مايميز اهلنا الشايقية كل غناهم
يلامس مشاعرك من اول كلمة.
ودائما كل الغناء الشايقى يسهل
التعامل معه فى الفيديو كِليب ويرجع ذلك لمفرداته المأخوذه من داخل مجتمهم المترابط و البسيط
تخريمة
عزيز خطاب عكود لو جاك كتر ليه من شاى اللبن(يتعده من ضمن السنن) وخاصه شاى المغيرب
[flash=http://www.youtube.com/v/u-EBetwpZ1s?fs=1&hl=nl_NL]WIDTH=350 HEIGHT=400[/flash]
<
الغلطة فى كلمه وحرف
كلمات وراق المجزوب
الحلة في امن وامان وناس البلد فى عيشتن زى عادتن
بعد الصلاة وشاى الصباح كل زول مرق لى شغلو راح
الراح على الدكان فتح والساق غنيماتو وسرح
والشالو طورية ونزل لى شغلو ما قام بى كسل
والشالو منجل دار يحش للفى المراح والدى الجنا
وللدار يبيعا تمصرفو ودون السعية يسمنه
حتى الصغير الفى المدارس فى المواعيد قام مشى
فى ايدو خرتاية كتب حاشيها كراسات حشى
وفى التانى كورية لبن بى كسرى بايتى من العشى
والاهلو حالن منصلح عاسولو قراصة قمح
* * *
وناس البلد فى عيشتن زى عادتن
* * *
حتى الحريم الشايلى مقشاشى وتقش
والعلقت سعنه وتخش والخاتى حلته للفطور
قبال تفور تنشمه ريحته فى الفريق زى البخور
والدوكى دخانه انطلق وحس الفنادك طق ... طرق
* * *
وناس البلد فى عيشتن زى عادتن
* * *
قسوة كفاح ما فيها لين
خدمة ضراع وعرق جبين ورغم الكفاح
عبر السنين ما اتغير الطبع الحنين
الناس تلاقيك بالبشر وماب تلقى بيناتن نفر
يوم فى وشى الضيفان كشر
طبعن مأصل فى البلد تلقاهو فى الراجل الكبير
فى مرتو فىالبت والولد يتفقدو الحال من بعض
* * *
وناس البلد فى عيشتن زى عادتن
* * *
واليوم يمر يتعدى فى ايام الزمن
وعند المغيرب كل بيت اتلمو ناسو على صحن فيهو الزلابية
يقرضو وفى ايدن الشاى اب لبن يتعدى من ضمن السنن
وكان الفريق راق من صراخات الصغار
الكانو يلعبو فى الشوارع كورة .. والشد والصراع
وصوت البهايم والنعاج فى الحلة تسمع ميغ وباع
ومر الوكت فسراع مشى وفى الخلوة اذنو للعشاء
عبد الرحيم ... اتناول السبحة ومرق
لاقاهو عند الباب حمد شايلو تلغراف معنون بالاسم
عبد الرحيم ... وكان فى وشى حمد اضطراب
فى راسو مية سين وجيم يمكن يكون
جاك من عمر
يا جاى يا رسل مصاريف الشهر؟؟؟
عبد الرحيم ... هزا اصبعو وقال : الشهر باقيلو سبعة .
تمانية يوم وكمان عمر برة البلد وما عندو اجازة
عشان يقوم .. كدى عاشة جيبى اللمبة جاى
انشاء الله خير من جناى
فتحو وقراهو وفجأة غز ايدينو فى الواطة وقعد
عمر الوحيد ؟ لا عندى غيرو البت ولا عندى الولد ؟؟
يا عاشة .... مات .... مات يا حمد
وطق التكاليب فى البلد
وعبد الرحيم فى حالو من القعدة ديك
كرعيهو لا شالنو تانى ولا مشن
لا اتحركن ... لا اتمددن زى التقول اتكسرن
والحلة تبكى بكا السواد والناس دموعا من الفؤاد
عمر ( الصبوح ) الكل بت تتمنى ليها شريك حياة
عمر الصبيح الكل زول بتمنى لو كان ود حشاه
اخلاقو سمحى وزول سمح دايما يلاقيك منشرح
طول عمرو ما غلط على زول فى البلد
تلقاهو فى الحارات سند
حتى الصغار وكتين يقولولك عمر
تحلف تقول الحلى غيرو بلا بشر
ما خت يوم فى نيتو شر كان قلبو انقى من الزهر
يا حليل عمر ... كان فى عيون الليل قمر
والليلى غاب خلانا للزمن السواد
حزنا اليم وبكى وحداد
وحال الحريم فى بشتنة وحال امو عاشة اسى وضنى
ولدا الوحيد الغيرو ما ولدت جنا
يا حليلا مساها الكبر واصبح دريبة اقرب من الحياة للقبر
وعبد الرحيم راجلا كبير واخر عمر
الليلى لازم العنقريب ساهى ومساهر للفجر
كيفن يعيش ويعيشا عاشة ونفسو ما قادر يحركه للعذر
وناس البلد فى عيشتن زى عادتن ما قطعو منهم العشم
البى دقيقو يزودن والشايل السكر مع الزين والفحم
وحاج البشير جاهن برا قال لا تقولو عمر مشى
واصبحنا نحنا بلا ضرا كل البلد ليكن ضرا
ولو كنتو دايرين اى شى لا تخلو غيرى يكون وشى
خلونى ليكن اكون عمر ودكانى لى حاجتكم انتو يكون ضهر
وسالت دموع عبد الرحيم واستغفر الله العظيم
ورفع ايدو ينده للبشير يتهنى فى خيرو العميم
وبعد البشير ما راح سرح عبد الرحيم
فى بالو يوم يوما قبل اربع سنين وكتين عمر جا...
وقالو يابا الليلة جيتك بى خبر
خير يا عمر انشاء الله خير قول يا عمر
يا يابا ناس الجيش جوا قاعدين فى كريمة وما بعاد
دايرين يعينو ناس جداد وباقيلى باكر اخير لى امشى مع الولاد
عبد الرحيم قالو : اَ عمر ؟
مالك علينا ودار تعلمنا السهاد يا ولدى ...
ولدا جيتنا فى اَخر عمر وامك وانا ...
الاتنين بقينا عقاب كبر ان رحت للسوق القريب دا
وراكا ينشغل الفؤاد نامن تجينا اَولدى صاد كيفن تقولى
اخير لى امشى مع الولاد دار تبقى دياشى
وبعد ماك فى عيونا نكون بعاد
الواطة ماله اَولدى ؟؟ اخير فقش الجراب
ريحة دقيقو التمسكك كرفة صبر غاية الحصاد
ولا شرارة الياها قفيلة بيوت ؟؟؟
موت يا جناى والموت فرض بس لاشنو
من جيهة الزناد نعمين فدايةَ للوطن
يا كم تقاند الطين سقت من دم جدودك وبتقت
انبل جهاد لكن عمر تب ما رضى
وما ليهو فى القعدة المراد
وكتين خلاص صمم يروح عبد الرحيم قالو ... اَجناى
الله المغتى هنى وهناك
