احبك رغم اجحافي

عبدالله وداعه الامين · 02-02-2013, 01:51 PM

تولف رغم اجحافي
وتربي تكبر اكتافي
ترضع فينا بي السترة
و انت البلسم الشافي
ويا الرسخت فينا شموخ
وتهدم فيك اعرافي
ويا الشيدت فينا صروح
تغتي وصدرك الحافي
ويالشردت حس الخوف
وحسك نقر ادفافي
فديتك انت يا والد
حبيبي وماكا شنافي
حليبي وسكر الشاهي
طبيبي البسند اكفافي
احبك روحي تفخر بك
فـ يا العبيتو مغرافي
محنة وطيبة ريد وسلام
منو الغيرك في انصافي
بيشهد تاني لي الدنيا
ويختك جملة اهدافي
فيا خافي وما خافي
ويا مافي وما مافي
ويا دافي ومنارة كون
منو الخلاك وطن كافي
منو الرسمك علي الارواح
قلادة عرفة اشرافي
وخلق منك وطن كامل
سماحة وطيبة متعافي
وفرح شفع كما الاحلام
بتسعد حتى بي المافي
وتغازل في شمس بكره
عشان باكر يكون وافي
يكون اجمل سما الخرطوم
ويضحك نيلك الصافي
وما مافي و ما خافي
اذا انك رحيق ضيك
شعاعك منو اوصافي
اذا غشوك اولادك
اذا باعوك شرافي
شمس الحق اكيد تشرق
ويطلع فجرك الطافي
وبترجع يا وطن اجمل
تشد من تاني مقدافي
وحزنك يا بلد بنزاح
اذا خذلوك اسلافي
وبترجع يا وطن اجمل
تولف رغم احجافي
وترجع يا وطن اجمل
تربي تكبر اكتافي

عبدالله وداعه الامين
لندن – 30.01.2013

02-02-2013, 01:51 PM	#[1]
عبدالله وداعه الامين :: كــاتب نشــط::	احبك رغم اجحافي تولف رغم اجحافي وتربي تكبر اكتافي ترضع فينا بي السترة و انت البلسم الشافي ويا الرسخت فينا شموخ وتهدم فيك اعرافي ويا الشيدت فينا صروح تغتي وصدرك الحافي ويالشردت حس الخوف وحسك نقر ادفافي فديتك انت يا والد حبيبي وماكا شنافي حليبي وسكر الشاهي طبيبي البسند اكفافي احبك روحي تفخر بك فـ يا العبيتو مغرافي محنة وطيبة ريد وسلام منو الغيرك في انصافي بيشهد تاني لي الدنيا ويختك جملة اهدافي فيا خافي وما خافي ويا مافي وما مافي ويا دافي ومنارة كون منو الخلاك وطن كافي منو الرسمك علي الارواح قلادة عرفة اشرافي وخلق منك وطن كامل سماحة وطيبة متعافي وفرح شفع كما الاحلام بتسعد حتى بي المافي وتغازل في شمس بكره عشان باكر يكون وافي يكون اجمل سما الخرطوم ويضحك نيلك الصافي وما مافي و ما خافي اذا انك رحيق ضيك شعاعك منو اوصافي اذا غشوك اولادك اذا باعوك شرافي شمس الحق اكيد تشرق ويطلع فجرك الطافي وبترجع يا وطن اجمل تشد من تاني مقدافي وحزنك يا بلد بنزاح اذا خذلوك اسلافي وبترجع يا وطن اجمل تولف رغم احجافي وترجع يا وطن اجمل تربي تكبر اكتافي عبدالله وداعه الامين لندن – 30.01.2013
عبدالله وداعه الامين :: كــاتب نشــط::	التوقيع: اللهم أغفر لخالد الحاج وارحمه وأعفو عنه و أكرمه .. اللهم نقه من خطاياه كما ينقى الثوب الأبيض من الدنس .. اللهم أغسله بالثلج و الماء والبرد .. اللهم وسع مدخله و ادخله الجنة بغير حساب .. اللهم يمّن كتابه و هوّن حسابه و ليّن ترابه و ثبّت أقدامه و ألهمه حسن الجواب ..