يا ناس سودانيات هووووي سلام جاكم

[الجيلى أحمد]

طابت أوقاتك ياإيمان

وكل الترحيبات بك
والأمنيات بوقت طيب هنا

[شبارقة]

بالرغم من إنو لسة إسمي مكتوب بقلم الرصاص في هذا الملتقى الرائع ..لكن أظن أقدر أقول ليك حبابك عشرة من غير كشرة يا حبوبة
أنا حالياً بعيد عن السودان لكن والله الصورة المصاحبة ليك دي رجعتني لذكريات زمن جميل جداً جداً ..قربت أبكي والله

[مهند بشير]

الاسطوانات حقت الاذاعه القديمه السمحه كسروها العواليق ديل
و السرير بتاع المهدي الكان في بيتو السوسه اكلتو و اتكسر
القبه حقت الشيخ ............ اتهردمت
الليله ووووووووووووووووب
الحبوبه دي جيبتوها منو وين
حي السور غيروها بقو الملازمين يا حجه انتي حاضره الزمن داك صح
انتي مرتقتي من وين يا حبه (تصغير حبوبه)
يا حجه اقصد يا حبه
ما تتضايقي
مرحبتين حبابك
بي زيارتك بيتنا نــــــــــــــــــــــــــــــــــور

[إيمان صالح]

المشاركة الأصلية كتبت بواسطة صلاح نعمان

مرحب بيك يا خاله ..
برلوم ذيك كده

ان شاء الله يا صلاح نعمان اقول ليك يخلخل شنو؟
في ذمتك هسه انت ما بتلدي امي؟




ايمان

[إيمان صالح]

المشاركة الأصلية كتبت بواسطة الجيلى أحمد

طابت أوقاتك ياإيمان

وكل الترحيبات بك
والأمنيات بوقت طيب هنا

حباب الجيلي
انت تسلم يا يابا



ايمان

[إيمان صالح]

المشاركة الأصلية كتبت بواسطة شبارقة

بالرغم من إنو لسة إسمي مكتوب بقلم الرصاص في هذا الملتقى الرائع ..لكن أظن أقدر أقول ليك حبابك عشرة من غير كشرة يا حبوبة
أنا حالياً بعيد عن السودان لكن والله الصورة المصاحبة ليك دي رجعتني لذكريات زمن جميل جداً جداً ..قربت أبكي والله

ان شاء الله تحبك الشكلوتة يا شبارقة



ايمان

[إيمان صالح]

المشاركة الأصلية كتبت بواسطة مهند بشير

الاسطوانات حقت الاذاعه القديمه السمحه كسروها العواليق ديل
و السرير بتاع المهدي الكان في بيتو السوسه اكلتو و اتكسر
القبه حقت الشيخ ............ اتهردمت
الليله ووووووووووووووووب
الحبوبه دي جيبتوها منو وين
حي السور غيروها بقو الملازمين يا حجه انتي حاضره الزمن داك صح
انتي مرتقتي من وين يا حبه (تصغير حبوبه)
يا حجه اقصد يا حبه
ما تتضايقي
مرحبتين حبابك
بي زيارتك بيتنا نــــــــــــــــــــــــــــــــــور

تحج في جمل اعور شاحدة ربي عليك يا مهند




ايمان

[شبارقة]

المشاركة الأصلية كتبت بواسطة إيمان صالح

تحج في جمل اعور شاحدة ربي عليك يا مهند




ايمان

رأيك شنو يا مهند حبوبة دي نخليها قاعدة في البيت بتاع المصطلحات العامية الجنبنا ده بتاع أخونا فيصل سعد لأنها من التراثيات ... سرير المهدي ..وقبة منو .. ومترار وسحارة حبوبتي ديلك.. وبوابة عبد القيوم وخزان مكوار وشنو وشنو

[إيمان صالح]

المشاركة الأصلية كتبت بواسطة شبارقة

رأيك شنو يا مهند حبوبة دي نخليها قاعدة في البيت بتاع المصطلحات العامية الجنبنا ده بتاع أخونا فيصل سعد لأنها من التراثيات ... سرير المهدي ..وقبة منو .. ومترار وسحارة حبوبتي ديلك.. وبوابة عبد القيوم وخزان مكوار وشنو وشنو

منو دي المن التراثيات يا شبارقة؟
ان شاء الله الترس اليفلقك قول يامين
حبوبتك وين لقيتك انا يا مخوزق؟
وخزان مكوار انا يا مبشتن؟
يكرك الكلب يا يابا
شوفي المسخرة
قادر الله




ايمان

[شبارقة]

حبوبة .. حبوبة هوي ..سامعاني ؟!! سَمَعِك بقي زي نظرك ولا شنو ؟

عايز أقول ليك ..اليوم يوم التروية ..وبكرة يوم الوقوف بعرفة ...وبعد بكرة العيد إن شاءالله

عيد رمضان ؟ لا لا يا حبوبة !!! رمضان وين ونحن وين؟ ده عيد الضحية .. عيد الضحييييا (بالصوت العالي)
المهم ...كُل عام وأنتي وأنتم بخير وكل أعضاء وأسرة سودانيات بخير .. وأعفي عننا

[شبارقة]

[أشتر]

كل يوم وانتي بخير

[صلاح نعمان]

لو ما العيد كنت حأقول ليك الله يجازى محنك يا خالد الحاج
الخاله دى جبتها من وين ؟ ويا شبارقه يحلها الشربكه ... الله يكون فى عونك أنا طالع وما جاى ..!
شوف العجوز شايله ساطوره وواقعه فى الناس خبط ... أسمعى ياحاجه اوعك تجى ماره على بوستاتى
حا تتعبينى بالشرح وانا مش فاضى للناس الفاطين سطور .... جنس قوة عيبن ... ربنا يستر

[صلاح نعمان]

الخاله ايمان
عيد الاضحى جا وفات والان نحن فى العام الجديد 2008 شكلك طاشه شبكه نكلم ليك ود الحاج أمكن الباسويرد راح منك .. يا خاله هو ىىىىىىىىى اشتقنا لمساختك

[bayan]

مابصدق
ايمان شخصيا؟
يااااااااااه دا يوم العيد عديل كدا

تاني يجمعنا بكان يا ست الحبان

كل سنة وانت طيبة ومتألقة