نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-10-2013, 04:57 PM   #[1]
مها عبدالمنعم
:: كــاتب نشــط::
 
افتراضي الكديس الاسود (قصه)

(لاحولتن اربعين مره واحده ) كانت الجمله دي الوحيده العرفت انطقه ما بعرف يمكن خفت او اتوجست !يمكن ماسمعت كويس المهم حصل لنا الرعب والخوف ..
الغريب انو طوال الشهور الفاتن بينا قول في شي ما مفهوم يكون شنو ؟
كراهيه للكدايس!بس لا ...جا طوالي في بالي ياريت ما يعود النهار القادني للانا فيه دا اي هو السبب في الشي الحصل بعدين بس كمان مرقت منو قولة حق غير يعرف او يمكن عارف المهم كان
كل نهار يمرق يلقط رزقه ويجي شايل كديسه لون مختلف وتبدا مسلسل الانا والكديسه كرهني البيت
يقول لي سالنك !هبشنك!
ويخت قطن في اضني عشان ما يسمع نقتي
كنت ببرطم النصيحه لله بس لمن بقي يخت القطنه اسكت بس مسلسل المكاوه يبدا من لحظة الغدا لحدي ساعة النوم وهو صابر بس جا يوم وانا والكدايس قعدت انضف بارياتني داخله مارقه
قلت اغسل كل واحده استلمت ركن وقعدت زي كلاب الحراسه ضربت تلفون يامصطفي عليك النبي تعال شوف صرفه لكدايسك ديل
يازوله انا شغال هسي ماني فاضي انهريهن كان ما اتنهرن ختي سماعة التلفون في اضان الكديس الازرق واوعا تصري وشيك قدامو يا زفت اخت التلفون في اضان منو
الكديس الاسود
يا وقبل اكمل الشتيمه قفل بس انتبهت انو في سر وسر كبيير شنو يارب يكون
يتبع



مها عبدالمنعم غير متصل   رد مع اقتباس
قديم 08-10-2013, 05:08 PM   #[2]
مها عبدالمنعم
:: كــاتب نشــط::
 
افتراضي

قال لي ختي التلفون في اضان الكديس الازرق والا الاسود يارب ...مرقت اتاكد انو الكديس ازرق والا اسود فعلا انتبهت الكديس اسود اول ما تركز فيه لونه يقلب ازرق عديييل وبس ما كضبت خبر لفحت توبي ومرقت وكلمه واحده ما تنيته لاخوالي يا انا يا الكدايس
لمن حكيت قصة الكديس الازرق اتعاينو فهمت انهم شكو في راسي بس يلا انا شفت ولو ما عاجبهم كلامي او مقتنعين يشوفو الشفت خالي الكبير قال لي بصوت فيه رجفه غضب اي بنشوف والله اخر زمن كمان شنو الكدايس !
الله يرحم امي وابوي هسي كان صدقوني وانتظرت مصطفي جا كنت واثقه انو ح يختارني واول ما قلت كلامي قال الكدايس !
اي غضبت بس اتكيفت انهم عرفو ولدهم عقله فيه لوثه ومشي فات ولا كانه عمل شي قال
داك بيتك كان غلبك القعاد هنا تعالي براك زي ما مشيتي براك
يتبع



مها عبدالمنعم غير متصل   رد مع اقتباس
قديم 08-10-2013, 05:24 PM   #[3]
مها عبدالمنعم
:: كــاتب نشــط::
 
افتراضي

بقيت شغله لكل زول ماعنده شغله نسوان داخلات نسوان مارقات ورجال يتوسطو وانا بعد زهجت من الكلام الكتير قلت هوي يا زينب اريتك كان ما خليتي بيتك وتجي للمتل دا وقررت ارجع ونفس التوب الاسود الشفون لفحتو ونويت اطفش الكدايس براي انها الحرب اذا



مها عبدالمنعم غير متصل   رد مع اقتباس
قديم 08-10-2013, 05:50 PM   #[4]
مها عبدالمنعم
:: كــاتب نشــط::
 
افتراضي

دخلت البيت الكدايس اول كانن لمن امرق واجي يجن يتمسحن ويتلصقن في كرعي وانا اشوت الواحده هناك لمن اسمع صوت ناو دي زي اخ
المهم المره دي ولا رفعن راسن عاينن لي الكديس الاسود بس رفع راسو ورقد في رقاده بسم الله الرحمن الرحيم عرفن كيف انا ما عاوراهن
قلت يكون صدفه كدي نختبرهن
كبيت لبن وختيتو يمين بالله ما قامن من محلهن شافن شنو ختيت
قلت يلا انا كدا كدا عاوزه احاربن
شنو لو ما سلمن علي



مها عبدالمنعم غير متصل   رد مع اقتباس
قديم 08-10-2013, 06:08 PM   #[5]
مها عبدالمنعم
:: كــاتب نشــط::
 
افتراضي

اخر اليوم جا يتقدل وزي تقول ما كنت غضبانه قال انا قلت عتبة البيت نضيفه معناه جيتي بيتك والكدايس ديل اوعا تختيهن في بالك بخربن عليك والكديس الاسود دا تحديدا من زمن جدك عبد الرحمن الافندي عايش وشوفي متل انو شاب والا عمره سنتين تلاته
بكون فتحت خشمي عشان قال لي اقفلي خشمك ما تدخل فيه ضبانه !



مها عبدالمنعم غير متصل   رد مع اقتباس
قديم 08-10-2013, 06:18 PM   #[6]
مها عبدالمنعم
:: كــاتب نشــط::
 
افتراضي

وسبحان الله اتوترت العلاقه بينا زي كانهن بشر واشتغلن فيني مكاواه اي اي مكاواه اكنس يحفرن الحوش امرقن ينطن بفوق الحوش وبس ينتظرني انوم ويبدن في تريد اغنيات الكدايس بقيادة الكديس الاسود ...وانا صابره لمن جا يوم قلت كدي نشوف الكديس دا ناديتو كان مسميهو كريم
ياكريم ياكريم وجا يتمط ويهزهز في ضنبه ورقد منتظر اظن باقي كلامي ما بعرف شنو خلاه يتكلم بس قال لي انتي بتكرهينا لشنو عملنا شنو نحن ؟
قلت اكيد بتخيل قعدت ارجف ويدي ما شايلاني والا هي رجلي من الرعب والخوف بس قال لي ما تخافي قولي بسم الله
سمعت كلامو وقلت بسم الله قال لي يازوله نحن سنين طويله مع اهلكم ما كرهونا وخدمناهن وانتي زاتك كان دايره نخدمك نخدمك



مها عبدالمنعم غير متصل   رد مع اقتباس
قديم 08-10-2013, 06:44 PM   #[7]
مها عبدالمنعم
:: كــاتب نشــط::
 
افتراضي

بس من ديك بدا بينا زي اتفاق هن في حالن وانا في حالي شغلت الكديس مخبر علي نسوان الحله وحددت منو صاحباتي ومنو عدواتي ولقيت ليك حرم السيدرئس الحله حقاره وشمشاره وجمجارا بس قلت الا اكسر ليها نخرتها دي كيف تجرو علي جيب سيرتي مع مصطفي
وبس الكديس الاسود بقي مصاقر راجله بلونينه الازرق والاسود نص النهار ويتقلب عنده ديك بالليل ويتكلم معاه ويباري لمن يوم من الخوف وقع في البئر كسر رقبتو مات وبس بعد كنت في امر صبحت في امر اعظم وكل الناس في الحله بحكو عن الكديس الاسود الكتل رئس الحله والكلام كتر والقصص كبرن المهم انو في كتيل
كل النسوان خافن من بيتي عشان الكديس الاسود وانا بقيت صاحبتو لزم المره تكون معاي تمرق خبر نضميها فيني يصل بس ام الحسن الكضابه قالت لجارتها بري اخير نامن شرها كتلت الراجل ومعاها اربعين
لاحولتن اربعين دي الجمله الوحيده القدرت انطقه ياريت اليوم داك ما كان جا
تمت



التعديل الأخير تم بواسطة مها عبدالمنعم ; 08-10-2013 الساعة 06:47 PM.
مها عبدالمنعم غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:21 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.