شكراً ليك ..ما قصّرت..رديت الجميل بى ضَرَّة

[imported_الزوول]

[frame="7 90"]شكراً ليك ..ما قصّرتَ ... رديت الجميل ... بى ضَرَّة
وخليت الوجود في عينى أضيق من خرم إبرة
صبرت معاك صبر أيوب ...وعشت الحلوة والمُرّة
وليك فرشت حرير إحساسي فوق جمر المعيشة الحَرَّ
لُمّن ضاق عليك سودانّا ..قلت الفَرّة فيها الدَرَّة
سولبت البيلصف فوقي فيزا ..عشان تسافر بَرَّة
شكراً ليك
عين الناس ملاني شماتة ..صابت قلبي بى نَظَرة
وقبيل ما تنسى إنو زواجنا كان ضد رغبة الأسرة
حاربت الوجود بى حالو ..قلت أنا بيك منتصرة
فقدت حنان أعز عزاز ..بقيت مقطوعة من شجرة
شكراً ليك
لكن د انت لا راعيتو لا أديتو مثقال ذرة
أول حاجي ..خنت عهود عليها بصمت بالعَشَّرة
هنت عليك زي ما هان العيش والمِلِح والعشرة
لما الدنيا بسمت ليك والمال في إيديك جَرَى
شكراً ليك
وينا وعودك الخلابة وكتين حانت السَفَرة
كلها بس شهر شهرين ..تبعت لي اجيك عُمرة
في بيتنا الملك ننجمّ ..نرتاح من شقا الأُجرّة
مليتو سماي سحاب ورعود بروق تشلع بلا مَطَرة
شكراً ليك
يعوضني الله
في دهبي وفي تعبي الصِبح حَسْرة
اتمحقت معزتي ليك ..ريدي معاك طفش بَرَّة
خلاص اعتقني من سجنك ..خليني اللعيش حُرّة
وخلي جراحي للأيام ..يبقى مع الزمن تبرا
شكراً ليك
[/frame]
....
[media]http://www.sudanyat.org/upload/uploads/shkran_leek.mp3[/media]
....

[imported_عباس الشريف]

ياسلاااااااااااااااااااااااااااااااااااااااااااااا اااااااااااااام يا الزوول

[اسمر]

شكرا يا الزوول

[imported_الزوول]

المشاركة الأصلية كتبت بواسطة اسمر

شكرا يا الزوول

...
حباب فجر المشارق
شفت العكلتة دي كيف؟
تغيرو ولا ما تغيرو نحن ناس قديم
شكراً على مرورك
...
اسمر يا فجر
أمووووت وأعرف الخاتيهو في توقيعك
الممنوع من بروكسي الأمارات شنو !!!
...

[imported_طيبان]

المشاركة الأصلية كتبت بواسطة الزوول

...
أمووووت وأعرف الخاتيهو في توقيعك
الممنوع من بروكسي الأمارات شنو !!!

سلام يا الزوول ..
أسمر توقيعو غنية ( الشمّات يعاينولك) شعر صدّيق محمّد طه .. بصوت يعقوب تاج السر ..
ولمحبّتي الغريبة والمتأصّلة لهذه الغنية (الشمّات يعاينولك) ..سكنت هذا البوست ..وحاليا بسمع فيها ..وماشغال بي (سقيد)ك دا الشغلة ..

جعفر السقيد دا لو غنّا ( الود ) ما ح ينبلع لي ..وسبحان من نوّع المزاجات ..

الجدير بالذكر وبما إنّي خربت الكلام فأنا كمان ضد كل اغنياتنا التي عاملة فيها عندها رسايل إجتماعيّة ..منذ ( بت البلد) مرورا ب(حوّاء) و(حسّان الإنسان) .. ولا أستثني ( حبّي أنا ليك كان زادي ) إتسلف ..

___

طلعت ما بتعرف تكسر البروكسي يا الزوول ؟؟
أمّال شنو شابكنا أليكسا ..ورانكنغ ..وبتاع .. إنّا لله ياخ ..

[imported_الزوول]

المشاركة الأصلية كتبت بواسطة طيبان

طلعت ما بتعرف تكسر البروكسي يا الزوول ؟؟
أمّال شنو شابكنا أليكسا ..ورانكنغ ..وبتاع .. إنّا لله ياخ ..[/SIZE][/COLOR]

...
طيبان حبابك
باقيلك
نحن البروكسي ساعينو
عشان نكسربو توقيع فجر المشارق؟
ما تتصلح معانا يا زول ..
وازيدك من الشعر بيت تقني
كلما زاد استعمال البروكسي *** كلما زادت نسبة اكتشافوا وحجبو
اها ... لقيتني كيف بالله
....

المشاركة الأصلية كتبت بواسطة طيبان

سلام يا الزوول ..
أسمر توقيعو غنية ( الشمّات يعاينولك) شعر صدّيق محمّد طه .. بصوت يعقوب تاج السر ..
ولمحبّتي الغريبة والمتأصّلة لهذه الغنية (الشمّات يعاينولك) ..سكنت هذا البوست ..وحاليا بسمع فيها ..وماشغال بي (سقيد)ك دا الشغلة ..

جعفر السقيد دا لو غنّا ( الود ) ما ح ينبلع لي ..وسبحان من نوّع المزاجات ..

الجدير بالذكر وبما إنّي خربت الكلام فأنا كمان ضد كل اغنياتنا التي عاملة فيها عندها رسايل إجتماعيّة ..منذ ( بت البلد) مرورا ب(حوّاء) و(حسّان الإنسان) .. ولا أستثني ( حبّي أنا ليك كان زادي ) إتسلف ..

...
تصدق يا طيبان
اتفق معاك في معظم الكلام الفوق ده
قليل من الغنا بتاع الرسايل الاجتماعية هو الجيد
والباقي ركوب للموجة ليس الا
أمثلة جيدة للغناء الأجتماعي الجيد
حبي أنا ليك كان زادي
يمة (ودجبارة)
يمة التانية ( عبد الرحيم أرقي)
جوابات ست الدار (النصري)
لسان الحال (السقيد الماهو عاجبك )
والغنيي الشغالة دي ( السقيد الماهو عاجبك ده )
....
مناسبة رفع الأغنية أعلاه هنا
عندها قصة عجيبة ما عارف احكيها هنا ولا في الخاص
غالباً في الخاص ..لأنو في ناس كتار جزء من القصة متابعين البوست ده
....

[اسمر]

المشاركة الأصلية كتبت بواسطة الزوول

...
حباب فجر المشارق
شفت العكلتة دي كيف؟
تغيرو ولا ما تغيرو نحن ناس قديم
شكراً على مرورك
...
اسمر يا فجر
أمووووت وأعرف الخاتيهو في توقيعك
الممنوع من بروكسي الأمارات شنو !!!
...

حبيبنا الزوول الداتر سلام
الاغنية من المستحيل تنزل من التوقيع الفلاشي
ولو داير الرابط بتاع الاغنية قول عووك وانا بجيبو ليك

تحياتي

[imported_الزوول]

المشاركة الأصلية كتبت بواسطة عباس الشريف

ياسلاااااااااااااااااااااااااااااااااااااااااااااا اااااااااااااام يا الزوول

....
صباحك خير يا عِبْس
بالله عليك الله شفت الإبداع في الشكوى ده كيف
والتصوير البديع
كدى تآمل البيت ده
سولّبت البيلصف فوقي فيزا ... عشان تسافر بره
تعرف سولب دي يا عِبْس
بيستعملوها بس مقترنة بسلخ اللحم
وكمان أبت تستعمل كلمة دهب
بل أشّارت ليهو بالكناية ( البيلصف فوقي)
عشان تورينا انها انتزعت ذهبها العزيز على نفسها كأنه قطعة من لحمها
مقابل ماذا؟
مقابل فيزا تشتريها له
ليتمكن من السفر
فعلاً
يا سلاااااام
...

[imported_عباس الشريف]

المشاركة الأصلية كتبت بواسطة الزوول

....
صباحك خير يا عِبْس
بالله عليك الله شفت الإبداع في الشكوى ده كيف
والتصوير البديع
كدى تآمل البيت ده
سولّبت البيلصف فوقي فيزا ... عشان تسافر بره
تعرف سولب دي يا عِبْس
بيستعملوها بس مقترنة بسلخ اللحم
وكمان أبت تستعمل كلمة دهب
بل أشّارت ليهو بالكناية ( البيلصف فوقي)
عشان تورينا انها انتزعت ذهبها العزيز على نفسها كأنه قطعة من لحمها
مقابل ماذا؟
مقابل فيزا تشتريها له
ليتمكن من السفر
فعلاً
يا سلاااااام
...

الزوول شغل الشايقيه فيهو وصف جميل وحنية بالكوم

[imported_جيجي]

المشاركة الأصلية كتبت بواسطة الزوول

[frame="7 90"]شكراً ليك ..ما قصّرتَ ... رديت الجميل ... بى ضَرَّة
وخليت الوجود في عينى أضيق من خرم إبرة
صبرت معاك صبر أيوب ...وعشت الحلوة والمُرّة
وليك فرشت حرير إحساسي فوق جمر المعيشة الحَرَّ
لُمّن ضاق عليك سودانّا ..قلت الفَرّة فيها الدَرَّة
سولبت البيلصف فوقي فيزا ..عشان تسافر بَرَّة
شكراً ليك
عين الناس ملاني شماتة ..صابت قلبي بى نَظَرة
وقبيل ما تنسى إنو زواجنا كان ضد رغبة الأسرة
حاربت الوجود بى حالو ..قلت أنا بيك منتصرة
فقدت حنان أعز عزاز ..بقيت مقطوعة من شجرة
شكراً ليك
لكن د انت لا راعيتو لا أديتو مثقال ذرة
أول حاجي ..خنت عهود عليها بصمت بالعَشَّرة
هنت عليك زي ما هان العيش والمِلِح والعشرة
لما الدنيا بسمت ليك والمال في إيديك جَرَى
شكراً ليك
وينا وعودك الخلابة وكتين حانت السَفَرة
كلها بس شهر شهرين ..تبعت لي اجيك عُمرة
في بيتنا الملك ننجمّ ..نرتاح من شقا الأُجرّة
مليتو سماي سحاب ورعود بروق تشلع بلا مَطَرة
شكراً ليك
يعوضني الله
في دهبي وفي تعبي الصِبح حَسْرة
اتمحقت معزتي ليك ..ريدي معاك طفش بَرَّة
خلاص اعتقني من سجنك ..خليني اللعيش حُرّة
وخلي جراحي للأيام ..يبقى مع الزمن تبرا
شكراً ليك
[/frame]
....
[media]http://www.sudanyat.org/upload/uploads/shkran_leek.mp3[/media]
....

السقيد جميل يازووول
بكى صاح
ياخ والله خائن
كان على الافل يعوضها دهبها
الغريبة كنت بحضر لي في برنامج اجنبي
سالوا الزوج والزوجة عن عمر زواجهم قالوا18 سنة
واحدة من الحاضرين قالت باستغراب
-معقول زول يعيش مع واحد18 سنة ومايزهج
حقيقة طبعا الاغنية دي بتصور وضع طبقة معينة من المجتمع وثقافة معينة لمرة ربيت على ان تكون رزينة زيادة عن اللزوم دون دفاعات فكان سبيلها استجداء عواطفه بطريقتها المدعقة في البساطة... ورجل له تطلعاته التي ربما حجمتها الحوجة يوما او كانت نتاج ثقافات جديدة اضيفت

[imported_الزوول]

المشاركة الأصلية كتبت بواسطة جيجي

حقيقة طبعا الاغنية دي بتصور وضع طبقة معينة من المجتمع وثقافة معينة لمرة ربيت على ان تكون رزينة زيادة عن اللزوم دون دفاعات فكان سبيلها استجداء عواطفه بطريقتها المدعقة في البساطة... ورجل له تطلعاته التي ربما حجمتها الحوجة يوما او كانت نتاج ثقافات جديدة اضيفت

...
يا جيجي حبابك
صعب نسقط أفكارنا وتصوراتنا لما يجب أن تكون عليه المرأة في مكان ما وزمن ما ومجتمع ما
على مجتمع مختلف له مقاييسه الخاصة وله مفاهيمه المختلفة
وما فعلته هذه المرأة كما حكت على لسان الأغنية
يعد ثورة بكل المقاييس في ذلك المجتمع
اسمعي إن شئت
وقبيل ما تنسى إنو زواجنا كان ضد رغبة الأسرة
حاربت الوجود بى حالو ..قلت أنا بيك منتصرة
فقدت حنان أعز عزاز ..بقيت مقطوعة من شجرة
....

المشاركة الأصلية كتبت بواسطة جيجي

ياخ والله خائن
كان على الافل يعوضها دهبها

...
إن شاء الله ما تكوني شايقيي
وإلا كلامك الفوق ده يزيد علينا الإشاعات المغرضة
برانا ماني ناقصين
....
....

[عبدالمنعم الطيب حسن]

بعض المغتربين
ما ان يخت رجله في المطار
حتى تلتبسه حالة عجيبة
يعتقد ان هذا المطار الفسيح له
او الطيارة النزلت لتوها دي جاء سايقا هو
يتنكرلواقعه ويدخل في شخصية تانية
مع اكتشافه ان الاغتراب ليس به فلوس لهذا الحد
لكنه يصر
ويفكر في واحدة صبية قال يربيها على يديه
صاحبنا دا ناكر جميل كتار للاسف زيو
الزول تسلم اخوي

[imported_الزوول]

المشاركة الأصلية كتبت بواسطة عبدالمنعم الطيب حسن

بعض المغتربين
ما ان يخت رجله في المطار
حتى تلتبسه حالة عجيبة
يعتقد ان هذا المطار الفسيح له
او الطيارة النزلت لتوها دي جاء سايقا هو
يتنكرلواقعه ويدخل في شخصية تانية
مع اكتشافه ان الاغتراب ليس به فلوس لهذا الحد
لكنه يصر
ويفكر في واحدة صبية قال يربيها على يديه
صاحبنا دا ناكر جميل كتار للاسف زيو
الزول تسلم اخوي

....
حباب عبد المنعم
النفس البشرية من الغموض بمكان بحيث يصعب فهمها
كثيرا ما ترى أشياء من أناس تفاجأ بها
ولكن غالباً هذه الرغبات تكون كامنة في النفس ولكن الظروف لم تساعد على اظهارها
وتظهر بصورة طبيعية حالما تزول تلك الموانع
...
هذا الكلام عبرت عنه بصورة بليغة الأخت جيجي في مداخلتها

ورجل له تطلعاته التي ربما حجمتها الحوجة يوما او كانت نتاج ثقافات جديدة اضيفت

...
وافر شكري
...

[imported_wadosman]

شكرا يا زووول

سلك صااح ..


تسلم..

[imported_محمد مصطفي]

هذا الوصف جميل يا زوول وشديد الماسأة
وهذه اللونية من الشعر والغناء ما يُميز اغاني الشوايقة
اذ انهم يتناول قضايا المجتمع بصورة تفرض عليك الانتباه لها
وهذا النص الذي اورده بمعانيه البليغة يلمس عصب الحياة
وحال الذين يبدلون انفسهم حتي علي من اختاروهم زوجات
فأن كانت هذه القصيدة نتاج واقع حقيقي وتعبير لمعاناة احدي الزوجات
فحتماً أن مرارتها وحزنها اكبر من هذا الشعر رغم بلاغته ....
ثم ان هذه الشعر تستطيع قراءته اكثر من مرة وباحاسيس متغيرة
كل الود .... يا زوول