نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 21-04-2013, 06:51 PM   #[1]
أبوبكر عباس
:: كــاتب نشــط::
 
افتراضي عليكم الله أعفوا لي

عمر بانقا زميلي بسكن عزابة الشارقة، طويل، نحيف وأسود كالأبنوس، قال لي ونحن قاعدين تحت نخلة البيت:
تعرف، خالتي ست الدار، مرة مطرطشة وعنصرية من غير ما تدري.
تجينا في كوبر من السجانة وأول ما تدخل البيت وقبل ما تسلم علي تقول لي:
عليك الله، يا عمر ولدي تعفي لي
- في شنو يا خالة؟ عافي ليك، بس قولي لي أعفي ليك شنو؟
- جيت بالسوق الأفرنجي، لقيت لي ولد ضربتو في ضهرو، قايلاهو انت، لكن لمان إلتفت عليّ لقيتو جنوبي، عليك الله يا عمر تعفي لي.
- لكن يا خالة، الجنوبيين ديل، ما زيينا وأخوانا.
- ما عارفة، بس اتّا أعفي لي...



أبوبكر عباس غير متصل   رد مع اقتباس
قديم 21-04-2013, 06:55 PM   #[2]
فتح العليم
:: كــاتب نشــط::
 
افتراضي

العفو والعافية



فتح العليم غير متصل   رد مع اقتباس
قديم 21-04-2013, 07:06 PM   #[3]
أبوبكر عباس
:: كــاتب نشــط::
 
افتراضي

ما داير أناقش في البوست دا، عنصرية الوعي واللا وعي المستترة داخل مجتمعنا، لكن داير أقول انو أنا إلتقطت جملة "أعفوا لي" منذ إتناشر سنة وصرت أستعملها لتبريد جلافتي في الحوارات وصنع نوع من الود مع الطرف الآخر وقولها في نهاية أقوالي بتفتح لي مخرج (مراقة).
كانت هذه الجملة مراقة الإشتباكات داخل بيت العزابة، مثلا لو زغت من غسيل العدة في يومك وجيت راجع من السينما لقيت شانين عليك حملة، طوالي تقول ليهم: عليكم الله تعفوا لي، وحات سيدي الحسن، نسيت، الاسبوع الجاي بغسلها مرتين.

لو طولت عليكم؛ أعفوا لي.

جاي للموضوع الاساسي



أبوبكر عباس غير متصل   رد مع اقتباس
قديم 21-04-2013, 07:21 PM   #[4]
مبر محمود
:: كــاتب نشــط::
 
افتراضي

اقتباس:
المشاركة الأصلية كتبت بواسطة بابكر عباس مشاهدة المشاركة
جاي للموضوع الاساسي
لو ما جيت عافيين ليك!



مبر محمود غير متصل   رد مع اقتباس
قديم 21-04-2013, 07:24 PM   #[5]
لنا جعفر
:: كــاتب نشــط::
 
افتراضي

اقتباس:
المشاركة الأصلية كتبت بواسطة بابكر عباس مشاهدة المشاركة
ما داير أناقش في البوست دا، عنصرية الوعي واللا وعي المستترة داخل مجتمعنا، لكن داير أقول انو أنا إلتقطت جملة "أعفوا لي" منذ إتناشر سنة وصرت أستعملها لتبريد جلافتي في الحوارات وصنع نوع من الود مع الطرف الآخر وقولها في نهاية أقوالي بتفتح لي مخرج (مراقة).
كانت هذه الجملة مراقة الإشتباكات داخل بيت العزابة، مثلا لو زغت من غسيل العدة في يومك وجيت راجع من السينما لقيت شانين عليك حملة، طوالي تقول ليهم: عليكم الله تعفوا لي، وحات سيدي الحسن، نسيت، الاسبوع الجاي بغسلها مرتين.

لو طولت عليكم؛ أعفوا لي.

جاي للموضوع الاساسي

يادكتور مساك خير وعافية
ليه انا ما حاسة بالأطمئنان ناحية آخر جملة دي ؟؟؟
قلبي موغوشني جداً بس ربك يكضبني ....قادر ياكريم
عاين يللا لي موضوعي اول
طلب عفوك ده لو صح يبقى انا تحسبني بره الناس دي
لأنه انا اليفترض اقدم ليك الطلب ده
كلامي ده بقولو رغم انطباعك بتاع نار الله الموقدة داك
بس ياااابابكر ما تكون دردقتني لانه ح اجاهد فيك لو الموضوع طلع فخ



التوقيع:
نَحْنُ ننتظرُ الضياء ..لكننا نرى الظلام .
(أشعياء 9:59)
لنا جعفر غير متصل   رد مع اقتباس
قديم 21-04-2013, 07:42 PM   #[6]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

[youtube]http://youtu.be/4pALuGFP41g[/youtube]



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 21-04-2013, 08:06 PM   #[7]
أبوبكر عباس
:: كــاتب نشــط::
 
افتراضي

فتح العليم ومُبر
عشان العفو والعافية الطمجتوني بيها دي؛ أهدي ليكم أغنية لعافية حسن وربنا يدوم العفو والعافية يا حنينين وعافي ليكم غلاط سنة

http://www.youtube.com/watch?v=ETYcS5h_oPs



أبوبكر عباس غير متصل   رد مع اقتباس
قديم 21-04-2013, 08:09 PM   #[8]
مها عبدالمنعم
:: كــاتب نشــط::
 
افتراضي

قبل اعرف شنو الموضوع الحاجه دي اتعلمتها من والدي طوالي بقوله اعفو عني والا العفو لله والرسول
بس لله والرسول
واحلي شي لمن يكون زعلان منك لاي سبب زعل ابهات تجي تقول ليه ابوي ؟يرد عاوزه شنو
لالا بس انا مارقه اعفي عني ياحليلو يقول ليك يابتي عافي منك دنيا واخره
والا ساي تلقي ماسك ليه كتاب ابوي ابوي
مالك يامها
عليك الله اعفي عني ربنا يخليه يارب ويديه الصحه والعافيه



مها عبدالمنعم غير متصل   رد مع اقتباس
قديم 24-04-2013, 01:21 PM   #[9]
أبوبكر عباس
:: كــاتب نشــط::
 
افتراضي

عليك الله يا معتصم تعفي لي
الفيديو لم يكن واضحا
مداخلتك في البداية كانت خالية تماما

http://www.youtube.com/watch?v=4pALu...ature=youtu.be



التعديل الأخير تم بواسطة أبوبكر عباس ; 24-04-2013 الساعة 01:25 PM.
أبوبكر عباس غير متصل   رد مع اقتباس
قديم 22-04-2013, 08:08 PM   #[10]
أبوبكر عباس
:: كــاتب نشــط::
 
افتراضي

اقتباس:
جاي للموضوع الاساسي
بع
اقتباس:
المشاركة الأصلية كتبت بواسطة لنا جعفر مشاهدة المشاركة

ليه انا ما حاسة بالأطمئنان ناحية آخر جملة دي ؟؟؟
طبعا بتذكري زول جامعة الخرطوم داك، الخارج الشبكة، الكان بعمل أركان نقاش ولمان يقول: نرجع للموضوع الاساسي، الناس كلها بتقوم جارية وخاصة الجكس والاولاد الخالطين الجكس، لكن نحن الشماشة ديل، كنا نكورك ليهو بإستمرار: نرجع للموضوع الاساسي يا تمبش، الموضوع الاساسي...
أكتر حاجة يا لنا، مكيفاني السنة دي، في سودانيات هي: إستطاعتي تربيطك ولمدة سنتين على طاولة اللعب النضيف، يا أخي، عليك الله، موش أنا أخطر من رمضان ذاتو؟
يا أخي، وحات سيدي الحسن، شكلك وإنتي رئيس مجلس إدارة وناس سعادتو ماجد متفسحين في المنتدى؛ يحنن! يا أخي زمان زي ماجد دا، بتكوني أخدتي فيهو كرتين صفر وكرت أحمر من الربع ساعة الأولى.

لو مداخلتي دي، خارج موضوع البوست الاساسي؛ أعفي لي.



أبوبكر عباس غير متصل   رد مع اقتباس
قديم 23-04-2013, 09:05 PM   #[11]
ماجد تاج
:: كــاتب نشــط::
الصورة الرمزية ماجد تاج
 
افتراضي

اقتباس:
المشاركة الأصلية كتبت بواسطة بابكر عباس مشاهدة المشاركة
طبعا بتذكري زول جامعة الخرطوم داك، الخارج الشبكة، الكان بعمل أركان نقاش ولمان يقول: نرجع للموضوع الاساسي، الناس كلها بتقوم جارية وخاصة الجكس والاولاد الخالطين الجكس، لكن نحن الشماشة ديل، كنا نكورك ليهو بإستمرار: نرجع للموضوع الاساسي يا تمبش، الموضوع الاساسي...
أكتر حاجة يا لنا، مكيفاني السنة دي، في سودانيات هي: إستطاعتي تربيطك ولمدة سنتين على طاولة اللعب النضيف، يا أخي، عليك الله، موش أنا أخطر من رمضان ذاتو؟
يا أخي، وحات سيدي الحسن، شكلك وإنتي رئيس مجلس إدارة وناس سعادتو ماجد متفسحين في المنتدى؛ يحنن! يا أخي زمان زي ماجد دا، بتكوني أخدتي فيهو كرتين صفر وكرت أحمر من الربع ساعة الأولى .

لو مداخلتي دي، خارج موضوع البوست الاساسي؛ أعفي لي.
ـ


سمعت ليك بي حكم كرّت روحو ؟

أنا عافي بالمناسبة ما كان وما لم يكن وما سيكون

وعدني ـ بالجد ـ من الناس الخاتينك كاتبهم المفضل


ـ



ماجد تاج غير متصل   رد مع اقتباس
قديم 23-04-2013, 09:37 PM   #[12]
لنا جعفر
:: كــاتب نشــط::
 
افتراضي

اقتباس:
المشاركة الأصلية كتبت بواسطة بابكر عباس مشاهدة المشاركة
طبعا بتذكري زول جامعة الخرطوم داك، الخارج الشبكة، الكان بعمل أركان نقاش ولمان يقول: نرجع للموضوع الاساسي، الناس كلها بتقوم جارية وخاصة الجكس والاولاد الخالطين الجكس، لكن نحن الشماشة ديل، كنا نكورك ليهو بإستمرار: نرجع للموضوع الاساسي يا تمبش، الموضوع الاساسي...
أكتر حاجة يا لنا، مكيفاني السنة دي، في سودانيات هي: إستطاعتي تربيطك ولمدة سنتين على طاولة اللعب النضيف، يا أخي، عليك الله، موش أنا أخطر من رمضان ذاتو؟
يا أخي، وحات سيدي الحسن، شكلك وإنتي رئيس مجلس إدارة وناس سعادتو ماجد متفسحين في المنتدى؛ يحنن! يا أخي زمان زي ماجد دا، بتكوني أخدتي فيهو كرتين صفر وكرت أحمر من الربع ساعة الأولى.

لو مداخلتي دي، خارج موضوع البوست الاساسي؛ أعفي لي.

بابكر مساك خير
بعد كلامك القلتو والتحتو خط ده....بقدر اتهمك بضمير مرتااااح انك كنت ورا التحشيد لي عشان ترتاح مني وتربطني ....
خطتك كشفت عن نفسها يامتكتكاتي انت
واتضح اني وقعت ليك صيد سهل
شمتان وقادل ومتبختر....
حتة رمضان دي غايتو اتفوقت فيها على معتصم
وفهمتها بعد لأي بصراحة
الدور الجاي عليك وطالباك تحشيد بس اصبر وسردب زيي بعدين
أنا شيطان ياباكر ؟؟؟ ارسى ليك على بر ...أنا شيطان ولا نار الله الموقدة ؟؟

بارتيشن ......
انا زاااتي نفسي صعبانة علي ومحننة روحي
وكونو كم مهرجان يفوتوني فدي خسارة فادحة واللهي
بس الله في



التوقيع:
نَحْنُ ننتظرُ الضياء ..لكننا نرى الظلام .
(أشعياء 9:59)
لنا جعفر غير متصل   رد مع اقتباس
قديم 24-04-2013, 08:04 AM   #[13]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة بابكر عباس مشاهدة المشاركة

أكتر حاجة يا لنا، مكيفاني السنة دي، في سودانيات هي: إستطاعتي تربيطك ولمدة سنتين على طاولة اللعب النضيف، يا أخي، عليك الله، موش أنا أخطر من رمضان ذاتو؟
سلامات يا نديد .. و في سياق مجمجتك دي ممكن تنورنا كيف استطعت انت الفرد الواحد صاحب الصوت الانتخابي الواحد ان تربط نار الله الموقدة سنتين و كدا بدون حشد و ما شفنا ليك لا معسكر لا حملة لا دعاية انتخابية ساندة و داعمة لها ساعتئذ !! اما لو القصة غير طق حنك اسفيري و انه اعتذارك و انسحابك من الترشيح هو الذي قفز بها الى سدة الرئاسة فتعفي لينا شديد لاننا لا نعلم الغيب و عفيناك من التذكرة



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:33 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.