خريجو جامعة أسيوط لمزيد من التواصل

[شبارقة]

[align=justify]اليوم ده صور ساااي والبركة في الزول ... أها رأئكم شنو في الإبداع الهندسي ده !!! [/align][align=center]
[/align]

[arbab]

الجميع تحياتى



لا استخدام صورة مصغرة تؤدي إلى الصورة الاصلية

نسخ

لتحميل الملف مباشرة
http://www.l44l.com/up/download-c38739b777.jpg.html
نسخ

كود حذف الملف
http://www.l44l.com/up/del-5a18b1327...eb1210584.html
نسخ

شبارقة الصور ه جميله وشكرا للزوول وزمان طلبنا منه مره مره يدينا معلومات من باب التبرع ... غايتو نحن شربنا معاكم بالنز......
شبارقه النوم ياهنا يابلاش.. الصوره من محلية قيسان اصلنا دقشنا النيل الازرق

[مكي محمد الحسن]

يا صعايدة سلامات
والله متابع معاكم ..
الاخ ود الطيب مبروك للهلال والمريخ ون شاء الله الرياضة تمسح بعض الحزن الذي خيم علي السودان!!
الارباب ( عادل جعفر ) ابقوا عشرة علي السدود ..
شبارقة ( ناس ابو صلعة ديل عدد 2 منهم - اسامة و د.منتصر... ) خليهم العمر فات فيهم ..واحد حفرية والتاني وصفة علاج قديم؟
شيخي ( كيشو ) عملت شنو لاخونا مجدي جاد الكريم - ( للذين لا يعرفونه ) خريج زراعة أسيوط 1987 ومقيم في نيو جرسي بأمريكا ( انقطعت أخباره ؟؟؟؟؟؟؟)
الاخ الدكتور صديق حسب الرسول لقيت رسالتك ومشكور ( يا د. ما تجي بي مداخلاتك هنا ؟ ) ..
د. الزوول و د. الجيلي الريح بيقتوا تظهروا مع بعض وتختفوا من هنا مع بعض ( متفقين ؟؟؟)..
تحية للاخ معاوية جاويش ( وصلكم يا ناس المنطقة الشرقية في السعودية ؟؟؟)
شبارقة ( أخبار رحلة أخونا د.عصام كمتور ليكم وصلت لي شنو ؟ جاء ولا لسع في الطريق ؟ ..) ..
الاخ سيد أحمد أبو شعر ( حمداً لله علي سلامة الوالدة ....) ...

تخريمة:
انتو الاسياطة اللذين تداخلوا معنا في البيت القديم وهنا والذين اشتركوا في البيت الجديد كلهم مصابين بي داء ( بخل ابو القدح ؟؟؟)

[كيشو]

اتصلت باللأخ مجدي جاد الكريم أول أمس وهو زميل دراسة في المرحلة الثانوية في القضارف القديمة، مجدي عندو حكاوي كتيرة ولكن باللسان فقط
بدأنا من الثانوي وحكاويه عن زنقة مرينا بيها مع الأستاذ الرائع النور دراج، وهو استاذ تربية رياضية ورجل رياضي بمعنى الكلمة، المهم أنا ومجدي طلعنا براءة.
من المواقف التي لا أنساها للأستاذ النور دراج اننا كنا ضمن منتخب المدرسة لكرة السلة وكان أستاذ النور قد أمرنا بالحضور في السادسة صباحاً للتمرين، حضرت أنا في السادة إلا عشر دقائق ووجدت أستاذ النور ومعه طالب واحد، وجاء بعدي طالب آخر قبيل السادسة، بقية الفريق بدأوا في الوصول بعد السادسة وحتى السادسة والنصف اكتمل الفريق، فقام استاذ النور بتسريح الفريق لعدم الانضباط كان ذلك سنة ؟؟؟؟

[شبارقة]

المشاركة الأصلية كتبت بواسطة مكي محمد الحسن

تحية للاخ معاوية جاويش ( وصلكم يا ناس المنطقة الشرقية في السعودية ؟؟؟)
شبارقة ( أخبار رحلة أخونا د.عصام كمتور ليكم وصلت لي شنو ؟ جاء ولا لسع في الطريق ؟ ..) ..

[align=justify]ميكي ...سلامات[/align]

[align=justify]تلقيت إتصالاً هاتفياً قبل قليل من الأخ / معاوية جاويش (لحظة دخوله للرياض) الساعة 9:15 صباحاً وهو سيتوجه اليوم إلى مكة المكرمة لأداء العمرة وملاقاة والدته .... وتواعدنا على اللقاء معه اليوم قبل سفره إلى مكة إن شاء الله [/align]

[align=justify]وما زلنا في إنتظار أخونا د.كمتور[/align]

[شبارقة]

المشاركة الأصلية كتبت بواسطة كيشو

كان ذلك سنة ؟؟؟؟

[align=justify]1979 من القرن الماضي يا عصام [/align]

[كيشو]

المشاركة الأصلية كتبت بواسطة شبارقة

[align=justify]1979 من القرن الماضي يا عصام [/align]

يا عاصم
البلد مليانة ناس أقدم من كدة بكتير
ما شفت حسن فرح لما تكلم عن ذكريات المدرسة ببورتسودان في بوست العجايز؟

[شبارقة]

الإخوة الصعايدة.... السلام عليكم

[align=justify]إلتقينا بالأمس هنا في الرياض (الأخ عبد الله عبد اللطيف وشخصي) بالأخ / معاوية جاويش الذي كان في طريقه من دولة الإمارت إلى مكة المكرمة ... وقد كان الأخ معاوية في عجلة من أمره للوصول إلى مكة لملاقاة والدته التي نتمنى لها عاجل الشفاء وأن يمتعها الله بالصحة والعافية .... ولضيق الوقت لم نتمكن من التوثيق بالصور ولكن سنقوم بذلك بعد ترتيبنا مع الأخ معاوية عند رجوعه لنا في الأسبوع القادم إن شاء الله (وهذه دعوة لكل الصعايدة الموجودين في منطقة الرياض ) .. وتقبلوا تحيات الأخ معاوية الذي وعد بالإنتساب إلى هذا الموقع في هذا المنتدى ... وشكراً لكم جميعاً [/align]

[شبارقة]

[align=justify]تبادر إلى ذهني فجأة إنو لما كنا برالمة في كلية العلوم كان معنا ولفترة شهر شهرين واحد هادئ جداً إسمو معتصم الفحل من منطقة شندي .... وبعدها إنتقل إلى إحدى الجامعات الأخرى ... هل فيكم من يذكره ؟ [/align]

[الجيلي عبد الله الريح]

والله النومه عندك ..... ما اجملها... نومة تلقائية....
على ظل اللاندكروزر فقط .. فالشمس حارقة... فراشه الارض لا غير...? توسد البرش المطوي ... وراح في نوم عميق .... ياترى بماذا يحلم..? هل يعلم بأن اخوانه وامثاله في امدرمان وغيرها.. قد حرموا النوم بصوت الرصاص ...لعله لا يدري ان هذا اللاندكروزر قد يحمل البندقية..
والمدفع الذي يخاف صوته وشكله...? هل يعلم بأن النار قد حرقت الكثيرين من الابرياء..وتيتم اطفال مثله...
هل دار في خلده ان هذا البرش قد حمل الكثيرين الى داخل الثرى..?
وراحوا الى دار اخرى...?
متى ننعم بنوم هادئ مثل هذا الطفل...?
متى ننعم بالامن والطمأنينة...?
ومتى نترك السلاح ونعود الى الالفة والمحبة والسلام...?
متى ومتى ... ومتى ....
ادعو الله ان يحفظ سوداننا من كل شر...وان يجنبنا الفتن ما ظهر منها وما بطن ... وندعو بالرحمة والمغفرة لكل من راح ضحية ...

[الجيلي عبد الله الريح]

المشاركة الأصلية كتبت بواسطة ;97267

حبيت ابو قجيجة واريت ابو صلعه طاير .... هكذا كان ابو صلعه غير مرغوب فيه في اغاني البنات ويأتي ابو قجة في المقام الاول حتى لو كانت الصلعة امريكية....? وهذا ما أثبتته ايضا ممثله الغناء السوداني في الخارج جواهر بورسودان...???
انا لو جابو لي الامريكاني...
الانجليزي..والياباني...
وكنوز الدنيا عشاني...
بقولو(بألو) لا..لا..
مش ده البحس بيه...
ولا قلبي بيجري عليه...
لويعمل عشاني ايه..
اقولو لا... لا..
والله ما بحب غيره..
ولا قلبي يكون اسيره...
المصري الاسمراني....?
حتى ابوقجيجة راح فيها....عاشت وحدة وادي النيل...?
عاش الفن السوداني خارج الحدود...فلنتضامن من اجل صلع العالم...?

[muntasir hassan]

المشاركة الأصلية كتبت بواسطة الجيلي عبد الله الريح

حبيت ابو قجيجة واريت ابو صلعه طاير .... هكذا كان ابو صلعه غير مرغوب فيه في اغاني البنات ويأتي ابو قجة في المقام الاول حتى لو كانت الصلعة امريكية....? وهذا ما أثبتته ايضا ممثله الغناء السوداني في الخارج جواهر بورسودان...???
انا لو جابو لي الامريكاني...
الانجليزي..والياباني...
وكنوز الدنيا عشاني...
بقولو(بألو) لا..لا..
مش ده البحس بيه...
ولا قلبي بيجري عليه...
لويعمل عشاني ايه..
اقولو لا... لا..
والله ما بحب غيره..
ولا قلبي يكون اسيره...
المصري الاسمراني....?
حتى ابوقجيجة راح فيها....عاشت وحدة وادي النيل...?
عاش الفن السوداني خارج الحدود...فلنتضامن من اجل صلع العالم...?

يالجيلى الصلعه فورمايكا والاخلاق ملائكه وكيه ليكم ياناس جمايكا مره يالجيلى زارنى احد الاخوان وسالنى يامنتصر لو سمحته ممكن تدينى مشطك فضحكته وقلت للاسف عندى خلال ياعاصم معتصم الفحل ذلك الرجل الهادى ابن عمة خالد ابراهيم تخرج من اسكندريه وهو موجود هنا فى بوسطن وقد حضر ماجستير فى البايوكميسترى

[muntasir hassan]

المشاركة الأصلية كتبت بواسطة شبارقة

[align=justify]ويا الأرباب ...ده منو؟[/align]
[align=center][/align]

اكون يالعوض فى صغره ياولده

[محمد ود الطيب]

الأسايطة مساء الخير كيفكم
أبوشعر حمد لله علي سلامة الوالدة وربنا يعينك علي برها ويرزقك دعواتها
جاوويش أيضا لك مثل أبوشعر والعمرة مقبولة مقدما
الشبارقة شكرا علي تواصلك الأيام السابقة
مكوك وين أنت أخبار السودان معك ايه الأجازة أعني
د. منتصر عايز الايميل بتاعك ضروري بالله
جيلاني الشيخ كيشو عامل معكم ايه



ودي لعشاق الأحمر


ودي لي أبو شعر ومنتصر وشبارقة و جاوييش و أبوشيبة والجيلي ومكوك وكمتور والارباب والزوول
وجميع الأسايطةةةةةةةةةة

[شبارقة]

المشاركة الأصلية كتبت بواسطة muntasir hassan

ياعاصم معتصم الفحل ذلك الرجل الهادى ابن عمة خالد ابراهيم تخرج من اسكندريه وهو موجود هنا فى بوسطن وقد حضر ماجستير فى البايوكميسترى

[align=justify]يا سلام عليك يا منتصر ... أول مرة ألقى ليهو خبر بعد 25 سنة .... تحياتنا له ولك وللأخ خالد[/align]