لحن الخميس ..... أعز عزيز ..

[3mk-Tango]

أعز عزيز .. رائعة ابراهيم عوض ..

بصوت مبدع بورسودان : ياسر ابراهيم ..


[rams]http://sudaniyat.net/upload/uploading/3zeez13.ra[/rams]



كنت معاك سعيد ...
والليلة في بعدك ما أضناني
اصبر إمكن يفيد صبري
وإمكن نرجع تاني ...

عارف الناس تغريك ..
تنسي دموعي وتنسي حناني ...
وأفضل مخلص ليك
لو حتي سعادتك في حرماني ..
واضحي بزهرة عمري
عشان ما تعيش طول عمرك هاني ...
اوري حقيقة امري
واستشهد بي ألحاني
واضحي بزهرة عمري

عرفت احب من قبلك مرة
وانت الحب العاش في كياني ..

انا بهرب منك لرضاك
وبحاول من اجلك أنساك
امهد ليك تتخلص مني ..

القي خطاي تجمعني معاك

ولو تعرف عايش علي عطفك
وكل حياتي من اجلك

بتعرف يوم في دنيا غيابك
يساوي سنين في دنيا هناك

يا أعز عزيز .. في دنياي
انا طامع ابقي عزيز دنياك

.

[3mk-Tango]

للحفظ :

http://sudaniyat.net/upload/uploading/3zeez13.ra

[عبدالعزيز خطاب]

العزيز تنقو

ينظر ويفاد


يعجبنى ياسر كثيرا إحساسه تريان ورويان

والأغنية قاسم مشترك لحب كل ذواق

ولى معها ذكرى خاصة حكيتها قبلا على سودانيات

آخر كلمات فى الأغنية بتقول ..

يا أعز عزيز فى دنياي انا طامع أبقى عزيز دنياك .. مع الترديد والتوسل والبكاء

ينظر ويفاد

كما وكانت إحدى بكائياتى عندما أملت قلب الأميرة والملكة المتوجة

محبتى خالصة

عزيز

[Garcia]

تنقو والله ليك شوق ووحشة بلا حدود ...
ويسلم ذوقك الرفيع دوما ..... وكما قال عزيز اى زول بيكون عنده ..
ذكرى خاصة مع هذه الاغنية ... كلام حنين اشق الصخرة يا تنقو ...
طبعا اكيد بتكون سمعتها عند زيدان ابراهيم .. فلها نكهة بديعة حين يغنيها ..
كل التحية والاشواق ....

[معتصم الطاهر]

تنقو
يا الّذ لذيذ

[haneena]

الله يخليك و خميساتك يا تنقو

وأفضل مخلص ليك
لو حتي سعادتك في حرماني ..

هل الحب تعذيب للنفس؟؟؟!!


مجرد سؤال

[3mk-Tango]

عزيز ويا عزيزي ما هنت ...

من هنا نبدأ :

كما وكانت إحدى بكائياتى عندما أملت قلب الأميرة والملكة المتوجة

حيث ان مثل هذه الذكريات لا تمر مرور الكرام ولكل حالة اغنية ولكل بكية رمز ...
اعز عزيز كلمات فصلت لك تماما .. فهذا يجعلها الاغنية الاكثر حظا في دفاترك البكائية ..
اهديها لك وللاميرة والملكة المتوجة ..


ياسر اكتشفته مؤخرا باسم ( ياسر بورسودان ) ولم يعجبني الاسم فأسماء المطربين التي تشبة
حافلات المحطة الوسطي لا تجذبني ابدا ... اخيرا عرفت اسمه الكامل وعدت الي سماعه ... وجدته
يمتاز بصوت قوي واختيار موفق للاغاني .. سمعت له عدة اعمال اعتقد انها ملكه ..
اذا سار بنفس هذه الخطوات سوف نسمع اسمة وصوته يتردد كثيرا ,,, واتمني ذلك

بالمناسبة صاحبك ابراهيم محمد الحسن الزول الجميل ليهو فترة مختفيو مابرد علي المكالمات
اعتقد بعد عودة الاسرة دخل في روتين الحياة ... سوف احاول سحبة مرة اخري ..

[3mk-Tango]

الحبيب غارسيا .. الشوق كثر يعلم الله

متابع اخبار رحولك ومنتظرين عودتك بقوه ...

سمعت الاغنية عند ابو الزوز وبمداخلتك دي سوف احاول ان ابحث عنها مرة اخري


لك الود

[3mk-Tango]

العزيز معتصم الطاهر ..

تسلم يا ذوق ..

[3mk-Tango]

مرحبتين حنينة ...

هل الحب تعذيب للنفس؟؟؟!!


مجرد سؤال

ابدا ليك بالرد غنائيا :

عذبني وزيد عذابك امكن قلبي يقسي
وزي ما نساني قلبك امكن قلبي ينسي

زيدني في هجراني ..
في هواك ياجميل العذاب سراني ..

دا معذبنا وما قادرين نسيبو .

فارق لا تلم انا بهوي الالم

انت لو داير بكاي
الف اهلا يا دموع
ومهما القي النار في دربك
برضو اشتاق للرجوع

.....

ديوان الحب ملئ بالغرائب يا حنينة .. لا اعتقد في الامر سادية او حب في التعذيب
بقدر ما هو دليل علي الاخلاص والصبر .. علما ان الحب دائما محاطا بالاشواك
وبقدر حوجته البقاء فيهو يحتاج الي الايثار وتحمل الصعاب ..
وفي مفهومنا عموما ان الحب يكون عظيما وكبيرا بحجم الصعوبات التي يواجهها ..

هذه ليست فتوي ولكن وجهه نظر .. ..

[3mk-Tango]

رحم الله صاحب اعز عزيز ..




كنت معاك سعيد ...
والليلة في بعدك ما أضناني

[عماد بشير حامد]

الغالي تنقو
لك الود والشكر رقراق ، انت المبدع والمفرح دومـــــــــــــــــــــــــــاً
كل العرفان في اجترارنا لذكريات حلومرة

[عجب الفيا]

اختيار موفق يا تنقو
اظن لو اجرى استفتاء بين عشاق فن ابراهيم عوض اعز عزيز بتطلع الاولي .

لك المعزة ولابراهيم عوض وفنه والخلود

[haneena]

شكرآ يا تنقو
أضفناها لمكتبة إبراهيم عوض و لو بصوت ياسر بورتسودان
ما أجملها بالعود

ودي

[منعم ابراهيم]

تشكر ياتنقو يارايع.....الود ده اول مرة اسمعوا لكن ماقعد الغنية ....لك الخلد ابراهيم عوض

ياأعز عزيز