خربشات صائم (اني رأيت باخوس في المنام)
الزمن العصيير كدا,
الوقت البتكون شايف انو الساعه بتقدم شوكه وتاخر شوكه ذي البتغيظ فيك
اخدت لي ولا اخدتني ماعارف, نومه صغيرة شفت فيها حلم غريب,
شفت كائن خرافي, ضخم الهيئه نقي وشفاف ذو لون خمري, له ايادي كثيره على جانبيه, يحمل بهما مختلف انواع الخمر (شفت لي قزازة اظنها بتاعت عرقي لانها مغبشه ومعبية في قزازه موبايل بيبسي, ومليااااانة عكس باقي القزاز شكلو مافي زول هبشا)
تقدم نحوي ماتيقنت فيما بعد انه باخوس وقال لي:
اشرب يا ود التجاني
قبلته منو كدا وقلت:
خليني خلينى انا ماداير
رددها مرة اخرى
اشرب ياود التجاني
رديت:
قلتك ما داير ياخ
قال لي:
حلفتك بالغاليه
(و لوح لي بقزازه نبيذ احمر ندياااااانة ومرطبه)
قلت ليه وقت حلفتني بالغالية, جيبها جاي ومديت يدي
.
.
.
وطاااااااااااااااخ
.
.
.
كشحت كباية الحلومر القاعدة في التربيزة جنبي.
ملحوظة:
كباية الحلومر دي مفروض اتسحر بيها وصحيت بعد الاذان
حلفت طلاق مافي زول يزحها من جنبي الا الغرب يأذن
اها اتكشحت.
|