64 بس يا دكتور مخير ؟؟

[سارة]

عم بابكر كل سنة وانت طيب يا طيب

طولة عمر وسعادة كبر

[الجيلى أحمد]

اقتباس:
المشاركة الأصلية كتبت بواسطة سارة
عم بابكر كل سنة وانت طيب يا طيب

طولة عمر وسعادة كبر

يا قلب
زول بريدك زى مافى


كيتآ فى حافظ ومبر

[بابكر مخير]

وأنا صغير كنت بتمنى أني أكبر،
عشان أسف صعود وأسجر
وقد كان،
ثم بعدها إنتظرتا أكبر شوية وألطش ليا طرادة وأركب الطراحة من الخرتوم وأحوم
وقد كأن،
بعدها العشم كان في تقيف قدام "على كيفكك" تطلب الذي منهو من مقاس الربع
وقد كان،
بواصل بعد شوية أصله،
كل سيدا بي سيدهو...
مديري ناداني

[بابكر مخير]

أجمل ما في البوست دآ؟؟
الناس الحلويين العايدوني،
الجميل أبو جميل والأمين العام الجميل والمناقر النقر الجميل وعبد العظيم الجميل والحسيب النسيب الجميل والعمدة الجميل وخلود الجميل "ما إتا يا أبو صلعة" وعزو القوله جميل "عات أكضب" وطروقي الجد جميل (ما إتا يا أبو الحسن) وود خالي بلالي الجميل "مشيها" ورضا الجميل وتوحة الجميل "جمالك ما ليهو مثيل" ووليدي الجميل المليجي والبروف عصام الجميل وود الحسن الجميل "لوحة جميلة"..
وإن كان الجمال مذكر
إلا أنه عنده ستات،
ست الجمال مرمر
ست الجمال بنيتي
ست الجمال سرو
ست الجمال أم الجميلين "التيمان"
ست الجمال نبو بت الراجل الجميل
وست الجمال "الجد" سمورة



وشكرن ليك يابا بي بوستيك دآ،
تفشى الخبر وذاع فعما القرى والحضر
يا أخي يعني فيه تلتمية وكم كدآ خلاث، نقشهو عمري،،
يعني رفتنا...
مستني لمن تجينا ونشوف حسابنا معاك،،
وبعدها تقرر
هل فعلن محتاج لإتنين عجايز
"اختاري العنوان العايزاه وجيبي دمغة واتنين شهود عجائز
بنغيرو "

[رأفت ميلاد]

المشاركة الأصلية كتبت بواسطة بابكر مخير
أجمل ما في البوست دآ؟؟
الناس الحلويين العايدوني،

كل سنة وأنت طيب يا بوكو ..
تعرف أجمل ما فى البوست معايدة الصغار .. الكبار فارحانين بالصغرة .. حتى الحلبى بلمح أنو أصغر منك .. وخالك القطع عاملا غنا وربا .. والنقر ده دفعتى الفيه كملت فى الليدو من أيام الجامعة ..

ركب لينا حاجة فى المعمل ياخ .. ولّ نبقى على وصفة عب عزيز

[فتحي مسعد حنفي]

المشاركة الأصلية كتبت بواسطة رأفت ميلاد

كل سنة وأنت طيب يا بوكو ..
تعرف أجمل ما فى البوست معايدة الصغار .. الكبار فارحانين بالصغرة .. حتى الحلبى بلمح أنو أصغر منك .. وخالك القطع عاملا غنا وربا .. والنقر ده دفعتى الفيه كملت فى الليدو من أيام الجامعة ..

ركب لينا حاجة فى المعمل ياخ .. ولّ نبقى على وصفة عب عزيز

كدي جرب وصفة عمر صديق..

[رأفت ميلاد]

المشاركة الأصلية كتبت بواسطة فتحي مسعد حنفي
كدي جرب وصفة عمر صديق..

ياخ أقول ليك دايرين نهب من تانى .. داير تخفس بينا الواطة

[مرافي]

المشاركة الأصلية كتبت بواسطة رأفت ميلاد

ياخ أقول ليك دايرين نهب من تانى .. داير تخفس بينا الواطة

غايتو يا انتوجنس طمع عليكم ..

باقي حق العجايزليهو ركايز....

ياخ الشباب شباب القلب حسع انتو نديكم عمر شباب في العشرينات

[بابكر مخير]

اقتباس:
المشاركة الأصلية كتبت بواسطة رأفت ميلاد
والنقر ده دفعتى الفيه كملت فى الليدو من أيام الجامعة ..




تعرف أنه الليدو حرآآآآآآآآآم
ماهو الزهر بيقولوا حرآم
وما حُّرم قليله فكثيره حرآآآآآآآآآآآآآآآآآآم
وأنا برآ

اقتباس:
المشاركة الأصلية كتبت بواسطة رأفت ميلاد

ركب لينا حاجة فى المعمل ياخ .. ولّ نبقى على وصفة عب عزيز



الكلمة التي تحتها خط؟؟
محولة لتوحة، بث ما يقول فيها نكتة رسلوها ليهو بالداخلي
لكن عزو دآ، بث عليهو بالزنجبيل
ماهو دايمن عندهو نزلة