مـــراسم فرح - قــطع الـــرحط

[محمد السني دفع الله]

الجرتك طقس كوشي قديم
وتعني طقس ( الجرتاك )
بمعنى الجلوس
يجلس العريس وظهره للعروس وتجلس هي وظهرها له
وبعد ان يتم وضع كل الأكسسوارات لهما
وبعد وضع الزريرة او الضريرة وهي خلطة من العيش ـ الذرة والمحلب وبعض العطور تأتي حبوبة كبيرة بالحليب وبعد ان يشرب كل منهم اسرعهم في الإلتفات يبخ الحليب على وجه شريكه
وهو طقس ظريف وطريف وفيه النفأل بالحليب والذي كان يعتبر من الغذاء المقدس ولونه الأبيض رمز للفال

[سارة]

سمارة يا قلب بتاع انا لكى وللاستاذ السنى وضيوفكم كل المحبة

[ابرا]

المشاركة الأصلية كتبت بواسطة سارة

سمارة يا قلب بتاع انا لكى وللاستاذ السنى وضيوفكم كل المحبة

ايوه دا الكلام

[سمراء]

اقتباس:
المشاركة الأصلية كتبت بواسطة الرشيد اسماعيل محمود
سلام يا سمراء..
ودّ السنِّي ياخي كيّفتني..
دايماً أنا بقول إنو المسرحيين شوّافين..

رشيدكو
المسرحيين ديل شوافين وبس !!
ياخ عليك الله البقراء الترترة دى مابقول الزول ده (مصّور مناسبات)عديل ! وتحديدا قطع رحط !

ثم انو :

مع التنويه بأنّ الشجاعة الأدبية متوافرة لدينا بشكل جيّد..

سمح المافى شنو ؟

[محمد السني دفع الله]

رشيدكو
وسمركو
وكل الحلوين
سعيد بالكلمات الرقيقة في شخصنا التخين
وليكم مودتي وتعظيم سلام للحلوين
وسخنو الدلوكة للترترة

[سمراء]

وليكم ماقتباس:
المشاركة الأصلية كتبت بواسطة محمد السني دفع الله
رشيدكو
وسمركو
وكل الحلوين
سعيد بالكلمات الرقيقة في شخصنا التخين ودتي وتعظيم سلام للحلوين
وسخنو الدلوكة للترترة

الدلوكة نااااااااااااار ...بس انت ابقى مارق
حركات الوزيرة دى خليها

والله يا استاذ السنى الوزيرات ديل زمان كنا بنخاف منهن رسمى !!
الواحدة بتديك احساس انو هى رئيسة الشغلة كولها ..
عن طريق (صرة ) الوش ، واطلاق الاوامر .انت هى زحى كده ..مادايرين شفع ..يا اخت انتى بالله امرقى لينا برة بى بتك النباحة دى ...!
غايتو يشهنك الوزارة ..

[بدور التركي]

آيووووووي
و
وين وين وين تلقو زي دا

http://sudanspot.org/play.php?vid=389

[سمراء]

اقتباس:
المشاركة الأصلية كتبت بواسطة بدور التركي
آيووووووي
و
وين وين وين تلقو زي دا

بدور العروس
صباح الطرب والجبجبة ...
اسع مالو لو جيتى عرستى هنا ؟ كنا عملنا ليك كل الطقوس السودانية دى
بالله موش رهيبة !

[بدور التركي]

رهيب بس!
دا خطيييييير زي القنبلة لما تنفجر
زمان يا سمراء من كثر حبي لنوع الرقص دا وزيو الجميل
عملت حفلة سودانية وعزمت صحباتي ورقص اليوم دا رقص
بس كان ناقص العريس
ايووووي
الليلة ما طالعة من هنا
نقعد نبجبج لما نبقبق

http://www.youtube.com/watch?feature...&v=OTlC8iW9vho

[محمد السني دفع الله]

عارفة يا سمر
حكاية الزفة بقت مصرية دي حاجة هشة ولا بتقدر تقيف قدام عديلة بيضا مكربة وده الحدث في مسرحية عرس الزين دخلنا العروس ( النعمة في العرس الاخير ) بي زفة من الصالة للمسرح بي صوت امنا حوا الطقطاقة ومع البخور والبنات نازلاات بالتياب الملونة زي حديقة استوائية مزهرة في الخريف والعروس ماشية زي سحاية والوزيرة بتاعتك ماشة جنبها وهاك يا زغاريد والله الصالة دي ولعت عديل والناس تشوفيها في الصور زي الضاربينهم بي قنابل فرح او ماسكاهم ام فريحانة والجاز اشتغل
البابور جاز خلي يشتغل
الشغل بالجاز خلى يشتغل
شل شل شل كب لى بنزين
لا لا مابديك الطلمبه اهديك
البابور جاز خلى يشتغل
الشغل بالجاز خلى يشتغل

[محمد السني دفع الله]

[youtube]http://www.youtube.com/watch?v=ryBy6kpjZEI&feature=player_embedded[/youtube]

[سمراء]

ده الكلام والله
هو بينى وبينك نحن لو ما مركب النقص الداخلنا ساى والتشبه الفارق ..
مالنا ومال الزفة المصرية ، والهندية والعجب العجاب ..الزفة الفرعونية !!
اسع عليك الله دى شافوها وين الفروعونية دى !!

ياخ عرسنا جميل ، وطقوسو بتديهو نكهة لاتعادله نكهة ..
كتير من الجنسيات الاجنبية اعجبت بالطقوس دى وبصرو يطبقوهو فى اعراسهم
وانا شاهدت كتير منها بالجد شى يفرح ، ويخليك تزهو بانك سودانى ..


حا اجيب ليك البنينة بتاعت اماتنا وحبوباتنا هنا ...

[سمراء]

[بدور التركي]

المشاركة الأصلية كتبت بواسطة محمد السني دفع الله

عارفة يا سمر
حكاية الزفة بقت مصرية دي حاجة هشة ولا بتقدر تقيف قدام عديلة بيضا مكربة وده الحدث في مسرحية عرس الزين دخلنا العروس ( النعمة في العرس الاخير ) بي زفة من الصالة للمسرح بي صوت امنا حوا الطقطاقة ومع البخور والبنات نازلاات بالتياب الملونة زي حديقة استوائية مزهرة في الخريف والعروس ماشية زي سحاية والوزيرة بتاعتك ماشة جنبها وهاك يا زغاريد والله الصالة دي ولعت عديل والناس تشوفيها في الصور زي الضاربينهم بي قنابل فرح او ماسكاهم ام فريحانة والجاز اشتغل
البابور جاز خلي يشتغل
الشغل بالجاز خلى يشتغل
شل شل شل كب لى بنزين
لا لا مابديك الطلمبه اهديك
البابور جاز خلى يشتغل
الشغل بالجاز خلى يشتغل

فعلا يا استاذ محمد السني
في الفترة الأخيرة اصبح العرس السوداني خالي من الطابع التراثي القديم
حضرت عرس سوداني في الأمارات
كان على النمط المصري
ديجي وأغاني مصرية وخليجية

ما في أحلى من التراث والعادات القديمة

يسعد صباحك بالخير

[سمراء]

اقتباس:
المشاركة الأصلية كتبت بواسطة أشتر
قتا ليو بجيك بعدين .. وبعدين دي كانت قبل تلاتة يوم يا سمرا ...
وعادةً ملاقاتنا بتكون بعد الدنيا تاخد صنّتا ... وناخد إحنا جرعة من أنسولين الناس لمعادلة مستوى الحلا الجواني ولد دا

رايك شنو نجي نعمل جرتق وهمي واعتبري أخوك مانيكان معتوه ... سميوليتر يعني ؟؟
المطلوب مني شنو أجيبو ليك غير العنقريب

ااااااااخ من التشبيه العجيب ! الانسولين ده ماقمت المعادلة الجوانية...
بعدين على فكرة انت والسنى ده (تركيبتكم ) وااااااحدة !!
تركيبة مريحه فى التعامل ، ويكفى الاحساس فيها والويرلس القلتو ليك زماااان ....

بعدين قبل العنقريب ، جيب لى احساس الفرحة والدهشة قبل مايطفش!
والله يامحمد قدر ما الزول فقد الاحساس بالدهشة ، بتظل فى حاجات حافظة خواصة ، ذى تفاصيل عرسنا السودانى ده ..
عندى مجموعة اغانى برددوها " حبوباتنا " اسمها (البنينة ) بتعرفها ؟؟!
يلا دى طبعا بتقوله الحبوبة لى ود بتها او ود ولدها او ولدها لمن يجى يجرتقوهو ، يعنى شكر ماانزل الله به من سلطان
العريس زاتو لمن يسمعو يقعد يتلفت ...