نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 13-12-2012, 11:30 PM   #[46]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة شليل مشاهدة المشاركة
لمن تمشي الخلا يابنج لازم يكون عندك عدة إسعفاتك الأولية.. البلد ديك ملانه دوابي ، وعقارب ، ومعرَض للإصابة في أي وكت.. وإنت ماشي في الخلا بتلقى بصلة الخلا راقده ، القرود.. على أشكالها تقع.. تفجخ ليك أي قرد وتشيل سنونو. البقاء للأقوى يابنج.. الصخور ما تدًيك الدرب ، مافي شدر غير السدر.. يبقى دي صيدليتك المتحركة ، إذا ما قدرت توظفها كويس الله قال بيقولك ، لأنو الدكاتره الأريتريين الخبره الطبية الإكتسبوها من الحروب إنو يقطعوا كراعك - إذا قام بيك لغم - ويقطعوها ليك بودك كمان ، أبعد من كده حدهم السلفا ، والبندول.. عندك ملاريا ، كلازار، أيدز، بلهارسيا أي نصيبة.. ياهم الردموك سلفا وبندول.. تعمل شنو ؟
إشارتك لإنو ناس العلاج البديل في حذية واحده جمب العلاج بتاع المندوكورو في محلها.. والتقرير رصد كمية بتاعة ناس بيفترشو الأرض يبيعو في المولينقا بتعاتهم على عينك ياتاجر لا.. حماية مستهلك ، لا المواصفات والمقاييس لا يحزنون.
كلام يوجع القلب يا بنج .. لعن الله الحروب ومسببينها



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 14-12-2012, 12:28 AM   #[47]
سارة
:: كــاتب نشــط::
الصورة الرمزية سارة
 
افتراضي

انا صحيح شمتانة فى الفار السمين لكن بينى وبينك
انا شبعت من العلاج البديل وفى حاجات ما عندى ليها اى تفسير
قالت امى الله يديها العافية كنت مريضة بالتهاب حاد فى الاذن
وكنت اصرخ من الالم وما بنوم ولا بخلى امى تنوم وابوى عليه الرحمة مسافر
عندنا جار لما سمع صراخى بالليل الصبح سال امى وقالت ليهو
عندها التهاب فى الاذن واخدت حقن بنسلين بس ما راح
قال ليها انا بديك صعوط تنقعى فى فنجان موية وتنقطى الموية فى الاضان
ودا الحصل بالفعل ليلتها نمت حتى الشمس طلعت واكلت وشربت ولعبت
وراح الالتهاب وبالنسبة لالم الاسنان انا جربت القرنفل وزى الورد
يعنى احسن من تقلع ضرسك
ودا كوم وعروق المحبة كوم تانى



التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل   رد مع اقتباس
قديم 14-12-2012, 09:58 AM   #[48]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة وجدي الأسعد الأسعد مشاهدة المشاركة
يا شليل التفسير العلمي الوحيد
انك تنتمي لسلسلة اللافقاريات
عشان كدة سم العقرب ما مشى فوقك
gap
حتى انت يا بروتس.. ياخ جازف ليك تفسير علمي تاني يا جوفمعوي



الفاتح غير متصل   رد مع اقتباس
قديم 14-12-2012, 10:10 AM   #[49]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة رأفت ميلاد مشاهدة المشاركة

سيرة العلاج الطبيعى موش .. دايرين وصفات يا أمهم بقينا محتاجين شديد

تعرف يا بنج لامن تقول لىّ تنيش كيكو ببساطة كدة بتحيرنى .. صيد الكيكو فروسية والله بى بلاى أستيشن تجليهو أسرع وأحرف حيوان فى الزوغان

وبعدين قصة تكسر صخور دى تخوف أنت لما فيكم أفورتى ولّ شنو
تنيشو ببندقية يابنج.. أحكي ليك حكوه ما علمية ، المصادفة لعبت فيها دور كبير..
يوم من الأيام معسكرنا إقتحط ومافيهو أي حاجه نرمرها.. أها طلعت أنا وواحد إسمو مرتضى.. مرتضى ده نيأش للدين .. بإمكانو ينيش عصاية من نصها على بعد 200 متر.. أها ماشين في خور أنا على اليمين وهو على الشمال .. فجأه ألقى ليك عدد 2 كيكو واقفين على حيلم وبيتباوسو وللا بييعملوا في أرنجات ما بعرف.. المهم نبهت رفيقي عشان ما يكركب ليهم.. وضع التنشين كان مريح جدا.. مرتكز كويس.. والكيكوين في مرمى بصري في أعلى الجبل.. يعني النعام آدم الله يرحمو ممكن ينشم.. أها ختيت التارقت في ضبانة البندقية وعايز أنشن.. إختفي.. كررت الحركة دي تاني.. إختفى.. المره التالته قلت أوزن وأقدر مكانم ، البندقية عملت مانع.. جا الدور على مرتضى.. نفس الحركات الحصلت معي ، حصلت معاهو ، إتفو الكيكوين والبندقية عملت مانع..
لمن رجعنا المعسكر قالوا لينا.. جلد الكيكو بيعملوا بيهو الحجبات.. والكيكو ده أصلن جن.. يعني طرير الشباب كان بيتغذى على الجن فترة طويلة جدا..

بالنسبة لكسير الصخور : عمل الكمينة بتاعة الجير بيستدعي تشتغل بين 3 اسابيع ل4 اسابيع تكسر الصخور وتردم بيها الكمينة.. دي شغله كانت بتجيب قنزب كتير



الفاتح غير متصل   رد مع اقتباس
قديم 14-12-2012, 10:11 AM   #[50]
الفاتح
:: كــاتب نشــط::
الصورة الرمزية الفاتح
 
افتراضي

___
الضريسة دي يا رأفت، بستعملوها كيف؟[/QUOTE]




الفاتح غير متصل   رد مع اقتباس
قديم 14-12-2012, 10:15 AM   #[51]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة حسين عبدالجليل مشاهدة المشاركة
سلام ياشليل

الشاي الاسود العادي هو علاج سهل و سريع جدا لايقاف نزيف الجروح - يساعد علي تخثر الدم , دلني عليه طبيب أسنان بهيوستن . جربته أنا و أسرتي بنجاح أكثر من مرة .

زمان كانت تعمل معي سيدة فلسطينية عندها ضغط دم لم يستجب لأي علاج , أحد الاصدقاء أعطاها قَرَض , حسب قولها كان مص القرض هو علاجها . ومن يومها يتم تزويدها بالقرض السوداني عند اللزوم.
دي معلومه مفيده يابنج.. ماعندي فكره عنها..
كل الجروح بتروح.. إلا التي في القلب.



الفاتح غير متصل   رد مع اقتباس
قديم 14-12-2012, 10:17 AM   #[52]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة عادل عسوم مشاهدة المشاركة
بالفعل يالرشيد
الصخور غالبا يكون فيها الجير واسمه العلمي (كربونات الكالسيوم ca co3)...
والمعروف كيميائيا ان العنصر عندما يتحد مع عنصر آخر ليكوّن أحدى مركباته تختفي عنه صفاته الكيميائية والفيزيائية الاّ في القليل جدا من المركبات...
وكربونات الكالسيوم هي أحدى المركبات التي يكاد يحتفظ فيها الكالسيوم بصفاته المالئة والمخثرة للدم ...
أما المطهرات فأهمها كلويد الصوديوم naclوهو ملح الطعام العادي الذي يعتبر أهم مطهر طبيعي على وجه هذه الارض (وهو أكفأ تطهيرا من الكحول)!
هناك ايضا حامض الليمون الموجود في الليمون الذي يُعدّ مطهرا ومضاد للسموم ...فقد ورد في الكتابات الفرعونية بأن وجبة الملك كانت دوما تحتوي على ليمونة (يقرشتها) بعد كل وجبة احتياطا وترياقا لايما سم يمكن ان يكون في الطعام
التحية ليك ولصاحب الخيط
كتًر خيرك يا عسوم على المعلومات المفيده



الفاتح غير متصل   رد مع اقتباس
قديم 14-12-2012, 10:20 AM   #[53]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة AMAL مشاهدة المشاركة
كلام عجيييب ادونا فكرة اكتر
صور
لينك
بتلقي وين
اي شي
سلامات يا آمال..
لحدي ما تجينا ماريل بالخبر اليقين
ده لينك لقيتو في موقع النيلين
نفس الديسك الكان معلقو صاحبي في رقبتو
http://www.google.com.qa/imgres?um=1...w=1040&bih=855



الفاتح غير متصل   رد مع اقتباس
قديم 14-12-2012, 10:27 AM   #[54]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة سارة مشاهدة المشاركة
انا صحيح شمتانة فى الفار السمين لكن بينى وبينك
انا شبعت من العلاج البديل وفى حاجات ما عندى ليها اى تفسير
قالت امى الله يديها العافية كنت مريضة بالتهاب حاد فى الاذن
وكنت اصرخ من الالم وما بنوم ولا بخلى امى تنوم وابوى عليه الرحمة مسافر
عندنا جار لما سمع صراخى بالليل الصبح سال امى وقالت ليهو
عندها التهاب فى الاذن واخدت حقن بنسلين بس ما راح
قال ليها انا بديك صعوط تنقعى فى فنجان موية وتنقطى الموية فى الاضان
ودا الحصل بالفعل ليلتها نمت حتى الشمس طلعت واكلت وشربت ولعبت
وراح الالتهاب وبالنسبة لالم الاسنان انا جربت القرنفل وزى الورد
يعنى احسن من تقلع ضرسك
ودا كوم وعروق المحبة كوم تانى
المدام كانت عينا طالع قبل كم يوم ، وجع إضنين صاح.. لو عرفت معلومة التمباك دي.. كان همست ليها بسفه في أضانها شان تآمن وتعرف الحب على إصولو



الفاتح غير متصل   رد مع اقتباس
قديم 14-12-2012, 06:14 PM   #[55]
ماريل
:: كــاتب نشــط::
الصورة الرمزية ماريل
 
افتراضي

اقتباس:
المشاركة الأصلية كتبت بواسطة AMAL مشاهدة المشاركة
كلام عجيييب ادونا فكرة اكتر
صور
لينك
بتلقي وين
اي شي
آمالى العراض ازيك شديد
الفكرة :
الطبيب الالمانى ايان ليون توصل لفكرة محددة وهى ان الطب فى احيان كتيرة بكون عاجز
قرر يبحث اكثر فى الثقافات العندها طرق علاجات بديلة ظن هو انها جديرة بالبحث والتمحيص
اخذ يسافر الى الهند والصين وانتى تعلمى انها ثقافات غريبة وعجيبة ومحيرة
وعندما وصل الى مرتفعات التبت (اظنها فى الصين)وفى منطقة تحديدا اسمها نبع الحياة
لاحظ ملاحظة:
( ان كل اشكال الحياة هنالك صحية للغاية البشر والحيوانات وحتى الاشجار)
قدر ان فى هذه البيئة سر غريب يستحق الدراسة يظل يبحث عن السبب اخذت منه
هذه الدراسات حوالى 27 سنة توصل بعدها للنتيجة الاتية:
السر يكمن فى المياه لاحظ بعد تكبير قطرة ماء اكثر من عشرة الف مرة
ان شكل الترابط بين جزيئات الماء لا يشبه شكل الترابط بين جزيئات الماء
فى اى مكان آخر ثم بدا يبحث عن السبب الذى جعل الماء ياخذ شكل الترابط هذا...
بعد ثلاثة سنوات اخرى توصل للنتيجة التالية:
(هناك ثلاثة عشر عنصر موجودات بنسب محددة تلك العناصر هى التى تجعل
الماء ياخذ شكل الترابط الذى لاحظه دكتور ايان )....
اها يا ستى علاقة الماء والترابط بين جزيئاته وكلامى الكتير ده بالقرص الحيوى
شنو؟؟؟
بجيك ليها انا هسه طالعة كان الله مد فى العمر بجيك راجعة...
سلامات يا ستى كونى بالف خير



التعديل الأخير تم بواسطة ماريل ; 14-12-2012 الساعة 06:17 PM.
التوقيع: تبا للذى يملا كفيه بتبر وتراب......
يكشح التبر على حظوته.....
والترابيات فى عين الوطن.....
ماريل غير متصل   رد مع اقتباس
قديم 15-12-2012, 12:38 PM   #[56]
ماريل
:: كــاتب نشــط::
الصورة الرمزية ماريل
 
افتراضي

مواصلة:
شكل الترابط بين جزيئات الماء الان لا يجعل الجسم يستفيد منها اذ لابد ان تعود المياه الى ترابطها الاول
واجسامنا مبرمجة على امتصاص الماء بشكل محدد(الماء الموجود الان اجسامنا لا تسفيد منه)
الا اذا عاد كما كان!!!!!
كان كيف كمان؟؟؟؟
تغير البيئة وتغير المحيط حول الكرة الارضية ساهم فى تفكك جزيئات الماء اها بالطريقة المتواجد عليها الماء الان قاعدة تكون فى اشكالات عدة...
طيب ولو رجع ترابط الماء زى ما كان بيحصل شنو؟؟؟
بتحصل حاجات كتيرة منها: زيادة طاقة الجسم وهناك عدة مراكز ابحاث عالمية معنية بدراسات الطاقة منها
مركز(بروجونوس)لابحاث الطاقة بعد دراسات حول القرص الحيوى اكد ان القرص يؤثر على المياه
بشكل ايجابى وان استعمال الماء المعالج بالقرص الحيوى يرفع طاقة الخلايا فى جسم الانسان وان استعماله
ايضا على الفواكه والخضار يعمل على ترابط اى مادة ضارة بصحة الانسان مما يجعل الوزن الجزيئى لتلك
المواد كبير فلا يعبر للخلايا اثناء عملية الامتصاص مما يجعل هذه المواد الضارة تخرج من الجسم دون ان تؤثر عليه تاثير سلبى...
ايضا لوحظ ان القرص الحيوى يشكل حماية ضد الغبار الالكترونى الناتج عن وسائل التكنولوجيا مثل الجوالات والحواسيب وغيرها
ومعروف ان الضباب الالكترونى يؤثر على الصحة والذاكرة ...
طيب اذا انت عالجت المياه والاكل وحميت نفسك من مضار التكنلوجيا يبقى ممكن تعيش فى بيئة صحية اكثر من البيئة البتعايش معاها الان...
كل انسان عندو تحفظ حول القرص قاعد يكون الرهان معاهو بالتجربة فقط
حاجة اخيرة قالا لى بروف حامد اتمنى يعبر طبيب من هنا وياكد لى المعلومة قال

البروف ان اى خلية فى جسم الانسان لا تتحول الى خلية سرطانية الا اذا انخفضت طاقتها الى 30 فأقل(دى المعلومة المحتاجة اتاكد منها)
وقال ايضا ان القرص يحافظ على طاقة الخلايا اعلى من 75دائما مما يعنى الحماية من امراض السرطان....
لو فى اى سؤال بجيكم تانى وبرجع ليك يا شليل حول استعمال القرص للبنزين بس عايزة اقول ليك
الانت بتقول عليها عند صديقك اسمها(قلادة الطاقة)اوchipendant... والانا بشرح فيهو اسمو القرص الحيوى وليس القرص الصلبbio disk



التعديل الأخير تم بواسطة ماريل ; 15-12-2012 الساعة 01:15 PM.
التوقيع: تبا للذى يملا كفيه بتبر وتراب......
يكشح التبر على حظوته.....
والترابيات فى عين الوطن.....
ماريل غير متصل   رد مع اقتباس
قديم 15-12-2012, 01:04 PM   #[57]
ماريل
:: كــاتب نشــط::
الصورة الرمزية ماريل
 
افتراضي

اقتباس:
المشاركة الأصلية كتبت بواسطة شليل مشاهدة المشاركة
أرجعي لي لزوم حيره سطر جديد ووريني كيف بيعالج عربيتي


المسألة كلها مربوطة بى حرق البنزين انت عارف كلما ما مكنة العربية
قدمت وخفًت كلما كفائتها فى حرق البنزين قلت بالتالى بتستهلك بنزين كتير
لانو جزء كبير من البنزين بطلع (نئ)بالعادم يعنى يخرج دون حرق
اها الفكرة متمحورة حول جزيئات البنزين القرص يعيد ترابط الجزيئات
مما يجعل نسبة حرق البنزين اعلى بالتالى بدل المكنة تحرق 70%
فقط من البنزين و30%يمرق بنزين (نئ)المكنة راح تحرق اكثر من 90%
وبس دى المسالة بى بساطة يا مان....



التوقيع: تبا للذى يملا كفيه بتبر وتراب......
يكشح التبر على حظوته.....
والترابيات فى عين الوطن.....
ماريل غير متصل   رد مع اقتباس
قديم 15-12-2012, 01:12 PM   #[58]
ماريل
:: كــاتب نشــط::
الصورة الرمزية ماريل
 
افتراضي

اقتباس:
المشاركة الأصلية كتبت بواسطة شليل مشاهدة المشاركة
جيًد.. عليك الله ثقفينا بالفرق بين لجيبندا والقرص الصلب.. ولو أرفقتي لينك الشركة المنتجة للجيبندا والقرص الصلب، ومعها صور مرفقه تكوني ما قصًرتي..
أبقي طيبه
قدر معرفتى ما ببخل عليك المهم القرص الحيوى استعمالو الاساسى لمعالجة الماء
والاكل وتسكين الالم وسرعة التئام الجروح بما فيها جروح السكر ...
اما قلادة الطاقة استعمالا الاساسى للحماية من الضباب الالكترونى ورفع طاقة خلايا
الجسم ومنح الجسم الطاقة والحيوية
وجه التلاقى بينهم انهم الاتنيين يتكونوا من نفس ال(13)عنصر بنفس النسب ومضغوطات
بنفس التقنية(تقنية النانو)على ذات المادة(السيليكون)....
بحاول اجيب ليك جدول المقارنات وفق لمركز بروجونوس لابحاث الطاقة يا ريت
اتوفق فى الوصول للجدول ونقله هنا.....ز



التوقيع: تبا للذى يملا كفيه بتبر وتراب......
يكشح التبر على حظوته.....
والترابيات فى عين الوطن.....
ماريل غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:00 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.