قهوة النشاط !

[أبو أماني]

المشاركة الأصلية كتبت بواسطة عادل عسوم

بالجمبة
حمدالله على سلامة العودة من ولاية النيل وأحسن الله العزاء ياملك

مشكور يا الحبيب وعشان طلتك البهية نهديك والزملاء الأعزاء بمناسبة العيد السعيد أعاده الله علينا جميعا باليمن والبركات .. هذه الواقعة (المفاجاءة) !!!
[align=center]إبني فادي يطلب يد بنت المليونير صلاح إدريس بشندي!![/align]

منذ مراحل دراسته الجامعية نشأت علاقة حميمة ووشيجة طيبة بينه وبين زميلته بالكلية .. طبعا الحديث عن إبني الأكبر فادي .. وتطورت هذه العلاقة البريئة الجادة لمرحلة حتمية تستدعي تتويجها برباط مقدس وذلك حسب قناعة الطرفين!.. وحقا إنني لم أكن أدري عن ذلك شيئا البتة فهو أمر شخصي بحت يتعلق بإبني الراشد وكانت تلك تربيتي له.

جاء ذات يوم دخلت فيه غرفة إبني فادي ووجدته سارحا في ملكوت آخر حتى لم يشعر بدخولي ولم يبدو عليه أي تجاوب .. وكان منظره الساهم يجعلني أرثى لحاله .. وعندما فاتحني بأمره بعد سؤالي له ..استغربت مدعاة حيرته وشروده وسرحانه!.. فما يفكر فيه أمر طبيعي لا يعدو كونه خطوة ائجابية يتمناها أن تحدث كل أب من جانب إبنه ..وهي التفكير جديا في الزواج, غير أنه لم يتجاوب مع مظاهر المرح والحبور الذي إعتراني عند سماع الخبر .. وقال لي بصوت حزين غلب عليه الأسى .. إنت عارف يا أبوي هي بت منو؟! .. فسدرت في مرحي وأنا أمازحه ضاحكا بقولي .. مهما يكون أبوها .. حتى لو بت باراك أوباما ظاااطو ماعندك مشكلة بس نتأكد من حسبها ونسبها وإنها (بت عرب) حرة وما فوقها (عرق مر)!.

جأني صوته حادا وهو يقول بنبرة حزن خفية ..الحقيقة لو بت باراك ما مشكلة المشكلة إنها بت صلاح إدريس (اللرباب)!.. فتراجعت الضحكة ببطء عن شفايفي ثم خفتت وسرعان ما لفظت أنفاسها الأخيرة .. فبرغم إن المليونير الشهير ورئيس نادي الهلال الأغر والشاعر الفذ والملحن والكاتب الصحافي و..و.. برغم إنه طفق يصدع رؤوسنا بصياح حسين شندي .. ما مشكلة .. ما مشكلة .. إلا إنني أمام حضرته وجدت نفسي أمام مشكلة حقيقية قد اضطر للجوء للحل بلة لكي يحلها لي..! .

كان أبسط ما يبدو لي في مشكلتي إذا إنطسيت في نافوخي وسقت ولدي ومشينا لدار الأرباب العامرة .. لنطلب رسميا يد المحروسة إبنته..وخبطنا عليو الباب..وفتح لينا هو بجلالة قدره.. تبدأ المشكلة من الباب الخارجي فهل فتح لنا الباب الكومبوزر ولا الكاتب ولا المليونير ولا ياتو شخصية من ديل .. وأفرض إنو فتح لينا الباب صلاح إدريس الأرباب بصفته الشخصية كود بلد سوداني أصيل وديل ضيوف .. فإستقبلنا ببشاشة وترحاب .. وفتح لينا الصيلون الما خمج .. وجلسنا على الصوفا الوثيرة المخملية والستائر تهفهف من حوالينا والمكيف خاتينو وين ولا النور جاي من وين ما عارفين وغصنا حتى النخاع الشوكي في الوسائد والنمارق والذي منو .. وكانت الشخصية الحالية للوجيه الأرباب هي الأديب والصحافي والشاعر المرهف فصرنا نمازحه ونوانسه ببشاشة وترحاب تطفران من جنبات فمه الملوكي ..
وتظل المشكلة عالقة عندما يصح الصحيح وتخلص كل الفذلكات الروتينية عقب كل مواجهة كتلك من حالة طقس لحالة إقتصادية وخلافه وندخل في الغريق ونحن نواجه نظرات تساؤل واضحة في عيون الأرباب .. (عاوزين مني شنو؟).
عندما نجد صعوبة في فتح الموضوع .. نتطرق للمواضيع العامة التي غالبا ما تكون مدخلا للموضوع الرئيسي بعد تقارب وجهات النظر في نواحي ما..وخوفي أن يكتشف الأرباب وهو بصفته الحاضرة كرئيس لنادي الهلال أن نسيب الغفلة وأبيه مريخيان أحمران بنظره (أحمقان) فنكون بذلك قد وضعنا العائق الأول والأزلي في طريق قلبين ضماهم غرام! والله يا اللرباب حرام.. عندها سأخرج من قصره المنيف وأنا حانق على كل الزرق الفي الدنيا وكل الصفراب أينما كانوا والعن نادي التنجيم والتحكيم والطفل المدلل لإتحادنا العقيم، بينما يخرج إبني بجانبي مكسور الخاطر وهو حانق في سره على أبيه الذي كان لحظه العاثر مريخابي ويتحسر أن لم تكن العروس بنت جمال الوالي.
وعندما نفتح مشروع خطوبة بنت الجاه والثراء الفاحش والحسب والنسب الجعلي لسليل الطبقات الوسطي .. ترى هل تطل علينا شخصية نسيب المستقبل بوجهها العملي المادي الجاد المجرد كملياردير يحرص على مستقبل إبنته والتأكد من أن من يتقدم لطلب يد كريمته يجب أن يسبق سيرته الذاتية وضعا ماليا مريحا يكفل لها نفس حياة الرغد والرفاهية التي كفلها لها أبيها؟ وحينها تتكسر أحلام إبني زلوط تحت أقدام الملياردير الشبعان .. ونفشل فشلا ذريعا في (تدقيس) إين إدريس وكيف لا نفشل ونحن في مواجهة خمسة ستة شخصيات مختلفة في نسيب واحد؟!
كان حلم أن أضع يدي فوق يد الأرباب كوكيل لإبني بينما يضع هو يده كوكيل لإبنته ولكن تبخر الحلم في لمح البصر وأنا أدرك بأن الأرباب ليست لديه بنتا على أبواب الزواج .. عليكم الله زلوط شخصيا حلم ليو حلم قدر ده .. ولا كترت المحلبية يا ربي .. تشاوووووو

[فتحي مسعد حنفي]

لا حول ولا قوة الا بالله العلي العظيم: مرسي الزناتي اتلحس يارجالة
طبعا أنا بلغني انو الوجيه ود عسوم لابد ليهو عند شيخ كارب مشغلو لي حسابو اشي حجاب محبة وتسهيلا واشي حجاب لفك العوارض وحجاب تاني للتساهيل...وفي الحقيقة أنا قربت أصدق الكلام دا لامن سمعت انو أخونا عادل انتقل من كراسي المعارضة المنبوذة في المنتدي الي الترشيح لكراسي الحيكومة..بيني وبينكم أنا فكرت آخد منو عنوان الشيخ دا عشان مغروض فيهو.لكن بعد ما قريت المداخلة دي قلت يازول أبعد دمك السكة دي آخرها كوم حجار وفليق في الخلق وأنا زول ما بحب المشاكل وما عندي استعداد يلبسوني قميص ايدينو بيربطوها بي ورا ولا عندي مزاج أجرب الصدمات الكهربائية البقولو عليها..فقررت أن أرضي بما قسمه لي الله وأبعد من عادل ذاتو..
ياخ زلوط دا كانت آخرتو وقعة من الحبل لكن انت ياخوي وقعتك حتكون منيلة بنيلة ووا شماتة ناس فلان فيك

[احمد زين]

المشاركة الأصلية كتبت بواسطة أبو أماني

مشكور يا الحبيب وعشان طلتك البهية نهديك والزملاء الأعزاء بمناسبة العيد السعيد أعاده الله علينا جميعا باليمن والبركات .. هذه الواقعة (المفاجاءة) !!!
[align=center]إبني فادي يطلب يد بنت المليونير صلاح إدريس بشندي!![/align]

المشكلة إنها بت صلاح إدريس (اللرباب)!.. عليكم الله زلوط شخصيا حلم ليو حلم قدر ده .. ولا كترت المحلبية يا ربي .. تشاوووووو

لا اله الا الله
يا اخوانا ده شنو ده
اسع انا يقولو علي شنو
الراجل ده صاحبي
يعني اقوم جاري ولا كيف
يا نسوان ما عندكم فكي كارب بداوي الجن؟

[سارة]

المشاركة الأصلية كتبت بواسطة أحمد محمد زين حسين

لا اله الا الله
يا اخوانا ده شنو ده
اسع انا يقولو علي شنو
الراجل ده صاحبي
يعني اقوم جاري ولا كيف
يا نسوان ما عندكم فكي كارب بداوي الجن؟

لا اله الا الله
Mohamed rsol Alla

ya Ahamed int kol ashabk mjaneen

[احمد زين]

المشاركة الأصلية كتبت بواسطة سارة

لا اله الا الله
Mohamed rsol Alla

ya Ahamed int kol ashabk mjaneen

نعم يا صاحبي الاول

[سارة]

المشاركة الأصلية كتبت بواسطة أحمد محمد زين حسين

نعم يا صاحبي الاول

ana wla Adil assom

[احمد زين]

المشاركة الأصلية كتبت بواسطة سارة

ana wla Adil assom

انت وعادل عسوم الثلاثة

وابواماني كبيركم الذي علمكم الجن

[عادل عسوم]

مشكور يا الحبيب وعشان طلتك البهية نهديك والزملاء الأعزاء بمناسبة العيد السعيد أعاده الله علينا جميعا باليمن والبركات .. هذه الواقعة (المفاجاءة) !!!

إبني فادي يطلب يد بنت المليونير صلاح إدريس بشندي!!

أبو فادي
ياجماعة أبوأماني دة كدي خلوهو شوية
كلامي الجاي دة -دونما جعلي لله عرضة لأيماني-هو صدق محض ...
فادي زين العابدين
ماشاء الله
هو شاب ممشوق ووسيم ووضاح المحيا
ماتنفعل يافتحي ...الولد طالع علي أمو
أعتدت لقاء فادي في دارهم المضيافة
هو خريج هندسة حاسوب بتقدير ممتاز
ويعمل مسئولا في قسم الحاسوب ببنك فيصل الأسلامي
بعد أن أخذ من والدته السمت والقوام والوسامة
فقد أخذ من (أبيه) سعة الأفق واضطراد الثقافة وحب الناس وحضور البديهة
الرجل بحق (يشرّف) أي بيت والله
لكنه يعيبه عيب واحد و...كبير
انه مريخابي

[عادل عسوم]

المشاركة الأصلية كتبت بواسطة أحمد محمد زين حسين

انت وعادل عسوم الثلاثة

غايتو البتجي من السما تتحملا الواطة
الزول قاعد في أماااان الله يجوا يتلّتو بيهو سارة و...الشيطان
شوفي الجبتيها لي رقبك ياسارة

[عادل عسوم]

المشاركة الأصلية كتبت بواسطة أحمد محمد زين حسين

وابواماني كبيركم الذي علمكم الجن

في دي صدقت ...ياصاحبي

[فتحي مسعد حنفي]

المشاركة الأصلية كتبت بواسطة عادل عسوم

أبو فادي
ياجماعة أبوأماني دة كدي خلوهو شوية
كلامي الجاي دة -دونما جعلي لله عرضة لأيماني-هو صدق محض ...
فادي زين العابدين
ماشاء الله
هو شاب ممشوق ووسيم ووضاح المحيا
ماتنفعل يافتحي ...الولد طالع علي أمو
أعتدت لقاء فادي في دارهم المضيافة
هو خريج هندسة حاسوب بتقدير ممتاز
ويعمل مسئولا في قسم الحاسوب ببنك فيصل الأسلامي
بعد أن أخذ من والدته السمت والقوام والوسامة
فقد أخذ من (أبيه) سعة الأفق واضطراد الثقافة وحب الناس وحضور البديهة
الرجل بحق (يشرّف) أي بيت والله
لكنه يعيبه عيب واحد و...كبير
انه مريخابي

انت فهمتنا غلط ياعادل..
احنا اعتراضنا ما علي الولد..اعتراضنا علي صلاح ادريس الما بستاهل يناسب ود الحسب والنسب..حلا وحمرة..والمرة دي كتبتها حمرة مخصوص عشان الأبالسة ما يجو يقروها حمار زي ما قلبوها قبل كدا في حتة تانية
شوف يازول أحفظ دمك وأبعد من سارة دي
سارة دي ليها مكانة خاصة في دهاليز قلبي وما بالصورة الممكن تفكرو بيها انتو ..عشان كدا أنا حأشرح السبب عشان يبطل العجب..
سارة يا عادل تحمل أحب اسم في حياتي ويمكن هي ذاتا ما تكون انتبهت للحكاية دي..
أنا ود أمينة وأمينة اسم بتي..جات عليهم سارة عشان تتلتهم وتبقي بتي التانية..
تفتكر دا ما سبب كافي لهذه المحبة التي أحملها لها بين أضلعي الناقصين ضلعة عايشة في النرويج

[أبو أماني]

المشاركة الأصلية كتبت بواسطة فتحي مسعد حنفي

انت فهمتنا غلط ياعادل..
احنا اعتراضنا ما علي الولد..اعتراضنا علي صلاح ادريس الما بستاهل يناسب ود الحسب والنسب..حلا وحمرة..والمرة دي كتبتها حمرة مخصوص عشان الأبالسة ما يجو يقروها حمار زي ما قلبوها قبل كدا في حتة تانية
شوف يازول أحفظ دمك وأبعد من سارة دي
سارة دي ليها مكانة خاصة في دهاليز قلبي وما بالصورة الممكن تفكرو بيها انتو ..عشان كدا أنا حأشرح السبب عشان يبطل العجب..
سارة يا عادل تحمل أحب اسم في حياتي ويمكن هي ذاتا ما تكون انتبهت للحكاية دي..
أنا ود أمينة وأمينة اسم بتي..جات عليهم سارة عشان تتلتهم وتبقي بتي التانية..
تفتكر دا ما سبب كافي لهذه المحبة التي أحملها لها بين أضلعي الناقصين ضلعة عايشة في النرويج

خليك من ناس (المريسة) ديل وتعال لحبائبك ( بتوع السمسمية ) .. وحاتك يا غالي بي فد كرت عملت لي فنطازية خياليه سرحت بيهم فيها ونقلتهم لعالم خيالي جميل ..بدل يثنوا علي قاموا طلعوني مجنون عدييييل .. الزول الفاهم جد فيهم طلع صديقي اللدود عادل عسوم لأنو أدى ولدي حقه وسلبني كل الحق ونسبه لقريبته الشايقية وطبعا عاذره (كونه شايقي) !!

دحين الشايقي في زول بلومو إذا تلووم ؟؟ ما علينا خليك منو أصلي قنعان باطن وظاهر رغم الخمسين في المية الجعلية الجارية في دمو .. أنا يا صاحبي بنافسك في حب سارة بنفس منطقك الفوق .. فأمينة عمة لينا تكاد تكون ربتني أكتر من أمي رحمهما الله .. أما سارة فكان إسم أول حنان عشتو في حياتي .. وحكمة الله كانت رشيقة ووسيمة زي سارة وكمان نجاضه زييها .. بس ما بتدي حريف كانت أول شاكوش في حياتي .. شفت البت محظوظة كيف؟ .. ختاما أقول لناس (المريسة) وكتين النجارة بتحرقكم وتخليكم تفكوا آخركم ..تاني أرجوا الراجيكم .. وكلو من ده .. ويا أنا يا إتو في القهوة دي .. أبو مازن .. سارة .. خلاااااس فكيتوني (عكس الريح؟) أصبروا لي ..

[سارة]

المشاركة الأصلية كتبت بواسطة أحمد محمد زين حسين

انت وعادل عسوم الثلاثة

وابواماني كبيركم الذي علمكم الجن

شوف يا ابوحميد انا صاحبتك اى نعم متعووووووووودة ودى تهمة تشرف

بس لو اتحّملت ابو امانى ...عادل عسوم دا لعلع لع


بمناسبة انا وعادل دى تالتنا دا شيتان اديل كدا ولا انت قاصد هناى

[سارة]

المشاركة الأصلية كتبت بواسطة عادل عسوم

غايتو البتجي من السما تتحملا الواطة
الزول قاعد في أماااان الله يجوا يتلّتو بيهو سارة و...الشيطان
شوفي الجبتيها لي رقبك ياسارة

عادل

انا ما قلت ليك دربى دا اسحن ليييييييييييييييك تخلو

يجيبك فى سوق قندهار محل الشية والشطة والليمون والمريسة حقتك ديك

[سارة]

المشاركة الأصلية كتبت بواسطة فتحي مسعد حنفي

انت فهمتنا غلط ياعادل..
احنا اعتراضنا ما علي الولد..اعتراضنا علي صلاح ادريس الما بستاهل يناسب ود الحسب والنسب..حلا وحمرة..والمرة دي كتبتها حمرة مخصوص عشان الأبالسة ما يجو يقروها حمار زي ما قلبوها قبل كدا في حتة تانية
شوف يازول أحفظ دمك وأبعد من سارة دي
سارة دي ليها مكانة خاصة في دهاليز قلبي وما بالصورة الممكن تفكرو بيها انتو ..عشان كدا أنا حأشرح السبب عشان يبطل العجب..
سارة يا عادل تحمل أحب اسم في حياتي ويمكن هي ذاتا ما تكون انتبهت للحكاية دي..
أنا ود أمينة وأمينة اسم بتي..جات عليهم سارة عشان تتلتهم وتبقي بتي التانية..
تفتكر دا ما سبب كافي لهذه المحبة التي أحملها لها بين أضلعي الناقصين ضلعة عايشة في النرويج

والله وقسما برب البيت يا ابو الاء وما طالبنى حليفة

لو المداخلة دى بتتقطع وتتلبس فى الرقبة عليك امان الله والرسول البسها

حجاب من العين والحسد واتزين بيها فى المحافل

وشكرن يا زول ما عندى زيادة عشان اقول (( حقوق النشر لعمنا الرائع جدا الله يديه الف عافية

عم بابكر )