ود حلتى
لك الياسمين
شكرا شكرا شكرا
احبك ايها الشفيف
نفسى فى داخلك أعاين
وأروى روحى وأشوف منابعك
يا سلام
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح
تجيهو الناس جحافلْ
يا سلام يا سلام
لمـّا تعبرى فى الشوارع
شوفى كيف الناس تصارع
ناس تطفـِّر وناس تدفـِّر
فى البشابى على نجومك
وفى البخبْ كايس تخومِك
وكل زول من عِنْ سُلافك
لا لاقال دايرلُو كاسْ
مرّة طربان شلت صوتك
شان أغنى
قلت آه ياليل وآه
إنتى أول وإنتى تانى
وإنتى تالت وإنتى رابع
نافرة زى صيد الخلا
وصافية زى نبع المنابع
وقلتى لى غناى خلاص
حلوة عينيك زى صحابى
عنيدة كيف تشبه شريحتين
من شبابى
حلوة عينيك زى صحابى
وزى عِنب طوّل معتـّق
فى الخوابى
وسمحة زى ما تقول ضيوفاً
دقـّوا بابى
فرحى بيهم سال ملا
حتى الكبابى
شكرا جميلا تنقو
|
