فوق الخمسين ... وبعد خمسة سنوات المنتدى حيكون حقنا ... يعني ملكية في شكل ورثة ... فدحين يا اللخو اصبر على اعمامك ديل وخلي روحك سلبة ... بلا حراق الروح ماب تلقى منهم شي ... هسي يخوانا خالد الحاج لو مات !!! الى من ستؤول سودانيات ... مجرد سؤال عتر للواحد ... ياخي دي قوية لمن طلعت صوت القهقهة المجنونة لي جارتي الاسبانية فحسبت اني اناديها ,,,, يس مستر عبدالقادر قلت ليها اصلو الزول ده ما بجي منو الا الخير اضحكنا وصوت الضحكة اجيبك لينا .. قبال العيد البجيب الناس (الكريسمس) فيا صاحبي اطال الله عمر الجميع هنا ...... لكن باقي ليك ناس عمو فتحي ديل كان ما وصلوها الشهادة وكتبوها .. اشهد ان لا اله الا الله وان محمد رسول الله حتي يشهد لهم المتداخلين هنا بالشهادة يوم الحق وده كلو هين ... نحن خايفين من الخرف الكيبوردي او بورداب الزهايمر ... وده بقي كتير الايام دي
محمد مصطفي :: كــاتب نشــط::	التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي أشواق يضحك الفجر لها وتضمها مدائن الفرح اشراق ضرار ستبقي في قلوبنا ابداً يا خال

20-03-2011, 10:08 PM	#[11]
علي محمود :: كــاتب جديـــد ::	دخول اول
علي محمود :: كــاتب جديـــد ::

20-03-2011, 10:17 PM	#[12]
تماضر حمزة :: كــاتب نشــط::	اهااااااا ن
تماضر حمزة :: كــاتب نشــط::