قهوة النشاط !

[آبري]

المشاركة الأصلية كتبت بواسطة أبو أماني

إثراء لحركة المنتدي وتجاوب الرواد .. أقترح إنشاء هذا البوست ليكون واحة للحوار الضاحك على أن يساهم كل فرد فيه بأن يروي لنا مواقف.. طريفة.. بايخة.. مضحكة.. ومقالب وخلافه مرت به في واقع حياته .. منها ماحدث في ميعة الشباب والصبا وبعض مواقف الطفولة وحتي ونحن رجالا ملء السمع والبصر .. وثقوا سيكون واحة ونافذة رطبة للتسرية عن رواد المنتدى كنت أتمنى أن اقوم بضربة البداية لولا أن الإذن الذي حصلت عليه من المدام قد إنتهى .. مالكم تضحكوا يضحك السمك .. ما قلت ليكم أنا من جماعة .. WHO فيها حاجة دي ؟..

يلا يا شباب إبن حلال يفتح الباب ولحدي بكرة بعد أخلص من غسيل العدة وقش الحوش وغسيل هدوم المدام .. لو ما لقيت واحد بدأ .. ببدأ ليكم أنا .. سلام ...

واحدة لقت راجلهابقرأ في كتاب
(الرجل سيد الموقف في البيت)
قالت ليهو : شايفاك اليومين ديل بقيت تحب القصص الخيالية

[أبو أماني]

المشاركة الأصلية كتبت بواسطة آبري

واحدة لقت راجلهابقرأ في كتاب
(الرجل سيد الموقف في البيت)
قالت ليهو : شايفاك اليومين ديل بقيت تحب القصص الخيالية

مداخلة ظريفة يا آبري وأتمنى المزيد .. لهجعل من هذا البوستر واحة نرفه فيها بالقفشات وخلافه ولك ودي وإعزازي .... تشاوووو

[أبو أماني]

المشاركة الأصلية كتبت بواسطة آبري

واحدة لقت راجلهابقرأ في كتاب
(الرجل سيد الموقف في البيت)
قالت ليهو : شايفاك اليومين ديل بقيت تحب القصص الخيالية

مداخلة ظريفة يا آبري وأتمنى المزيد .. لنجعل من هذا البوستر واحة نرفه فيها بالقفشات وخلافه ولك ودي وإعزازي .... تشاوووو

[silver]

الاخ ابو اماني
تحياتي
في سنة البرلم في ايامنا الاولي في الجامعة
و اثناء سيرنا انا وصاحبتي بالقرب من الكافتيريا الرئيسية في الجامعة اقترب مننا شاب
مادا لي كيس تمباك قائلا لي اتفضلي اتلفت شمال ويمين عسي ولعل يكون قاصد شخص اخر
ولكنه قال لي مالك بتتلفتي اتفضلي يا برلومة
والكافتيريا مليانة والجمهور يراغب في الموقف وبدا البعض يضحك
واختك طبعا برلومة جديدة لنج ومن الاقاليم كمان
طبعا في ذلك الزمن الموقف كان بالنسبة لي محرج شديد
وتمنيت لو اتشقت الارض وبلعتني

بعد داك عرفت انو هذا الشخص فاكة منوشوية نتيجة شاكوش كارب
وكمان مرفود من الجامعة

[عادل عسوم]

الهيلا هوب ...النسوان دقونا

[align=center][flash=http://www.youtube.com/v/wuP88w_pbwc&hl=en&fs=1" type]WIDTH=400 HEIGHT=350[/flash][/align]

[قيقراوي]

الما بخاف من مرتو ما بخاف من الله
ثم ماذا بعد

سلام جاكم

ما دام ندى القلعة بقت تغني الحب بقى بالمسنجر ، قطع شك الانترنت دخل بلدنا " كريعات " و اهلنا ديل متشددين و بتبروا مني ، عشان كدا ح احكي ليكم قصة صاحبي سامر و مرتو بطة
في مرة و الممرات كتيرة . . . بطة كان بتغسل و الغسالة مشترنها من سوق الاخوان في جدة " حراج الصواريخ " قامت ضربتا كهرباء .
انتظرت بعلها المفدى و اول ما جا خاشي من الشغل " منهك " و كاره نفسو بس . . .
هي وين تلاحظ دا كلو . قابلتو ليك بمظاهرة - وهي عارفة الشغلة عاضة و الحال حارن - :
سامر لازم تشوف ليك خمسمية ريال تشتري بيها خروف .
قل ليها : خير خروف لشنو ؟
قالت ليهو : كرامة . . . و باقي القصة الحزينة . . . الخ
قال : طيب لو لقيت خمسمية ما اشتري بيها غسالة جديدة طيب ؟!

استنجدت بي من مساختو قلت ليها : مش كويس ما قال ليك ( ما اعرس بيها مرا تانية ) ؟!!!

[أبو أماني]

المشاركة الأصلية كتبت بواسطة قيقراوي

الما بخاف من مرتو ما بخاف من الله
ثم ماذا بعد

سلام جاكم

ما دام ندى القلعة بقت تغني الحب بقى بالمسنجر ، قطع شك الانترنت دخل بلدنا " كريعات " و اهلنا ديل متشددين و بتبروا مني ، عشان كدا ح احكي ليكم قصة صاحبي سامر و مرتو بطة
في مرة و الممرات كتيرة . . . بطة كان بتغسل و الغسالة مشترنها من سوق الاخوان في جدة " حراج الصواريخ " قامت ضربتا كهرباء .
انتظرت بعلها المفدى و اول ما جا خاشي من الشغل " منهك " و كاره نفسو بس . . .
هي وين تلاحظ دا كلو . قابلتو ليك بمظاهرة - وهي عارفة الشغلة عاضة و الحال حارن - :
سامر لازم تشوف ليك خمسمية ريال تشتري بيها خروف .
قل ليها : خير خروف لشنو ؟
قالت ليهو : كرامة . . . و باقي القصة الحزينة . . . الخ
قال : طيب لو لقيت خمسمية ما اشتري بيها غسالة جديدة طيب ؟!
استنجدت بي من مساختو قلت ليها : مش كويس ما قال ليك ( ما اعرس بيها مرا تانية ) ؟!!!

والله جرجرتني يا أخي في شمارات..أنا حارقاني لكن خائف على رويحتي دي وتاني هام .. ما عاوز أخسر مساحة عند حسناوات هذا المنتدى الرائع .. لكين والله مصيبتي كان جاتني شوتة على الطائر ما بفوتها .. وإت الله يجازي محنك .. دردقتها عديل قدامي .. أها هاك ..
أم أماني أطال الله عمرها كسائر بنات جنسها ورغم شهادتها الجامعية وخبرتها العملية المهولة عندها أسئلة تفقه المرارة وهي أسئلة خاصة ببنات حواء مثلا زي ...
*مرة من ذات المرارير كان في مناسبة عائلية تتعلق بختان حفيد أختها الكبيرة وهي متزوجة من إبن عمها وأسمه (على) الحفيد تمت تسميته على الجد فصار أسمه علي .. يعني في البيت حق أختها في إثنين على !.. فهل يكون لها الحق في السؤال: علي ياتو لما أقول بجيكم بعد الشغل لطهور على..؟؟؟!

*ولا تكون عارفه إنك ماشي لصاحبك فلان تجيب منو قروش مثلا .. وتجي متأخر وتديها القروش تختهم تحت المخدة بلا مبالاة .. وتقول ليك السؤال الخالد إتاخرت مالك ؟ تقول ليها ما مشيت (لفلان!) تقول ليك وبكل عدم إكتراث .. وليقيتو في؟؟.. هذا غيض من فيض نساء خلقن لنا .. روحا ورياحين ..لا بندورهن ..ولا بنحمل براهن .. وتشاووو إلى لقاء قريب مع الناس الحلوين .. رفاق سودانيات..

[AMAL]

ماعجبني ليكم ياشباب
بقو يبيعوا ويشترو فيكم كمان

[أبو أماني]

المشاركة الأصلية كتبت بواسطة قيقراوي

الما بخاف من مرتو ما بخاف من الله
ثم ماذا بعد

سلام جاكم

ما دام ندى القلعة بقت تغني الحب بقى بالمسنجر ، قطع شك الانترنت دخل بلدنا " كريعات " و اهلنا ديل متشددين و بتبروا مني ، عشان كدا ح احكي ليكم قصة صاحبي سامر و مرتو بطة
في مرة و الممرات كتيرة . . . بطة كان بتغسل و الغسالة مشترنها من سوق الاخوان في جدة " حراج الصواريخ " قامت ضربتا كهرباء .
انتظرت بعلها المفدى و اول ما جا خاشي من الشغل " منهك " و كاره نفسو بس . . .
هي وين تلاحظ دا كلو . قابلتو ليك بمظاهرة - وهي عارفة الشغلة عاضة و الحال حارن - :
سامر لازم تشوف ليك خمسمية ريال تشتري بيها خروف .
قل ليها : خير خروف لشنو ؟
قالت ليهو : كرامة . . . و باقي القصة الحزينة . . . الخ
قال : طيب لو لقيت خمسمية ما اشتري بيها غسالة جديدة طيب ؟!

استنجدت بي من مساختو قلت ليها : مش كويس ما قال ليك ( ما اعرس بيها مرا تانية ) ؟!!!

كذلك كتبت العزيزة Silver في مطلع هذا البوستر :-
الاخ ابو اماني
تحياتي
في سنة البرلم في ايامنا الاولي في الجامعة
و اثناء سيرنا انا وصاحبتي بالقرب من الكافتيريا الرئيسية في الجامعة اقترب مننا شاب
مادا لي كيس تمباك قائلا لي اتفضلي اتلفت شمال ويمين عسي ولعل يكون قاصد شخص اخر
ولكنه قال لي مالك بتتلفتي اتفضلي يا برلومة
والكافتيريا مليانة والجمهور يراغب في الموقف وبدا البعض يضحك
واختك طبعا برلومة جديدة لنج ومن الاقاليم كمان
طبعا في ذلك الزمن الموقف كان بالنسبة لي محرج شديد
وتمنيت لو اتشقت الارض وبلعتني

بعد داك عرفت انو هذا الشخص فاكة منوشوية نتيجة شاكوش كارب
وكمان مرفود من الجامعة
__________________
بلادي وان جارت علي عزيزة-واهلي وان ضنوا علي كرام
اختكم silver * * *
وحشتوني ووحشتوا العالم كله معاكم .. أها القهوة بقت آخر الآطة .. موديرن للطيش .. وعاوزين ننعشها ممكن .. تعودوا لينا إنتو وحبائبنا الزمان .. والله في شوق ليكم ..ولمداخلاتكم الحلوة وتعليقاتكم الظريف .. على الأقل وضحوا لينا سبب الغياب مش من القهوة بس حتى من المنتدى عموما .. كلموني والله كان محقوقين لخالد الحاج أنا بوريو شغله؟ color=#008000]العزيزة Silver [/color]العزيز قيقا :

[زكي عبد الحي]

بوست كارب كربه شديدة والله

حبيت اغز عودي بس غلبنى

[أبو أماني]

المشاركة الأصلية كتبت بواسطة silver

الاخ ابو اماني
تحياتي
في سنة البرلم في ايامنا الاولي في الجامعة
و اثناء سيرنا انا وصاحبتي بالقرب من الكافتيريا الرئيسية في الجامعة اقترب مننا شاب
مادا لي كيس تمباك قائلا لي اتفضلي اتلفت شمال ويمين عسي ولعل يكون قاصد شخص اخر
ولكنه قال لي مالك بتتلفتي اتفضلي يا برلومة
والكافتيريا مليانة والجمهور يراغب في الموقف وبدا البعض يضحك
واختك طبعا برلومة جديدة لنج ومن الاقاليم كمان
طبعا في ذلك الزمن الموقف كان بالنسبة لي محرج شديد
وتمنيت لو اتشقت الارض وبلعتني

بعد داك عرفت انو هذا الشخص فاكة منوشوية نتيجة شاكوش كارب
وكمان مرفود من الجامعة

شكرا على المرور والمساهمة الظريفة الرائعة والتي أضحكتني من القلب..لك الشكر..برضو مرت بي واقعة مشابهة لواقعتك دي بس ما كت برلوم .. في عام 85 /86 كت جاي في إجازة قصيرة من مهجري الخليجي .. وأخوي الله يسامحه حاول يساعدني في المشاوير أداني عربيته والتي ورتني النجوم عز الضهر .. اليوم داك العربية كل ما أمشي بيها حبة تحصل فيها حاجة .. والدنيا حر يفسخ النخرة .. وطبعا العربية ماركة داتسون موديل السبعينات وكان أخوي يعاين ليها زي فارس هلالا .. وكانت أزمة المرور والبنزين والعربية التقول عندها ظار ولا شنو ما عارف!.. يعني عمركم شفتوا ليكم عربية تكح وتعطس كمان..؟ بإختصار فضل لي مشوارين شفت خلال المشاوير القبلهم الويل .. وأنا في شارع الجمهورية قريب من تقاطع صيدلية كمبال حاليا .. ومقابل محل (ميرزا) أعتقد عزيزي الخال أو السفير أبو جمال يذكروه جيدا أما الأخ عادل عسوم فمؤكد يكون تعامل معاه .. العربية ياسيدي (الأمانتي عليك) وقفت (دوت) وحلفت ببساتمها الأربعة ما تتحرك من محلها شبر .. حتى الكحة والعطس وقفتوا .. المشوار كان قريب من محلات (جينبيرت) بتاع العدة (الراقية) زمان .. ومحلات (كابريس) البقت كايرو جلابية وقفلت العربية بعد قفلت قزاز الأبواب وأمنتها عقب ركنها على جمب .. وبكرعي شلت باقي أوراقي وواصلت .. أنقنق وأطنطن وأسب سنسفيل أبو الإجازة الطيرت البرج الفاضل من نافوخي .. وأنا في هذه الموجة من السباب بصوت مسموع .. كنت واثق أنو ما في زول يراقبني فاطلقت لنفسي العنان ..(هو كان ما ساكت أنا زول فارغ .. الموديني أقبل منو أسوق عربيتو شنو؟.. يا أخي والله بلاوي الواحد بيخت روحوا .. فيها ..!! وعند هذا الحد كنت وصلت لتقاطع شارع وكان في زاوية الشارع برميل كوشه .. إكس لارج .. وكان جمب الكوشة مجنون ..كان يرمقني وإبتسامة ساخرة مضيئة .. فأرتعدت..وبخطوات مضطربة واصلت مشيتي وبدأت أطلق صفارة من فمي كالمنسجم مع نفسه وماعنده أي قضية .. غير ان المجنون .. مشي نحوي بخطى ثابته وإصرار .. وإبتسامته الشامتة تلك لم تفارق فمه .. وقال لي بكل عقلانية ... ها .. ها .. ها.. تصفر؟؟ ..كلنا بديناها كده .. يا فردة .. وصار يقهقه .. ولم اتمالك نفسي من إطلاق ساقى للريح هاربا من وجهه .. والحقيقة خفت كلامو يكون جد .. جد ..