** مرقت من قلبك مشيت ** مصطفى في قلوبنا **

[عبد القادر جاويش]

اقتباس:
المشاركة الأصلية كتبت بواسطة فيصل سعد
[align=center]اهداء لجميع المعذبين[/align][align=center]
في المنافي و المهاجر، و الغربة و فيافيها الموحشة..

مرقت من قلبك مشيت
صلاح حاج سعيد
مصطفى سيد احمد


و مرقت من قلبك مشيت
طفت الشوارع و المدن
لفيت حوارى الدنيا جيت
فتشت فى عيون الزمن
لى سكتك و كم من مشيت
لا لقيتك انت و لا بقيت
القى المواعيد يصدقن
لا بعدك الايام صفن
لا قدرت اعرف وجهتك

و سرحت فى خاطرى
وسهيت فى ذكرتك
سفرك و مشاويرى
وتباريح سكتك
خرز السبح
ممدودة فى جيد
الامانى المستحيل
شقهة حروف اللقيـا
فى غفلة أسى
الزمن البخيل
رنة خطاك
سايقانى للحلم القبيل
نتلاقى ما نعرف مدى
واتجاوز النغم الصدى
واتسابق العمر الجميل

أصحى و معاى
يصحى الشجن
و يفيق أساى
و اساك يجن
و القاكى يغلبنى الكلام
و يشرقنى بالاسف الحزن
و يكفيك خيال
فى غمرة
الاسى و المحال
القاك شقى العمر اللى فات
و القاك فرح فى غفلة مات
و يلقانى فيك مسدار
يغنيلك أساى
دوبيت يجر نمك
على حرقة حشاى
قمرا طلع فى غيم سماى
بقّ وخبا وحاريهو
فى الزمن اللى جاى
وحاريهو فى
الزمن اللى جاى ..[/align]

[rams]http://www.sudanyat.org/upload/uploads/rohtamshait.wma[/rams]

[align=center][bimg]http://www.sudanyat.org/upload/uploads/mmsm.jpg[/bimg][/align]



[moveo=up]ضاع معاك زمن الوسامة[/moveo][moveo=up]
[/moveo]



ياسلام عليك ..ضاع معاك زمن الوسامة وانتهى الزمن العلامة

تسلم ..

[فيصل سعد]

المشاركة الأصلية كتبت بواسطة عبد القادر جاويش

ياسلام عليك ..ضاع معاك زمن الوسامة وانتهى الزمن العلامة

تسلم ..

لك التحايا و الود المقيم ..
و عشرات حبابك سلامات ..

[فيصل سعد]

[align=center]تعلمت من سواد الناس
كيف أكون برقاً بانتمائي لشعبي العظيم ...[/align]

[align=center][bimg]http://www.sudanyat.org/upload/uploads/mmmmm.jpg[/bimg][/align]

[align=center]تبرد غبينتك ولوعتك
طول الأزل
ويا روعتك
لامن تجادل دمعتك
دائماً تكون فوق العيون
مرحيبة بالداخل
عليك من دنيتك

عبّيت مصابيح الصباح
ببياض ضميرك و نيتك
بعرق جبينك و بنيتك
وبالشمشِ ما روق الرجال
وجّت جنائن غنيتك
ما كان رحيلك غير دليل
للجايي ماسك سكتك
يا شدو عصفورنا البسيط
كل الحلوق إتوكتك
إن ماب تبيت فوق السبيط
طوِّل مسافة ركتك

ما صمتك مطراً غتيت
لا ريح لديح .. يوم سكتك
عذراً إذا حال الوطن
بالجاتو ذات ليل بكتك
سايقين بأيادينا الزمان
شادِّين خيوطو الفكتك
يا بئر تكلة الناس عليه
وما قطَّ .. دلو
يي شنو إنهتك ؟

يا صاحنا في الزمن الغلط
يا سابلو دمك كالغيوم
لا صرَّ وشك لا عبس
إيش يعني لو سالن نقط
من كل عابر نقطة بس
يصبح شرايين الظلط
تبقى الشوارع أوردة
وجسد البلد عافية عريس
لاف العتامير قرمصيص
لأجمل عروس النيل رحط

و الكون صحابك و إنبسط
فاتحة صحابك ولاّ موج
دا برش فراشك ولاّ شط ؟
سيل الدموع الما انحبَس
في الواطة بيقوِّم تَبَسْ ..؟
شهى المدائن تنتفض
ما تمتعض ..

موكب زفافك للأرض
شهداء الوجود تتلقى ليك
محتفية بيك ... شوقة الربط
مركب شرط .. هوجة البحار
شايل خبار الهاربين
كان البشارة لكل شط

عِلت إبتسامتك حين هبط
ما من جواز غير راحة إيديك
لا من ربط عملة وشنط
نية رسول .. إنسان فقط
ما بينا بيناتك ربط
بي أسمى مبدأ .. وأقوى خط
ما جانا عشقك من فراغ
لا نحنَ غنيناك عبط
جرح الوطن خطالنا خط
ختالنا قول ما منو نط
والليلة يا موت يا حياة
خاتي البيختار الوسط !![/align]

[فيصل سعد]

قمرا طلع
فى غيم سماى
بقّ وخبا
وحاريهو
فى الزمن
اللى جاى
وحاريهو فى
الزمن
اللى جاى ..

[فيصل سعد]

أقراك مرّة صاح
عاطف خيري
مصطفي سيد احمد



خليني أقراك
مرّة صاح
عكس إحتشادك
فى الحضور
هل غاب معاك
وعى الطريق
أم بيك زكـّانى الزمن

ماشيك و عارفك يا حريق
فى يوم غماماتك بجن
فرهد غيابك أغنيات
ظلت أراضى اللقيا بور
بلقاك يا كل الطيور
مسجونة و الحرية سور
و بلقاك بيناتنا الثبات
و بيناتنا شمس البكرة
فى لحظة مخاض

طول الوجع رشـّح
مواطن العافية فيك
خلانى أرجع و أبتديك
و أقراك من كل الجهات
و ما بين أقابلك و مشتهيك
كان حلمك الأول ترفْ
و كنت الصبية الغايبة
فى زحمة حجا
و كلمة شرف
كنتى الزوايا الميتة
فى متحف خزف
كنتى الوصايا العشرة
و اللون الشحيح


سميت مساحاتتك حكر
كل البيحلموا بى الشمس
هجـّرت من واقعك عبث
سكـّنت فيك ضد السكون
كل اللى كان ممكن يكون
و طارت ضفيرتك ليل غنا
جدلة صبُر و طولة نفس

ومابين أقابلك و مشتهيك
و جيت عليك
كان عندى ليك بس
نحنّ و الجرح الثرى
و خيبة أمل أم الشهيد
فى الكلمة و الوجه الجديد
و كان إحتقان نبض الزمن
نومة طفل فوق الدّمن
يا صاحية بى الحاصل علىْ
يا نايمة عن فقرى البليد
سميت مرافيك الوطن
صبحت مناحاتك نشيد


http://www.youtube.com/watch?v=DmUQl...eature=related