الشيوعي لما يزهج بيبقي شنو؟؟؟

عبدالعزيز عبدالله · 31-01-2010, 08:52 AM

عندي كمية كبيرة من الاخوة كان لونهم السياسي احمر سااااااااااااااكت... ولكن بعد اكتشافهم ان الموضوع ضياع زمن ... تحولو لي الصوفيه والتصوف... وسبحان الله تحولو من اللون الاحمر الي الاخضر... وغيرو شعاراتهم ... بدل (من الواسوك ابت تطلع) الي (امامنا المصطفي والصفح شيمتنا)...
في بداية حديثي اوردت ان (الموضوع ضياع زمن ) دي لا يعبر عن رأيي الشخصي ولكن تلك هي آراءهم تجاه ما كان هم ذاهبون فيه... واذكر منهم محمد احمد الطارهر (شيخ حمد النيل) ... عبدالرحمن شنقل.. والاخوان (التجاني والجزولي سعيد) واحمد صديق... وحليفة المجزوب بشندي ... وحتي الشيخ الطريقة العركية كان كما يحلو للشيوعيين ان ينادو بعضهم (زميل)..

فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟

دارمالى · 31-01-2010, 08:57 AM

اقتباس:

المشاركة الأصلية كتبت بواسطة عبدالعزيز عبدالله

في بداية حديثي اوردت ان (الموضوع ضياع زمن ) دي لا يعبر عن رأيي الشخصي

(زميل)..

فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟

شيخنا عبد العزيز ...صباح الخير ..

طيب انت رايك شنو

ما اظن انو فيه علاقه بين الشيوعيه والصوفيه ..

تحياتى

دارمالى · 31-01-2010, 08:59 AM

اقتباس:

المشاركة الأصلية كتبت بواسطة بابكر مخير

دي بالعسكرية بيسموها؟
للخلف دور

يعنى عكسها تمام او كما قال ..

النور يوسف محمد · 31-01-2010, 09:03 AM

بسم الله الرحمن الرحيم
عبد العزيز عبد الله .. كيفك يا حاج ..
مافى طريقة الواحد اكون شيوعى صوفى ..
غايتو أحسب .. أنا واحد .. بس بالإنتساب
يعنى من منـــــــــــــــــازلهم ..

منال · 31-01-2010, 09:12 AM

اقتباس:

المشاركة الأصلية كتبت بواسطة عبدالعزيز عبدالله

فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟

عبد العزيز ازيك

دى اتقطعت فيها

حته بتاعت تنظير وكده

على ذمة البوستات بي يبقى ملاح ام تكشو

وانت ماشى تدقشو

عبدالعزيز عبدالله · 31-01-2010, 09:16 AM

اقتباس:

المشاركة الأصلية كتبت بواسطة بابكر مخير

دي بالعسكرية بيسموها؟
للخلف دور

يعني ما كما كنت

عبدالعزيز عبدالله · 31-01-2010, 09:18 AM

اقتباس:

المشاركة الأصلية كتبت بواسطة دارمالى

شيخنا عبد العزيز ...صباح الخير ..

طيب انت رايك شنو

ما اظن انو فيه علاقه بين الشيوعيه والصوفيه ..

تحياتى

هو فعلا مافي اي علاقة بين الصوفية والشيوعية ... لكن كل الماركسيين نهايتهم صوفية ... يعني من الحياة مادة الي (مدد يا شيخ)

عبدالعزيز عبدالله · 31-01-2010, 09:21 AM

اقتباس:

المشاركة الأصلية كتبت بواسطة النور يوسف محمد

بسم الله الرحمن الرحيم
عبد العزيز عبد الله .. كيفك يا حاج ..
مافى طريقة الواحد اكون شيوعى صوفى ..
غايتو أحسب .. أنا واحد .. بس بالإنتساب
يعنى من منـــــــــــــــــازلهم ..

والله ممكن وبعداك الخلطة تطلع لينا افكار هجينة ممكن نسميها (الشيوفي)

سمراء · 31-01-2010, 09:24 AM

ملاحظة ذكيه والله ياعبد العزيز ، شاهدتها فى الوالد ....

بس انا عندى راى تانى حقيقه ، واعتقد انو مافى تقاطع ولا شى ، كل الامر انو نحنا االسودانين ديل عندنا حاجه غريبة جدا
الواحد مابصلى ولا يصوم ....او عموما مابتجه لى ربنا بصورة جادة الا بعد تحصل ليهو صدمه ..يعنى يامات ليهو عزيز خلاهو فجاءة كده يكتشف انو فى دين وفى موت وفى لفح ، يقوم يهرش ويصلى

فى الشيوعية الانسان بكون صادق جدا فى قناعاتو ، البتكون اتعمقة جواهو بصورة كبيرة جدا ..
ولمن مايقدر يتوافق مع المجتمع البكون اصلا ،،،بعيد عن قناعاتو دى ، وماقادر يطبق حاجاتو على ارض الواقع ....بيقوم يقنع من خيرا فيها
ويشوت الا اقصى الغرب .....
بس

والله المستعان

خالد الحاج · 31-01-2010, 09:27 AM

إزيك يا عبد العزيز
الشيوعي أول ما (يخرج) يتم تصنيفه .
وأول تصنيف بيطلع من أقرب "زملاء الأمس"
عادة بيقعدوا قعدة "تامزينية" يكون "****" هو القاسم المشترك والجامع الشامل.
وبعد الكاس الرابع ... يتلو أحدهم "الكورال" ...
وبعد تلاوة الكورال الحميد ...
يتحدث الثاني عن "النضال" ...
تأتي ذكرتك ...
(ما بقي كوز !!! إشتروا الكيزان ودفعوا ليه قطعة أرض في الأعيد جنب بلدة قنينيطة) .
ويصير الشيوعي السابق كوز وعميل للأمن وقيل "**** " .

تم التعديل بواسة الأمين العــام

عبدالعزيز عبدالله · 31-01-2010, 09:30 AM

اقتباس:

المشاركة الأصلية كتبت بواسطة منال

عبد العزيز ازيك

دى اتقطعت فيها

حته بتاعت تنظير وكده

على ذمة البوستات بي يبقى ملاح ام تكشو

وانت ماشى تدقشو

وكمان يا جميل عاوز اكتب لي كتاب كبيييير وأسميهو ليك (النظريات العزيزية في شرح المتصوفة الماركسية)

مشتاقون ياخ

عبدالعزيز عبدالله · 31-01-2010, 09:33 AM

اقتباس:

المشاركة الأصلية كتبت بواسطة خالد الحاج

إزيك يا عبد العزيز
الشيوعي أول ما (يخرج) يتم تصنيفه .
وأول تصنيف بيطلع من أقرب "زملاء الأمس"
عادة بيقعدوا قعدة "تامزينية" يكون "*****" هو القاسم المشترك والجامع الشامل.
وبعد الكاس الرابع ... يتلو أحدهم "الكورال" ...
وبعد تلاوة الكورال الحميد ...
يتحدث الثاني عن "النضال" ...
تأتي ذكرتك ...
(ما بقي كوز !!! إشتروا الكيزان ودفعوا ليه قطعة أرض في الأعيد جنب بلدة قنينيطة) .
ويصير الشيوعي السابق كوز وعميل للأمن وقيل "**** " .

تحياتي ياخال...

يا كافي البلاء ويا حايد المحن .... والله كلو مقبول إلا الآخيرة دي ما بتنبلع... كوز طيارة ... لكن الهوايات الخاصة دي علي ما اعتقد دي بتكون من زمااااان

تعديل فى الإقتباس
بواســــــــطة الأمين العام

عبدالعزيز عبدالله · 31-01-2010, 09:50 AM

اقتباس:

المشاركة الأصلية كتبت بواسطة سمراء

ملاحظة ذكيه والله ياعبد العزيز ، شاهدتها فى الوالد ....

بس انا عندى راى تانى حقيقه ، واعتقد انو مافى تقاطع ولا شى ، كل الامر انو نحنا االسودانين ديل عندنا حاجه غريبة جدا
الواحد مابصلى ولا يصوم ....او عموما مابتجه لى ربنا بصورة جادة الا بعد تحصل ليهو صدمه ..يعنى يامات ليهو عزيز خلاهو فجاءة كده يكتشف انو فى دين وفى موت وفى لفح ، يقوم يهرش ويصلى

فى الشيوعية الانسان بكون صادق جدا فى قناعاتو ، البتكون اتعمقة جواهو بصورة كبيرة جدا ..
ولمن مايقدر يتوافق مع المجتمع البكون اصلا ،،،بعيد عن قناعاتو دى ، وماقادر يطبق حاجاتو على ارض الواقع ....بيقوم يقنع من خيرا فيها
ويشوت الا اقصى الغرب .....
بس

والله المستعان

عارفة ياسمورتنا .. للاسف في الشيوعية يكون الصدق عند القاعدة والعكس كلما تدرج للأعلي يتناسى قناعاته يعني يقعدو يقولو ليك الديمقراطية وتقاسم الثروة (يعني حال الوزير والغفير مفروض يكون واحد) وبعد شوية تشوفي العجب والصيام في رجب وكمية من البرجز ... ما انزل الله به من سلطان ....

سؤالي لك هنا ... اما ترين ان عند الصوفية بعض من هذه الأمثال؟؟ تلاقي الحيران حالتهم تحنن ويكون الشيخ نظيف وممسح ولابس افخم الثياب؟؟

ام التيمان · 31-01-2010, 09:53 AM

فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟
[/color][/size][/QUOTE]

الفكر الاسلامى اقرب للفكر الاشتراكى منه لاى افكر اخر
الشيوعية هى صفاء الفكر
الصوفية هى صفاء الروح

عبدالعزيز عبدالله · 31-01-2010, 10:00 AM

اقتباس:

المشاركة الأصلية كتبت بواسطة ام التيمان

فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟
[/color][/size]

الفكر الاسلامى اقرب للفكر الاشتراكى منه لاى افكر اخر
الشيوعية هى صفاء الفكر
الصوفية هى صفاء الروح [/QUOTE]

طيب ليه ما نقول انو الاشتراكية اخذت بعض المفاهيم من الإسلام لان الاصل لا يأخذ من الفرع؟؟

(اما الشيوعية صفاء الفكر) دي فيها قولان

31-01-2010, 08:52 AM	#[1]
عبدالعزيز عبدالله :: كــاتب نشــط::	الشيوعي لما يزهج بيبقي شنو؟؟؟ عندي كمية كبيرة من الاخوة كان لونهم السياسي احمر سااااااااااااااكت... ولكن بعد اكتشافهم ان الموضوع ضياع زمن ... تحولو لي الصوفيه والتصوف... وسبحان الله تحولو من اللون الاحمر الي الاخضر... وغيرو شعاراتهم ... بدل (من الواسوك ابت تطلع) الي (امامنا المصطفي والصفح شيمتنا)... في بداية حديثي اوردت ان (الموضوع ضياع زمن ) دي لا يعبر عن رأيي الشخصي ولكن تلك هي آراءهم تجاه ما كان هم ذاهبون فيه... واذكر منهم محمد احمد الطارهر (شيخ حمد النيل) ... عبدالرحمن شنقل.. والاخوان (التجاني والجزولي سعيد) واحمد صديق... وحليفة المجزوب بشندي ... وحتي الشيخ الطريقة العركية كان كما يحلو للشيوعيين ان ينادو بعضهم (زميل).. فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟
عبدالعزيز عبدالله :: كــاتب نشــط::

31-01-2010, 09:03 AM	#[4]
النور يوسف محمد :: كــاتب نشــط::	بسم الله الرحمن الرحيم عبد العزيز عبد الله .. كيفك يا حاج .. مافى طريقة الواحد اكون شيوعى صوفى .. غايتو أحسب .. أنا واحد .. بس بالإنتساب يعنى من منـــــــــــــــــازلهم ..
النور يوسف محمد :: كــاتب نشــط::

31-01-2010, 09:24 AM	#[9]
سمراء :: كــاتب نشــط::	ملاحظة ذكيه والله ياعبد العزيز ، شاهدتها فى الوالد .... بس انا عندى راى تانى حقيقه ، واعتقد انو مافى تقاطع ولا شى ، كل الامر انو نحنا االسودانين ديل عندنا حاجه غريبة جدا الواحد مابصلى ولا يصوم ....او عموما مابتجه لى ربنا بصورة جادة الا بعد تحصل ليهو صدمه ..يعنى يامات ليهو عزيز خلاهو فجاءة كده يكتشف انو فى دين وفى موت وفى لفح ، يقوم يهرش ويصلى فى الشيوعية الانسان بكون صادق جدا فى قناعاتو ، البتكون اتعمقة جواهو بصورة كبيرة جدا .. ولمن مايقدر يتوافق مع المجتمع البكون اصلا ،،،بعيد عن قناعاتو دى ، وماقادر يطبق حاجاتو على ارض الواقع ....بيقوم يقنع من خيرا فيها ويشوت الا اقصى الغرب ..... بس والله المستعان
سمراء :: كــاتب نشــط::	التوقيع:

31-01-2010, 09:27 AM	#[10]
خالد الحاج :: كــاتب نشــط::	إزيك يا عبد العزيز الشيوعي أول ما (يخرج) يتم تصنيفه . وأول تصنيف بيطلع من أقرب "زملاء الأمس" عادة بيقعدوا قعدة "تامزينية" يكون "**" هو القاسم المشترك والجامع الشامل. وبعد الكاس الرابع ... يتلو أحدهم "الكورال" ... وبعد تلاوة الكورال الحميد ... يتحدث الثاني عن "النضال" ... تأتي ذكرتك ... (ما بقي كوز !!! إشتروا الكيزان ودفعوا ليه قطعة أرض في الأعيد جنب بلدة قنينيطة) . ويصير الشيوعي السابق كوز وعميل للأمن وقيل "**** " . تم التعديل بواسة الأمين العــام**
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

31-01-2010, 09:53 AM	#[14]
ام التيمان :: كــاتب نشــط::	فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟ [/color][/size][/QUOTE] الفكر الاسلامى اقرب للفكر الاشتراكى منه لاى افكر اخر الشيوعية هى صفاء الفكر الصوفية هى صفاء الروح
ام التيمان :: كــاتب نشــط::