سلامات يا حنينة
ما عارف رأي الفطاحلة شنو خاصة عكود ومحمد صالح الخضر وحميد
لكين والله في مقطع في القصيدة يشبه محمد حبيب كدكي
وهذا ليس تقليلآ من قدرة أستاذنا الدوش لكن العامية عند كدكي
ممعنة في الروعة والله أعلم
المقطع :
[frame="1 80"]صحَّاني صوت العُمْدة قال
مسئول كبير زاير البلدْ
قبَّال يهِلْ قبَّال يصَلْ
لازم تقيفوا صفوف صفوف
و تهيِّجوا الخَلا بالكفوف
و تقولوا
عاش
يحيا
البطل
سامعِنِّي و لا أقول كمان؟
قُتْ ليهو يا العمدة اختشي
مسئول كبير في الحِلَّة غير الله انعدم
ما شفنا زول سكَّت جُهال
ما شفنا زول رضَّع بهَم
ما شفنا زول كَتَّحْ تيابو
و جانا من طرف البلد
فكيت مشاعري مرقت عِن طرَف البَلَد
ووِدِرْتَ جدْ[/frame]
|
