يا وجدنا المزروع في الخلايا ... سلام ياخي و عيدك مبارك إنت و المعاك
اقتباس:
المشاركة الأصلية كتبت بواسطة وجدي الأسعد الأسعد
أميننا الكائن ببلاد الاعداء
كل سنة وانت طيب والعفو والعافية ياخ
ممكن تذكر لينا الاسباب البتخليكم ترفضوا مبدأ الشيرينغ شنو؟!
عاوزين نعرف الاسباب بس
|
يا زول " الكائن ببلاد الاعداء" شنو ؟!! نحن الاعداء ذاتهم !!
----------------
بالنسبة لرفض مبدأ الشيرينغ فلسبب واحد و بسيط : مهما تدافع الناس لدعم هذا العمل ماديا سوف يتقاصر هذا الدعم عن تغطية تكاليف عمل بهذا الحجم ...
الشغل ده يا وجدنا داير علماء متخصصين في مجالات مختلفة و داير محسن يتفرغ لسنينا عددا، عايز زيارات لاماكن هذه الرموز ... فمن أين للناس بكل هذا ؟!
قبل كم شهر مشيت ال grand canyon أو الأخدود الكبير في أريزونا و الله يأذي الأذونا ... و grand canyon ده عبارة عن أخدود عملتو مياة نهر كلورادو قبل ملايين السنيين... أخدود ممتد لاكثر من خمسة ولايات .... منظر أقرب للخيال لا يوصف .... أخوك واقف و فاتح خشمو جات طيارة هيلوكبتر نزلو منها خمسة ستة أنفار ... كل واحد شايل ليه عدة رابطها في نصو و إتفرقو الخشة واحد من الكهوف خشة و القعدو ببره قدام المرتفعات الصخرية قعدو و طلعو عدتهم ... سالت بتاع المعلومات وكان قريب من مكان ما أنا واقف عن الناس ديل منو لانو النزول لل canyon ممنوع للزوار ... قال لي ديل علماء بعملو في بحوث عن ال canyon .... ده بحث جيولوجي بغطي منطقة واحدة ليهم سنين شغالين فيه ... ما بالك و بحث محسن عن الرموز و دلالاتها واصل لحدي أمريكا اللاتنية ...
المنطق - حسب ما أري - بيقول إنو نعمل علي توصيل هذا البوست لاكبر قدر من المختصين السودانيين في مجال الاثار و الاعلام و كل من نر إنو ممكن يساعد في دفع هذا العمل لقدام ... لحدي ما الدولة ترعي العمل ده ... إذا ده فشل نشوف جهات أخري ...
و في الاخر كلامي ده وجهة نظر شخصية و أعلم إنو هدفنا واحد ... إذا إنت بتفتكر الكلام ده ممكن يتعمل بشيرينغ تجدنا إن شاء الله من المساهمين رغم اختلافنا الجذري في رؤية الأمر ...
