من غير زعل وحساسية: يجب إعطاء الفرص من مواليد:١٩٦٧م وحتى ١٩٨٠م..فى كل انواع القيادة!

[البديري]

للآسف نحن الان فى عهد سرعة،وعهد تقشف خيالى،نحتاج لكفاءة(quality select ) لا نحتاج لمن يتكأون على الماضى!
نحتاج الى دماء جديدة "لنج"، حتى ولو فيها سلبى! مرحب بجميع من الشباب ومن غير فرز! والغربال من يحدد! من يقود ومن يقتاد!وكلاً على حسب كفاءتة!
عاوزين الرئيس شاب
والوزير شاب
والادارى شاب
والاداري الرياضى شاب
والموظف شاب
والمدرس شاب
والنجار شاب
والحداد شاب
والسكرتير شاب
والقاضى شاب
والجزار شاب
والبروفيسور فى الجامعة برضو شاب(بغض النظر عن شحه)!
والمحامى شاب
والمداح شاب
والفنان شاب
وبائع الخضار شاب
والسمسارى شاب
وامام الجامع شاب
وقديس الكنيسة شاب
ومزيع الرادى والتلفزيون شاب
وعليكم الله ماعاوزين نسمع عبارات كالاتىاصبحت اصطوانات مشلخة): الماعندو قديم ماعندوا جديد ، والساب قديمو تاه ، والدهن فى العتاقى، والخبرة ، ونقط نقط نقط ،واسمع كلام الاكبر منك بيوم بيعرف عنك بسنة! دا كلو حنك بيييش! والايام بيننا.. (وبتحدى)!!

وموظف العلاقات العامة شاب
ومسؤل السكة الحديدية شاب
وكل رؤساء المجالس شباب
والمعارضة شباب
والمنتفعين شباب
والممغوسين برضو شباب
والجيش شباب
والبوليس شباب

وحتى الحرامية برضو شباب!

يجب هز الكرة الارضية هز!
والبقاء(لله) وللاقوياء!


*اعلم تماماً بان كلامى ناشف وفيهو عدم (............)! لكن اصبروا على بضع سنوات! وحاتتزكرونى! ان اطال الله فى اعمارنا.

وللجميع التوفيق باذن الله.

[ابوبكر حسن]

سلامات البديرى
التحيه لدعمك للشباب والدماء الحارة
بس اعطاء الفرص وقفتو لى تمانين ليه ما كان تخليها لى تسعين ,, برضك شباب

[بابكر مخير]

كتر خيرك
دي هديتك لينا وعيد ميلادنا لسة "تورتهو" باقيها في التلاجة...
يابا قالوا الشجر الكبار فيهو الصمغ (يتلزق)
والما عندهو كبير يشوف ليهو (حتى ولو) كبيرة
وشنهو كدآ في العتا...
يعني حسي دآ كلهو تمسحه بي
إستيكآ في شآن بث تنكد علينا..


وحاتك ولا زعل ولا حساسية
كلامك كله صآح
هو الجاطا ولخبتها منهو غير "الدناصير"
روفي وتوحة وعمك طبعن منهم

[قيس شحاتة]

المشاركة الأصلية كتبت بواسطة البديري

يجب إعطاء الفرص من مواليد:١٩٦٧م وحتى ١٩٨٠م..فى كل انواع القيادة!

ما تخليها لغاية 1984!
__

بتفق معاك يا بديري لي حد كبير. لكن اندفاع الشباب وحماسهم، محتاج لخبرة وتروّي وحكمة الشيوخ.

[البديري]

المشاركة الأصلية كتبت بواسطة بابكر مخير

كتر خيرك
دي هديتك لينا وعيد ميلادنا لسة "تورتهو" باقيها في التلاجة...
يابا قالوا الشجر الكبار فيهو الصمغ (يتلزق)
والما عندهو كبير يشوف ليهو (حتى ولو) كبيرة
وشنهو كدآ في العتا...
يعني حسي دآ كلهو تمسحه بي
إستيكآ في شآن بث تنكد علينا..


وحاتك ولا زعل ولا حساسية
كلامك كله صآح
هو الجاطا ولخبتها منهو غير "الدناصير"
روفي وتوحة وعمك طبعن منهم

سلامات للجميع هنا
والمعذرة للتخطى والرد المتاخر!
حبيبنا مخير لك ولكل من زكرتهم هنا الصحة والعافية وطول العمر ان شاءالله وباذن الله.
سؤال: هل حضرت خطاب البشير ال(فشنك)؟ وهل شاهدتا كمية الشياب اقل واحد فيهم عمرة ٧٧ سنة وعاوز يحكم!!

[هشام ديدي]

بكري حسن بقي نائب رئيس من كم يوم قال حا نتم المدينه الرياضيه..

انت عارف ده بند مفتوح من 1990....وتخيل..وكم بند مفتوح..وعندنا الكثير.

[سر الختم إبراهيم نقد]

المشاركة الأصلية كتبت بواسطة البديري

سلامات للجميع هنا
والمعذرة للتخطى والرد المتاخر!
حبيبنا مخير لك ولكل من زكرتهم هنا الصحة والعافية وطول العمر ان شاءالله وباذن الله.
سؤال: هل حضرت خطاب البشير ال(فشنك)؟ وهل شاهدتا كمية الشياب اقل واحد فيهم عمرة ٧٧ سنة وعاوز يحكم!!

حبابك ألف يا البديري بعد طول غياب
ياخي كلامك صاح لكن داير أعدلو كان بتسمح ليه ما يكونوا ناس العقد التالت العشرينات يعني الخريجين الفريش، والرابع الثلاثينيون ديل الغالبية مفروض يحكموا نفسهم بنفسهم كما يشاؤون، يعني أنا لو شفت واحد لابس سستم ولا مفلفل شعره ما بستغرب هذا زمنه أناذاتي لمن كنت قدره كنت بخنفس ومافي زول اعترضني ومشكلتنا الكبرى هي عدم تواصل الاجيال مع بعضها واعتبار كل ما يأتي به الشباب الصغار منكر ومشين ، بس المفروض نبعدهم من حاجتين : التخنث للرجال ، والاسترجال للنساء هكذا يمكن أن يستقيم الحال.
أما بالنسبة للديناصورات الترابي والصادق ومن لف لفهم تخيل الصادق حكم أبوي وحكمني ويريد أن يحكم أبنائي، شيء عجيب لا يحدث إلا ها هنا.

[هاني عربي]

سلامي وتحياتي للجميع

أرى أن مواليد 1967 - 1980 قد فقدوا فرصتهم للقيادة لأنهم لم يجدوها في وقتها.

وأرى أن نسلّم الأمر لمواليد 1981 - 1996

ليقودوا البلد من الألف إلى الياء

وسيبهرونكم حتماً