الساده الدكاتره الاسايطه ...انا زول عنقالى ساكت.. حايم فى المنتدى اللذيذ ده .. وانا بفرح شديد ...بنجاح الشباب ..و والله صوركم المنشوره فى البوست وذكرياتكم اللذيذه دى تدخلنى فى فرح عارم ..وكاننى كنت معاكم ببساطه ...لانكم حصدتم مجهود تلك الصور ...نجاح وفلاح ومشاركه فى الحياه ...قبل ادخل معكم فى موضوع الطويل ..اسالكم عن هذه الوصفه المنشوره فى بوستكم هذا وهى باللون الاحمر ...هل هى ونسه ام هو كلام علمى ...؟ ثم من هو المفترض ان يتحقق لنا من فائده القرض او عدمه ..الصيادله .. ولا الفكى القاعد فى ميداب ابجنزير ...ثم هل واصل اى منكم مشوار التعليم والبحث العلمى ..؟
أهلنا في السودان دائما ما يلجأون للطب البلدي أو العلاج البلدي
قبل أن يذهبوا الى الطبيب ...وهناك الكثير من الاعشاب والنباتات
المعروفة داخل أي بيت سوداني : شيح ، محريب ، قرنفل ،حلبه
سفوفه السنامكه ، اليانسون ،الحرجل ،غرنجال ،حتى الحميض والحنضل والقائمه طويله
ولعل أهم هذه النباتات وأرخصها في السوق المحلي والاقليمي
هو القرض ؟؟؟ نعم القرض رغم مرارته وشناته ...لكنه دواء
سحري إكتشفه السودانيون من قديم الزمان لفوائده الكثيرة ..
لذلك لايخلو أي بيت سوداني من القرض .. لمنفعته العظيمة
فهو سهل الاستعمال ..رخيص جدا ويمكنك أن تجده مجانا تحت
أشجار السنط .. بخور القرض يفيد نزلات البرد والقحه وإحتقان
الانف والحلق ، ٣حبات قرض في كباية روب خمير الصباح تعالج
الاسهال والدوسنتاريا ، القرض مخلوط مع شوية ملح وزيت سمسم
يمسحوا بيه صدر الطفل صباح ومساء بيشيل الحمى أم برد ووجع
الصدر للاطفال ؟؟؟ أذا قدرت تلوك ليك قرضتين تلاته على الريق
بيشيل ليك وجع الحلق وبيفيد الضروس الخلفية الفوق ..؟
أكبر فائدة للقرض ومثبته علميا هي قتله لديدان البلهارسيا في الترع.
وهناك ماهو أكثر من ذلك دباغة جلود الحيوان ومعده ومصران الانسان..
ولذلك ندعو لزراعة أكبر عدد من شجر السنط ..
وليكن شعارنا أزرع سنطه أقلع نيمه (لانو ضل النيم بيعود الناس الكسل ومافيه فايده) ...
فالسنطه هي صيدليه مجانيه في البيت ؟؟
بعدين بنقلل من زيارت ونفقات الاطباء ؟؟
أنا خايف من زيادة رهيبه لاسعار القرض ودخوله السوق
السوداء بعد أن صرح مسؤول كبير بأنه لاحوجه للاطباء .. الناس ترجع تتعالج بالقرض ...؟؟؟
|
