راكوبة المجادعات.. النمة والدوباي

[سارة]

المشاركة الأصلية كتبت بواسطة خالد غالي

انا موش مارديتن ..
الحقيقة انا شردتا الشراد الواااحد ده


لكن متابعك .. غايتو ماشاء الله نمامتن .. همباتي بس

وصف الهمبتة بالحيل كتيرة علينا
نحنا نجر ضراعوالقافية تزبط لينا
بس زولى السمح كًتر نصايبو علينا
قافل يوت موبايل وفى العيد بمسكل لينا

[خالد غالي]

المشاركة الأصلية كتبت بواسطة سارة

وصف الهمبتة بالحيل كتيرة علينا
نحنا نجر ضراعوالقافية تزبط لينا
بس زولى السمح كًتر نصايبو علينا
قافل يوت موبايل وفى العيد بمسكل لينا

مسكول في العيد ؟ يخسي عليهو والله


في العيد يمسكل ياستي زولك جافي
او يا كمان صعب زي بخلو ابدا مافي
الزيّك يمين انا بجريلو جريا حافي
معليش ده الزمن بس الله يدي العافي

[سارة]

المشاركة الأصلية كتبت بواسطة خالد غالي

مسكول في العيد ؟ يخسي عليهو والله


في العيد يمسكل ياستي زولك جافي
او يا كمان صعب زي بخلو ابدا مافي
الزيّك يمين انا بجريلو جريا حافي
معليش ده الزمن بس الله يدي العافي

هعهعهعهعهعهعهعهعهعهعهههههىهىاى

خالد شرقتنى شكيت محنك
اكمل ضحكتى واجى ارد عليك

[سارة]

المشاركة الأصلية كتبت بواسطة خالد غالي

مسكول في العيد ؟ يخسي عليهو والله


في العيد يمسكل ياستي زولك جافي
او يا كمان صعب زي بخلو ابدا مافي
الزيّك يمين انا بجريلو جريا حافي
معليش ده الزمن بس الله يدي العافي

الزيك منو راقى وقليبك صافى
تجريلك قلوبنا قبال ايدينا توافى
صحيح ازماننا صعبة وزولى قاسى وجافى
بـ المس كول رضينا لو مرة مرة يصافى

[سجمان]

من دقدق قطاري العين كسر وكايا
انا فارق وشات ناسا بسندو قفايا
لي اسبوع تمام زايد اسايا اسايا
من باقي الصبر حتحتها المخلاية

[سارة]

المشاركة الأصلية كتبت بواسطة سجمان

من دقدق قطاري العين كسر وكايا
انا فارق وشات ناسا بسندو قفايا
لي اسبوع تمام زايد اسايا اسايا
من باقي الصبر حتحتها المخلاية

من باقى الصبر صابر وكاتم ازايا
اسبوعين تمام وانا بين مرض وقرايا
جسانى الطبيب وهز راسو قال دى حكايا
بى ريق الحبيب انا عارفة ببقى دوايا

انعل ابو الغزل زاتو خالد غالى نام اكييييييييييييد

[سجمان]

المشاركة الأصلية كتبت بواسطة سارة

من باقى الصبر صابر وكاتم ازايا
اسبوعين تمام وانا بين مرض وقرايا
جسانى الطبيب وهز راسو قال دى حكايا
بى ريق الحبيب انا عارفة ببقى دوايا

انعل ابو الغزل زاتو خالد غالى نام اكييييييييييييد

الله يقطع الموبايل دي ما شفتها..

يالسارة الحبيب مانع عليا طيوفو
اسبوعين تمام انا في المنام ما اشوفو
لو كان السبب في غيابو عني ظروفو
رضيان لي مجيو اتشولبني سيوفو

[خالد غالي]

المشاركة الأصلية كتبت بواسطة سارة

من باقى الصبر صابر وكاتم ازايا
اسبوعين تمام وانا بين مرض وقرايا
جسانى الطبيب وهز راسو قال دى حكايا
بى ريق الحبيب انا عارفة ببقى دوايا

انعل ابو الغزل زاتو خالد غالى نام اكييييييييييييد

خالد غالي اغما عليهو نام شنو


عليك الله مابركة الما موتا

[سجمان]

المشاركة الأصلية كتبت بواسطة سارة

الزيك منو راقى وقليبك صافى
تجريلك قلوبنا قبال ايدينا توافى
صحيح ازماننا صعبة وزولى قاسى وجافى
بـ المس كول رضينا لو مرة مرة يصافى

ما بنزيد كلامو ولا حصل عقبنا
ولو قلنا النسيم زي همسو جد كضبنا
المن جوز عيونو مسدسات هنضبنا
جايز شرعو كان هدانا وﻻ ضربنا

[سارة]

المشاركة الأصلية كتبت بواسطة سجمان

ما بنزيد كلامو ولا حصل عقبنا
ولو قلنا النسيم زي همسو جد كضبنا
المن جوز عيونو مسدسات هنضبنا
جايز شرعو كان هدانا وﻻ ضربنا

جايز شرعو فينا حتى ان تكانا ضبحنا
عسلة ريقو تشرق لو جرعة واحدة بلعنا
اسمر وزاهى لونو ونظرتو بتصرعنا
زراعينو فى مسامنا ورضينا بى يقًلعنا

[سجمان]

المشاركة الأصلية كتبت بواسطة سارة

جايز شرعو فينا حتى ان تكانا ضبحنا
عسلة ريقو تشرق لو جرعة واحدة بلعنا
اسمر وزاهى لونو ونظرتو بتصرعنا
زراعينو فى مسامنا ورضينا بى يقًلعنا

مشنون جبال برنو المنقح عودو
مالو بس لو مرة اوفى وعودو
الشاغل الفكر لو كان عرفنا بنودو
ما هماني حت ابليس معاه جنودو

[جيجي]

المشاركة الأصلية كتبت بواسطة سجمان

ما هماني حت ابليس معاه جنودو

انت خلاص مشيت البلد ديك وشوطنت
ازيك ياشيخنا
وربنا يجعله قدم خير عليك