القرآنيون

[أبوبكر عباس]

كنا في سيرة عرس من مدني لكسلا،
بص السيرة وقف في الخياري لصلاة الظهر
الناس كانت بتصلي جماعة و الاستاذ علي محمد الحسن كان جالس في كرسي خلف المصليين..
في الاثناء دي جا واحد من ناس المنطقة و قال لعلي: يا أخي ناسك ديل القبلة بتاعتم غير صحيحة، كلمم يلفوا شوية لليمين..
علي قال ليهو: خليهم... دا جمباز ساكت!

[خالد الحاج]

المشاركة الأصلية كتبت بواسطة بابكر عباس

كنا في سيرة عرس من مدني لكسلا،
بص السيرة وقف في الخياري لصلاة الظهر
الناس كانت بتصلي جماعة و الاستاذ علي محمد الحسن كان جالس في كرسي خلف المصليين..
في الاثناء دي جا واحد من ناس المنطقة و قال لعلي: يا أخي ناسك ديل القبلة بتاعتم غير صحيحة، كلمم يلفوا شوية لليمين..
علي قال ليهو: خليهم... دا جمباز ساكت!

ليتك أفضت يا بابكر في شرح ماهية الفكرة عند القرآنيين..
أعلم أنني ممكن أقوقل الاسم لكني أريدها تجربة شحمانة لي زول محاور ذكي
أقولها من غير نفاق والله الشاهد .

[رأفت ميلاد]

توجد جماعية دينة يكثرون فى منطقة الأكراد فى الشريط بين تركا وسوريا والعراق وإيران .. نسيت أسمهم (ويا ليت يذكرنى بهم أحد) ..

فى أوربا من المصنفين بجماعة مضطهدة بدوان نزاع .. عندما يحضر أحدهم عليه فقط إثبات إنتمائه للجماعة ويُمنح حق الحماية .. غير الجنسيات والجماعات الأخرى حيث يتطلب أن يثبت الشخص الخطر الشخصى الذى يتهدده قبل منحه اللجوء ..

رأيت أحدهم فى السودان وكنا فى زيارة عمنا حسين الكردى فى بحرى .. بعد أن تناولنا الطعام جلسنا فى حديقة المنزل العامرة .. حانت مواعيد الصلاة وفضلت الجالس الوحيد والجميع توجهوا لصلاة جماعية .. لحظت أحدهم تقدمهم بعيداً فى (النجيلة) وصار يصلى وحده .. يكثر من الوقوف ونادراً ما يركع .. سألت صديقى عبدالعظيم الكردى فقال لى (ده على كيفه ده من ....) وذكر أسم الجماعة .. وكانت أول مرة أسمع بهم .. وعرفت عنهم هنا أكثر ..

هل يا ترى هؤلاء هم القرآنيين الذى تعنى يا بابكر ؟؟

[بابكر مخير]

بمناسبة الصلاة
بتذكر في القاهرة، كنا بنصلي جماعة وكنتا أيامها عندي عرق النسآ مطلع " ي" وعليه كنتا حتى الكرسي صعبان عليا القعاد فيهو ومسجل غياب وكان الامام دقن وهيلمانا..
بعد فترة الزول طلع بيبلع ويسحِت وكلهو على كله..
لمن انكشف أمره المرحوم الغالي عمي عبد الحميد صالح قال ليا:
والله يا إبني ربنا بريدك ما خلاك تقيف ورآ المصيبة ده..

واحد من مواطني دولة الامارات الطيبين، شيد مسجد في جمب بيته والحق بيهو سكن للامام..
بعد مدة طلع أنه الامام كان بيسخمت الخدامة السيرلانكية..
السيد دآ التقيته في قسم الشرطة حيث كان بلاغ الز . وكان بيقول؛ حسبي الله منه..
يعني السنين الخمس الفاتت وصلاتي وراه ما واصلا حتى سقف المسجد..
"دآ كان في فترة عملي الاولى بالمارات 78-86"

[مواطن]

إزيك يا دكترة ..
إنما الأعمال بالنيات .. وإنما لكل إمرء ما نوى .. فمن كانت هجرته إلى الله ورسوله ، فهجرته لله ورسوله .. إلى آخر الحديث ..
فصلاتك سوى خلف إمام فاسق أو أمير المؤمنين ، فيها هجرة إلى الله وهي مقبولة بحوله إلا إن كنت تعلم ما في سريرة ذلك الإمام ، ولا يعلم السرائر إلا بارئها ، أو رأيت منه منكراً قحا.
وورد في الحديث القدسي " كل عمل إبن آدم له إلا الصوم فهو لي وأنا أجزي به - أو كما قال ، جل من قائل -"
فصلاتك صلتك بالله وهي عمل تؤجر عليه متى ما إنصرفت نية عبادتك إليها ، ولا تؤاخذ بكفاية الإمام من عدمها ، إلا أن تكون عالماً بما يوجب إسقاط تلك الكفاية ومع ذلك إصطففت خلفه.
أقول قولي هذا وأستغفر الله العظيم إن جانبني الصواب .. أو إجترحت ما لاينبغي.
شفتني كيف معاك يا بكور .. قالوا " لو بتعرفو " ..
قصـّرت معاك ..

[أبوبكر عباس]

شكرا دكتور بابكر و مواطن علي المرور..

أخيرا نادر السماني يشرفنا
شكرا نادر علي الإضافة
في شوية خلاف بين بنور صالح و (أمير المؤمنيين) علي محمد الحسن.
كنت داير المعلومات دي نجيبها في الرد علي الأسئلة و نشوف نقاط القوة و الضعف عند الناس ديل..
أعتقد إضافتك دي جيدة لمناقشة موضوع الصلاة:
عدد الصلوات
كيفية الصلاة (دي الحته الفيها نقاط ضعف لديهم)
أوقات الصلاة

[رأفت ميلاد]

المشاركة الأصلية كتبت بواسطة بابكر عباس

كيفية الصلاة (دي الحته الفيها نقاط ضعف لديهم)
أوقات الصلاة

يا بابكر نقطة الضعف الحقيقية التى تجدها فى الرابط الجبتو ليك داك .. وهى محظور عليهم التعليم إلا لفئة معينة منتقاة .. حاجة زى الشيوخ كدة .. وعلى الرعية متابعتهم بدون إجتهاد شخصى ولا تفكير ..

من المضحك التركيز فى نقدهم لتأكيد تخلفهم الشديد قالوا (بطهروا بناتم فرعونى)

يا خيبتنا كان ده مقياس التخلف .. والمفتيين بتاعننا سابوا شغلم وإتشاكلوا فى قطيع الحريم ..

[بابكر مخير]

المشاركة الأصلية كتبت بواسطة مواطن

إزيك يا دكترة ..
شفتني كيف معاك يا بكور .. قالوا " لو بتعرفو " ..
قصـّرت معاك ..

الحبيب حاشاكآ طب،

قالوا السيدة الكبيرة كانت وصلاة العشا على غير وفاق،،
هي يا بت حسي ما قمنا من صلاة المغرب متين دآ جانا
هئي بس نقول شنهو، قومي يا بنية للعشي
آحيييا كدي النقوم نقضي الفريضة
هي إلا كل ليلة يا دي

وفي يوم وذات مساء باكر، سمعتا سكلبآ من عند الجيران وطلبت من بنتها أن تذهب وتتوكد الخبر.
رجعت البنت وقالت:
يما دي خالتي فلانة ماتت.
وبسرعة البرق ردت: هآ يا يما مإرتاحت من صلاة العشيي.......

قال كيف؟؟
قالوا تلاتآ صلوات..
قربت يعني من حقت ناس روفي..

وأستغفر الله لي ولكم..
قوموا على الخمسة..
خمسة وخميسة علي الحاسديننا على حقتنا

[أبوبكر عباس]

المشاركة الأصلية كتبت بواسطة رأفت ميلاد

توجد رأيت أحدهم فى السودان وكنا فى زيارة عمنا حسين الكردى فى بحرى .. بعد أن تناولنا الطعام جلسنا فى حديقة المنزل العامرة .. حانت مواعيد الصلاة وفضلت الجالس الوحيد والجميع توجهوا لصلاة جماعية .. لحظت أحدهم تقدمهم بعيداً فى (النجيلة) وصار يصلى وحده .. يكثر من الوقوف ونادراً ما يركع .. سألت صديقى عبدالعظيم الكردى فقال لى (ده على كيفه ده من ....) وذكر أسم الجماعة .. وكانت أول مرة أسمع بهم .. وعرفت عنهم هنا أكثر ..

هل يا ترى هؤلاء هم القرآنيين الذى تعنى يا بابكر ؟؟

هم بالظبط و في واحد من ناس الكردي ديل منهم ما مستحضر إسمو و علي محمد الحسن يا رأفت ساكن المسالمة..

[أبوبكر عباس]

المشاركة الأصلية كتبت بواسطة ماهر حسن محمد بيك

تقابلت مع القرآنيين وتناقشت معهم ودخلت موقعهم على الشبكة عدة مرات ....

ود البيك (2)
كويس وجودك معانا هنا يا حبيب
و كدا الواحد لقى ليهو زول يحول ليهو بعض الاسئلة الصعبة الممكن يرشونا بيها الرشيد و أميري ...

المشاركة الأصلية كتبت بواسطة خالد الحاج

:
ليتك أفضت يا بابكر في شرح ماهية الفكرة عند القرآنيين...

لم أتحاور مع أي واحد من القرآنيين غير مع أمير المؤمنين علي محمد الحسن (كما يسمي نفسه)، و حضرت نقاشات طويلة و كثيرة له مع شخصيات متنوعة....
الراجل بالو سلبه و لا يمكن أن يخرج من طورو أثناء النقاش و من كثرة نقاشه للناس جود الشغل بتاعو بمنطق قوي...
ما عندي فكرة أطرح فكرة القرانيين بشكل متكامل، لكن فكرة البوست مبنية علي طرح الاسئلة و أختبار مدى قوة طرحهم من خلال النقاش ...
حا أمثل الاستاذ علي محمد الحسن في النقاش، و مرات ممكن اتحول لمحاور لو ماهر مسك الراية....
الحوارات كنا بنبداها معاهو في مناسباتنا خاصة في بيوت البكيات، الأعياد و الأفراح بالطريقة دي:
نشوف لينا واحد من المولانات و يكون علي قريب مننا... نقول لمولانا:
عليك الله يا مولانا ما تهدي لينا الزول الكافر دا، الزول دا بصلي تلاتة صلوات بس!
مولانا: أستغفر الله... صحي الكلام دا يا شيخنا؟
- أيوه
- أها و الكلام دا جبتو من وين؟
- من القرآن
- القرآن قال شنو؟
- (إقم الصلاة طرفي النهار و زلفا من الليل)
- لكن الرسول (ص) شرح المسألة دي بعد معراجه للسموات..
- ما في حاجة إسمها معراج...
- مولانا يخت يدو في راسو... لا حول و لا قوة إلا بالله ... إستغفر يا راجل.. الكلام دا كلام شنو! كدي خليني أجيك بهناك و تبدأ حلقة النقاش