شغالتنا الحلوة: ... أبو الدر والله ما بخذلك وجدتها مخزّنة في الجهاز
الله لا يحوجك لي شغالة بتلخبط حياتك تكون عبء عليك إلي اذ كانت لزوم القشرات معليش الظاهره انتشرت في السودان استقدام الشغالات هي ظاهره خطيرة من ناحية تغيير هوية الطفل الي اشكالات اخري كثيره كمان تعال شوف كمية الغباء المصطنع لدي الشغالات عشان تمشي اليوم.... كل ما تعمل خدمة تفتكرا جليلة تلقاها مصيبة ....... قالوا في شغالة كانت بتعمل في بيت عيبا الوحيد ما بدق قبل الدخول نبهتها صاحبت البيت تدق الباب قبل الدخول قالت الشغالة ما تخافي ياسيده انا بعاين بي خرم الباب قبل ادخل.
ليس من انصار الشغالات عندي تعامل دبلوماسي مع ناس البيت كان طلبوا مني شغالة طبعا في حالة الرفض ممكن تحصل مشكلة..... ومن انواع هذه الدبلوماسيه بعرف واحد بتاع مكتب قلت ليهوا عايز لي شغالة لقطة حاجة ما توصف بعد كم يوم الراجل قال لي مر علي المساء مشيت فعلا لقيت عندوا شغالة اثيوبيه (( حبشية)) ما تقول لي مهما وصفت ما بديها حقها: اتكيت اخر درجة.. نظيفة بصورة رائعة حلوه بصورة غريبة دمها خفيف وصلنا البيت طلعت بت جدعه شغل مرتب لغة انجليزية .. بعد انتهاء عملها بالليل تدق باب غرفة النوم تقول عايزة تنوم محتاجين حاجة زوق عالي كمان لو جينا للبس بناطلين جنز اشكال والوان عشان تكون عمليه بلوزات اخر موضه شيء مفتوح من قدام واخر بالجمبه.
اشتغلت معانا اسبوع بعد اسبوع جيت البيت لقيتا مافي سألت ناس البيت وين الشغالة قالوا لي الشغاله خلاص مشيناها : ليه الحاصل شنو ما اكون عملت مشكلة ولا حاجة غلط........ لا مشكله لا غيروا انت جايب لينا عارضة ازياء تقول شغالة يومها كلوا جايه رايحه فينا تتلولو خلاص رجعناها المكتب... احرجتوني مع الراجل..... ده كلام شنو.. طيب مافي تاني شغالة.
استمرينا كم شهر تاني جاتنا نغمت الشغالة المره دي الجماعه هم قالوا بمشوا المكتب اختاروها بعد نقاش كمان معاهوا مشاكل في النهاية كانت الغلبة ليهم نسقت مع صاحب المكتب في اليوم الموعود مشينا المكتب وقفت متفرج وجدنا اربعة شغالات تم اختيار واحده شينه زي ما بقولوا تقطع الخميره من البيت قصيره شديد اندونيسيه تقول جايه من أدغال افريقيا لونا اسود غاتم شالت شنطتا مشينا البيت بعد الصفات دي كلها تملك مشكلة في التخاطب كان عايز تقول ليها جيبي مويه احسن تجيبا انت من المجهود الزهني والبدني في الوصف بعد نص ساعة حتي تفهم ليك الكلام بعد اسبوعين من العناء المتواصل مع الشغالة كان في ضيوف جايني في البيت فهمتها تنظف المجلس بصوره جميلة طلعت من البيت رجعت قريب ميعاد الضيوف دخلت جوه البيت.... لو ما فتحت الباب بي مفتاحي كان اقول انا خاشي مستشفي من ريحة الديتول والكلوركس الوقت ضيق حاولنا نعالج الريحه بي معطر جو المدام جابت بخور المشكله طلعت خلطت ريحه كده غريبه فعلا كانت لحظات محرجه بعد الضيوف ما مشوا المدام استاءت قالت لي موقف محرج قلت ليها جربنا السمحات والشينات والله بعد ده كان نجيب لينا راجل نبيق زي السعوديين بعد صرفو نظر عن الشغالات للمشاكل الكثيرة ظهرت وظيفة عامل منزلي ديل قالو اكعب من الشغالات بصطنعو الغباء الرجال مقفلين عديل من الطرائف البتتقال عنهم
اثنين اي واحد اقول للثاني الشغال معاي اغبي انسان في العالم اتفقوا اشوفوا درجة الغباء عندهم
الاول قال لي الهندي شغال معاهوا: خذ الريال ده وامشي تايوتا جيب لينا سيارة اخر موديل جديدة
الهندي أخذ الريال مشي وقال: زين بابا.( معاها هزة راس)
الثاني نادى الهندي وقاله: روح البيت شوف أنا موجود هناك؟
الهندي هزّ راسه وقال زين بابا.
المهم تقابل الهنديان في الخارج ودار الحوار التالي
الهندي الأول: هذا بابا فكر أنا مافي مخ.
الهندي الثاني: ليه؟
الهندي الأول: هو يقول وامشي تايوتا أشتري لينا سيارة اخر موديل جديدة بواحد ريال، بس هو ما يعرف وكالة مافي شغل اليوم جمعة.
الهندي الثاني: والله بابا انا حمار.
الهندي الأول: سوي ايه؟
الهندي الثاني: يقول روح بيت شوف أنا موجود هناك، ليه هو مايسوي تليفون يسأل ماما.
|
