رجاء قليل من الصبر ..وستكون النتيجة خدمة أفضل..

[admin]

المشاركة الأصلية كتبت بواسطة حمدي اب جقادو

ياخال

المنتدي اليوم اصبح تقيل جدا جدا جدا

من غير هظار
نثمن الجهد المبذول من جانبكم تجاه هذا الصرح

المهم في الموضوع
نرجو تغيير كلمة مرور (مركز تحميل ملفات سودانيات) عاجلا

قائمة المتواجدون الان اختفت وين ؟؟؟؟؟؟
جقجق

إزيك يا حمدي

تقل التصفح يا حمدي لا علاقة له بالمنتدي الجديد إنما من الهوست (سيرفر) .
تعلم أنت جيدا أن هذه النسخة أخف في التصفح من الكمبو.

بخصوص كلمة مرور الأبلود يا حمدي ما الفائدة إن كنا سنرسلها للأعضاء بصورة جماعية؟
أغلب الصور المرفوعة والأغاني في سودنيات يتم نشرها في منتديات أخري !
أنا أراجع الأبلوود سنتر دوريا... وسأجعلها أسبوعيا إن شاء الله فلا تتخوف.

قائمة المتواجدين الآن موجودة يا أخي... فقط مختلفة.


تحياتي

[الوليد عمر]

[align=right]
الإخوة فى الإدارة :


تحية كبيرة بحجم الجهد المبذول فى التطوير ومعالجة المشاكل التقنية .. والتغيير دائما بدورلو شوية صبر .. وترانا صابرين ..


بس عندى سؤال .... صغير كده ..


القصة شنو فى حكاية ال ( LOG IN) ... و (LOG OUT) دى .. الواحد بقى يخش ليهو بوست يقرأ شوية .. يجى يتداخل يلقى رسالة إدارية برجاء تسجيل الدخول تانى .. يعنى فى اليوم تسجل زى خمسين مرة كدة ..

الحاصل شنو .. دى برضو بسبب التغييرات الجديدة والله الشغلة فى الجهاز العندى .. مع العلم إنها ما كانت بتحصل قبل كده ..الرجاء المساعدة بالتوضيح ..


مشكورين ..
الله يديكم العافية [/align]

[haneena]

القصة شنو فى حكاية ال ( LOG IN) ... و (LOG OUT) دى .. الواحد بقى يخش ليهو بوست يقرأ شوية .. يجى يتداخل يلقى رسالة إدارية برجاء تسجيل الدخول تانى .. يعنى فى اليوم تسجل زى خمسين مرة كدة ..

سلام يا أخي الوليد
لحل المشكلة أعلاه
عند الدخول بإسمك أشر داخل المربع الذي يقول حفظ حتى لا تضطر للدخول كذا مرة بإسمك
الشرح في الصور أدناه

[align=center][/align]

[align=center][/align]

[عكــود]

وستكون النتيجة خدمة أفضل..

وقد كانت النتيجة خدمة أفضل فعلاً . .
الشكر كله يا أدمِن.

[طارق مصطفى]

والله كان الانترنت ده فيه "كمون" كان جبت لي "ربطة" وختيتها فوق خشم الباب ..

تهانينا بالعمل العظيم ..

وعينا بااااااااااااااردة.!!!

[خالد الأيوبي]

يا جماعة

و الله أنا عندي مشكلة كبيرة .. وأتسآءل هل لها علاقة بالتجديد

1- بطء مبالغ فيه علي غير العادة

2- أحتاج للتسجيل الدخول كل مرة ... يعني لو عاوز أعمل إستعراض لأقرأ مداخلتي فلا بد من التسجيل

بصراحة يا خالد الحاج منذ يومين بأمسك في نفسي عشان ما أكتب كلام يحبطك و أنا مقدر الجهد الذي تبذله من أجل تحسين المنتدي
3 - بعدين حكاية (( تسجيل للخروج )) دي ضحكتني جداً ،

[خالد الأيوبي]

الغريبة يا خالد

المرة دي لأول مرة ما يطلب مني التسجيل مرة أخري عندما كتبت المداخلة أعلاه

كدي نشـــوف لي بكرة قد يتحســــن أكثر

و بعدين يا عكود و يا طارق مصطفي

إشـــــمعني إنتو معاكم كويس ؟؟؟؟؟

[admin]

أخي خالد الأيوبي...
تاخد راحتك بالكامل يا أخي وتحبطني وتحبط عشرة زي كمان
علي الأقل ياأخي إنت إنتظرت حتى إكتمل العمل.غيرك بدأ النقد قبل بدء العمل يا صديقي؟

بخصوص البطء يا خالد أقول مرة تانية أنه لا علاقة له بالسستم
يحدث البطء عادة بين الواحدة ظهرا وحتى الخامسة بتوقيت "قرنتش" هذه ملاحظتي الخاصة
ليلآ يكون التصفح عادي جدا .. الأمر له علاقة بالهوست والسيرفر يا خالد
(Upload and Download stream)
بخصوص عملية تسجيل الدخول أكثر من مرة راجع مداخلة حنينة أعلاه.


تحياتي

[admin]

الأعزاء
عكود
طارق
شكرا للكلمات الطيبة...

يديكم العافية.

[طارق الحسن محمد]

انا غايتو ما فاهم شى ولاعارف
بس المتاكد منه انه شكل المنتدى اصبح غير
جميل وباهت
مودتى

[طارق مصطفى]

المشاركة الأصلية كتبت بواسطة طارق الحسن محمد

انا غايتو ما فاهم شى ولاعارف
بس المتاكد منه انه شكل المنتدى اصبح غير
جميل وباهت
مودتى

الحبيب طارق الحسن

مرحب حبابك وحمدلله بالسلامة .. وسودانيات منورة بيك .!!

امبارح البورد بقي لونو اسود والكتابة بالابيض ..

وكان شكلو سمح سماحة شديدة ..

لكن الليلة رجع تاني وما عارف الحصل شنو بالضبط

مرة اخرى مرحباً بعودتك يا ود امي وابوي


admin

تسلم يا الحبيب ويديكم العافية

[طارق الحسن محمد]

[QUOTE=طارق مصطفى;60892]الحبيب طارق الحسن

مرحب حبابك وحمدلله بالسلامة .. وسودانيات منورة بيك .!!

امبارح البورد بقي لونو اسود والكتابة بالابيض ..

وكان شكلو سمح سماحة شديدة ..

لكن الليلة رجع تاني وما عارف الحصل شنو بالضبط

مرة اخرى مرحباً بعودتك يا ود امي وابوي


admin

تسلم يا الحبيب ويديكم العافية[/QUOT
الحبيب طارق
مشتاقون والله
واكيد دخلتى اليوم جابت اجله
مودتى واشواقى