راكوبة المجادعات.. النمة والدوباي

[احمد زين]

المشاركة الأصلية كتبت بواسطة طارق صديق كانديك

ناداني الغرام باشرني شوف تأويلو
جبنتكم مكربة والراس وقف تميلو
زادني انبساط بن الحبش وعويلو
بكريها التقول موية العيون بس نيلو

البن المدنكل يا طارق إت بتدورو
والشاي المنعنع برضو طابق دورو
السجمان اخوك الليلة تم سرورو
اديهو الغنا خلي اليفك ساجورو

[النور يوسف محمد]

بسم الله الرحمن الرحيم
سلام معشر الهمباتة
سجمان , طارق , مى هاشم
معتصم , احمد أبو مازن , سارة
...........................
رائعين والله
فرجتو همنا الله يفرج همكم
ونيابةً عنكم عزمت ليكم دكتورة هيفاء عبد الستار
ودعيتا لزيارة الراكوية
من خلال قراءتى لبوستها ( عجن صندل )
الظاهر عليها متمكنه من الشغلانية دى
يا مى هاشم
عليك الله ناديها بى جاى
بى رمية رميتين

[طارق صديق كانديك]

المشاركة الأصلية كتبت بواسطة أحمد محمد زين حسين

البن المدنكل يا طارق إت بتدورو
والشاي المنعنع برضو طابق دورو
السجمان اخوك الليلة تم سرورو
اديهو الغنا خلي اليفك ساجورو

ود الزين حباب سيد البولع نورو
السجمان عزيز شاحد الله يلقى منولو
مليان بالمحنة وديما راجح قولو
لا انضام لا سكت وقتين نطلبو ندورو

[بابكر مخير]

المشاركة الأصلية كتبت بواسطة معتصم الطاهر

يا بت الرجال ما بلقى ليك شبيهة
معدولة فكر .. و بتعرفى الجيهة
سمحة ..قيافة و رزينة و جيهة
جهجهتى الصبا وزدتى البنات فى تيها

هي دحن ما اليها كانت! والدآ قريب
نفاسآ ملازما الرقاد فييي عنقريب
كيفن بعد الدايات
جيهة؟
وهي القالت كان قسم تعذيب..
غايتو لا عجب ولا مني خلوعتن بصيب
بس نقول ممكن وكل شي ممكن
ما هو بقى مافي شيتن غريب ولاهو عجيب

[صلاح الدين هجو النحاس]

يمين بالله ماعينى وقعت الا الحينو
تتلوكزو وتتكوضمو فوق الفات مقيلو
ناس دواس ورواس تحمدو سيدو
زى ماقال ناصر اللكز واحلييو
نفس واحد تلقاك فى دنقيلو

واااه
ياناس الراكوبه ام جدعن نى
سلاما يلف رويحاتكم من البارى الحى
مانامت نورات عيونكم من النضمو ضى
بفوتكم سلام اهو متدلى الحى

[مي هاشم]

جاية..

فوق

[طارق صديق كانديك]

المشاركة الأصلية كتبت بواسطة مي هاشم

جاية..

فوق

ناديت الطيوف لمن ازاني النم
في عجلة ومهل باريتو بدر التم
يا صاحب المدد زيد في رجايا عشم
سألين الكريم زيد لي فهمنا فهم

[احمد زين]

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

[طارق صديق كانديك]

المشاركة الأصلية كتبت بواسطة أحمد محمد زين حسين

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

جيهت النضم رتبت فيهو تمامو
الضحوي الرزم قام للسحاب قدامو
ذكرني المقنع وقتين يفوح نسامو
ناعم رسمو في قلبي انسكبلي مدامو

[سارة]

المشاركة الأصلية كتبت بواسطة طارق صديق كانديك

حاميني المنام أنا فوق رقادي مسهد

يقدل يمشي زي ظبي الخلا البتوهد

ياناضح المسك زيد في أذاي وأشهد

ياهدهد سبأ .. أنا في رجاك أتنهد

تنهيدك الم ..من قلبى ما دايراهو

يا نسل الملوك..طرفى المنام جافاهو

شفتك لى شفى من الكريم راجياهو

لا تطول عليى حقق لقلبى مناهو

[سارة]

المشاركة الأصلية كتبت بواسطة أحمد محمد زين حسين

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

يا دود الخلا .. حبيبك قليبو رهيف

بحر ريدك عميق وما بينفع التجديف

ارحم حالو جود بنظرة لو بخفيف

الله يجيب الخريف جودن بلا تكليف

[سارة]

المشاركة الأصلية كتبت بواسطة سجمان

الجيد خيزران ماح بالصدير الفتّق
لي عرو الزراير ونفساً عبيرو معتّق
يا شتيل المطور الشال نوارو وبتّق
ألفيهو الدِرِك في ريدو قلبو اتهتق

وحات شيخ القبب سجمان عدوك يا وليد

تغزل فى الكلام زى الدرر فى الجيد

لو كان بلقى خاترى والمراد بالليد

بهديك العمر ولو درت تانى بزيد

[سارة]

المشاركة الأصلية كتبت بواسطة مي هاشم

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

حّرم بت عزاز وفوق المخدة تنوم

ست كل البنات من حلفا للخرتوم

مبرومة قوام وزيك يمين معدوم

كان شافك فقير بنسى الفرض والصوم


لقيتنينى كيف يا فردة






*فوق المخدة تنوم كناية للعز والجاه

* كان شافك فقير الفقير المقصود هو الشيخ او حافظ القران

[احمد زين]

المشاركة الأصلية كتبت بواسطة سارة

يا دود الخلا .. حبيبك قليبو رهيف

بحر ريدك عميق وما بينفع التجديف

ارحم حالو جود بنظرة لو بخفيف

الله يجيب الخريف جودن بلا تكليف

بريق القِبلي قام جاب لي دعاشا صافي
هيج لَيْ شجون منسية كانت مافي
يا رب العباد تدينا رزقا كافي
ننعم بي عقولاً في جسد متعافي

[مي هاشم]

المشاركة الأصلية كتبت بواسطة طارق صديق كانديك

ناديت الطيوف لمن ازاني النم
في عجلة ومهل باريتو بدر التم
يا صاحب المدد زيد في رجايا عشم
سألين الكريم زيد لي فهمنا فهم

يبرد حشاك ربي وفي الحرم تنجم
ويديك الكريم من جودو فيض وكرم
كل قساي اليهون والنقيص ينتم
لا تتعب دنى لا آخرتك تندم

قول آمين...