اقتباس:
المشاركة الأصلية كتبت بواسطة بابكر مخير
اقتباس:
المشاركة الأصلية كتبت بواسطة وجيدة
كثيرين لا تروق لي حركات الامهات وتعنيفهم وتخويفهم للعيال
والله ياولد كان ماسكتا بجي اكثر رقبتك
احس بان التربية السودانيه في خلل وعنف وجهل
تعلموهم الكذب والالتواء وتطالبوهم بان يستقيموا
تغمد الام يدها فارغة وتلوح له بهديه ولا بقطعة حلوة وينفذ طلبها ويفتح يدها
ويجدها فارغة
وتسمع الوالد يطلب من ابنه ان يقول لمن يسأل عنه ابوي نائم
خلط
خلط
خلط
نادر ماتجد كل اسرة متفهمة وترعي طفلها بوعي وتتحسس قدراته وحوجاته
وتنميه موهبته ومقدراته فقط ننجبهم ونعلفهم ونعنفهم بقسوة وحتي القرايه ام دق
ينجحوا خوف احيانا
وحتي لا ندع لهم الخيار في اختيار ملابسهم ولا العابهم ولا نحاورهم ولا نناقشهم كي نستدرك ذكاءهم او نتحسس ما يستعصي عليهم كي لا نرميهم بالغباء
فيجب ان نوليهم اهتمام كاف فالمدرسة تعلم الكتاب والقرايه ولكن الاسرة من تصنع الشخصيه
فكيف لطفل جبان تعلم الخوف من بيته ان يواجه اي خطر او اصغر مشكلة خارج بيته
فنحن ببؤسنا وجهلنا نظلمهم وهم احوج لنا
فهل نعي مسؤليتنا بصورة اجمل من حماقاتكم
وقنبوا عافيه
الوجيها وجيدة
سلام
كان في ندوة إتعملت قبل كمين سنة كدآ في لندن وإتكلم فيها (حسي أقول شنهو عنهو، ماهو بيستحق كل القاب التفخيم) حاااافي كدا "علي نور الجليل" وبرضهو قال ذي كلامك كدآ..
أنا غايتهو إعترضتا (الشريك المخالف)..
يعني نبقآ نستنا من وليداتنا، مغنين راب وبناطلينهم مظهرات ملابسهم الداخلية وبنياتنا يبقن (مسخ) كمية من البودرة على الوش وبعدها حبوب يعملن حفر وحبوب وقصير عشان يطلعن السكاكات ديك المابيغبن..
المغتربين والمهاجرين ما يزعلوا مني، لكن وليداتنا لو ما ظبطنا عليهم شوية،
الرمادة في خشمنا،
يا هجوا أو راحو وفقدناهم عدييييييييييل..
الدنيا يما بقت غابة
|
سيد البلد الجميييييييل فات المعاه وقدروا
كمان ماتقرض شديد يعني خير الامور الوسط يابا
فلا تكن ناشفا فتكسر
ولا تكن لينا فتعصر
الدكتاتوريه دي في عهد الثوارات مابتنفع عادي جدا ممكن تكون في انتفاضات اسريه
ونطالب بالحقوق ونسقط ال................... والنت موجود
فقليلا من اللين والحكمة وكلامي دا يعلم الله لا بدور الخوزاق ولا العولاق
ونصيل البنطال وتسريحة الديك المجنون
لكن مرحلة وبتعدي واهو طور مراهقة وكل زمن وليهو غناي
وما تنسوا الشارلستون والخنفس والذي منو
ودي فترة ابراز الشخصيه والاستقلاليه
فما تكتر المحلبيه يا سيد البلد
وقنب عافيه