نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 22-03-2008, 06:31 PM   #[1]
محمد حسن العمدة
:: كــاتب نشــط::
الصورة الرمزية محمد حسن العمدة
 
افتراضي التجمع لا يمانع في المشاركة في الحكومة الجديدة ( تتذكروهو ) ؟؟

التجمع لا يمانع في المشاركة في الحكومة الجديدة
القاهرة:وكالات
أكد التجمع الوطني الديمقراطي أن مشاركته فى الحكومة الجديدة أمر وارد ، وأنه ليس هناك ما يمنع المشاركة في الحكومة أو في مؤسسات الحكم الانتقالى.
وطالب بيان صادر عن التجمع، رداً على المشاركة في حكومة الوحدة الوطنية، التي بدأ الرئيس عمر البشير التشاور حولها مع نائبيه، «مؤسسة الرئاسة الجديدة بالإسراع في الرد على مطالبه وحسم المسائل العالقة في اتفاق القاهرة بإعلان رفضها أو قبولها لهذه المطالب ليتخذ التجمع ما يراه مناسبا».
وقال السر في البيان ، الذي حمل توقيعه «إن التجمع يهمه بالدرجة الأولى أن تتم المسيرة الديمقراطية في البلاد من دون عوائق ، ويريد أن يكون مشاركا فيها بقوة وفاعلىة حتى تترسخ قواعد السلام والحرية والديمقراطية».
وأوضح أنه على رغم وجود تحفظات عديدة لدى التجمع تجاه اتفاقيات السلام إلا انه مصمم على المشاركة في السلطة إذا كانت بنسب متكافئة وبصورة فعالة وليست شكلية.
وأشار إلى أن هناك جهات لا تريد للتجمع أن يشارك في السلطة ، وتفتعل أموراً لعرقلة مشاركتنا خوفا من برنامجنا ، الذي يرتكز على المحاربة الحقيقية للفساد والمفسدين ، والدعوة إلى الإصلاح الحقيقية».
ودعا بيان التجمع، إلى تشكيل حكومة انتقالىة جديدة ، تتمثل فيها كل الأطراف والقوى السياسية من دون إقصاء، حفاظا على الإجماع الوطني.
وشدد على أن حكومة بهذه المواصفات «هي وحدها القادرة على مواجهة الظروف والتحديات المقبلة ، والمؤهلة لاستكمال المصالحة الوطنية وتحقيق السلام الشامل والعادل».

المصدر :

http://www.alsahafa.info/index.php?t...147498051&bk=1



محمد حسن العمدة غير متصل   رد مع اقتباس
قديم 22-03-2008, 08:34 PM   #[2]
omrashid
:: كــاتب نشــط::
 
افتراضي

ود العمده
سلام

وبعدين --ما قلتو التجمع دا كعب ومرقتو منو هسع جاي تستشهد بي كلامو

يا جماعه اين الموضوعيه



omrashid غير متصل   رد مع اقتباس
قديم 22-03-2008, 09:01 PM   #[3]
محمد حسن العمدة
:: كــاتب نشــط::
الصورة الرمزية محمد حسن العمدة
 
افتراضي

اقتباس:
المشاركة الأصلية كتبت بواسطة omrashid مشاهدة المشاركة
ود العمده
سلام

وبعدين --ما قلتو التجمع دا كعب ومرقتو منو هسع جاي تستشهد بي كلامو

يا جماعه اين الموضوعيه
ام راشد اسم الله فوقك قولي بسم الله

حسع وين انا استشهدت ؟؟!!

خبر ونقلناه ؤبث فيها حاجة دي ؟؟

لكين وقتين الدرب جابك

المشاركة دي موش حاجة كعبة ؟؟

ليه تاني بتصرو تشاركو في الحكومة ؟

ولا طلعتو من التجمع ؟؟



محمد حسن العمدة غير متصل   رد مع اقتباس
قديم 22-03-2008, 09:11 PM   #[4]
omrashid
:: كــاتب نشــط::
 
افتراضي

ود العمده

اولا لا تستخف بعقول البشر وانحنا الكلام كان في بطن سيدو بنعرفو زي ما قال اخونا شوقي متعه الله بكامل الصحه

وانحنا يا سيدي في التجمع ودخلنا البرلمان --البرلمان مفهوم وليس الحكومه لاننا في التجمع

وبث



omrashid غير متصل   رد مع اقتباس
قديم 22-03-2008, 09:43 PM   #[5]
محمد حسن العمدة
:: كــاتب نشــط::
الصورة الرمزية محمد حسن العمدة
 
افتراضي

اقتباس:
المشاركة الأصلية كتبت بواسطة omrashid مشاهدة المشاركة
ود العمده

اولا لا تستخف بعقول البشر وانحنا الكلام كان في بطن سيدو بنعرفو زي ما قال اخونا شوقي متعه الله بكامل الصحه

وانحنا يا سيدي في التجمع ودخلنا البرلمان --البرلمان مفهوم وليس الحكومه لاننا في التجمع

وبث
حاشاك من الاستخفاف

بس البرلمان وليس الحكومة دي ما فهمتها
قصدك انو البرلمان - المجلس الوطني - ليس جزءا من الحكومة ؟؟؟



محمد حسن العمدة غير متصل   رد مع اقتباس
قديم 22-03-2008, 09:50 PM   #[6]
omrashid
:: كــاتب نشــط::
 
افتراضي

طيب قبل ما اجاوبك --عندما حل الحزب السشيوعي في عام 1965
وطرد نوابو من البرلمان --هل هؤلاء كانو في الحكومه ام لا

اما الرد علي سؤالك
البرلمان وانت سيد العارفين --فيهو ناس الحكومه وفيهو المعارضه --انا بقول ليك الكلام وانا ضد وجود حزبي في البرلمان وما حافرح زياده لمن انتو تجو الان --لانو المحادثات الثنائيه لا تخدم المصلحه العامه ولا شنو



omrashid غير متصل   رد مع اقتباس
قديم 23-03-2008, 11:31 AM   #[7]
محمد حسن العمدة
:: كــاتب نشــط::
الصورة الرمزية محمد حسن العمدة
 
افتراضي

اقتباس:
المشاركة الأصلية كتبت بواسطة omrashid مشاهدة المشاركة
طيب قبل ما اجاوبك --عندما حل الحزب السشيوعي في عام 1965
وطرد نوابو من البرلمان --هل هؤلاء كانو في الحكومه ام لا

اما الرد علي سؤالك
البرلمان وانت سيد العارفين --فيهو ناس الحكومه وفيهو المعارضه --انا بقول ليك الكلام وانا ضد وجود حزبي في البرلمان وما حافرح زياده لمن انتو تجو الان --لانو المحادثات الثنائيه لا تخدم المصلحه العامه ولا شنو
ام راشد

نبدا بالكلام الزين والسمح تعضيدا ( حلوة تعضيدا دي موش ) لحسن النية

الكلام الاخير ده كلام سمح تب يعني السطر الاخير وارفض كل اتفاق ثنائي ولو جاء من حزب الامة
اما البرلمان فيهو معارضة فدي بختلف معاك فيها لانو الواضح ان لا معارضة في البرلمان والدليل لقاءات سليمان حامد نفسه مع الصحف وكثيرا ما يذكر ان النظام لا يابه بما يطالب به ( المعارضون ) وكده كده وجود المعارضة في البرلمان بتاع المؤتمر اللاوطني بيعني تمرير القوانين المقيدة والمنتهكة لحقوق الانسان يعني بيكون شغل النظام من دقنو وافتلو موش كده ؟؟ بالله عليك وبدون تعصب حزبي كلامي ده ما صاح ؟؟

عشان كده احي رايك ( ام راشد ) الرافض للمشاركة والاتفاق الثنائي لكن كمان طالما في مشاركة تنظيم يتخيل لي تخلينا نقول راينا في التنظيم المشارك زي ما قلنا راينا في مبدئية ام راشد الشخصية موش كده ؟

اما حل الحزب الشيوعي والكلام الفوق ده ما فهمتو يا ريت لو وضحتي .. قصدك زي نبيل بتفكتري انو حزب الامة هو الحل الحزب الشيوعي لامن كان( الصادق المهدي رئيس وزراء) ؟؟!!



محمد حسن العمدة غير متصل   رد مع اقتباس
قديم 23-03-2008, 07:01 PM   #[8]
omrashid
:: كــاتب نشــط::
 
افتراضي

ود العمده

يعني ما فهمت انو البرلمان فيهو حكومه ومعارضهوانا معاك انو المعارضه ما عندها تاثير وبالرغم من هذا تظل معارضه --وفي برلمان 1965 كانت في معارضه وحكومه وبرضو ما قدرت تمنع واد الديمقراطيه ولا حتي المحكمه الدستوريه لكنها برضو تسمي معارضه ---بعدين ما فيش حد حايشك اتكلم زي ما داير بس بعدين لمن نتكلم انحنا وبالذات اخونا شوقي ما تجقلب
بعدين نصيحه لوجهه الكريم هسع الحاله اللي فيها حزبكم دي مش احسن تلتفت ليها وتحاول تصلحها وانت برضو تمام يا ريس



omrashid غير متصل   رد مع اقتباس
قديم 23-03-2008, 10:08 PM   #[9]
محمد حسن العمدة
:: كــاتب نشــط::
الصورة الرمزية محمد حسن العمدة
 
افتراضي

:
اقتباس:
وبالذات اخونا شوقي ما تجقلب
غايتو كان جنس نضمو ودرابو داك اياها الجقلبة حاصلة حاصلة


عشان كده قلنا خلي العكاز قريب ما ترمي



محمد حسن العمدة غير متصل   رد مع اقتباس
قديم 26-03-2008, 04:03 AM   #[10]
نبيل عبد الرحيم
:: كــاتب نشــط::
الصورة الرمزية نبيل عبد الرحيم
 
افتراضي

اقتباس:
المشاركة الأصلية كتبت بواسطة محمد حسن العمدة مشاهدة المشاركة
ام راشد

نبدا بالكلام الزين والسمح تعضيدا ( حلوة تعضيدا دي موش ) لحسن النية

الكلام الاخير ده كلام سمح تب يعني السطر الاخير وارفض كل اتفاق ثنائي ولو جاء من حزب الامة
اما البرلمان فيهو معارضة فدي بختلف معاك فيها لانو الواضح ان لا معارضة في البرلمان والدليل لقاءات سليمان حامد نفسه مع الصحف وكثيرا ما يذكر ان النظام لا يابه بما يطالب به ( المعارضون ) وكده كده وجود المعارضة في البرلمان بتاع المؤتمر اللاوطني بيعني تمرير القوانين المقيدة والمنتهكة لحقوق الانسان يعني بيكون شغل النظام من دقنو وافتلو موش كده ؟؟ بالله عليك وبدون تعصب حزبي كلامي ده ما صاح ؟؟

عشان كده احي رايك ( ام راشد ) الرافض للمشاركة والاتفاق الثنائي لكن كمان طالما في مشاركة تنظيم يتخيل لي تخلينا نقول راينا في التنظيم المشارك زي ما قلنا راينا في مبدئية ام راشد الشخصية موش كده ؟

اما حل الحزب الشيوعي والكلام الفوق ده ما فهمتو يا ريت لو وضحتي .. قصدك زي نبيل بتفكتري انو حزب الامة هو الحل الحزب الشيوعي لامن كان( الصادق المهدي رئيس وزراء) ؟؟!!
أكر مره أخرى بس يارب تفهم بس التكرار مفروض ... يعلمك

نعود قليلا للوراء نوفمبر عام 61 حدث تطور تاريخى فى قيادة حزب الأمة بعد وفاة السيد الصديق وكانت ضربة كبيرة على الحزب والبلاد لما له من تاريخ نضالى طويل ولم يصبح رئيسا الا بعد أن برهن على مقدرات قيادتة عند وفاة والدة عام 59 أصبح إمام للأنصار ولعب دورا فى معارضة الحكم العسكرى أشاد به الحزب الشيوعى .
وخلفه أخوه الهادى فى إمامة الأنصار الذى لم يكن فى نفس المستوى ولا يملك مقدرات السيد الصديق كما كان قليل الألمام بالتحولات فى البلاد وبقضايا العصر.
وأختير الصادق المهدى أبن الصديق وكان عائد تواه من إتمام دراستة فى بريطانيا وهو لم يتعد 30وكان خبرة السياسية محدودة وتزحم أفكارة تصورات إسلامية ونظريات أوربية مشتتة وأدخل البلاد فى منهج تجريبى أضر بالبلاد وبحزبه وكان على صلة وثيقة بالترابى زادت بزواج الترابى من شقيقة الصادق .
فتحالف الصادق مع الترابى وشنوا حملة على الحزب الشيوعى فى ندوة فى حى المهدية فى أم درمان مع نصر الدين السيد .
بداية المؤمرة أو المسرحية
نظمت جبهة الميثاق الإسلامى ( الجبهه الإسلامية ) ندوة فى دار المعلمين عام 9/11/65 ودار نقاش عن البغاء فنهض طالب أعلن أن ماركسى خاض فى حادث الأفك فى بيت الرسول ص ففجر الحديث مشاعر غاضبه وأصدرت رابطة الطلبة الشيوعيين بيانا أدانت فيه الطالب وصرحت أن الطالب لم يكن يوما ما عضوا فى الحزب الشيوعى بل أنه يصدر صحيفة حائطية تهاجم الشيوعين .
خرجت مظاهرات نظمها الأخوان توجهت لمنزل الأزهرى الذى خاطبهم وقال أنه يجب تطهير البلد
ودخل الأمام الهادى فى الصورة وأستغل الموقف وإستدعى الأنصار من الأقاليم للعاصمة فهجموا على دار الحزب بالأسلحة بأسلوب همجى أطلق عليه المرحوم عبد الخالق عنف البادية وحاصروا البرلمان.
[]فتقدم محمد أحمد المحجوب فى 15 نوفمبر عام 65 زعيم الأغلبية ورئيس الوزراء بمشروع قرار بحل الحزب وطرد نوابه من البرلمان وتعديل الدستور وإجيز القرار باغلبية 151 ومعرضة 12 وإمتناع 9
رفع الحزب الشيوعى ثلاث قضايا دستورية :- الأولى ضد تعديل الستور الثانيه ضد قرار الحل الثالثه ضد طرد النواب من البرلمان وقبلت الأحزاب الإحتكام للقضاء أى قبلت النهج الديمقراطى إستغرق نظر القضية عام وفى عام 22 /12 / 1966 أعلن قاضى المحكمة العيا صلاح حسن بعدم دستورية التعديلات وإعتباره لم يكن .
وفى يوم 20 / 2/ 67 أصدرت المحكمة حكمها ببطلان حل الحزب الشيوعى وببطلان طرد الحزب الشيوعى من البرلمان .
ولم تنهى المعركة لأن سيدك الصادق المهدى رفض حكم المحكمة وقال أنه حكم تقريرى ودق بذلك بمسمار فى نعش الديمقراطية .
مما دفع رئيس القضاء السابق بابكر عوض الله إلى تقديم إستقالة إحتجاجا على عدم إحترام القضاء ولمعلوماتك هو قةمى عربى ولم ينتمى للحزب الشيوعى كما أدعيت روح راجع معلوماتك التى لا تخرج عن الأستفزاز وعدم إحترام أراء الأخريين .
إعنرف الصادق بهذى الغلطة عام 85 فى حديثة لجريد مجلة الخرطوم وقال أنه كان إنفعال وموقف غير محسوب وكان الأجدر به أن يعتذر
كفايه عليك النهارده يا من تسمى نفسك عمدة حرام ولله وتدعى كمان إنتمائك لحزب الأمة وأنا أشك فى هذا يمكن كلام ورأى مثلك الأعلى عادل عبد العاطى فيك صحيح بعد إنقلاب السحر على الساحر لأنك لا تلتزم بأداب الحوار ودائما تنهى بوستاتك بالغلق ولو تريد الأسلوب بتاعك نتقابل فى سودانيز ونلاين حتى تظل سودانيات واحه هادئه



نبيل عبد الرحيم غير متصل   رد مع اقتباس
قديم 27-03-2008, 08:29 PM   #[11]
محمد حسن العمدة
:: كــاتب نشــط::
الصورة الرمزية محمد حسن العمدة
 
افتراضي

اقتباس:
كفايه عليك النهارده يا من تسمك عمدة حرام ولله وتدعى كمان إنتمائك لحزب الأمة وأنا أشك فى هذا يمكن كلام ورأى مثلك الأعلى عادل عبد العاطى فيك صحيح بعد إنقلاب السحر على الساحر لأنك لا تلتزم بأداب الحوار ودائما تنهى بوستاتك بالغلق ولو تريد الأسلوب بتاعك نتقابل فى سودانيز ونلاين حتى تظل سودانيات واحه هادئه
ونعم




ؤبث



محمد حسن العمدة غير متصل   رد مع اقتباس
قديم 28-03-2008, 12:23 PM   #[12]
نبيل عبد الرحيم
:: كــاتب نشــط::
الصورة الرمزية نبيل عبد الرحيم
 
Wink

اقتباس:
المشاركة الأصلية كتبت بواسطة محمد حسن العمدة مشاهدة المشاركة
ونعم




ؤبث
سؤال لأستاذ اللغة العربية حاولت أقرأ الكلمة الثانية ؤ(بث) فلم أستطع !؟ هل تقصد بس
هل هو خطأ إملائى؟ وكيف مع بروف اللغه العربية والمتحدث الرسمى لحزب الأمة يقع فى هذا الخطأ؟.



نبيل عبد الرحيم غير متصل   رد مع اقتباس
قديم 28-03-2008, 12:25 PM   #[13]
نبيل عبد الرحيم
:: كــاتب نشــط::
الصورة الرمزية نبيل عبد الرحيم
 
Wink

اقتباس:
المشاركة الأصلية كتبت بواسطة محمد حسن العمدة مشاهدة المشاركة
ونعم




ؤبث
سؤال لأستاذ اللغة العربية حاولت أقرأ الكلمة الثانية ( ؤبث) فلم أستطع !؟ هل تقصد وبس
هل هو خطأ إملائى؟ وكيف مع بروف اللغه العربية والمتحدث الرسمى لحزب الأمة يقع فى هذا الخطأ؟.



نبيل عبد الرحيم غير متصل   رد مع اقتباس
قديم 29-03-2008, 09:56 AM   #[14]
محمد حسن العمدة
:: كــاتب نشــط::
الصورة الرمزية محمد حسن العمدة
 
افتراضي

اقتباس:
سؤال لأستاذ اللغة العربية حاولت أقرأ الكلمة الثانية ( ؤبث) فلم أستطع !؟ هل تقصد وبس
هل هو خطأ إملائى؟ وكيف مع بروف اللغه العربية والمتحدث الرسمى لحزب الأمة يقع فى هذا الخطأ؟
وبس ؟؟!!!!

بالله الكلمة دي في اللغة العربية موجودة ؟


قرقرقرقرقر


ارفق بنفسك يا هذا

طوبى لنا!
فالله في هذي المدينة ضابطٌ في الجيش،
وبطانة الشعراء من جنس الطحالب والكلاب
ولا تثق بالجامعة
واللافتات اللامعة
والوزن والشعر المقفي والصدور القانعة
إرفق بنفسك من غباء اليافعين
ومن تفاصيل التدحرج للوراء،
إن الوراء مقسمٌ بين القيامةِ والعدم،
بين الترقب والذهول..
والليلُ أوغل حين طال لكي يطول.
الدرس الثاني: السلطان
بأي أشكال العبارة انتهينا سيدي،
تجد انبهارك في الخضوع..
لك القيام
لك الجلوس
لك التهجد والصيام.
لك الفطور
لك الغداء.. لك العشاءُ وما تبقى من فتات
وكل ما فينا من التبجيل ..
ما يوازي خوفنا الأبدي منك.
تربَتْ يداك..
تربت يداك..
أنا صبيّ،
أعشق الكتب الأناقة والجلوس على الرصيف.
وتجاوز الوجع المعلب في الجرائدِ، كلهم مثلى:
يحبون التغاضي عن إجابات التساؤل في عيون الشارع المسكون بالحمى
ورائحة العرق.



محمد حسن العمدة غير متصل   رد مع اقتباس
قديم 30-03-2008, 02:47 AM   #[15]
نبيل عبد الرحيم
:: كــاتب نشــط::
الصورة الرمزية نبيل عبد الرحيم
 
Thumbs down

ماقلنا لك قرقر عيب يا... وسوف يظن بك الناس السوء وأنت أحد عباقرة هذا الزمان ( الأغبر) الذى جعلنى أتحاور مع شخص نرجسى خاوى الذهن.
والله أنت أكبر كارثه على حزب عريق مثل حزب الأمة
.



نبيل عبد الرحيم غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:02 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.