فيصل سعد،، عشر ة أعوام في سودانيات

[أبوبكر عباس]

المشاركة الأصلية كتبت بواسطة جيجي

اجي يايمة
انتو فيصل سعد دا بقى ما بصافح ولاشنو
غايتو يافيصل بس الزعلة الياها

شهر أربعة الزول دا جاي دبي وناوين نعمل ليهو استقبال وبرامج تليق بالمقام السامي، عليك الله، ما تعملي حركات الزوغة بتاعتك ديك وتقفلي تلفوناتك، الفاتو مسامحنك فوقن، لكن فيصل أهم كتير من ناس الرشيد الرجرجة، المهم لو زغتي، بنكلم دكتور زين والعرجون وتماضر

[فيصل سعد]

المشاركة الأصلية كتبت بواسطة جيجي

اجي يايمة
انتو فيصل سعد دا بقى ما بصافح ولاشنو
غايتو يافيصل بس الزعلة الياها

أها انتي هنا قطع شك تاخدي نقلة في فنون الدردقة
و تقليل الصبر و شحتفة روح المحبين
لكن في الحقيقة انا بجهبز ليك في رد يليق بسماحتك
و سماحة مداخلتك دي لاني شايفك جليتيني بهناك
و ما داير و ما بستحمل تكرار الصدود

[فيصل سعد]

المشاركة الأصلية كتبت بواسطة اسراء المهدي

مساء الخير عليك ياباذخ وعلى ضيوفك الكرام

اها انا جيت ورا وناوية اكابس مع منعم يمكن نحجز لينا ضرا سوا

عشرة سنين طيبة ونديانة محبة والجايات اطيب

سلام يا إسراء و مرحبا بك و ضلك محجوز
تب، و منعش و وريف كظل هجليج..

يديك العافية..

[فيصل سعد]

الشكر موصول موصول و ممتد للجميع هنا، لكم مجدد التحايا و التقدير و المودة و الأعزاز،، و لكم و عبركم جميعا، نهدي هذا اللحن الجميل للعزيزة الغالية جيجي نوارة المنبر و عطر شذاه الفواح و و رونق صبحه و نهاره و دجاه، و فيوض عبير سحره و جماله، و عنوان محبته و لطفه و نقاه،، لها و لكم جميعا موفور الصحة و باذخ الأمنيات الطيبة..


http://youtu.be/3SYdgj7B51o

[نزار حسن علي]

الحبيب كل سنه وانت طيب

[جيجي]

المشاركة الأصلية كتبت بواسطة فيصل سعد

أها انتي هنا قطع شك تاخدي نقلة في فنون الدردقة
و تقليل الصبر و شحتفة روح المحبين
لكن في الحقيقة انا بجهبز ليك في رد يليق بسماحتك
و سماحة مداخلتك دي لاني شايفك جليتيني بهناك
و ما داير و ما بستحمل تكرار الصدود

وين التكرار دا
الاولى ديك قلنا ليك شالها الهوا
التانية دي والله ما شفتها اختك عاملة عملية في عينها
يعني في عين مربطة وبكابس بالتانية
ا

[فيصل سعد]

المشاركة الأصلية كتبت بواسطة جيجي

وين التكرار دا
الاولى ديك قلنا ليك شالها الهوا
التانية دي والله ما شفتها اختك عاملة عملية في عينها
يعني في عين مربطة وبكابس بالتانية
ا

هنا يا نور جناني و قبلة حناني
يا جواهر عقد القصيد..

مداخلة رقم 36

http://sudanyat.org/vb/showthread.php?t=26323

و تسلمي من كل شر..

[فيصل سعد]

المشاركة الأصلية كتبت بواسطة نزار حسن علي

الحبيب كل سنه وانت طيب

مرحب يا حبيبنا و يا قريبنا
و التهاني مستمرة،، كيف حالك
و كورنيش الدوحة هذه الأيام..

[فيصل سعد]

المشاركة الأصلية كتبت بواسطة أبودبي عباس

شهر أربعة الزول دا جاي دبي وناوين نعمل ليهو استقبال وبرامج تليق بالمقام السامي، عليك الله، ما تعملي حركات الزوغة بتاعتك ديك وتقفلي تلفوناتك، الفاتو مسامحنك فوقن، لكن فيصل أهم كتير من ناس الرشيد الرجرجة، المهم لو زغتي، بنكلم دكتور زين والعرجون وتماضر

انت يا السيادي ما اديتنا الحوافز و المغريات لهسة، و صراحة انا زو ل لا يحب المفاجآت و السيربرايز و كدا، فالحق رش لينا الكمونية سريع، خلينا نعمل مقارنة مع عرض دوحة الخير، و بيني و بينك في محاولة اكسب الودين ذهابا عن طريق دبي و عودة عن طريق الدوحة أو العكس اعتمادا على أسعار و حجوزات تذكرة "فلاي دبي" دبي-الخرطوم-دبي.. لأنه قدامى تذكرتين كالقري -دبي - كالقري كونيكشن لندن و كالقري-الدوحة -كالقري مباشرة بدون كونيكشن و التذكرتين سعرهم تقريبا واحد و حيازتهم مقدور عليها تب، و كمان لو بقيت محظوظ و اشتغلت معاك في المزرعة، فسهول و جبال و جليد البراري ممكن يغني لي "انا ابكيك للذكرى" و كدا

انا إجازتي شهر واحد فقط، داير لي منو 14 يوم في السودان، و الباقي تب حقكم و حق الطريق و كدا، و انا مسافر منفردا و خفيف

ختيناك في الصورة اونلاين
فورينا تدابيرك اوفلاين..

الجيلى حطب النار قال الزولة
دي ما غناية

http://youtu.be/G6kbg1WYKdE

[نبراس السيد الدمرداش]

وجودك بحفل المكان يا حبوب
عشرة و عشرة تامه ان شاءالله

واحترامي اليك من صميم قلبي غير ما اشعر

YouTube

[معتصم الطاهر]

تجربة وزاد و اشتياقات

[فيصل سعد]

المشاركة الأصلية كتبت بواسطة نبراس السيد الدمرداش

[COLOR="Navy"]وجودك بحفل المكان يا حبوب
عشرة و عشرة تامه ان شاءالله..

سلامات يا بنت عمي و مبروك الوليد يتربى فيعزكم..
و لك أكيد المودة و الاحترام بكامل الشعور و تمام
اليقين و باذخ التخصيص..

[فيصل سعد]

المشاركة الأصلية كتبت بواسطة معتصم الطاهر

تجربة وزاد و اشتياقات

بالاكتر و الله يا حبيبنا يا باش يا هاش
يا صادق البسمات،، يا حي الشعور..

[عزة السودان]

التحيه لك فيصل سعد..
قلنا تكمل عشرة العشر أعوام. .بعدين نجي..من سبق اكل النبق ...وانا المتحير ولالميت في مكابسة وبلح عبدالمنعم وﻻفي عنب جيجي. ..واكيد تفاصيل روعتك جواك..وسنين اﻻلفه ده قمر يضوي ليلات سودانيات...

[فيصل سعد]

لك التحايا الطيبة يا عزة السودان و تدوم
ايامك خيرا و محبة، و اكيد بكرة فى رمشة
عين تلقى نفسك عشرة سنين في هذه الديار
الطيبة تواصلا و محبة بإذن الله..

يديك العافية..