قبل العيد ،، تأكد من دولابك (الحاج ساطور يعد اقمصتنا !!! )
كنت قديما وقبل ان تشنف الانقاذ اذاننا باغاني (هي لله هي لله ) التي يمكن تصنيفها ضمن ايقاع (البغم بغم ) (لمن لايفهمون في النوتة الموسيقية والكافرين بأثرها في تعبيد الطرقات وتصليح الشكمانات نقول هي المصطلح التأصيلي للتم تم وهو يفوقه جزالة بنحو سبعماية ضعف وديوان الزكاة بيعرف المساكين من الماسكين )
المهم كنت و(صاحب لي اختار ان يسكن بضاحية بكويبك بكندا بدلا ان يبكي على حوائط العيكورة رحيل سيدي الشريف الصديق وقبله سيدي الشريف اللمين أو ان تنكسر
(كراعه ) كما انكسرت كراع (خالتي السرة ) وهي تترتر جارية غير عابئة بشوارع العيكورة المحفرة
كنا وصاحبي هذا (الذي اضحى كندياً بعيد عن أحفاد يعرب من بني كندة ورهطهم )
كنا وصاحبي نردد أغنية (الغرز نشابو ،،، شايلة قليبي وين مشابو ) دون وعي ودون حب (حيث الحب عندنا رهق لاتحتمله قلوبنا البيض في زمن كنا نسمي (البيض ) جنا الجداد و إذا وقع و(اندلق ) صفاره (يعارك ) بياضه كنا نسميه (مح !! بكسر الميم وإح الحاء)
كنا في زمان (مضي ) (لايمكن ان اصفه بالجميل الا اذا قارنته بزمان الانقاذ او الا اكون من قبيلة بلد مافيها احسن من الصادق وأعلم من الترابي !!!!!!!!!!!!!! )
كنا في ذلك الزمان (نردد ) ودون ان نرقص كما يرقص (الرئيس ) غرز نشابو حتي جاء زمن (الانقاذ ) لنجد فنانها على الحاج الحلو (على وزن على اللحو ):
كسر دولابو
شايلة قميصي
وين مشابو
(محروقة !!!!!!!!!!!!!! )
الزول دا ماكفاهو (ساطورو الداير يكتل بيهو بني اسرائيل ويكسر (حائط المبكي وخليهو ليهو مبكى بلا (حائط وغائط !!! )
كمان قبل على دولاب الشعب السوداني المسكين ( الزي ما بقول عابر سبيل ما عندو دولاب ذاتو !!!!!!!!!! )
يا (جماعة الرمانا في الناس اللسانا متبريء منها ديل شنو ؟؟؟؟ )
نائب الريس (الهارب وتايب ومن الواقع غايب ) يقول (اقمصة احمد ملت الدولاب ودفقت في الشوارع والحارات وبقي ما قادر يحسبا و لا (يحتسبا عندالله )الواحد بدل ما كان عندو قميص قميصين بقى عندو 30 في 6 ( 30 يونيو عديل !!!!!!!!! )
وانا أكاد اجزم (والحاج ساطور ما طالبني حليفة ) انو (ناس العيكورة كلهم ما عندهم عدد الاقمصة العند الحاج غير الكنقولي البجيبوه ليهم باللوري !!! )
لم (تبرد اضانا ) من كلام وزير المالية الذي (قال انو نحنا نسينا الكسرة ) بعد
ولم (تبرد اضانا بعد ) ( دا لو كان لنا أضان ذاتو !!!! ) ووزير خارجيتنا (قبال مايبقى كبير شحادي السودان ووزيرا للإستثمار وبيع الاراضي والعقار ) قال (إنتو شعب شحاااااااااااااااااااااااااااااد )
استحملنا (كلام وزير المالية عشان بيدو زيادة المالية !!!!!!!!!!!!!!! )
واستحملنا (كلام الوليد عشان ربنا رافع منو القلم حتي يحلم !!!!!!!!!!!!! )
لكن (لغاية هنا كفاية !!!!!!!!!!!!! )
لكن (كونوا ) الامور (تصل للحاج ساطور !!!!!!!! )
وتجي في ( الاقمصة !!! ) لازم يكون في رد
ايه (الضمان إنو ما يكون قاصد أقمصة النوم حقات حريمنا وأخواتنا وبناتنا ؟؟؟ )
كلو الا (الاقمصة )
اقمصتنا (شرفنا )
اذا الموضوع (وصل الاقمصة )
فأقم على (الدواليب ) مأتما و (عويلاً )
واذا كان لابد من (كلام حق !!! )
العندو (قميص )غير اللابسو انشاء الله (يشيلو )
والعندو (دولاب ) غير دولاب غرفة النوم حق العرس (الماباقي منو الا الحمار البعلقوا فيهو عراقي الحمار ) انشاء الله (يكسرو )
و (الماعندو حظ ) ينبذو (الحاج الهج وجاء كلاموا الفاضي ما خلا )!!!!!!!
|