ضبانة التلفزيون ... !!!!!!!!!!
....
[align=right]قاعد في امانت الله بعاين للبرنامج وبمتع نظري بي وجه سلمي المرأة المخلوقة من الزيت والخبز البلدي .. وسلمي دي كان جابوها تزيع الاخبار انا بشوفها ما عندي مشكلة لانو اكيد اخبارها بتكون سمحة زيها
اما سلمي وكمان مستضيفة معاها ..المشتسار القانوني لي البشير .. مولانا ( المراءة القانونية بسموها مولانا برضو ؟ ) المهم الزوله الاسمها بدريه عبدالرحمن .. كلام قانوني ... لكنو سمح عشان سلمي فيهو .. لحدي هنا كلام جميل ...
قوم يا البرانامج جيب منو يغني ؟ ايمان واماني محمد خيري احمد .. ودا جوز ما شاء الله يعني يكف العين ويخلي الشربوت يربط .. وانا وسمبتيكو دا لينا مع الجوز دا قصة في اول مرة يجو التلفزيون .. بجيها تاني القصة دي .. .اها . قومي يا الاغنية السمحة ( انا بهواك __ لثنائي العاصمة ) بتاعة البنات السمحات ايمان واماني في برنامج المذيعة السمحة سلمي ... قومي يا الاغنية امشي كويس مافي عوجة ..
وفجاتن الاغنية شغاله اشوف ليك ضبانة التلفزيون الزمااااااااااااان ديك راكة في وش البنت اماني .. انتي لسة حية يا ضبانة السجم ؟
ضبانة سخيفة وبايخة ما عندها دم ابدا ابدا ... الدنيا شربوت .. و عيد ضحية .. الدموم في الشوارع بتكون راقدة هبطرش .. الفشفاش في الشوارع راقد هبطرش .. باقي التمر حق الشربوت باقي هبطرش ينافس اجدع ( مشك ) ..الكمونية ماليه المطابخ .. و ضبانة الجن والسخف دي ما لقت الا وش البت دي ترك فيهو .. وتطير لي الاغنية من راسي ؟؟؟؟
الاغنية شغالة والبت تحاحي وانا احاحي كلمات الاغنية بقت شنو زاتو ما عارف .. المخرج الحريف زح الكاميرا من وش البت لكن البشيل الزنة من راسي شنو ؟ بقيت ما قادر اتفاعل مع الاغنية وافتش لي الضبانة محل ما الكاميرا تمشي بي هنا ياربي بي هنا ياربي لا .. ؟ ؟
شويتين الاغنية انتهت وانا بفكر في الاستديو واتخيل اني لو كنت المخرج كنت بوقف الاغنية وبطلع اعلان مجاااني وبنظف الاستديو وبرشو بي (بف باف) ما رشة واحدة ولا اتتين .. لكن تلاته رشات بي بينونة كبري ..
وانا في التفكير دا بعاين لكن ما فاهم سلمي بتقول في شنو .. فجاتن تااااااااني تظهر ضبانة التلفزيون الفنانة دي .. ووين المرة دي ..؟؟؟ في وش سلمي زااااتااا ... الله يخرب بيتك ... عينك للفشفاش تركي في وش سلمي ؟؟
والله لو كنت في السودان كنت ركبت ومشيت استديوهات النيل الازرق واقيم عليها الحد ..
والله لمن البرنامج انتهي انا شعرة جلدي واقفه و بفكر في ضبانة السجم ... تاني قالو شنو الناس .. وغنو شنو ما عارف بس اسجل واخت قلت لمن اوعي بعدين افهم الحاصل ..
اتذكرت ولد المغترب لمن جاء السودان وقال لي ناس حبوبتو : انتو ليه بتشترو الضبان دا كتير كدا ؟؟؟
يمين مسؤل منو يوم القيامة انا متبرع لي ناس النيل الازرق ديل بي كرتونة (بف باف) او( بايجون) يرشو بيها الاستديوهات دي في اي حلقة حتسجلها سلمي ...
ياخي معقولة بس ؟؟؟ ضبانة التلفزيون الزماااااان ديك مربينها لي اسة ؟؟؟
خلينا ليك القناة الاولي تلحقينا في النيل الازرق ؟؟
كرهتينا البلي زاتو .... [/align]
[align=center]  [/align]
.
.
التعديل الأخير تم بواسطة 3mk-Tango ; 18-01-2006 الساعة 12:01 AM.
|
